MENU

कुन देश कस्ता

लेवनान

लेवनान

समुन्द्रको छेउमा रहेको सानो देश लेवनानको राजधानी बेरुत हो । लेवनानमा ९ हजार भन्दा धेरै नेपाली कामदार छन् त्यसमध्ये अधिकांश महिला छन् । उनीहरु मध्ये धेरैजसो घरेलु कामदारका रुपमा काम गर्छन् । केहि नेपाली होटल र रेष्टुराँमा काम गर्छन् ।

लेवनानमा मुख्य रुपमा अरबी भाषा बोलिन्छ । तर फ्रेन्च र अङ्ग्रेजी पनि धेरै बोलिने भाषा मध्येमा पर्छ । लेवनानको मुद्रालाई लेवनिज पाउण्ड(एलबिपी) भनिन्छ । एक सय नेपाली रुपैंया बरावर हालको दर अनुसार १ हजार ४ सय १३ एलबिपी हुन्छ ।

लेवनानमा क्रिश्चियन र ईस्लाम धर्म मान्नेहरुको बाहुल्यता छ । गर्मी याममा धेरै गर्मी हुने लेवनानमा जाडोयाममा निक्कै जाडो हुन्छ । लेवनानमा घरेलु कामदार श्रम कानुनको दायरामा पर्दैनन् । उनीहरुलाई कफला कानुन अन्तर्गत व्यवहार गरिने भएकाले उनीहरुको स्वतन्त्रता रोजगारदाताको निर्णयमा हुन्छ ।

लेवनानमा कामका लागि रोजगारदातामै आश्रित हुनु पर्ने भएकाले स्पोन्सरप्रति कामदार पूर्ण बफादार हुनु पर्छ । त्यसैले रोजगारदाताको घर छोडेमा कानुनी रुपमा अरु ठाउँमा काम गर्न पाईन्न, गरेमा त्यो अवैधानिक हुन्छ । रोजगारदाताको अनुमतिमा लेवनान बसाईका क्रममा बढीमा दुईपटक मात्र रोजगारदाता परिवर्तन गर्न पाईन्छ ।

अन्य थाहा पाईराख्नु पर्ने कुराहरु :

  • कामका लागि लेवनान प्रवेश गरेको तीन महिना भित्रै आफ्नो भिसालाई कामको अनुमतिमा परिवर्तन गरिसक्नु पर्छ ।
  • लेवनान प्रवेश गरेको तीन महिना भित्रमा बसाई अनुमति लिईसक्नु पर्छ र त्यसको म्याद सकिनु १५ दिन अघि नै नविकरण गरिसक्नु पर्छ ।
  • बसाई अनुमतिका लागि रगत र पिसाव जाँच सहितको स्वास्थ्य परिक्षण गराउनु आवश्यक छ ।
  • पासपोर्ट र रोजगारदातासँगको सम्झौतासँगै अन्य कागजात आफैंसँग सुरक्षित राख्नु पर्छ । पासपोर्ट रोजगारदाताले राखेमा त्यसको फोटोकपि आफुसँग राख्नुपर्छ ।
  • गैर कानुनी रुपमा काम गर्दा पक्राउ परेमा सजाय हुन सक्छ ।

रोजगारदाता र कामदार बीच हुने सम्झौता प्रायः अरवी भाषामा हुन्छ । त्यसैले त्यस्तो सम्झौतामा कामदारले ध्यान दिनुपर्ने केहि कुराः

  • कामदारको खाना, कपडा, बीमा, फर्कने टिकट तथा काम र बसाईको अनुमति लिने र नविकरण गर्ने जिम्मा रोजगारदाताको हो ।
  • हरेक महिनाको तलव प्राप्त गरेको रसिद लिन भुल्नुहुन्न ।
  • लेवनानको कानुन अनुसार घरेलु कामदारलाई दिनमा १० घण्टा भन्दा धेरै काम लाउन पाईन्न । राती ८ घण्टा बिश्राम र बर्षमा कम्तीमा ६ दिन बिदाको ग्यारेन्टी गरिएको हुन्छ
  • महिनामा एक पटक रोजगारदाताले परिवारसँग टेलिफोनमा कुराकानी गर्ने प्रवन्ध मिलाउनु पर्छ । चिठ्ठी पठाउन र फोनमा कुराकानी गर्न पाउनु कामदारको अधिकार हो ।
  • प्रायःजसो हवाईजहाजको टिकटको रकम र भिसा वापत लाग्ने शुल्क रोजगारदाताले नै दिने गर्छन् ।

के भएमा रोजगारदातासँग सम्झौता तोड्न पाईन्छ ?

  • तीन महिनासम्म तलव नपाएमा ।
  • शारिरीक र यौनिक हिंसा भएमा ।
  • सम्झौतामा नभएको काम गर्न बाध्य पारिएमा ।

तर रोजगारदातासँग सम्झौता बदर गर्न प्रमाण आवश्यक पर्छ ।

सम्झौता बदर गर्नु परेमा सहयोगका लागि कहाँ सम्पर्क गर्ने ?

Honorary Consulate General of Nepal in Beirut

Address: Badaro Street, Nadim Comair Bldg, 8th Fl, Beirut.

Tel: 00961-1-386 690     

कन्सुलरको कार्यालय, बेरुत

बाडारो स्ट्रिट, नाडिम कोमेर बिल्डिङ, आठौं तल्ला, बेरुत

फोन नम्बरः ००९६१—१—३८६ ६९०

KAFA (Enough) Violence & Exploitation

Address: 43, Beydoun Building, Babaro Street (across from the Social Security building), Beirut.

Hotline: 00961-76-090910

Tel: 00961-1-392220  or  00961-1-392221

Provides victims of physical and sexual abuse with free social and legal help, forensic medical report and referral to a shelter.

काफा

४३, बेइडोन बिल्डिङ, बाबारो स्ट्रिट, बेरुत

हट लाइनः ००९६१—७६—०९०९१०

फोन नम्बरः००९६१—१—३९२२२० अथवा ००९६१—१—३९२२२१

(यो संस्थाले पीडितलाई निःशुल्क रुपमा सामाजिक र कानुनी सहयोग, मेडिकल जाँच र बस्नका लागि ठाउँ उपलव्ध गराउँछ ।)

Caritas Lebanon Migrant Centre

Address: Takla center, facing futuroscope, Charles Helou Boulevard, Sin el Fil, Mount Lebanon.

Hotline: 00961-3-290066 &  00961-3-092538

Tel: 00961-1-502 550

[email protected]

Provides free social, psychological, medical and legal help, and shelter.

कारिटास लेवनान माइग्रेन्ट सेन्टर

टाल्का सेन्टर, चाल्र्स हेलउ बुलभार्ड, सिनएलफिल, माउन्ट लेवनान

हटलाइनः ००९६१—३—२९००६६ र ००९६१—३—०९२५३८

फोन नम्बरः ००९६१—१—५०२५५०

[email protected]

 (यसले बस्ने ठाँउसँगै निःशुल्क रुपमा सामाजिक, मानसिक, मेडिकल र कानुनी सहयोग दिन्छ ।)

Non-Resident Nepali Association (NRNA)

Contact name & Tel: Dilli Poudal 00961-3-898627

Email: [email protected]

गैर आवासिय  नेपाली संघ (एनआरएन), लेवनान

सम्पर्कका लागिः डिल्ली पौडेल

फोन नं: ००९६१—३—८९८६२७

ईमेलः[email protected]

(लेवनानमा रहेका नेपालीको सामाजिक संस्था गैर नेपाली आवासिय संघले जेलमा रहेका नेपालीलाई सहयोग गर्छ । यसले नेपाली नागरिकको सामाजिक सुरक्षाका लागि काम गर्छ ।)

NARI (A Group of Nepalese Feminists in Lebanon)

NARI is a group of Nepalese women who aim to support other Nepalese domestic workers in Lebanon.

Contact name & Tel:  Niru Subba, 00961-76-724193/ Sujana Rana : 00961-76-084554

नारी (लेवनानमा रहेका नेपाली महिलाको अधिकारका लागि कृयाशिल समुह )

सम्पर्कः निरु सुब्बा फोन नम्वरः ००९६१—७६—७२४१९३

सुजना राना :००९६१—७६—०८४५५४

प्रतिक्रिया दिनुहोस

सम्बन्धित समाग्रीहरु

  • दक्षिण कोरिया दक्षिण कोरिया

    दक्षिण कोरिया गणतन्त्रात्मक देश हो । यसको राजधानी सोल हो । कोरियाको अरु प्रमुख शहरहरु बुसान, इन्चोन, डाइजोन, ग्वाँङजु हो । मुख्य भाषा कोरियन हो । तर अंग्रेजी भाषा पनि त्यत्तिकै प्रयोग हुन्छ । कोरियाको मुद्रालाई वन भनिन्छ । सय वन बरावर झण्डै ९ रुपैयाँ १९ पैसा हुन्छ । यो विनिमय दर अमेरिकी डलरको भाउको उतारचढावसँगै तलमाथि हुने गर्छ । दक्षिण कोरियामा बौद्ध र क्रिश्चियन धर्म मान्नेहरुको बाहुल्यता छ । कोरियामा जाडो मौसम चिसो र सुख्खा हुन्छ । गर्मीमा भने ओसिलो र तातो हुन्छ । नेपालले इपिएस प्रणाली अन्र्...

  • ओमान ओमान

    ओमान खाडी मुलुकहरुमध्येमा पहिलो स्वतन्त्र राज्य हो । खाडी क्षेत्रका परम्परागत देशहरूमा ओमान पनि पर्दछ । ओमान अरब प्रायद्विपको दक्षिण पूर्वी कुनामा खाडीको मुखमा अवस्थित छ । ओमान राजतन्त्रात्मक देश हो । राजधानी मस्कट हो । ओमानको पहिलो भाषा अरवि हो । अरु चलनचल्तीको भाषाहरु अंग्रेजी र उर्दु हुन । ओमानको मुद्रालाई ओमानी रियाल  भनिन्छ । एक ओमानी रियाल  बरावर झण्डै २ सय ७७ रुपैयाँ हुन्छ । यो विनिमय दर अमेरिकी डलरको भाउको उतारचढावसँगै तलमाथि हुने गर्छ ।  ओमानमा झण्डै १३ हजार नेपाली क...

  • इजरायल इजरायल

    इजरायल भूमध्य सागरको पूर्वी किनारमा रहेको घना जनसंख्या भएको देश हो । संसारमा यहुदीहरुको  बहुमत भएको एक मात्र देश हो इजरायल । तीन छुट्टा छुट्टै सम्प्रदाय इसाई, यहुदी र मुस्लिमले पवित्र मान्ने भूमी जेरुसेलम इजरायलमा पर्छ । जसको स्वामित्वलाई लिएर छिमेकी मुलुकहरु र प्यालेस्टाइनसँग इजरायलको निरन्तर टकराव भइरहन्छ । जेरुसेलम नै इजरायलको राजधानी हो । तेल अभिव दोश्रो ठूलो र महत्वपूर्ण शहर हो । इजरायलको मुख्य भाषा हिब्रु हो । तर अंग्रेजी भाषा पनि त्यहाँ उत्तिकै प्रयोग हुन्छ । त्यहाँको मुद्रालाई सेकल...

  • बहराइन बहराइन

    बहराइन अर्थ ‘दुई समुन्द्र’ हो । बहराइन साउदी अरबको तटबन्ध फारसी खाडीमा रहेको एक द्वीपसमूह हो । त्यहाँ संवैधानिक राजतन्त्र छ र राजधानी मानामा हो । मुख्य रुपमा अरवी भाषा बोलिन्छ । अंग्रेजी पनि धेरै बोलिने भाषामा पर्छ । बहराइनको मुद्रालाई बहराइनी दिनार (बिएचडी) भनिन्छ । एक बिएचडी बरावर झण्डै २ सय ८० रुपैयाँ हुन्छ । यो विनिमय दर अमेरिकी डलरको भाउको उतारचढावसँगै तलमाथि हुने गर्छ ।  बहराइनमा इस्लाम धर्म मान्नेहरुको बाहुल्यता छ । गर्मी याममा धेरै गर्मी हुने बहराइनमा जाडो याममा खासै जा...

  • कुवेत कुवेत

    दक्षिणमा साउदी अरब, उत्तरमा ईराक र पूर्वमा ईरानसित जोडिएको कुवेत पेट्रोलियम पदार्थमा बिश्वकै धनी र प्रमुख तेल उत्पादक देश मध्येको एक हो । कुवेतले ९० प्रतिशत वैदेशिक व्यापार पेट्रोलियम पदार्थकै गर्छ । मरुभूमि धेरै भएको कुवेतमा गर्मी धेरै हुन्छ । राजतन्त्रात्मक मुलुक कुवेतको राजधानी कुवेत शहर (कुवेत सिटी) हो । शालिमया, जालेब आश शुयुख, हउल्ली कुवेतका अरु शहर हुन् ।  कुवेतको मुद्रालाई कुवेती दिनार भनिन्छ जसलाई संक्षिप्तमा केडी भन्ने गरिन्छ । एक केडि बरावर करीव ३ सय ५० रुपैयाँ हुन्छ । यो विनिमय...

  • मलेसिया मलेसिया

    पूर्वी एसियामा तीब्र आर्थिक विकास गरिरहेको मलेसिया बहुजातीय र बहुसाँस्कृतिक मुलुक हो । मलेसियामा मुस्लिम धर्म मान्नेहरु धेरै छन् । मलेसियाको उद्योग व्यवसायको ठूलो हिस्सा चिनियाँ मुलका उद्यमी र व्यवसायीको हातमा छ । ६० प्रतिशत मलायाहरु रहेको मलेसियामा २६ प्रतिशत चिनिया मुलका मानिसको बसोवास बस्छन् भने भारतीय मुलका मानिसको बसोवास पनि उल्लेख्य छ ।  मलेसियामा कम्प्युटरका चिप्स, कार्ड तथा मोटर र मोटर पार्टसहरुका काम हुनछन् । उद्योगका साथै पर्यटन र कृषि पनि मलेसियाको आम्दानीको श्रोत हो ।...

  • साउदी अरेविया साउदी अरेविया

    खाडी तथा मध्यपूर्व भनेर चिनिने अरेवियन क्षेत्रको साउदी अरव संसारकै ठूलो तेलको खानी हो । तेलकै कारण साउदी अरव संसारका धनी देशमा दरिएको छ । खाडी क्षेत्रका देशहरु मध्येमा सवैभन्दा ठूलो देश पनि हो साउदी अरव । मुस्लिम धर्मावलम्बीहरुको पवित्र ठाउँ मक्का, मदिना यसै देशमा छन् । तीर्थयात्राका लागि बर्षेनी ३० लाख भन्दा धेरै ईस्लाम धर्मावलम्वी साउदी अरव जान्छन् ।  विश्वमा सवैभन्दा धेरै तेल उत्पादन गर्ने साउदी अरवमा कुल भण्डारको २५ प्रतिशत पेट्रोलियम पदार्थ छ । धेरैजसो भूभाग म...

सबै हेर्नुहोस

विशेष

Notice, Press Release

समाचार

पछिल्ला समाचारहरु
Download

मेरो कथा मेरो भोगाई थप सामाग्रीहरु

Mobile App

तस्विर

ओमानमा कार्यरत नेपाली युवाहरु नयाँ वर्ष वि.स. २०७४ हर्षोल्लास पुर्वक मनाउदै। ​ तस्बिरः राजु कुमार श्रीवास्तव / ओमान