MENU

विशेष

वैदेशिक रोजगारीका क्रममा पीडित भएकालाई ‘साथी अभियान’ले सहयोग गर्ने

पुस २४ – नेपाली साझा मञ्च साउदी अरबले ‘साथी अभियान’ सञ्चालनमा ल्याएको छ । रोजगारीका क्रममा पीडित भएकालाई निःशुल्क कानूनी सहयोग र परमर्श दिन अभियान सञ्चालनमा ल्याइएको हो । 

नेपाली राजदूतावास रियादका श्रम सहचारी अम्बिकाप्रसाद अधिकारी, गैर आवासीय नेपाली संघ साउदी अरबका पूर्व अध्यक्ष पुरुषोत्तमदास श्रेष्ठ, तमु धिंका केन्द्रीय सदस्य तुलसीमाया गुरुङ र हरी घिमिरे लगायतले संयुक्त रुपमा नेपाली साझा मञ्चको लोगो अंकित “देशका लागि केही त गरौं ।” लेखिएको टिसर्ट लोकार्पण गरेर अभियान सञ्चालन भएको घोषणा गरिएको थियो । कार्यक्रममा संघसंस्थाका प्रतिनिधि एवं समाजसेवीहरुले शुभकामना दिँदै अभियानमा सहभागी हुने प्रतिबद्धता व्यक्त गरेका छन् । 

अभियान सञ्चालनका लागि सरस्वती भट्टको संयोजकत्वमा कानुन व्यवसायी र समाजसेवी सम्मिलित समिति गठन गरिएको छ । संस्थाकी सचिव भट्टको संयोजकत्वमा रहेको समितिमा जगनाथ घिमिरे, सञ्जय प्रसाईं, शेखरमान तामाङ, अम्बिकादेवी भट्टराई र चन्द्रकला घिमिरे सदस्य रहेका छन् ।

संस्थाका संरक्षक तथा अन्तर्राष्ट्रिय अभियन्ता महेश श्रेष्ठले साथी अभियान मार्फत पीडित र उनीहरुका परिवारलाई न्याय दिलाउने तथा राहतका लागि आवश्यक कानूनी सहयोग गर्ने जानकारी दिनुभयो । वैदेशिक रोजगारीका क्रममा पीडित भएका र तीनका परिवारले काठमाडौंबाट सेवा लिन सक्ने उहाँले बताउनुभयो । 

काठमाडौंको तीनकुनेस्थित मञ्चकोे केन्द्रीय कार्यालयबाट साथी अभियानको सेवा सर्वसाधारणले लिन सक्नेछन् । अभियान मार्फत कानूनी सहयोगका साथै रोजगारीका क्रममा ज्यान गुमाएकाको परिवार र अंगभंग भएकाहरुलाई आर्थिक राहत दिलाउनपनि सहयोग गरिनेछ । रोजगारीका क्रममा साउदी अरबमा रहेका नेपालीहरुले एक वर्ष अघि (जनवरी ५, २०१६)मा फेसबुकमार्फत नेपाली साझा मञ्च स्थापना गरेका थिए । 

पहिलो वार्षिकोत्सवको अवसरमा साउदी अरबको जुबैलमा आयोजना गरिएको कार्यक्रममा मञ्चले विभिन्न संघसंस्था, समाजसेवी र नेपाली कुटनैतिक नियोगका कर्मचारीहरुलाई सम्मान गरेको छ ।

सम्मानित हुने संस्थाहरुमा गैर आवासीय नेपाली संघ साउदी अरब, मैथली एकता समाज, जिफन्ट, दलित एकता सञ्जाल, आदिवासी जनजाति महासंघ, नेपाली जन प्रगतिशिल मञ्च, फ्रेण्डस् अफ नेपाल, स्याङ्जा सहयोग समाज, नेपाली एकता समाज, नेपाली जनसम्पर्क समिती, नेपाली प्रवासी समाज, तमु धिं, नेवाः समाज रहेका छन् । त्यस्तै विवेकशिल नेपाली दल, नेपाल मगर संघ, गन्तव्य नेपाल, प्रवासी नेपाली मञ्च, नेपाली युवा क्लब, नेपाली सेवा समाज, संयुक्त नेपाली समाज, संघीय लिम्बूवान सामाजिक मञ्च, लोकतान्त्रिक राष्ट्रिय मञ्च, परोपकार सेवा समाज हेटौंडा, नेपाल जन प्रगतिशील मोर्चा, एनए मिडिया, सैलुङ्ग डट कम, लुम्बिनी प्रवासी सम्पर्क मञ्च, नवलपरासी प्रवासी सम्पर्क मञ्चलगायतलाई पनि मञ्चले सम्मान गरेको छ । 

त्यसैगरी समाजसेवीहरु जोहन अर्याल, जेन लामा, राजु सैयद, विदुर कोइराला, धरम केसी, पुरुषोत्तम दास श्रेष्ठ, परशुराम मिश्र, किशोर थापा, श्री यवा लिम्बू, मुस्ताकमदानी, गोविन्द चौहान, होमनाथ लामिछाने, दिपेन्द्र खड्का, राजेश सेन्दाङ्ग, भक्त हमाल, विशाल श्रेष्ठ, नवराज काफ्ले, विधुर पौडल, तेजुकुमार श्रेष्ठ, घनश्याम कुमार कुवँर (जिके क्षेत्री), हेमचन्द्र थापा, विष्णु थापा मगर, कृष्ण पुरी, ओमप्रसाद फुयाँल, अन्जनी कुमार अधिकारी, भोजकुमार कार्की, राजन सुवेदी लगायतलाई सम्मान गरिएको छ ।

कार्यक्रममा साउदी अरबका लागि नेपाली कार्यवाहक राजदूत आनन्द प्रसाद शर्मा, श्रमसहचारी अम्बिका प्रसाद अधिकारी, कार्यवाहक महावाणिज्यदूत रेवती रमण पौडेल, श्रम सहचारी भोजराज घिमिरे, दूतावासका विजयकुमार राउत, सूर्यप्रसाद अर्याल, सन्तोष कुमार अधिकारी, वीरकुमार राय, अमानुल्ला मन्सुर, सरोजचन्द्र अधिकारी, हरी घिमिरे र मानबहादुर थापालाई पनि सम्मान गरिएको छ ।

अन्तर्राष्ट्रिय अभियन्ता तथा कार्यक्रम संयोजक कृष्ण पुरीको सभापतित्वमा सम्पन्न कार्यक्रममा प्रमुख अतिथि रहेका श्रम सहचारी अम्बिकाप्रसाद अधिकारीले साथी अभियानले पीडितलाई सेवा दिन सफल भए वैदेशिक रोजगारीमा देखिएका समस्या कम हुँदै जाने अपेक्षा गर्नुभयो । नेपाली युवालाई स्वदेशमै रोजगार दिलाउने अभियान पनि थालनी गर्न उहाँले आग्रह गर्नुभयो । 

एनआरएन साउदी अरबका संरक्षक पुरुषोत्तम दास श्रेष्ठले आफू संस्थाको नारा र अभियानबाट प्रभावित भएको चर्चा गर्दै नेपाली साझा मञ्च जस्ता संस्थाहरुको स्थापना हुन सके परिवर्तन आउने विश्वास व्यक्त गर्नुभयो । 

लामो समयदेखि वैदेशिक रोजगारीका क्रममा पीडित भएकाहरुको समस्या समाधानका लागि कार्यरत हरी घिमिरेले पदका पछि नलागी समाज परिवर्तन र देश विकासका लागि लाग्नु पर्नेमा जोड दिनुभयो । मञ्चले थालेको अभियानलाई निरन्तरता दिन पनि उहाँले आग्रह गर्नुभयो । 

कार्यक्रममा नेपाल च्याप्टरका अध्यक्ष रामकृष्ण घिमिरेले मञ्चलाई सबैको साझा बनाउन आफूहरु प्रतिबद्ध भएर लागि परेको बताउनुभयो । संस्थाको ढोका सबैका लागि खुल्ला रहेको उहाँले बताउनुभयो । 

मञ्चमा आवद्ध सदस्यहरुको भेलाले साउदी अरबका लागि १७ सदस्यीय राष्ट्रिय समन्वय समिति पनि गठन गरेको छ । समितिको संयोजक कृष्ण पुुरी र उपसंयोजकमा अजनीकुमार अधिकारी चयन हुनुभयो । सदस्यहरुमा देवेन्द्र सुवेदी, नवराज काफ्ले, तेजु कुमार श्रेष्ठ, जिके क्षेत्री, विष्णु घिमिरे, अकल प्रधान, भोजकुमार कार्की, गोविन्द चौहान रहनुभएको छ । बाँकी सात जना सदस्य अर्को बैठकले चयन गर्नेछ । त्यस्तै समितिको सल्लाहकारमा हरी घिमिरे, रामकृष्ण घिमिरे, भक्त हमाल, विदुर पौडेल र श्री यवा लिम्बू रहनुभएको छ । मञ्चको संरक्षकमा महेश श्रेष्ठलाई चयन गरिएको छ । 

वार्षिकोत्सव समारोहमा साउदी अरबमै रहेका गीतकार तथा समाजसेवी दिपेन्द्र खड्काकोे आधुनिक गीति एल्वम विमोचन गरिएको छ । 

प्रतिक्रिया दिनुहोस

सम्बन्धित समाग्रीहरु

सबै हेर्नुहोस

विशेष

समाचार

पछिल्ला समाचारहरु
Notice, Press Release

मेरो कथा मेरो भोगाई थप सामाग्रीहरु

Download
Mobile App

मेरो पनि भन्नु छ

  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः -भाषाको समस्या,  -भनेको काम नभइ अर्को काममा लगाउने, -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ, -तोकेको सेलरी भन्दा कम, -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब
  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया
  • कामदारको सुरक्षा गर्छु भनेर त बोल्ने मात्रै हुन् । काम कसैले गर्दैनन् । मलाई नै काठमाडौको म्यानपावरको बुटवलमा रहेको शाखाले आजभन्दा २ महिना अघि एक लाख १० हजार लिएर इलेक्ट्रिकल हेल्पर भनेर कतार पठायो । तर कतार पुगेपछि मैले भनेको काम र तलब पाईन् । म्यानपावर र सरकारी निकायले एक अर्कालाइ दोष लगाएर तर्किन खोज्छन् । म्यानपावर कहिले जिम्मेवार हुने अनि सरकारी निकायले कामदारलाई परेको पीडा कहिले बुझ्ने ? 

    ठाकुरप्रसाद तिवारी
  • कामदारको अवस्था नाजुक रहेका बेलामा दिवस मनाउनु र कामदारका अधिकारका कुरा गर्नुको कुनै अर्थ छैन । उहाँले हजारौ नेपली कामदार जो आफ्नो अधिकार नपाएर खडिको तातो मरुभुमी मा घोडाले खाने चना खानाको रुपमा खादै रगतको पसिना बगाउदै छन । तर न त भने बमोजीम तलब पाउछन, न त करार अबधि मा मेनपावरलाई बुझाएको ऋणको चर्को ब्याजनै तिर्न सक्छन ? फर्केर आउदा न त घर रहन्छ न जग्गा ? यस्तो अबस्थामा दिबस मनाउनु ति पिडित कामदारको पिडामा उत्सब मनाउनु हो ।

    ​दिलु घर्तीमगर
सबै हेर्नुहोस