MENU

विशेष

एक वर्षमा २५ नेपालीले कुवेतमा ज्यान गुमाए, मृत्यु हुनेको संख्या पोहोरभन्दा कम

नैनकला राई/कुवेत ।

पुस १९ – एक वर्षको अवधिमा २५ जना नेपाली कामदारले कुवेतमा ज्यान गुमाएका छन् । सन् २०१६ को एक वर्षको अवधिमा कुवेतलाई कर्मथलो बनाउँदै आएकामध्ये २५ जनाले ज्यान गुमाएका हुन् ।

ज्यान गुमाउनेमा १८ पुरुष र सात जना महिला छन् । हृदयघात, मस्तिष्क पक्षघातजस्ता प्राकृतिक मृत्यु तथा विभिन्न रोगका कारण नौ जना पुरुष र तीन जना महिलाले ज्यान गुमाएका छन । त्यस्तै सडक दुर्घटनामा पाँच जना पुरुष र एकजना महिलाको मृत्यु भएको छ । रोजगारीका लागि कुवेतमा नै रहेका बेला चार जना पुरुष र दुई जना महिलाले आत्महत्या गरेका छन् । त्यस्तै, एकजना सुत्केरीले ज्यान गुमाएको नेपाली दूतावास कुवेतका सहचारी मनोज कुमार सिंहले जानकारी दिनुभयो । 

दूतावासको तथ्याङ्क अनुसार सन् २०१० देखी २०१५ सम्ममा दुई सय २७ जना नेपाली कामदारको विभिन्न कारणले निधन भएको थियो । गएको वर्ष सन् २०१५ को तुलनामा यो वर्ष मृत्यु हुनेको संख्या घटेको तथ्याङ्कले देखाएको छ । सन् २०१५ मा ४५ जना नेपाली कामदारले कुवेतमा ज्यान गुमाएको थिए । 

तथ्याङ्कलाई हेर्दा औसतमा ज्यान गुमाउने नेपालीको संख्या घट्दै गएको देखिएको छ । कामदारलाई ट्राफिक नियमको ज्ञान र डिप्रेसनबाट जोगिन जनचेतना बढेका कारण मृत्युदर घटेको सहचारी सिंहले बताउनुभयो । नयाँ कामदारलाई सम्बन्धित देशको नियम कानुनका साथै काम र मौसमको बारेमा जानकारी दिन सके डिप्रेसनबाट जोगिने र आउँदो दिनमा कामदार आफंै सचेत हुनुपर्ने उहाँले बताउनुभयो । मौसम अनुकुल खानपिनमा ध्यान दिए मृत्युदर कम हुने उहाँको भनाई छ । 

कुवेतमा ६० हजार भन्दा धेरै नेपाली कामदार कार्यरत छन् । तीमध्ये झण्डै आधा नेपाली कामदार घरेलु कामदारको रुपमा कार्यरत छन् । 

सन् २०१७ को पहिलो दिन मोरङका जीवन भट्टराईले पनि ज्यान गुमाएका छन् । एउटै कम्पनीमा काम गर्ने रसुवाका राजेश ग्यावाले चक्कु प्रहार गरी जीवनको हत्या गरेका थिए । घटनाका बारेमा कुवेत प्रहरीले नेपाली दूतावासालाई जानकारी गराएको छ । 

प्रतिक्रिया दिनुहोस

सम्बन्धित समाग्रीहरु

  • काशीराम भन्छन्, छोरीले नेपाली बुझ्न छाडी, कसले नेपाल फर्काइदेला

    छोरीले फोन नगरेपछि काशीरामले यतैबाट त्यही नम्बरमा फोन गर्नुभयो तर अर्कै केटी नबुझ्ने भाषामा बोलेपछि उहाँलाई झनै छट्पटी भयो । के बोलेको बुझ्नु भएन तर छोरीलाई नेपाली नै बोल्न नसक्ने बनाइ सकेछन् कि क्या हो भनेर काशीराम छक्क पनि पर्नुभयो ।

  • मृत्यु, माफी र ‘ब्लडमनि’ को व्यथा !

    नवलपरासीको देवचुली बजारको सडक पूर्वको आकर्षक दुई तले घरको भुर्इंतलामा ३५ वर्षकी हरिमाया लामा आफ्नै टेलर्समा कपडा सिलाउँदै हुनुहुन्छ । अरुका कपडा सिलाउने हरिमायाको मन भने युएईमा काम गर्न गएका श्रीमान् रामबहादुर अचानक मारिएपछि २२ महिनादेखि छिया छिया भएर फाटेको छ ।

  • कमाई नभएपछि भागेर काम गर्छु भनेका गोविन्द मलेसियामै हराए

    ‘अब कम्पनी छोडेर भागेर काम गर्नुपर्यो’ त्यो भन्दा अघि काम बारे कुनै गुनासो नगरेका श्रीमानले एकाएक यस्तो कुरा गरेपछि हिरालाई झस्कायो । विदेशका नियमका बारेमा उहाँलाई त्यति धेरै थाहा थिएन । तर भागेर काम गर्नु चाहिँ अवैधानिक हो भन्ने थाहा थियो उहाँलाई ।

  • मलेसियामा हराएका रामबाबुले फोन गरेर भने–‘केटी नखोज्नु मैले बिहे गरिसकें’

    चार महिनादेखि हराएपनि छोराले फोन गर्छ भन्ने आशा मार्नुभएको थिएन रामसोमारी सोनारले । भयो पनि त्यस्तै । चार महिनादेखि हराएका छोरा रामबाबुले गएको शुक्रबार फोन गर्नुभएको छ ।

सबै हेर्नुहोस

विशेष

समाचार

पछिल्ला समाचारहरु
Notice, Press Release

मेरो कथा मेरो भोगाई थप सामाग्रीहरु

Download
Mobile App

मेरो पनि भन्नु छ

  • गतहप्तादेखि रहदै आएको राजनीतिक उथल-पुथल लम्बिने संकेत देखिदैछ। कतार नझुक्ने र साउदी अरब, युएई जसरी पनि झुकाउन पर्छ भन्ने मान्यतामा छन्। तर पनि युद्ध नभएको खण्डमा हामी नेपाली प्रबासिहरुलाई आत्तिनुपर्ने अवस्था छैन। तर सजग रहनुपर्ने अबश्य पनि छ। बजारमा सबै सामानहरु पनि सामान्य अवस्थामा छ। हामी सबै प्राथना गरौकि झण्डै साडेचार लाख नेपालीलाई रोजगारी दिन सफल भएको यो खाडीको सानो देश कतारले चाडै नै यस संकटबाट मुक्ति पाओस्।

    हरि प्रसाद लम्साल / सैना मैना १, रुपन्देही (हाल कतार)
  • साफरी मलमा गएको थिए हिजो एक क्रेट अन्डा को २९ रियल पुगेछ। बढिमा १५ रियाल हुनुपर्ने हो ।अलमराईको दूध, दहिको र्‍याक खाली छ। बाकी सामन्य नै छ। आत्तिनु पर्ने आबस्था छैन।

    आईत बहादुर थापा मगर / कतार
  • कुटनैतीक सम्बन्धमा बादल छाए पनि स्थिती सामान्य छ। आत्तिहाल्नु पर्ने स्थिती नरहेको र अनावश्यक भ्रामक समाचारहरुको पछाडि दौडिहाल्नु पर्ने स्थिति आईहालेको छैन।

    सम्योग भट्टराई / कतार
  • वाक्रामा चाहि स्थिती सामन्य नै छ। लुलु क्यरिफोरमा चाहि अनावश्यक हल्लाले गर्दा सामान धेरै बिक्री भएकोले अलि पाउन मुस्किल भाएकोछ। त्यो पनि भोलिपल्ट सामान्य हुन्छ। हल्लाको पछि नलाग्न सबैलाइ आग्रह गर्छु।

    सुमन तिवारी / वाक्रा, कतार
सबै हेर्नुहोस