MENU

विशेष

​विदेशमा सिकेका सबै सीप प्रयोग गर्ने ठाउँ पाइन

सुभास श्रेष्ठ/सर्लाही ।

सर्लाही, पुस २४ –  सर्लाहीको हरिऔन–१ लिच्ची टोलमा एउटा छाप्रोमा मोटर वर्कसप छ । वर्कसपमा व्यस्त हुनुहुन्छ सञ्चालक गोपाल श्रेष्ठ । यति व्यस्त कि बोल्ने फुर्सद पनि छैन उहाँसँग । 

अहिले वर्कसपमा व्यस्त गोपालको जिन्दगीमा उकाली ओराली धेरै छन् । १५ वर्ष अघिसम्म गोपालको परिवार गाउँकै सम्पन्न परिवारमा गनिन्थ्यो । खेतबारी थियो । अहिले वर्कसप भएकै ठाउँमा नौ गोल निकालिएको घर थियो । त्यहीबेला झाडापखाला लागेर गोपालका माइला दाजुको ज्यान गयो । गोपाल त्यतिबेला सानै हुनुहुन्थ्यो । त्यसैले त्यति धेरै बुझ्नु पनि भएन । तर बुवाआमालाई भने छोराको ज्यान गएपछि नमेटिने गहिरो चोट पर्यो । बुवाआमाले घरव्यवहार चलाउन गर्दै गरेको काम राम्ररी गर्न सक्नुभएन । 

बुवा रक्सीको लतमा लागेपछि गोपालको घरको आर्थिक अवस्था बिग्रिँदै गयो । त्यतिबेला गोपाल १७ वर्षको हुनुहुन्थ्यो । घरको त्यो अवस्था हेर्न नसकेपछि उहाँ भारत जानुभयो । ‘भारत जाने बेला मैले कमाएँ भने घरको अवस्था राम्रो होला भन्ने सोचें’ गोपाल भन्नुहुन्छ । 

तीन वर्ष भारत बस्दा घरको अवस्था सुधार्न सक्नुभएन उल्टै भएको पनि बिग्रियो । किनकी भारतबाट फर्किंदा गोपालको हात रित्तै थियो । त्यति मात्रै होइन तीन वर्ष भारत बसेर फर्किंदा आमा पनि बित्नुभएको थियो । अनि बुवाले भएको जग्गामध्ये १५ कठ्ठा जग्गा बेचिसक्नुभएको थियो । 

त्यही बिचमा बिहे गरेपछि भने गोपाललाई व्यवहारले झन धेरै थिच्यो । जेनतेन दुई वर्ष त बिताउनुभयो तर व्यवहार राम्रो हुनुको साटो झनै बिग्रिएपछि विदेश जाने निधोमा पुग्नुभयो । अनि चिनेकै एजेण्टमार्फत २०६५ सालमा मलेसिया पुग्नुभयो । 

मलेसियामा आल्मुनीयम कम्पनीमा काम गरेका गोपालले पाँच वर्ष त्यहीँ बिताउनुभयो । पाँच वर्षको कमाइले घरको अवस्था केही फेर्न सक्नुभयो गोपालले । ‘मलेसियाको कमाइले २५ कठ्ठा जग्गा किनें’ गोपालले सुनाउनुभयो । आफ्नै जग्गा जोडेपछि उहाँ घर फर्किनुभयो ।

आँट लिएर फर्किएका गोपालको कमाइ सबै जग्गामै लगानी भएपछि  फेरि विदेश नै जानुको विकल्प भएन । फेरि मलेसिया नै पुगेका गोपालले तीन वर्ष वडी वेल्डिङ वर्कसपमा काम गर्नुभयो । तीन वर्षको दोस्रो पटकको मलेसिया बसाई पहिलो पटकको जस्तो भएन । उहाँले केही कमाउनुभयो तर पहिलो पटकको जस्तो केहि जोड्ने गरी होइन । त्यसैले घर फर्किनुभयो । 

गोपाल नेपाल फर्किंदा घरको अवस्था उस्तै थियो तर गाउँ भने धेरै फेरिइसकेको थियो । धेरैले पक्की घर बनाएका थिए भने प्रायःले केही न केही व्यवसाय गरिरहेका थिए । ‘अरुले गरेको कामले मैले पनि नयाँ सम्भावना देखें’ गोपाल भन्नुहुन्छ ‘त्यही भएर मैले पनि ग्रील उद्योग सुरु गरें ।’

गोपालले ग्रील उद्योगमा सातलाख रुपैयाँ लगानी गर्नुभयो । त्यही उद्योगले गोपालको अवस्था फेरिदिएको छ । गोपाल अहिले महिनाको २५ देखि ३० हजार रुपैयाँसम्म कमाइरहनुभएको छ । काम र कमाइ त भैरहेको छ तर गोपाल अझै पनि सन्तुष्ट हुनुहुन्न गोपाल । 

उहाँ भन्नुहुन्छ ‘मेरो सीप अझै सबै प्रयोग गर्न पाएको छैन । मेरो दक्षता भनेको गाडीको बडी निर्माण गर्ने हो तर यहाँ त्यस्तो काम गर्ने ठाउँ छैन ।’ गाडीको इन्जिन र चेसिस मात्र ल्याएपनि गाडीको बडी बनाउन सक्ने गोपालको भनाइ छ । तर त्यो अनुसारको न उहाँले अवसर पाउनुभएको छ न त आफैं काम गर्न लाई त्यस्तो ठाउँ नै छ । 

प्रतिक्रिया दिनुहोस

सम्बन्धित समाग्रीहरु

  • अलपत्र परेका युवाले दूतावासमा शरण पाएनन्, मजदुर क्याम्पमै फर्काइयो

    भदौ ७ – अलपत्रमा परी दूतावासको शरणमा आएका १० युवालाई नेपाली दूतावास युएईले मजदुर क्याम्पमा नै फर्काएको छ । पुरुषका लागि सेल्टर नभएको र एक हप्तामा नेपाल फर्काउने व्यवस्था गर्ने भन्दै दूतावासले उनीहरुलाई क्याम्पमै फर्काइएको हो ।

  • विदेशको रोजगारीले उजाडियो बास

    ‘साहुले पनि ६ वर्ष सम्म कुरे तिर्न नसकेपछि घरै दिनुपर्‍यो उहाँले ७० हजारको दोब्बर एक लाख ४० हजारमा साहुले घर लिए । साहुले घर लिएपछि उहाँको नाममा पाइला टेक्ने जमिन पनि छैन । भाडामा बसिरहेका बद्रिप्रसादको परिवारलाई घर गुमाउनु पर्दा साह्रै पीडा छ ।

  • कतारबाट श्रीमानले तिमी अझै मरेकी छैनौ भनेपछि..

    ‘ए तिमी पो ! तिमी अझै मरेकी छैनौ’ झण्डै एक महिनापछि फोनमा बोलेका श्रीमानका यस्ता कुरा सुनेपछि चन्द्रमायालाई छाँगाबाट खसे जस्तै भयो । त्यतिबेला श्रीमानले फोन नउठाएको एक महिना भन्दा धेरै भइसकेको थियो ।

  • बर्मलालको १५ वर्षे विदेश यात्रा : तीन पटक बिहे, नौ महिना जेल

    ‘मर्नलाई काल आउनुपर्छ भन्थे साँच्चै हो रैछ’ वैदेशिक रोजगारीको प्रसङ्ग कोट्याउने वित्तिकै बर्मलाल लुईटेलले पीडा सुनाउन थाल्नुभयो । उहाँका कुरा सुन्दा लाग्थ्यो वैदेशिक रोजगारीले उहाँलाई पीडा बाहेक अरु केही दिएन ।

सबै हेर्नुहोस

विशेष

समाचार

पछिल्ला समाचारहरु
Notice, Press Release

मेरो कथा मेरो भोगाई थप सामाग्रीहरु

Download
Mobile App

मेरो पनि भन्नु छ

  • मलेसियामा सुरक्षा गार्ड कम्पनीले श्रम सम्झौतामा उल्लेख  भए अनुसारको न काम दिन्छ, न त  तलब नै। आफ्नो ब्यक्तिगत सुरक्षाको त कुरा नै नगरौं। त्यस्तै परे आफ्नो कम्पनीको मानिसले नै कुन बेला मान्छे र पुलिस लगाएर कुटाउन बेर लगाउदैन। हामी श्रमिकले त नेपालका म्यानपावरलाई एक देखि दुई लाख सम्म बुझाएका हुन्छौं। मलेसियामा बेसिक नौं सय रिङ्गिट  गरी जम्मा १६ सय हुन्छ। होस्टेल, लेबि, ड्रेस अनि यातायातको पैसा कट्दा र खाना खाँदा मुस्किलले एक बर्षमा ऋण तिरिएला। बरु यो भन्दा नेपाल सकारले मालेसियामा कामदार पठाउन बन्द गरेर विकल्प खोज्नुपर्छ। किनकि नेपालको दूतावासले पनि दीर्घकालीन समाधान भन्दा कामदारलाई  थम्थमाउने तिर मात्र लागेको देखिन्छ।

    ठाकु योञ्जन / मलेसिया
  • समस्या त खासै त्यस्तो केही पनि छैन किन कि मसँग पहिला पनि एक चोटी दुबईमै काम गरेको अनुभव थियो। तर आफ्नो अनुभवबाट रोजगारीमा आउन तयारी गर्दै हुनुभएका दाजुभाइ र दिदिबहिनीलाई कुनै न कुनै सिप सिकेर मात्र आउनुहुन अनुरोध गर्दछु। सिप सिक्न पैसा नहुने पनि थाहा छ मलाई तर सरकारले निःशुल्क तालिमहरु दिइरहेको हुन्छ। त्यो बुझ्दा राम्रो हुन्छ। तपाईं विदेश आउदै हुनुहुन्छ भने आफै म्यापावर कम्पनीमा गएर कुन देश र कम्पनी, कस्तो काम, कति तलब जस्ता कुरा आफैले बुझ्दा राम्रो हुन्छ। बरु केहि रकम बढि खर्च गरेर भए पनि आफैले सम्बन्धित ठाँउमा गएर सबै कुरा बुझ्दा ठगीनबाट बच्न सकिन्छ।

    कमल गिरि / छापहिले ५ गुल्मी (हाल दुबई)
  • घरको समस्या सामाधान गर्नको लागि हामी विदेश लाग्छौँ तर विदेशमा पनि समस्या नै समस्याको सामना गर्नुपर्दा आफ्नो मातृभूमि र जन्मभूमिको यादले सताइरहन्छ। काम त गर्नु नै छ जहाँ बसे पनि तर आँखाबाट आसु त्यो बेला झर्छ जब हामी आफ्नै नेपाली साथीबाट हेपिन्छौँ र लुटिन्छौँ। यदि हामी अनुशासनमा रही काम गर्‍यौँ भने यहाँको लोकल मान्छेसँग खासै डर हुँदैन तर आफ्नोसँग हुन्छ।

    जय नारायण /मलेसिया
  • विदेशस्थित कम्पनीहरुमा काम गर्ने नेपाली कामदारहरु कुनै कानूनी झमेलामा परेमा उक्तकम्पनीले भिसा क्यान्सील गरिदिने कारणले गर्दा ति कामदारहरु ज्यादैनै मारमापर्ने गरेका छन्। पिडितको तर्फबाट न्यायमा पहुँच पुर्‍याउनका लागि न नेपाल सरकारले चासो देखाएको छ न  त कुनै रोजगारदाताले नै। कामदारहरुका कानूनीहकहितको लागि कुनै पहल नगरिनु राज्यको गैर जिम्मेवारिपन हो। जुन क्षेत्रबाट कर असुलिन्छ देशको प्राथमिकता त्यस क्षेत्रको सुधारमा हुनुपर्दछ। तसर्थ राज्यबाट आधिकारिकरुपबाट विदेश गएका प्रत्येक कामदारको न्यायिकहक सुनिश्चितता गर्ने तर्फ सम्बन्धित निकायको ध्यान जावस्। 

    नाम उल्लेख नगरेको / इनरुवा
सबै हेर्नुहोस