MENU

विशेष

‘चाइना पास’का कारण चीनको रोजगारीमा जानेको संख्या बढ्यो

हिमनाथ देवकोटा/उज्यालो । 

रसुवा, पुस १३ – रसुवागढी नाका सञ्चालनमा आएसँगै रसुवाबाट चीनको व्यापारिक शहर केरूङमा रोजगारीका लागि जाने नेपाली किशोरीको संख्या बढेको छ । 

केरूङ जानका लागि खर्च कम लाग्ने र पासपोर्ट बनाउन नपर्ने भएपछि उनीहरु खाडीका देशहरु र मलेसियाको साटो केरूङतिर आकर्षित हुन थालेका हुन् । केरूङमा सञ्चालित होटलमा काम गर्नका लागि रसुवालगायत छिमेकी जिल्लाबाट समेत जाने गरेका छन् । 

होटलमा काम गर्ने युवतीहरूले मासिक १५ हजारदेखि २५ हजार रुपैयाँसम्म तलब पाउने गरेको केरूङमा कार्यरत शान्ति तामाङले वताउनुभयो । तामाङका अनुसार नेपाली तथा चिनिँया होटलमा तीनदेखि सात जनासम्म नेपाली किशोरीले काम गरिरहेका छन् । 

किन जान्छन ?

जिल्लामा रोजगारीको अवसर नपाएर बाहिरिने भन्दा पनि देखासिखी र गरिबीका कारण पढ्दै गरेका किशोरी बढि मात्रामा गएको देखिन्छ । जिल्लावासीलाई ‘चाइना पास’ सहजै उपलब्ध हुने र आवतजावत गर्न सहज हुने भएकाले पनि जाने क्रम बढेको हो । भुकम्पका कारण ढलेका घर उठाउनका लागि आर्थिक सहयोग होस भनेर बुवाआमाले नै किशोरीहरुलाई केरुङ पुर्‍याउने गरेका छन् । प्रहरीले नाकामा कम उमेरको किशोरीलाई अभिभावक बिना जान कडाई गरेपछि अभिभावकले नै पुर्‍याएर फर्कने गरेका छन् । 

जिल्लावासीले नै त्यहाँ व्यवसाय सञ्चालन गरेका कारण देखासिखीले पनि जाने क्रम बढेकोे शक्ति समुहकी विजया तिवारीले वताउनुभयो । जिल्लावासीले होटल सञ्चालन गरेर गाँउका तथा चिनेजानेका किशोरीलाई लाने क्रम बढेको तिवारीको भनाई छ । जिल्ला प्रहरी कार्यालय रसुवाका अनुसार रसुवा लगायत छिमेकी जिल्लाहरु नुवाकोट, धादिङ, सिन्धुपाल्चोक लगायतका क्षेत्रबाट कामका लागि केरूङ पुगेका छन् । 

माइती नेपालले गरेको एक अध्ययन अनुसार जिल्लाको यार्सा, राम्चे, सरमथली, हाकु, थुमन डाँडागाँउ लगायतका गाविसका सबैभन्दा बढि किशोरी केरूङमा कार्यरत छन् । जिल्लावासीलाई चीन प्रवेशका लागि सहज वातावरण भएकाले पनि जाने क्रम बढ्दोे छ । 

कम उमेरका बढि

चीनको केरूङमा सञ्चालनमा रहेका होटलमा अधिकांश १४ वर्षदेखि २५ वर्ष उमेर समुहका किशोरी भेटिन्छन् । 

कम उमेरमा नागरिकता वनाएर चीन प्रवेशका लागि ‘चाइना पास’ बनाउने परम्परा विकसित हुँदै गएको छ । चीनको केरुङमा २८ भन्दा बढि होटल सञ्चालनमा छन् । चिनिँया होटलमा काम गर्नेको संख्या कम भएपनि नेपालीको आधा दर्जन होटलमा ३५ भन्दा बढि किशोरी कार्यरत रहेका छन् । जिल्ला प्रहरी कार्यालय रसुवाका प्रहरी नायव उपरिक्षक फणिन्द्र प्रसाईंका अनुसार पछिल्लो तीन महिनामा कम उमेरका किशोरी तीन जना मात्र गएका छन् । 

केरुङको होटलमा नेपाली किशोरीले रातको दुईवजेसम्म काम गर्नुपर्ने हुन्छ । यार्साकी संगिता तामाङले भन्नुभयो, ‘रक्सी खाने मान्छे आएमा रातको दुई बजेसम्म र त्यस्ता मान्छे नआए ९/१० वजेसम्म मात्र काम गर्नुपर्छ ।’ 

व्यापारिक शहर केरूङमा काम गर्न जानेको सङ्ख्या बढेपनि पछिल्लो समय घटेको प्रसाईंले बताउनुभयो । ‘यस अघि गएका कम उमेरका भएपनि पछिल्लो समय कम उमेरमा नागरिकता बनाएर जाने क्रम घटेको छ’ प्रसाईंले भन्नुभयो । 

प्रतिक्रिया दिनुहोस

सम्बन्धित समाग्रीहरु

सबै हेर्नुहोस

विशेष

समाचार

पछिल्ला समाचारहरु
Notice, Press Release

मेरो कथा मेरो भोगाई थप सामाग्रीहरु

Download
Mobile App

मेरो पनि भन्नु छ

  • माग पत्रमा फ्रि भिसा फ्रि टिकट लेखिएको जान्दा जान्दै पनि म्यानपावरका एजेन्ट भनाउँदा दलालले एक लाख देखि दुई लाखसम्म रकम लिने गर्दछन् र दश हजार मात्रै तिरेको कागजमा सही गराउँने जुन कर्तुत गरिरहेका छन् चाँडो भन्दा चाँडो वर्षौं देखि चलेको यो कालो कर्तुतको अन्त्य गरिनु पर्यो सरकार ! यही नै सबैका लागि ठूलो सेवा सुविधा हुनेछ सरकार।

    प्रकाश थापा / युएई
  • कोरियन साहुको किचकिच, काम गाह्रो, भनेको समयमा कम्पनी परिवर्तन गर्न नसकिने आदि कोरियाको मुख्य समस्या हो। बाँकी अरू त सबै ठीकै छ। काम अनुसारको तलव, हावापानी, बाटो घाटो, बसाई, ईन्टरनेट सुविधा सबै राम्रो छ।

    निशान राई / दक्षिण कोरिया
  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः -भाषाको समस्या,  -भनेको काम नभइ अर्को काममा लगाउने, -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ, -तोकेको सेलरी भन्दा कम, -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब
  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया
सबै हेर्नुहोस