MENU

विशेष

विदेशमा रहेका आफन्तसित सस्तोमा कसरी कुरा गर्ने ?

काठमाडौं, पुस २३– अर्घाखाँचीको खन बडाचौरका रविलाल खनाल १३ वर्ष अघि २५ वटा खाम बोकेर युएई जानुभएको थियो । रोजगारीका लागि गएका रविलालले चिठ्ठी लेखेर तिनै खाममा परदेशका सुख दुःख परिवारसम्म पठाउनु हुन्थ्यो । त्यस्ता चिठ्ठी पत्र घरपरिवार, आफन्त र छरछिमेकका खबर बोकेर ओहोर–दोहोर हुन्थे ।

तर चिठ्ठी ओहोर दोहार हुन लामो समय लाग्थ्यो । खबर थाहा पाउन महिनौं सम्म कुर्नु पथ्र्यो । कतिपय समय त चिठ्ठी पत्र भन्दा पहिले मान्छे आइपुग्थे । एक दशक अघिसम्म परदेशबाट गाउँमा र गाउँबाट परदेशमा चिठ्ठी पत्र हुलाकमार्फत खबर आदानप्रदान गरिन्थ्यो । 

त्यसपछि छिट्फुट रुपमा गाउँमा स्याटलाइट मार्फत चल्ने फोन पुग्न थाले । लामो बाटो हिँडेर पुग्नु पथ्र्यो ।अनि, घण्टौं कुरेर आफन्तका खबर थाहा पाएर फर्किन्थे परदेशीका परिवार । यो समय धेरै लामो समय रहेन । दिनदिनै प्रविधिको विकास हुन थाल्यो । 

गाउँ गाउँमा सिडिएमए सेट फोन पुग्न थाले । त्यसको लामो समय पर्खनै परेन । घर घरमा प्रत्येक व्यक्तिको हात हातमा मोवाइल पुग्यो । नेपालमा मोवाइल नहुने परिवार सायद नहोलान् । 

तर यसको सदुपयोग गर्न जाने झनै सुलभ मुल्यमा परदेशमा रहेका आफन्तसित कुरा गर्न सकिन्छ । टेलिफोन, मोवाईल फोनबाट कुरा नगरी इमेल इन्टरनेटबाट कुरा गर्ने हो भने धेरै सस्तो पर्छ । 

फेसबुक, भाइवर, स्काइपी, ह्वाट्सएप, इमोजस्ता एप्लिकेसनहरुले इन्टरनेटमा कुराकानी गर्न सजिलो पारेका छन् । अडियो मात्रै होइन्, भिडियो सहित यस्ता एप्लिकेसनबाट कुरा गर्न सकिन्छ । र यसरी कुरा गर्दा सस्तो पनि पर्छ । 

नेफ्स्कोनका कार्यकारी अधिकृत शिवजी सापकोटाले वैदेशिक रोजगारमा गएकाका परिवारलाई कसरी परदेशमा रहेका आफन्तसित कुराकानी गर्ने भन्ने विषयमा सिकाउन थालिएको जानकारी दिनुभयो । उहाँले भन्नुभयो, यी माध्यमबाट कुरा गरेमा नेपालकै मुल्यमा परदेशमा रहेका आफन्तसित कुरा हुन सक्छ । 

नियमित कुराकानी सहज र सुलभ भए परिवारको व्यवस्थापनमा समेत सहयोग पुग्नेछ । परिवारिक विखण्डन कम हुने छ । 

प्रतिक्रिया दिनुहोस

सम्बन्धित समाग्रीहरु

सबै हेर्नुहोस

विशेष

समाचार

पछिल्ला समाचारहरु
Notice, Press Release

मेरो कथा मेरो भोगाई थप सामाग्रीहरु

Download
Mobile App

मेरो पनि भन्नु छ

  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः -भाषाको समस्या,  -भनेको काम नभइ अर्को काममा लगाउने, -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ, -तोकेको सेलरी भन्दा कम, -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब
  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया
  • कामदारको सुरक्षा गर्छु भनेर त बोल्ने मात्रै हुन् । काम कसैले गर्दैनन् । मलाई नै काठमाडौको म्यानपावरको बुटवलमा रहेको शाखाले आजभन्दा २ महिना अघि एक लाख १० हजार लिएर इलेक्ट्रिकल हेल्पर भनेर कतार पठायो । तर कतार पुगेपछि मैले भनेको काम र तलब पाईन् । म्यानपावर र सरकारी निकायले एक अर्कालाइ दोष लगाएर तर्किन खोज्छन् । म्यानपावर कहिले जिम्मेवार हुने अनि सरकारी निकायले कामदारलाई परेको पीडा कहिले बुझ्ने ? 

    ठाकुरप्रसाद तिवारी
  • कामदारको अवस्था नाजुक रहेका बेलामा दिवस मनाउनु र कामदारका अधिकारका कुरा गर्नुको कुनै अर्थ छैन । उहाँले हजारौ नेपली कामदार जो आफ्नो अधिकार नपाएर खडिको तातो मरुभुमी मा घोडाले खाने चना खानाको रुपमा खादै रगतको पसिना बगाउदै छन । तर न त भने बमोजीम तलब पाउछन, न त करार अबधि मा मेनपावरलाई बुझाएको ऋणको चर्को ब्याजनै तिर्न सक्छन ? फर्केर आउदा न त घर रहन्छ न जग्गा ? यस्तो अबस्थामा दिबस मनाउनु ति पिडित कामदारको पिडामा उत्सब मनाउनु हो ।

    ​दिलु घर्तीमगर
सबै हेर्नुहोस