MENU

समाचार

वैदेशिक रोजगारीलाई सुरक्षित बनाउन सघाउने राजनीतिक दलको प्रतिबद्धता

वैदेशिक रोजगारीलाई सुरक्षित बनाउन सघाउने राजनीतिक दलको प्रतिबद्धता

रिना श्रेष्ठ/सिन्धुपाल्चोक । 

सिन्धुपाल्चोक, पुस २७ – सिन्धुपाल्चोकका स्थानीय राजनीतिक दलका प्रतिनिधिले वैदेशिक रोजगारीलाई सुरक्षित बनाउन सघाउने प्रतिवद्धता व्यक्त गरेका छन् । मंगलबार भएको अन्तर्क्रियामा सहभागी दलका प्रतिनिधिले आफ्नो पार्टीले गर्ने काम बारे किटान गरेर नभने पनि सुरक्षित बनाउन सघाउने प्रतिवद्धता व्यक्त गरेका हुन् । सुरक्षित वैदेशिक रोजगारीका लागि स्थानीय राजनीतिक दलको भूमिका अभिवृद्धिका लागि गरिएको छलफलमा स्थानीय राजनीतिक दल, गैरसरकारी संस्था, जिल्ला परियोजना समन्वय समितिका पदाधिकारी र सहकारी संस्थाका प्रतिनिधि सहभागी थिए । 

स्थानीय विकास अधिकारी कृष्णबहादुर शाहीको अध्यक्षतामा जिल्ला विकास समितिको भवनमा गरिएको कार्यक्रममा नेपाली कांग्रेस, नेकपा एमाले, माओवादी केन्द्र, राप्रपा, नेकपा माले, अखण्ड नेपाल, जनमोर्चाका पार्टी प्रमुख एवं प्रतिनिधि र जिल्ला स्थित सरकारी कार्यालयका प्रतिनिधि सहभागी थिए ।

जिल्ला विकास समितिका सामाजिक विकास अधिकृत एवं सामी परियोजनाका फोकल पर्सन राजुभाई श्रेष्ठले स्वागत तथा कार्यक्रमको उद्देश्य एवं औचित्यमाथि प्रकाश पार्नुभएको कार्यक्रममा सामी/हेल्भेटासका जिल्ला परियोजना संयोजक भोजराज सुनुवारले सिन्धुपाल्चोकमा अहिलेसम्म गरिएका गतिविधिबारे जानकारी गराउनु भएको थियो । कार्यक्रमको सञ्चालन जिल्ला विकास समिति/सामी परियोजनाका संयोजक रिना श्रेष्ठले गर्नुभएको थियो । 

 

प्रतिक्रिया दिनुहोस

विशेष

Notice, Press Release

समाचार

पछिल्ला समाचारहरु
Download

मेरो कथा मेरो भोगाई थप सामाग्रीहरु

Mobile App

तस्विर

साउदी अरबले दिएकाे अाममाफीमा सहभागी हुने प्रक्रिया  :  सेन्टर फर माइग्रेशन एण्ड इन्टर्नेश्नल रिलेशन्स