MENU

समाचार

साउदीको आम माफी प्रभावकारी बन्दै, १० लाख जना सहभागी हुने अनुमान

साउदीको आम माफी प्रभावकारी बन्दै, १० लाख जना सहभागी हुने अनुमान

वैशाख ६ – साउदीले आम माफी प्रभावकारी रुपमा कार्यान्वयन भइरहेको जनाएको छ ।

गएको मार्च २९ अर्थात चैत १६ गतेदेखि तीन महिनासम्म साउदी सरकारले अवैधानिक रुपमा रहेकाहरुलाई आम माफी दिएको छ । प्रभावकारी भनिए पनि झण्डै एक महिनाको अवधिमा कति आप्रवासी आम माफी प्रक्रियामा सामेल भए भन्ने खुलाइएको छैन् । 

अभियानमा झण्डै १० लाख अवैधानिक आप्रवासी सहभागी हुने अनुमान गरिएको साउदीको श्रम मन्त्रालयका निर्देशक टुर्की अल मनेअले बताउनु भयो ।

यस अघि सन् २०१३ मा पनि अवैधानिक आप्रवासीका लागि ९ महिने आम माफी दिएको थियो । त्यस अवधीमा भण्डै ५५ लाख अवैधानिक आप्रवासी घर फर्किएका थिए । त्यस्तै झण्डै तीस लाख जना वैधानिक बनेका थिए । 

साउदी सरकारले अवैधानिक आप्रवासीलाई आम माफी अभियानबाट फाइदा लिन आग्रह पनि गरेको छ ।

चैत ६ गते अघि अवैध रुपमा साउदी पुगेका, परिचय पत्र नभएका वा नवीकरण नभएका, भिजिट भिसा वा धार्मिक भ्रमणको लागि साउदी गएर त्यही बसेका, कम्पनी छाडेर भागेका र रोजगारदाताले भागेको भनी प्रहरीमा खबर गरेकाहरु यो प्रक्रियामा सहभागी हुन पाउने छन् ।

आममाफी प्रक्रियामा सहभागी भएर फर्किएकाहरु फेरि वैधानिक रुपमा साउदी फर्किन पाउने बताइएको छ । 

प्रतिक्रिया दिनुहोस

विशेष

Notice, Press Release

समाचार

पछिल्ला समाचारहरु
Download

मेरो कथा मेरो भोगाई थप सामाग्रीहरु

Mobile App

तस्विर

केप आरबी हिल्टन, साउदी अरेबियामा स्काफोल्डिङ्को काम गर्दै नेपाली कामदार। तस्बिरः अर्जुन गिरी / साउदी अरेबिया