MENU

विशेष

झण्डै चार वर्षपछि कतारमा नेपाली राजदूत

काठमाडौं, जेठ १- कतारमा झण्डै चार वर्षपछि नेपाली राजदूत पुगेका छन् । चारवर्ष पहिले रिक्त भएको कतारका लागि नेपाली राजदूतमा रमेश प्रसाद कोइराला पुग्नु भएको हो । 

तत्कालिन राजदूत मायाकुमारी शर्मालाई विवादास्पद अभिव्यक्तिका कारण फिर्ता बोलाइएपछि त्यहाँ राजदूत रिक्त भएको थियो । माओवादी कोटामा राजदूत सिफारिस भएकी शर्मा कतारमा कुटनीतिक सम्बन्ध राम्रो नबनाएको भन्दै सुरु देखिनै विवादमा पर्नु भएको थियो । पछि कतार खुल्ला जेल हो भनेर अभिव्यक्ति दिएपछि कतार सरकारले उहाँलाई फिर्ता बोलाउन नेपाल सरकारलाई आग्रह गरेको थियो । 

शर्मालाई झण्डै १६ महिनापछि फिर्ता बोलाइएको थियो । सन् २०१२ को मेमा कतार पुगेकी शर्मा सन् २०१३ को सेप्टेम्बरमा फर्किनु परेको थियो । 

सरकारले फिर्ता बोलाएकी शर्माले नेपाल फर्किएपछि सर्वोच्च अदालतमा पुनस्थापनाको माग गर्दै सर्वोच्च अदालतमा रिट दायर गरेपनि सर्वोच्चले उहाँको पक्षमा फैसला गरेन । त्यसपछि लामो समय कतार दूतावास कार्यवाहक नेपाली राजदूतको भरमा थियो । 

राजदूत रिक्त हुँदा नेपालको कुटनीतिक उपस्थिती कमजोर भएको थियो । कार्यवाहक राजदूतको उच्च तहमा कुटनीतिक पहुँच नहुने भएकाले नेपालीका समस्या उच्च तहमा पु¥याउन सकिएको थिएन । 

तर अहिले कतारको राजदूत नियुक्त हुनु भएका रमेश कोइरालापनि सुरु देखिनै विवादमा पर्नु भएको छ । उहाँलाई कामदारको पक्षमा काम गर्न नसक्ने आरोप लगाइएको छ । यस अघि श्रम तथा रोजगार मन्त्रालयमा हुँदा म्यानपावर व्यवसायीको पक्षमा काम गरेको र कामदार ठगीमा समेत संलग्नता रहेको उहाँमाथी आरोप छ । 

संसदिय सुनुवाई समितिमा समेत उहाँ विरुद्ध उजुरी परेको थियो । 

नवनियुक्त राजदूत कोइरालाले आइतबार कतारमा पत्रकारसितको भेटघाटमा अव नेपालको कुटनीतिक उपस्थिती बलियो बनाउने प्रतिवद्धता व्यक्त गर्नुभयो ।उहाँले नेपाली श्रमिकले कतारमा भोग्नु परेको समस्याको समाधानका लागि तत्काल उच्चस्तरमा कुटनीतिक पहल थाल्ने बताएको नेपाल पत्रकार महासंघ शाखा कतारका सचिव नवराज बिकले जानकारी दिनुभयो ।

यसअघि कतारमा मणिरत्न शर्मा कार्यवाहक राजदूत हुनुहुन्थ्यो । 

 

प्रतिक्रिया दिनुहोस

सम्बन्धित समाग्रीहरु

सबै हेर्नुहोस

विशेष

समाचार

पछिल्ला समाचारहरु
Notice, Press Release

मेरो कथा मेरो भोगाई थप सामाग्रीहरु

Download
Mobile App

मेरो पनि भन्नु छ

  • म नेपालबाट ब्याचलर इन होटल म्यानेजमेन्ट सकेर हाल दुवईमा किचनमा सेफको रुपमा कार्यरत छु। नेपालमा प्राविधिक पढाइ भएकाले होला यहाँ काम र सबै कुरा कन्ट्र्याक्टमा भनिएझैँ पाएको छु। समग्रमा भन्दा दुवई बसाई खुशीमा नै बित्दै छ। यसको मुख्य कारण भनेको मेरो दक्षता र सीप हो जस्तो लाग्छ र विदेश आउने सबैले सीप सिकेर आउँदा राम्रै सेवा सुविधा र कमाई हुने हुन्छ। साथै म सबै कानुनी प्रकृया पुर्‍याएर व्यक्तिगत श्रम स्वीकृती लिएर आएको हुँ। यो काम त्यति झन्झटिलो पनि छैन यदि सबै प्रावधान पुर्‍यायोभने। सके नेपालमै केही गरेको राम्रो। नसके सीप सिकेर विदेश आउन मेरो सुझाव। 

    नबीन अधिकारी / युएई
  • मैले CTEVT बाट इलेक्ट्रोनिक तालिम लिएको छुँ। मैले भोगेको र दखेको सरकारले तालिम दिन्छ तर नेपालमा काम नै पाइदैन। अगाडि लागेका ठेकेदारले आ-आफ्ना ब्याकतिलाई काममा लगाउछन। कतै काम पाए पनि हामिलाई सम्झौता अनुसारको तलब दिदैनन्। त्यसैले हामि जस्ता गरिब कामदारले विदेशिनु पर्छ।

    मनराज बोगटी / कुच्चि, कालिकास्थान, अछाम
  • वैदेशिक रोजगारीमा सरकार आफैले आफ्नै निगरानीमा पठाउनु पर्छ, त्यो भन्दा पहिला सरकारलाई सम्पूर्ण जानाकारी प्रशासनिक रुपमा सम्बन्धित दूतावासले गर्नुपर्छ र बढिमा २ महिनाको कमाइ सरकारले आफैले राख्नुपर्दछ। रेमिट्यान्समा चलेको देशले यति कदम चाल्न मिल्छ कि नाई? म्यानपावरले गर्ने नै ठगी हो, सबै सचेत होउँ। सबै म्यानपावर सरकारको मापदण्ड र नियमसँग चल्ने हुनुपर्दछ, ब्याक्तिगत हावी कत्ती हुनुहुन्न।  

    किरण ढुङ्गाना / युएई
  • म बाह्र बर्ष देखि कतारमा ड्राइभरको काम गर्दै आएको छुँ। प्राय कम्पनीमा भारतीय फोरम्यान हुन्छन् भने केहिमा नेपाली। जहाँ नेपाली राम्रो पदमा कार्यरत छन् त्यहाँ आफ्नै नेपाली दाजुभाइलाई दबाउने, पैसा नदिने, काममा दुःख दिने, ओभर टाइम नदिने जस्ता अती नै घटीया ब्याबहार गरि नेपालीले नेपालीलाई नै लुटिरहेका छन्।

    महेन्द्र कुमार रोक्का / कतार
सबै हेर्नुहोस