MENU

विशेष

तीन वर्ष साउदीमा कमाएको पैसा पनि सकियो, हात पनि रहेन

रामप्रमेश मण्डल/सप्तरी । 

जेठ १ – ‘मैले पहिलो पटक पठाएको पैसा समाउँदा परिवार खुसी थिए । उनीहरुको अनुहार त देखिन तर बोली सुनेरै थाहा हुन्थ्यो’ गुलावचन महतो कोइरीले साउदी पुगेर पहिलो पटक पैसा पठाउँदाको अनुभव सुनाउनु भयो । अवस्था साँच्चै त्यस्तै थियो ।

घरको आर्थिक अवस्था कमजोर भएपछि कमाउने उपाय खोज्दै साउदी पुग्नु भएको थियो गुलावचन । साउदी पुगेको दुई महिनामै ३५ हजार रुपैयाँ पठाउनुभयो । तर त्यो पैसा जम्मा गर्न ठूलो मुस्किल थियो उहाँलाई । २०६९ सालमा साउदी पुगेका गुलावचनसँग कुनै सीप थिएन ।

अर्कातिर विदेशमा गर्नुपर्ने कामका बारेमा जानकारी पनि थिएन । त्यसैले कम्पनीले जे गर्न लगायो त्यही नै गर्न बाध्य हुनुभयो । कम्पनीले उहाँलाई लेवरको काम दियो । काम पनि समय समयमा परिवर्तन भइहन्थ्यो । कहिलेकाहीँ त शरीरले थेग्नै नसक्ने काम पनि दिन्थ्यो ।

तर पनि घरको बाध्यता सम्झिएर काम गरिरहनु हुन्थ्यो । ‘भनेको काम नगरेर के गरौं, जति बेला पनि घरको गरिबीले सताइ रहन्थ्यो’ गुलावचन भन्नुहुन्छ । उहाँले महिनाको १५ सय रियाल तलब पाउनुहुन्थ्यो । त्यो म्यानपावरले भनेको भन्दा कम थियो ।

तर पनि उहाँले कसैसँग केही भन्नु भएन । बरु त्यही पैसाबाट खर्च कसरी कम गर्न सकिन्छ भनेर उपाय खोज्नु हुन्थ्यो अनि जोगाउनुहुन्थ्यो । ‘मैले एक रुपैयाँ पनि फजुल खर्च गरिन’ गुलावचनले पैसा जोगाउँदाका कुरा सुनाउनुभयो । त्यसरी बचाएकै पैसा घरमा पठाउनु हुन्थ्यो । बचाएको पैसा घरमा पठाउँदा श्रीमती र छोराछोरी रमाएको सम्झिएर खुसी हुनुहुन्थ्यो ।

त्यसरी नै तीन वर्ष बिताएका गुलावचनले त्यसपछि भने परिवारसँगै बस्ने निधो गर्नुभयो । उहाँ घर फर्किने तयारीमा हुनुहुन्थ्यो । तर घर फर्किन चार महिना मात्रै बाँकी हुँदा उहाँको देब्रे हात सुन्नियो । उहाँ कम्पनीलाई भनेर जँचाउनु भयो तर समस्या कम भएन । कम्पनीले गरिदएको उपचारले निको नभएपछि उहाँ २०७२ फागुनमा नेपाल फर्किनुभयो ।

घर फर्किंदा उहाँले चार लाख रुपैयाँ लिएर आउनुभयो । त्यसअघि घरमा ६ लाख रुपैयाँ पठाउनु भएको थियो । काठमाडौं आएपछि उहाँले घर नगई महाराजगञ्जमा रहेको शिक्षण अस्पताल पुग्नुभयो हातको उपचार गर्न । पहिलेको भन्दा धेरै नै सुन्निएकाले डाक्टरले सामान्य प्रकारको अप्रेसन गरे ।

तर समस्या कम भएन झनै बढ्दै गयो । १५ दिनपछि क्यान्सर भएको थाहा भएपछि डाक्टरले उहाँको कुहिनो भन्दा तलको भाग काट्नुपर्ने बताए । ‘त्यतिबेला मेरो संसार सकियो जस्तो लाग्यो’ भन्न नपाउँदै गुलावचनको गला अवरुद्ध भयो ।

जिउडाल, रङ, वर्ण सबै उस्तै तर देब्रे हात चाहिँ आधा काटिएको छ । यस्तै अवस्थामा उहाँ सप्तरीको राजविराजमा रहेको सूचना तथा परामर्श केन्द्र राजविराजमा आइ पुग्नुभयो ।


उहाँका ३५ वर्षीया श्रीमती अनितादेवी महतो र एक छोरा छन् ।अहिले पनि चितवनमा भरतपुर क्यान्सर अस्पतालमा उपचार गराइ रहनु भएको छ । ‘एक पटक उपचार गर्न आउँदा झण्डै ३० हजार खर्च भइरहेको छ तर पनि निको होला जस्तो छैन’ गुलाबचन भन्नुहुन्छ । काठमाडौं र चितवनमा उपचार गराउँदा पाँच लाख रुपैयाँ भन्दा धेरै खर्च भईसक्यो ।

तर हात अझै निको भएको छैन् । तीन वर्षमा कमाएको सबै रकम सकिएर ऋण पनि लाग्यो भन्नुहुन्छ उहाँ । आर्थिक अवस्था सुधार्ने गुलावचनको सपना अधुरै रहयो । उल्टै घरमा पालेको गाईवस्तु बेच्दा पनि नपुगेपछि गाउँबाट पनि ऋण लिनुभएको छ । त्यसैले उहाँ सहयोगको पर्खाइमा हुनुहुन्छ ।

प्रतिक्रिया दिनुहोस

सम्बन्धित समाग्रीहरु

  • कुवेतमा दुर्घटनामा परेपछि महेन्द्रको मानसिक स्थिती गुम्यो

    कुवेतमा दुर्घटनामा परेका नवलपरासीका महेन्द्र हरिजनले मानसिक सन्तुलन गुमाएका छन् । दुर्घटना टाउको चोट लागेका उनको स्मरण शक्ति गुमेको कुवेतको फर्वानिया अस्पतालका डाक्टरले जनाएका छन् । दुर्घटनामा परेका महेन्द्रलाई प्रहरीले उद्दार गरी अस्पताल पुर्‍याएकाे थियो ।

  • परदेशको कमाईको डेढ करोड समाजसेवामा

    सानै उमेरदेखि गीत–संगीत र समाजसेवामा रुचि राख्ने पोखरेलले अष्ट्रेलियामा कमाएको पैसा जन्मभूमिको सेवामा खर्च गरिरहनुभएको छ । सामाजिक क्षेत्रमा सहयोगकै लागि करिब एक दशकको अवधिमा डेढ करोड रुपैयाँ भन्दा बढी खर्च भइसकेको पोखरेलले बताउनुभयो ।

  • ​पाँच पटक विदेश जाँदा ऋण घटेन बढ्यो, तिर्ने उपाय छैन

    खोटाङको रुपाकोट मझुवागढी १० पाथेकाका मंगल भुजेल त्यति बेला कक्षा ८ मा पढ्दै हुनुहुन्थ्यो । १६ वर्ष मात्रै पुगेका मंगललाई कतारमा रहेका दाई नाता पर्ने व्यक्तिले विदेश जान उकासेपछि उहाँले उमेर बढाएर नागरिकतासँगै पासपोर्ट पनि बनाउनुभयो ।

  • ​विदेशबाट घर फर्किंदा यी बस्तु ल्याए भन्सारले जफत गर्छ ! नियम थाहा पाउनुहोस्

    दसैं नजिकिएसँगै वैदेशिक रोजगारीबाट विदामा घर फर्किने परदेशीको संख्या बढेको छ । परदेशमा दुःख गरेर कमाएको पैसाले घर फर्किंदा ल्याउने सामानको भन्सार नियम थाहा नपाउँदा कतिपयको सामान नै जफतमा पर्ने गरेको छ ।

सबै हेर्नुहोस

विशेष

समाचार

पछिल्ला समाचारहरु
Notice, Press Release

मेरो कथा मेरो भोगाई थप सामाग्रीहरु

Download
Mobile App

मेरो पनि भन्नु छ

  • म बाह्र बर्ष देखि कतारमा ड्राइभरको काम गर्दै आएको छुँ। प्राय कम्पनीमा भारतीय फोरम्यान हुन्छन् भने केहिमा नेपाली। जहाँ नेपाली राम्रो पदमा कार्यरत छन् त्यहाँ आफ्नै नेपाली दाजुभाइलाई दबाउने, पैसा नदिने, काममा दुःख दिने, ओभर टाइम नदिने जस्ता अती नै घटीया ब्याबहार गरि नेपालीले नेपालीलाई नै लुटिरहेका छन्।

    महेन्द्र कुमार रोक्का / कतार
  • साउदी अरेबियामा आजिवन जेल परेका स्थानेस्वरलाई बचाउ अभियान नै चलाइदै रहेछ, राम्रो कुरा हो। बिगतमा पनि अमर राई र बमबहादुरको लागि चाहिने भन्दा धेरै रकम संकलन भएको थियो। अझ एकजनाको त पुरै ब्लडमनि अज्ञात ब्यक्तिले दिएको थियो। त्यो पैसा अहिले कहाँ र कोसँग छ ? त्यस्को सोधी खोजी कसले गर्ने ? यदि त्यो पैसा त्यस्तै निर्दोशलाई बचाउन राखिएको हो भने त्यसबाटै स्थानेस्वरलाई बचाउन सकिँदैन र ?

    दुर्गेस सापकोटा
  • मलेसियामा न त कानुनसम्बन्धी कुनै भरपर्दो निकाए नै छ जस्ले कामदारका हितमा सघाओस् न त भनेजस्तो तलब सुबिधानै। अन्तराष्ट्रीय नियम अनुसार श्रमिकहरुको न्युनतम कामगर्ने समय र महिनाभरी पर्ने पब्लिक डे र अन्य बिदाको त कुनै अर्थ नै छैन। न त कम्पनीले दिन मान्छ, न यहाँको सरकारी निकायबाट छानबिन नै हुन्छ। दिनरातको असुरक्षित बातावरणमै दुःखमा दिन बिताउन बाध्य छ्न् यहाँ कार्यरत अधिकांश नेपाली कामदारहरु। नेपालसरकारको त कुरै नगरौँ, दुतावासले सहयोग गर्ला सोच्योकी बिचौलियालाई ठिक्क पारिन्छ।

    करन महरा / मलेसिया
  • मलेसियामा सुरक्षा गार्ड कम्पनीले श्रम सम्झौतामा उल्लेख  भए अनुसारको न काम दिन्छ, न त  तलब नै। आफ्नो ब्यक्तिगत सुरक्षाको त कुरा नै नगरौं। त्यस्तै परे आफ्नो कम्पनीको मानिसले नै कुन बेला मान्छे र पुलिस लगाएर कुटाउन बेर लगाउदैन। हामी श्रमिकले त नेपालका म्यानपावरलाई एक देखि दुई लाख सम्म बुझाएका हुन्छौं। मलेसियामा बेसिक नौं सय रिङ्गिट  गरी जम्मा १६ सय हुन्छ। होस्टेल, लेबि, ड्रेस अनि यातायातको पैसा कट्दा र खाना खाँदा मुस्किलले एक बर्षमा ऋण तिरिएला। बरु यो भन्दा नेपाल सकारले मालेसियामा कामदार पठाउन बन्द गरेर विकल्प खोज्नुपर्छ। किनकि नेपालको दूतावासले पनि दीर्घकालीन समाधान भन्दा कामदारलाई  थम्थमाउने तिर मात्र लागेको देखिन्छ।

    ठाकु योञ्जन / मलेसिया
सबै हेर्नुहोस