MENU

समाचार

​साउदीबाट १२ नेपालीको उद्धार

​साउदीबाट १२ नेपालीको उद्धार

खोटाङ, साउन २- साउदी अरवमा अलपत्र परेका १२ युवाको उद्धार गरिएको छ । कार्यरत समी इब्राहिम आबु अल्सामत कन्ट्र्याक्टिङ इस्ट कम्पनीले ४ महिनासम्म तलव तथा खाने र बस्ने सुविधा नदिइ अलपत्र पारेका १५ जनामध्ये चितवनका जीवन महतो, कपिल स्याङतान, अशोक लामा र भक्ती चौधरी, उदयपुरका तारा कार्की र काजी कार्की, झापाका जीतबहादुर थापा र दिपबहादुर थापा, सिन्धुलीका थिरबहादुर थापा, मोरङका सुसन खड्का, रौतहटका बिजुली मुखिया र भक्तपुरका बालहरि परियारको उद्धार गरिएको हो । 

म्यानपावरसँग गरिएको सम्झौता विपरित कम्पनीले अर्कै काममा लगाएको, तलव नदिएको र खानेवस्ने व्यवस्था नमिलाएको पाइएपछि युवालाई नेपाली दुताबास तथा विभिन्न संघसंस्थाको पहलमा स्वदेश फर्काइएको हो । उनीहरुलाई नेपाल फर्कने टिकट र त्यसक्रममा लाग्ने खाना खर्च स्वयं म्यानपावर कम्पनीलाई बेहोर्न लगाएर स्वदेश फर्काइएको साउदीअरवबाट खोटाङका गजेन्द्र खालिङ राईले जानकारी दिनुभयो । १५ जना युवा सेल्समेन र मेकानिकल सम्बन्धी कामका लागि ७ महिनाअघि मेनपावर कम्पनी एच गल्फ ग्रुपमार्फत साउदीअरब पुगेका हुन् । 

अलपत्र परेका युवालाई कम्पनीबाट उद्धार गरेर ३ महिनासम्म दुतावासको शरणमा राखिएको थियो । अलपत्रमध्ये पर्वतका देवबहादुर राना, महोत्तरीका जोककुमार राई दनुवार र ईलामका प्रेमराज लिम्बू केही समयपछि स्वदेश फर्कने राईले बताउनुभयो । 

 

प्रतिक्रिया दिनुहोस

विशेष

Notice, Press Release

समाचार

पछिल्ला समाचारहरु
Download

मेरो कथा मेरो भोगाई थप सामाग्रीहरु

Mobile App

भिडियो

वैदेशिक रोजगारीको क्रममा दुर्घटनामा परि अंगभंग भएका कामदारले नेपालबाट क्षतिपूर्ति लिने तरीका। भिडियाे : सेन्टर फर माइग्रेसन एण्ड इन्टरनेशनल रिलेसन्स (सिएमअाइअार)