MENU

विशेष

एक वृद्ध यसरी ठगिए : ‘के गर्नु पढेको थिइनँ, धम्क्याएपछि ल्याप्चे लगाइदिएँ’

दुर्गाप्रसाद भट्टराई/सर्लाही ।

वैशाख ८ – साउदी पुगेका श्रीमानको चार महिना पछि फोन आउँदा फुरुङ्ग हुनुहुन्थ्यो सर्लाहीको गौरीशंकर-९ की राजकुमारी महतो । 

फोन आउँदा खुशी भएकी राजकुमारी श्रीमानको कुरा सुनेपछि भने तनाबमा पर्नुभयो । श्रीमानले चार महिना काम गर्दा पनि कम्पनीले तलब नदिएको अनि सधैँ खान पनि नपाएका कुरा भन्नुभयो फोनमा । श्रीमानले उहाँसँग आफूलाई साउदीबाट तत्काल निकाल्न पनि आग्रह गरेपछि उहाँलाई तनाब भएको हो । 

यहाबाट सुपरमार्केट भनेर लगेपछि त्यहाँ क्लिनरको काममा लगाएकाले आफूले काम गर्न नसकेको भन्दै श्रीमान् तत्काल नेपाल फर्काउन भनेपछि राजकुमारीले गर्ने भन्ने पनि सोच्न सक्नुभएन् । त्यसैले उहाँ भोली पल्टै हरिवनमा रहेको सुरक्षित आप्रवासन सूचना तथा परामर्श केन्द्रमा पुग्नुभयो । केन्द्रले राजकुमारीलाई काठमाडौंमा रहेको पिपुल फोरममा जान सल्लाह दियो । 

त्यही सल्लाहमा उहाँले ससुरा रामसिकिल महतोलाई काठमाडौं पठाउनुभयो । काठमाडौं आएका रामसिकिलले पिपुल फोरमको सहयोगमा वैदेशिक रोजगार विभागमा भनेको काम र तलब दिलाइदिन माग गर्दै काठमाडौंको नाइल ओभरसिज प्रा.लि. म्यानपावर बिरुद्ध उजुरी दिनुभयो ।  

उजुरी दिएको तीन महिनापछि म्यानपावर आफैंले राजकुमारीलाई फोन गरेर ससुरालाई चार दिनभित्र कार्यालयमा पठाइदिनु भन्यो । ‘मैले अब उहाँलाई घर फर्काउने कुरा गर्न बोलाएको होला भन्ने सोचेर ससुरा बुवालाई छिमेकीसँग पैसा मागेर काठमाडौं पठाएँ’ राजकुमारीले भन्नुभयो । 

तर छोराको उद्धार हुने आशम आएका रामसिकिललाई म्यानपावरका सञ्चालकले छोरा फर्काउने भन्दा पनि हामी बिरुद्ध मुद्दा हाल्ने भन्दै गाली गरे । त्यति मात्रै होइन मुद्दा फिर्ता लिने कागजमा सही गरे मात्रै तेरो छोरा नेपाल आउँछ भन्दै धम्क्याए पनि । ‘के गर्नु मैले लेखपढ गरेको थिइन, त्यसैले छोरा आउँछ भनेपछि कागजमा ल्याप्चे लगाइदिएँ’ रामसिकिल भन्नुहुन्छ ।  

कागजमा सही गरिसकेपछि उहाँलाई म्यानपावरले तीन महिनामा छोरो फकाईदिने भन्दै त्यतिञ्जेलका लागि घर खर्च भन्दै २० हजार रुपैयाँ पनि दियो । उहाँ त्यही २० हजार र कागज बोकेर घर फर्किनुभयो । 

तर घर पुगेर अरुले कागज हेरेपछि मात्रै म्यानपावरले आफू माथि पर्ने गरि कागजमा ल्याप्चे हान्न लगाएको थाहा पाउनुभयो उहाँले । ‘अरुले किन यस्तो कागजमा नबुझी ल्याप्चेको हानेको भनेपछि मात्रै मात्रै मैले त्यो कागज त म्यानपावरले आफू उम्किने गरी बनाएको रहेछ भन्ने थाहा पाएँ’ ६० वर्षका रामसिकिलले भन्नुभयो । 

म्यानपावरले फसाउन खोजेपछि राजकुमारी श्रीमानलाई विदेश पठाउने एजेण्टको मोहित लामाकोमा पुग्नुभयो । उनी आफ्नै गाउँका थिए ।

राजकुमारीले विदेश पठाउँदा ८० हजार रुपैयाँ लिए पनि श्रीमानले उहाँको भनेको काम र तलब नपाएको भन्दै फर्काइदिन आग्रह गर्नुभयो तर एजेण्टले पनि तिम्रो ससुराले म्यानपावरमा गएर सहमति गरेर कागजमा ल्याप्चे लाएर आएको भन्दै केही गर्न नसक्ने जवाफ दिए ।  

अहिले त न म्यानपावरले फोन उठाउँछ न त एजेण्टले नै सहयोग गर्छन । म्यानपावरले ८० हजार रुपैयाँ लिएपनि १० हजार रुपैयाँको मात्रै रसिद दिएकाले उहाँसँग सहयोग माग्ने आधार पनि छैन । 

‘म्यानपावरले मान्छेलाई यसरी झुक्याउँछ भन्ने थाहा नै भएन, आफू फस्ने भएपछि कागजमा झुक्कायर सहि छाप गरायो’ राजकुमारी भन्नुुहुन्छ, ‘झुटो आशा देखाएर मुद्दा पनि फिर्ता गर्न लगायो । अहिले त उहाँ पनि लापता हुनुभयो अब के गर्ने ?’ राजकुमारी सोध्नुहुन्छ यस्तो म्यानपावरलाई सरकारले कारवाही गर्न सक्दैन ? 

उद्धारका लागि गरिरहेको पहल सफल नभइ रहेका बेला गएको मंसिर १२ गतेदेखि श्रीमान सम्पर्क विहीन भएपछि भने उहाँलाई झनै तनाव भएको छ । ‘१२ गते अघिसम्म जति सक्दो छिटो यहाँबाट निकाल भन्नुहुन्थ्यो अहिले त फोन गर्न नै छोड्नुभयो, हामीले फोन गर्दा लाग्दैन’ राजकुमारी भन्नुहुन्छ ।  

कमाउन गएका श्रीमान समस्यमा परेपछि घर व्यावहार चलाउन समस्या भएको छ राजकुमारीलाई । उहाँ अहिले घरका लागि चाहिने पैसा ऋण गरेर चलाउँदै हुनुहुन्छ । श्रीमान गएदेखि अहिलेसम्म एक लाख रुपैयाँ ऋण लागिसकेको उहाँले सुनाउनुभयो । 

धेरैतिरको प्रयास पनि सफल नभएपछि अब राजकुमारीको आशा सरकारमा गएर अड्किएको छ । सरकारले चाहे आफ्नो श्रीमानको उद्धार हुने उहाँको विश्वास छ । 

 

प्रतिक्रिया दिनुहोस

सम्बन्धित समाग्रीहरु

सबै हेर्नुहोस

विशेष

समाचार

पछिल्ला समाचारहरु
Notice, Press Release

मेरो कथा मेरो भोगाई थप सामाग्रीहरु

Download
Mobile App

मेरो पनि भन्नु छ

  • माग पत्रमा फ्रि भिसा फ्रि टिकट लेखिएको जान्दा जान्दै पनि म्यानपावरका एजेन्ट भनाउँदा दलालले एक लाख देखि दुई लाखसम्म रकम लिने गर्दछन् र दश हजार मात्रै तिरेको कागजमा सही गराउँने जुन कर्तुत गरिरहेका छन् चाँडो भन्दा चाँडो वर्षौं देखि चलेको यो कालो कर्तुतको अन्त्य गरिनु पर्यो सरकार ! यही नै सबैका लागि ठूलो सेवा सुविधा हुनेछ सरकार।

    प्रकाश थापा / युएई
  • कोरियन साहुको किचकिच, काम गाह्रो, भनेको समयमा कम्पनी परिवर्तन गर्न नसकिने आदि कोरियाको मुख्य समस्या हो। बाँकी अरू त सबै ठीकै छ। काम अनुसारको तलव, हावापानी, बाटो घाटो, बसाई, ईन्टरनेट सुविधा सबै राम्रो छ।

    निशान राई / दक्षिण कोरिया
  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः -भाषाको समस्या,  -भनेको काम नभइ अर्को काममा लगाउने, -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ, -तोकेको सेलरी भन्दा कम, -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब
  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया
सबै हेर्नुहोस