MENU

कुन देश कस्ता

साउदी अरेविया

साउदी अरेविया

खाडी तथा मध्यपूर्व भनेर चिनिने अरेवियन क्षेत्रको साउदी अरव संसारकै ठूलो तेलको खानी हो । तेलकै कारण साउदी अरव संसारका धनी देशमा दरिएको छ । खाडी क्षेत्रका देशहरु मध्येमा सवैभन्दा ठूलो देश पनि हो साउदी अरव । मुस्लिम धर्मावलम्बीहरुको पवित्र ठाउँ मक्का, मदिना यसै देशमा छन् । तीर्थयात्राका लागि बर्षेनी ३० लाख भन्दा धेरै ईस्लाम धर्मावलम्वी साउदी अरव जान्छन् । 

विश्वमा सवैभन्दा धेरै तेल उत्पादन गर्ने साउदी अरवमा कुल भण्डारको २५ प्रतिशत पेट्रोलियम पदार्थ छ । धेरैजसो भूभाग मरुभूमि रहेको साउदी अरवको मुहार पेट्रोलियम पदार्थको भण्डारले नै फेरेको हो । तीनतिरबाट समुद्रले घेरिएको साउदी अरवमा खेतीयोग्य जमिन अत्यन्तै न्यून छ । यसको राजधानी रियाद हो । रियाद बाहेक जेद्दा, मक्का, मदिना, दमाम मुख्य शहर हुन् । 
 
साउदी अरवको मुद्रालाई साउदी रियाल भनिन्छ । १ साउदी रियाल बरावर नेरु २८ को हाराहारीमा हुन्छ । यो विनिमय दर अमेरिकी डलरको घटबढसँगै तलमाथि हुन्छ । 
 
७० लाख भन्दा धेरै विदेशी कामदार कार्यरत साउदी अरवका नेपालीहरु जुवैल, रियाद, जेद्दा, दमाम, अल खोवर लगायतका शहरमा बिभिन्न काम गर्छन् । नेपाली कामदारहरु यहाँ गाडी चालक, होटलमा सरसफाई मजदुर, कृषि श्रमिक, निर्माण श्रमिकका रुपमा र थोरै ठूला ओहोदामा कार्यरत छन् ।  
   
साउदी अरवमा अरवी भाषा बोलिन्छ । तर तिव्र औद्योगिकरणका कारण व्यवसायिक क्षेत्रमा अंग्रेजी भाषा पनि चलन चल्तीमा छ । हिन्दी पनि सामान्य प्रयोगमा हुन्छ ।    
 
राजतन्त्रात्मक शासन व्यवस्था भएको साउदी अरवको कानुन ईस्लामीक धार्मिक कानुन सारियामा आधारित छ । सारिया अति कट्टर र कठोर कानून मानिन्छ । मुस्लिम धर्ममा गर्न नहुने भनिएका कुनै पनि काम गरेमा साउदी अरवमा कडा दण्ड दिईन्छ । त्यसैले कामदारका रुपमा साउदी अरव जानेहरुले सारिया कानुन उल्लंघन गर्न नहुने कुरामा विशेष सतर्क रहनुपर्छ । 
 
साउदी अरव अति गर्मी हुने मुलुक हो । नेपालीहरुका लागि साउदी अरवको उच्च तापक्रम सवैभन्दा ठूलो समस्या हो । धेरै गर्मी र खुल्ला ठाउँमा काम गर्नुपर्ने भएकाले साउदी अरवको थोरै कमाई नेपाली कामदारका समस्या हुन् । तातो ठाउँमा काम गरेर कोठामा फर्केपछि चिसो एयर कण्डिसनर चलाएर सुत्दा धेरै नेपालीको ज्यान गुमेको छ । धेरैजसोको ज्यान श्वासप्रश्वास सम्वन्धी समस्याकै कारण जाने भएकोले साउदी अरव जान चाहनेहरुले कोठामा सुत्दा अपनाउनु पर्ने सावधानीका बारेमा थाहा पाउनु पर्छ ।
    
कमाई धेरै नभए पनि साउदी अरव नेपाली कामदारको तेश्रो ठूलो गन्तव्य हो । वैदेशिक रोजगार विभागको तथ्यांक अनुसार २०६९ बैशाख मसान्तसम्ममा ४ लाख ७६ हजार ३ सय ८ जना नेपाली श्रम स्वीकृति लिएर साउदी अरव गएका छन् ।  
 
साउदी अरवमा झण्डै ८० हजार नेपाली महिला कार्यरत छन् । तर गैर कानुनी रुपमा भारतको बाटो हुँदै गएका हुनाले साउदीमा काम गर्ने महिलाको आधिकारिक तथ्यांक छैन । 
 
बिहिवार र शुक्रवार साउदी अरव पुग्ने गरी नजानु राम्रो हुन्छ । शुक्रवार सार्वजनिक बिदा हुने साउदी अरवमा बिहिवार पनि सामान्यतया नेपालबाट आउने कामदारलाई लिनजाने चलन छैन । त्यसैले बिहीवार वा शुक्रवार पुग्ने कामदार एकदुई दिन एयरपोर्टमै अलपत्र पर्छन् । साउदी अरवमा चुरोट, सुर्ती, बिँडी जस्ता सूर्तिजन्य सामान लैजान प्रतिवन्ध छ ।  
नेपालको दूतावास साउदी अरवको राजधानी रियादमा छ । कुनै समस्या परेमा नेपाली दूतावासमा सम्पर्क गर्न सकिन्छ । दूतावासको फोन नम्वर ९६६—१४६१११०८ वा ९६६—१४६४५१७०  हो । थप जानकारी रियादस्थित नेपाली दूतावासको वेभसाईट http://www.neksa.org/  मा हेर्न सक्नुहुन्छ । 

प्रतिक्रिया दिनुहोस

सम्बन्धित समाग्रीहरु

  • दक्षिण कोरिया दक्षिण कोरिया

    दक्षिण कोरिया गणतन्त्रात्मक देश हो । यसको राजधानी सोल हो । कोरियाको अरु प्रमुख शहरहरु बुसान, इन्चोन, डाइजोन, ग्वाँङजु हो । मुख्य भाषा कोरियन हो । तर अंग्रेजी भाषा पनि त्यत्तिकै प्रयोग हुन्छ । कोरियाको मुद्रालाई वन भनिन्छ । सय वन बरावर झण्डै ९ रुपैयाँ १९ पैसा हुन्छ । यो विनिमय दर अमेरिकी डलरको भाउको उतारचढावसँगै तलमाथि हुने गर्छ । दक्षिण कोरियामा बौद्ध र क्रिश्चियन धर्म मान्नेहरुको बाहुल्यता छ । कोरियामा जाडो मौसम चिसो र सुख्खा हुन्छ । गर्मीमा भने ओसिलो र तातो हुन्छ । नेपालले इपिएस प्रणाली अन्र्...

  • ओमान ओमान

    ओमान खाडी मुलुकहरुमध्येमा पहिलो स्वतन्त्र राज्य हो । खाडी क्षेत्रका परम्परागत देशहरूमा ओमान पनि पर्दछ । ओमान अरब प्रायद्विपको दक्षिण पूर्वी कुनामा खाडीको मुखमा अवस्थित छ । ओमान राजतन्त्रात्मक देश हो । राजधानी मस्कट हो । ओमानको पहिलो भाषा अरवि हो । अरु चलनचल्तीको भाषाहरु अंग्रेजी र उर्दु हुन । ओमानको मुद्रालाई ओमानी रियाल  भनिन्छ । एक ओमानी रियाल  बरावर झण्डै २ सय ७७ रुपैयाँ हुन्छ । यो विनिमय दर अमेरिकी डलरको भाउको उतारचढावसँगै तलमाथि हुने गर्छ ।  ओमानमा झण्डै १३ हजार नेपाली क...

  • इजरायल इजरायल

    इजरायल भूमध्य सागरको पूर्वी किनारमा रहेको घना जनसंख्या भएको देश हो । संसारमा यहुदीहरुको  बहुमत भएको एक मात्र देश हो इजरायल । तीन छुट्टा छुट्टै सम्प्रदाय इसाई, यहुदी र मुस्लिमले पवित्र मान्ने भूमी जेरुसेलम इजरायलमा पर्छ । जसको स्वामित्वलाई लिएर छिमेकी मुलुकहरु र प्यालेस्टाइनसँग इजरायलको निरन्तर टकराव भइरहन्छ । जेरुसेलम नै इजरायलको राजधानी हो । तेल अभिव दोश्रो ठूलो र महत्वपूर्ण शहर हो । इजरायलको मुख्य भाषा हिब्रु हो । तर अंग्रेजी भाषा पनि त्यहाँ उत्तिकै प्रयोग हुन्छ । त्यहाँको मुद्रालाई सेकल...

  • बहराइन बहराइन

    बहराइन अर्थ ‘दुई समुन्द्र’ हो । बहराइन साउदी अरबको तटबन्ध फारसी खाडीमा रहेको एक द्वीपसमूह हो । त्यहाँ संवैधानिक राजतन्त्र छ र राजधानी मानामा हो । मुख्य रुपमा अरवी भाषा बोलिन्छ । अंग्रेजी पनि धेरै बोलिने भाषामा पर्छ । बहराइनको मुद्रालाई बहराइनी दिनार (बिएचडी) भनिन्छ । एक बिएचडी बरावर झण्डै २ सय ८० रुपैयाँ हुन्छ । यो विनिमय दर अमेरिकी डलरको भाउको उतारचढावसँगै तलमाथि हुने गर्छ ।  बहराइनमा इस्लाम धर्म मान्नेहरुको बाहुल्यता छ । गर्मी याममा धेरै गर्मी हुने बहराइनमा जाडो याममा खासै जा...

  • लेवनान लेवनान

    समुन्द्रको छेउमा रहेको सानो देश लेवनानको राजधानी बेरुत हो । लेवनानमा ९ हजार भन्दा धेरै नेपाली कामदार छन् त्यसमध्ये अधिकांश महिला छन् । उनीहरु मध्ये धेरैजसो घरेलु कामदारका रुपमा काम गर्छन् । केहि नेपाली होटल र रेष्टुराँमा काम गर्छन् । लेवनानमा मुख्य रुपमा अरबी भाषा बोलिन्छ । तर फ्रेन्च र अङ्ग्रेजी पनि धेरै बोलिने भाषा मध्येमा पर्छ । लेवनानको मुद्रालाई लेवनिज पाउण्ड(एलबिपी) भनिन्छ । एक सय नेपाली रुपैंया बरावर हालको दर अनुसार १ हजार ४ सय १३ एलबिपी हुन्छ । लेवनानमा क्रिश्चियन र ईस्ल...

  • कुवेत कुवेत

    दक्षिणमा साउदी अरब, उत्तरमा ईराक र पूर्वमा ईरानसित जोडिएको कुवेत पेट्रोलियम पदार्थमा बिश्वकै धनी र प्रमुख तेल उत्पादक देश मध्येको एक हो । कुवेतले ९० प्रतिशत वैदेशिक व्यापार पेट्रोलियम पदार्थकै गर्छ । मरुभूमि धेरै भएको कुवेतमा गर्मी धेरै हुन्छ । राजतन्त्रात्मक मुलुक कुवेतको राजधानी कुवेत शहर (कुवेत सिटी) हो । शालिमया, जालेब आश शुयुख, हउल्ली कुवेतका अरु शहर हुन् ।  कुवेतको मुद्रालाई कुवेती दिनार भनिन्छ जसलाई संक्षिप्तमा केडी भन्ने गरिन्छ । एक केडि बरावर करीव ३ सय ५० रुपैयाँ हुन्छ । यो विनिमय...

  • मलेसिया मलेसिया

    पूर्वी एसियामा तीब्र आर्थिक विकास गरिरहेको मलेसिया बहुजातीय र बहुसाँस्कृतिक मुलुक हो । मलेसियामा मुस्लिम धर्म मान्नेहरु धेरै छन् । मलेसियाको उद्योग व्यवसायको ठूलो हिस्सा चिनियाँ मुलका उद्यमी र व्यवसायीको हातमा छ । ६० प्रतिशत मलायाहरु रहेको मलेसियामा २६ प्रतिशत चिनिया मुलका मानिसको बसोवास बस्छन् भने भारतीय मुलका मानिसको बसोवास पनि उल्लेख्य छ ।  मलेसियामा कम्प्युटरका चिप्स, कार्ड तथा मोटर र मोटर पार्टसहरुका काम हुनछन् । उद्योगका साथै पर्यटन र कृषि पनि मलेसियाको आम्दानीको श्रोत हो ।...

सबै हेर्नुहोस

विशेष

Notice, Press Release

समाचार

पछिल्ला समाचारहरु
Download

मेरो कथा मेरो भोगाई थप सामाग्रीहरु

Mobile App

भिडियो

मृत्यु, माफी र ‘ब्लडमनि’ को व्यथा ! भिडियोः उज्यालो।