MENU

विशेष

​२ करोड ३० लाख ठगेका राजा गुरुसँगै जेल गए

उजिर कार्की/उज्यालो । 

काठमाडौं, पुस १९-अरुलाई विभिन्न देशमा पुर्‍याउन सक्ने मान्छे आफैं त्यो भन्दा कम होला र ! सहजै अनुमान लगाउन सकिन्छ, उ यस अघिनै ती देशमा पुगिसकेको हुनुपर्छ । त्याहाँको बारेमा सबै थाहा भएको हुनुपर्छ । 

काठमाडौं महानगरपालिका ३० घर भई ललितपुरको महालक्ष्मी नगरपालिका १८ बस्ने बनोज भनिने अनुपकुमार सिंह भने न आफू ती देश गएका थिए न त अरुलाई नै भनेका देशमा पुर्‍याउन सके । अरुलाई आकर्षक रोजगारीका लागि अमेरिका, बेलायत, जापान पठाउँछु भन्ने अनुप यतिबेला आफैं नक्खू कारागार पुगेका छन् । 

झुटा आश्वसन दिएर विभिन्न व्यक्तिबाट २ करोड ३० लाख ४५ हजार रुपैयाँ ठगेका अनुपलाई आइतबार जिल्ला अदालत ललितपुरले पुर्पक्षका लागि थुनामा राख्न आदेश दिएको हो । आफूलाई राजा भन्ने अनुपसँगै सर्लाही राजघाटका गुरु भन्ने रमेश कुमार खत्री जेल परेका हुन् । 

यसरी ठगेका थिए गुरु र राजाले

चावाहिलमा हात हेर्ने ज्योतिषी बनेका रमेशले विदेशमा भाग्य र अवसर छ भन्दै मनोज सम्म युवा पुर्‍याउने काम गर्थे । ज्योतिषीले समेत राम्रो छ भनेपछि रोजगारीका जापान, वेलायत र अमेरिका जस्ता देशमा जान उत्सुक व्यक्तिहरु मनोजको फेला परेपछि थप ढुक्क हुन्थे । 

आफैं नेता हुँ भन्ने मनोजले आफ्नो मन्त्रीसँग पनि राम्रो सम्बन्ध रहेको बताउँथे । मनोजले मन्त्रीको भ्रमण टोलीसँगै केहिलाई अमेरिका, केहिलाई जापान र वेलायत पुर्‍याउने आश्वसन दिएका थिए । त्यहि आश्वसनमा परेर विदेश जान आत्तुर युवाले प्रतिव्यक्ति १८ लाख रुपैयाँ सम्म बुझाए ।

यसरी विभिन्न व्यक्तिबाट पैसा अशुलेपछि भने मनोजले सरकार परिवर्तनलाई समेत ढिलो हुनुको कारण बनाए । भिसा लागेको पासपोर्ट वितरण गर्न नेता ल्याए भने नक्कली भिसा लगाएर केहिलाई पासपोर्ट समेत दिए ।  

यसरि मनोजले आफूलाई शक्तिशाली देखाउने कोसिस गरे । यसरी विभिन्न बहानामा ठगीने युवाको भेट हुन थाल्यो र ठगीको रहस्य बिस्तारै खुल्न थाल्यो । मोटो रकम असुलेका मनोजसित पीडितको सम्पर्क विस्तारै पातलिन थाल्यो । 

त्यसपछि भाग्य देखाउने ज्योतिषी बनेका रमेशलेसमेत मनोजबाट आफैं पीडित भएको नाटक गर्न थाले । कहिँ केहि नचलेपछि कसैले वैदेशिक रोजगार विभाग, कसैले प्रहरी अपराध महाशाखा र कसैले ललितपुर प्रहरीमा उजुरी दिएका थिए । 

राजालाई मंसिर १८ गते प्रहरीले पक्राउ गरेपछि आफू पनि ठगिएको भन्दै ज्योतिषी खत्री १९ गते महानगरीय प्रहरी परिसर ललितपुर पुगे । तर सबै कुरा पत्ता लगाएको प्रहरीले उनलाई पनि छाडेन । 

यसअघि पनि जेल 

मनोजबहादुर सिंह अर्थात राजा यो भन्दा अघि दुईवर्ष जेल जीवन बिताएका व्यक्ति हुन् । उनी २०६८ मा ठगी र हातहतियार तथा खरखजाना मुद्दामा दुईबर्ष जेल बसेका थिए ।  उनको घरमा प्रहरीले खानतलासी गर्दा त्यसबेला इनारमा लुकाइएको दुईवटा पेस्तोल बरामद भएको थियो । त्यतिबेला उनले विभिन्न मान्छेलाई प्रहरीमा लगाइदिने भन्दै एक करोड रुपैयाँ भन्दा बढी असुल गरेका थिए । 

यो पनि पढ्नुहोस्

ज्योतिषी राखेर यसरी गरिन्छ ठगी 

ज्योतिषीले देखाए अमेरिकामा भविष्य, मन्त्रीसँगै जाने र उतै रमाउने चाहनामा युवाले बुझाए लाखौं रुपैयाँ 

प्रतिक्रिया दिनुहोस

सम्बन्धित समाग्रीहरु

  • विदेशमा अलपत्र परेकी श्रीमती फर्काउन दलालले लाख मागे

    मंसिर २७ – कुवेत पुगेर समस्यामा परेकी सिन्धुपाल्चोककी टुक्सी तामाङलाई नेपाल फर्काउन एजेन्टले पैसा मागेका छन् । २०७३ फागुनमा कुवेत पुगेकी जुगल गाउँपालिका–५ बराम्चीकी टुक्सी समस्यामा परेपछि उहाँलाई घर फर्काउन दलालले पैसा मागेका हुन् ।

  • ​विदेश जानेलाई सीपकाे निःशुल्क तालिम

    काठमाडौं, मंसिर २६ – वैदेशिक रोजगारीमा जानेले मेसन (डकर्मी) र सटरिङ्ग कार्पेन्टर (फर्मा लगाउने) तालिम निःशुल्क लिन पाउने भएका छन् ।

  • ​वडा अध्यक्षमा ४ मतले हारेपछि राजेन्द्र कतार पुगे

    ‘त्यो बेला मैले जितेको भए बरबोटे क्षेत्रको मुहार फेर्ने थिएँ, स्थानीय स्रोतसाधनको परिचालन गरी युवा स्वरोजगार अभियान चलाउँथे,’ राजेन्द्रले भन्नुभयो, ‘तर सोचेभन्दा विपरित नतिजा आयो ।’

  • नक्कली भिसाले विदेश हिँडेकी माया विमानस्थलमै थुनिइन्

    अध्यागममा रहेका महिलाका कुरा सुनेरै आत्तिएकी मायालाई विमानस्थलका कर्मचारीले पनि त्यही कुरा भनेपछि अक्क न बक्क भइन । ‘तपाईं यहाँबाट जान पाँच हजार रुपैयाँ धरौटी राख्नुपर्छ भने, कहाँबाट ल्याउनु पैसा भन्दा पैसा नदिए अदालत लैजान्छौं भने,’ मायाले आफूसँग पैसा छैन् भन्दै छुटाइदिन आग्रह गरिन् । तर त्यो सम्भव थिएन ।

सबै हेर्नुहोस

विशेष

समाचार

पछिल्ला समाचारहरु
Notice, Press Release

मेरो कथा मेरो भोगाई थप सामाग्रीहरु

Download
Mobile App

मेरो पनि भन्नु छ

  • पहिलो कुरा भ्रष्टाचारविरुद्ध खरो रुपमा प्रस्तुत हुनुहुपर्छ। सरकार, नेता, कर्मचारी, सञ्चारमाध्यम र सर्वसाधारणले नियम पालना गर्नुपर्छ। स्वरोजगारका लागि सरकारले आयमुलक योजना ल्याउनुपर्छ। प्राकृतिक साधन र स्रोतको गहिरो अध्ययन गरेर उपयोग गर्नुपर्छ। यसका लागि बाह्य पूँजी नभई स्वदेशी लगानीमा गर्नुपर्छ। सर्वसाधारणलाई पनि लगानीका लागि वातावरण बनाउनुपर्छ। यसो गर्दा स्वरोजगार हुनेको संख्यामा वृद्धि हुन्छ। रोजगारीका लागि विदेश जाने स्वतः घट्छन। विदेश नै पठाउने हो भने जि टु जी सम्झौता गरेर पठाउनुपर्छ। अरु आकर्षक गन्तव्य पनि खोजी गर्नुपर्छ। 

    गंगा राना / मलेसिया
  • प्रतिनिधसभा र प्रदेशसभा चुनावमा पाएको उपलब्धी नेपाली कम्युनिष्ट इतिहासमा दोहोरिन मुस्किल छ। साधारण बहुमत समेत ल्याउन नसकिरहेका बेला यो परिणाम नेपाली कम्युनिस्ट आन्दोलनको उपलब्धि ऐतिहासिक हो। आपसी झगडामा वाम गठबन्धनले यो अवसर गुमाए भने नेपाली नागरिकले यिनीहरुलाई कहिल्यै माफी दिने छैनन। ५ वर्ष भित्र नेपाली नागरिकले शासन प्रणालीमा सुधार र देशको भौतिक तथा आर्थिक बिकासमा परिवर्तनको आभास पाउनुपर्छ। 

    अनमोल श्रेष्ठ / दुवई
  • भर्खर मात्र देश संविधान कार्यान्वयनको बाटोमा अगाडि बढेको छ। प्रतिनिधीसभा र प्रदेशसभाको चुनाव भर्खरै सम्पन्न भएको छ। अब स्थायी सरकार बन्छ भन्ने विश्वास धेरै नागरिकलाई छ। विकास गर्न ५ वर्षे स्थायी सरकार बन्नुपर्छ। आशा छ, वाम गठबन्धनले ५ वर्षका लागि सरकार बनाउँछ। विदेशमा भएका युवालाई तत्कालै देशमा नै रोजगारीको सुनिश्चितता गर्न गाह्रो छ। किनभने अब बन्ने केन्द्रीय सरकारको काँधमा काम धेरै छ। संघीयता सम्बन्धी बिमतीहरु मिलाउन समय लाग्छ। प्रान्तिय सरकारले विदेशिएका लाखौं युवालाई विकास र समृद्धिको ठाउँमा योग्यता अनुसार लगाउन सक्नुपर्छ। नेपाली युवाको कमजोरी यौटै छ, विदेशमा घण्टौं खट्ने, तर स्वदेशमा राम्रो काम गर्न नचाहने। यो परिपाटीको अन्त्य हुन चीनको जस्तो कम्युनिष्ट सरकारको आवश्यक छ । चीनमा इन्जिनियरले तारजाली ग्याबिन भर्छ। तर नेपालको सवओभरसियरले ढुंगा समेत छुँदैन । अनि, कसरी देश विकास हुन्छ र रोजगारी पाइन्छ। देशभित्र रोजगार सिर्जना गर्न चार वटा वादको अन्त्य हुन जरुरी छ, नातावाद, कृपावाद, भ्रष्टवाद र ठगवाद। 

    यम श्रेष्ठ संगीतप्रेमी / मलेसिया
  • मेरो मनमा लाग्छ म परिश्रम गर्छु र अगाडि बढ्छु तर सोचेको जस्तो सजिलो छैन यहाँ जीवन।

    पदमबहादुर खत्रि / दोहा, कतार
सबै हेर्नुहोस