MENU

समाचार

१७ नेपाली साउदीमा अलपत्र

सुमित्रा कोइराला/उज्यालो ।

उदयपुर, असार ५ – साउदीमा १७ जना युवा अलपत्र परेका छन् । काठमाडौंको सिनामंगलमा रहेको साउण्ड लाइन रिक्रुमेन्ट सर्भिसेस प्रा.लि बाट साउदी गएका उदयपुरका १७ जना युवा अलपत्र परेका हुन् ।

अलपत्र पर्नेमा उदयपुरका बसन्त राई, उमेश खड्का, युवराज कार्की, टोपबहादुर मगर, उमेश खड्का, सोभित राई, मातृका घिमिरे, मोहनकुमार राई, मनोज खड्का, गोविन्द खड्का रहेका छन् ।

यस्तै उदयपुरकै हेमबहादुर खड्का, युवराज थापा, राजन कार्की, रुद्रबहादुर बस्नेत, दुर्गा नारायण श्रेष्ठ, तेजबहादुर कटुवाल रहेका छन् । उनीहरु सबै जना उदयपुरका त्रियुगा नगरपालिका र साविको हडिया गाविसका हुन् ।

खान बस्न र बिरामी पर्दासमेत उपचार नपाएको अलपत्र परेका पर्वत कार्कीले बताउनुभएको छ । शाखाका एजेन्ट त्रियुगा नगरपालिका–१२ गाईघाटका नेत्र लिम्बु र उहाँकी श्रीमती रेस्मा लिम्बुले पठाएका युवा अलपत्र परेका हुन् ।

उनीहरु गएको चैत्र र वैशाखमा साउदी गएका थिए । परिवारले एजेन्टसँग अलपत्र परेकालाई नेपाल फर्कादिन आग्रह गर्दा ज्यान मार्ने धम्कि दिएको परिवारले बताएका छन् । अलपत्र परेका तेजबहादुरका बुवा गजकेशर कटुवालले एजेन्ट नेत्रले आफूलाई ज्यान मार्ने धम्की दिएको भन्दै प्रशासनमा सुरक्षा पाउँ भन्दै निवेदन दिनुभएको छ ।

 

प्रतिक्रिया दिनुहोस

विशेष

Notice, Press Release

समाचार

पछिल्ला समाचारहरु
Download

मेरो कथा मेरो भोगाई थप सामाग्रीहरु

Mobile App

इन्फोग्राफ

तपाईं वैदेशिक रोजगारीमा जाँदै हुनुहुन्छ ? त्यसो हो भने विदेश जानुअघि गरिएको सबै प्रक्रियाका कागजपत्रको एक प्रति परिवारलाई छोडेर जानुहोस्। विदेशमा अलपत्र पर्नुभयो वा बिरामी र अरु कुनै खालका अप्ठेरोमा पर्नुभयो भयो भने तपाईंलाई सहयोग गर्न तिनै कागजपत्र काम लाग्छन्। यो जानकारी आफन्त र साथीभाइलाई पनि सुनाउनुहोस्। इन्फोग्राफः उज्यालो।