MENU

विशेष

​युएईमा महिला कामदार : ‘काम गर्न सकिन नेपाल फर्काइदिनुस्’

उमाकान्त पाण्डे/उज्यालो । 

युएई, असार ३ – युएई स्थित नेपाली दूतावासमा समस्यामा परेर शरण लिन आउने नेपाली महिलाको संख्या दिनहुँ बढीरहेको छ । गएको हप्ता मात्रै युएईमा अलपत्र परेका १० जना महिलालाई दूतावासले नेपाल फर्कायो । 

तर त्यही दिन दुईजना आवास गृहमा शरणका लागि थपिए । समस्यामा परेर दूतावास आउने र दूतावासकै आवास गृहमा शरण लिनेहरु बढ्दा आवास गृह कहिल्यै खाली हुँदैन।

गएको हप्ता दूतावासले नेपाल फर्काएका महिलामा ठोसे–६ रामेछापकी सुमिना माया श्रेष्ठ, लेखनाथ–१२ कास्कीकी शोभा परियार, लहचोक–८ कास्कीकी बिष्णुमाया ढकाल, कुस्मा–९ पर्वतकी सुबिना श्रेष्ठ, धुबचौर–७ सिन्धुपाल्चोककी कान्छीमाया तामाङ, सिन्धुपाल्चोककै सम्झना तामाङ हुनुहुन्छ । 

त्यस्तै प्रकाशपुर सुनसरीकी सावित्री परियार, तौलिहवा–२ कपिलवस्तुकी नमकला जीसी, बालुवाटार–६ दैलखकी प्रेरणा शाही र चिलिया–२ रुपन्देहीकी माया पौडेललाई नेपाल पठाएको दूतावासका प्रवक्ता तथा द्वितीय सचिव कृष्ण अर्यालले जानकारी दिनुभयो । 

धेरैजसो महिला अन्य कामको श्रम स्वीकृति लिएर पनि घरेलु काम गरिरहेका  र कुवेतका लागि भनेर श्रम स्वीकृती भए पनि युएईमै घरेलु काम गर्ने महिलाहरु समस्या लिएर दूतावास सम्म आईपुग्छन् ।

अहिले पनि दूतावासको आवास गृहमा घरेलु काममा समस्यामा परेका ४ जना महिलाले आश्रय लिईरहेका छन् । आश्रय लिनेहरुमा चितवनको माडी–४ की मन्जु नेपाली, झापाको दमम–११ की अनु माझी, चितवनको कुमरोज–२ की कुमारी गुरुङ र सिन्धुपाल्चोकको भोटसिपा–५ की सविना तामाङ  छन् । 

दूतावासको तथ्याकंअनुसार महिनामा झण्डै १५ देखि २० जना महिला आश्रय लिन दूतावासमा आउँछन् । खाडी मुलुकहरु मध्ये युएई सबैभन्दा सुरक्षित गन्तब्य मुलुकको रुपमा लिइन्छ । तर पनि कामदारका समस्या दिनहुँ बढिरहेकाे छ । 

ट्रान्जिट बनाएर आउने र घरमा काम गर्ने महिला समस्यामा : श्रम सहचारी यादव 

युएईलाई ट्रान्जिट बनाएर आउने र युएईमै घरमा काम गर्ने धेरै महिलाहरु समस्यामा पर्ने गरेको दूतावासकी श्रम सहचारी हिरा कुमारी यादवले बताउनु भयो । 
समस्यामा परेर दूतावास आउने धेरैजसो महिलाको एउटै बोली हुन्छ ‘काम गर्न सकिन नेपाल फर्काइदिनुस् ।’ तर उनीहरुले भनेजस्तो नेपाल फर्काउने कानुनी प्रकृया पूरा गर्न सजिलो छैन ।

ट्रान्जिट बनाएर युएई आउने, श्रम स्वीकृति अर्कै देशको बनाएर युएई पुगेर स्थानीयको घरमा काम गर्ने गर्दा उद्दार गर्न पनि समस्या हुन्छ । श्रमसहचारी हिरा कुमारी यादवका अनुसार पछिल्लो पटक दूतावासले पठाएका १० जना महिला मध्ये रामेछापकी सुमिना माया श्रेष्ठ युएईको सीटीसी कम्पनीमा क्लिनरको रुपमा ब्याक्तिगत श्रम स्वीकृति लिएर युएई आउनु भएको हो । 

कास्कीकी शोभा परियार र बिष्णुमाया ढकाल, कुस्मा पर्वतकी सुविना श्रेष्ठ पनि कुवेतमा रहेको कम्पनीमा ब्याक्तिगत श्रम स्वीकृति लिएर आए पनि युएई ट्रान्जिट बनाएर युएई मै काम गर्न थाल्नुभएको हो । विदेशमा हुने काम, कमाई र वैदेशिक रोजगारीका बारेमा राम्रो जानकारी नभई परदेशिदा धेरै नेपाली समस्यामा परेका छन् ।

मानव तस्करी शुन्य गर्न नसकेकोमा दुःखी छौः कार्यबाहक राजदूत 

दूतावासले धेरै पटक आफ्नो महिला आवास गृह खाली गर्ने प्रयास गरे पनि अहिलेसम्म त्यसो हुन नसकेको जनाएको छ ।  युएईमा झन्डै दुई लाख ६ हजार नेपालीहरु वैधानिक रुपमा कार्यरत छन् ।

वैधानिक रुपमा युएई आएका महिलाहरु खासै समस्या लिएर नआए पनि सेटिङ र अवैध महिला ओसारपसारले समस्या बढीरहेको युएईका लागि कार्यबाहक राजदूत नेत्रबहादुर टण्डनले बताउनु भयो । 

‘दलाल र तस्करीमा संलग्नहरुको पूर्ण विवरण सम्बन्धित निकायमा पठाएका छौं, तर अहिलेसम्म कारवाही नभएर होला तस्करी गर्ने काम रोकिएको छैन,’ राजदूत टन्डनले भन्नुभयो । 

मानवतस्करीको जालो तोडेर शुन्य बनाउने भन्ने योजना भए पनि सुरक्षित रुपमा महिला ल्याउने बाटो बन्द हुँदा महिलाहरु थप समस्यामा परेको राजदूत टन्डनको भनाई छ ।

टिकटको जोहो आफै, अधिकारको कुरा शुन्य 

दूतावासमा आउने महिला सबैले न्याय पाउँदैनन। समस्यामा परेर आउने महिला घरबाट भागेर आउनु पर्ने हुन्छ । भागेको समयमा घर मालिकले देखे वा भेटे उल्टै उनीहरुलाई विभिन्न आरोप लगाउने र उजुरी गर्ने गरेकाले न्याय पाउन सजिलो भने छैन ।

साँच्चिकै अन्यायमा परेको र अधिकारका लागि लड्ने हो भने दूतावासले सहयोग गर्ने दूतावासका प्रवक्ता अर्याल बताउनुहुन्छ । ‘धेरैजसो अधिकार भन्दा पनि सक्दो छिट्टो नेपाल फर्किने मनसायले आउनुहुन्छ, अधिकार माग्ने त परको कुरा’ द्वितीय सचिव कृष्ण अर्यालले  भन्नुभयो ।

दूतावासको शरणमा आएकालाई सुरक्षित रुपमा खान बस्न र कानूनी प्रक्रियाका लागि दूतावासले सहजीकरण गर्ने गरेको छ । कानूनी प्रक्रिया पूरा गरेपछि समस्यामा परेका स्वयमले टिकट काटेर नेपाल जाने गरेका छन् ।

दूतावासबाट पछिल्लो पटक नेपाल जान बाहिरिएका १० जना मध्ये कास्कीकी विष्णुमाया ढकाललाई कास्की आदर्श सेवा समाजले हवाई टिकट दिएको थियो भने बाँकी सबैले नेपालबाट पैसा झिकाएर, साथीभाइसँग खोजेर टिकट काटेर नेपाल फर्किएका हुन् । 

प्रतिक्रिया दिनुहोस

सम्बन्धित समाग्रीहरु

सबै हेर्नुहोस

विशेष

समाचार

  • ​नेपाल र जोर्डनबिच श्रम सम्झौता

    काठमाडौं, कात्तिक १- नेपाल र जोर्डनबिच श्रम सम्झौता भएको छ । बुधबार जोर्डनको श्रम मन्त्रालयमा श्रम तथा रोजगारमन्त्री फरमुल्लाह मन्सुर र जोर्डनका समकक्षी डा अलि अल गेजाविले सम्झौतामा हस्ताक्षर गर्नु भएको हो ।

  • ​कतारमा एक नेपालीको मृत्यु

    राजविराज, कात्तिक १ – वैदेशिक रोजगारीको लागि कतार गएका एक नेपालीको सडक दुर्घटनामा परी मृत्यु भएको छ । मृत्यु हुनेमा सप्तरीको तिलाठी कोइलाडी गाउँपालिका–४ का २७ वर्षीय विमलेश मण्डल रहेको स्थानीय शैलेन्द्र सिंहले जानकारी दिनुभयो ।

  • विदेशबाट फर्केका र सम्भावित आप्रवासीको उपस्थितिमा सप्तरीमा अन्र्तक्रिया कार्यक्रम

    राजविराज, कात्तिक १ – सप्तरीको रुपनी गाउँपालिकामा सुरक्षित वैदेशिक रोजगारीबारे एकदिने अन्र्तक्रिया सम्पन्न भएको छ ।

  • विदेश पठाउँछु भन्दै ३२ जना ठगेर भागेका दुई दलाल पक्राउ

    काठमाडौं, कात्तिक १– वैदेशिक रोजगारीमा पठाइदिने भन्दै ३२ जनासँग पासपोर्ट र राहदानी लिएर भागेका दुईजनालाई प्रहरी केन्द्रीय अनुसन्धान व्युरो सिआइबीले पक्रेको छ । नुवाकोटको बुङताङका ३९ वर्षे भाग्यमान तामाङ र गोरखाको मान्वोका ४१ वर्षे महेन्द्र गुरुङलाई प्रहरीले पक्रेको हो ।

पछिल्ला समाचारहरु
Notice, Press Release

मेरो कथा मेरो भोगाई थप सामाग्रीहरु

Download
Mobile App

मेरो पनि भन्नु छ

  • म बाह्र बर्ष देखि कतारमा ड्राइभरको काम गर्दै आएको छुँ। प्राय कम्पनीमा भारतीय फोरम्यान हुन्छन् भने केहिमा नेपाली। जहाँ नेपाली राम्रो पदमा कार्यरत छन् त्यहाँ आफ्नै नेपाली दाजुभाइलाई दबाउने, पैसा नदिने, काममा दुःख दिने, ओभर टाइम नदिने जस्ता अती नै घटीया ब्याबहार गरि नेपालीले नेपालीलाई नै लुटिरहेका छन्।

    महेन्द्र कुमार रोक्का / कतार
  • साउदी अरेबियामा आजिवन जेल परेका स्थानेस्वरलाई बचाउ अभियान नै चलाइदै रहेछ, राम्रो कुरा हो। बिगतमा पनि अमर राई र बमबहादुरको लागि चाहिने भन्दा धेरै रकम संकलन भएको थियो। अझ एकजनाको त पुरै ब्लडमनि अज्ञात ब्यक्तिले दिएको थियो। त्यो पैसा अहिले कहाँ र कोसँग छ ? त्यस्को सोधी खोजी कसले गर्ने ? यदि त्यो पैसा त्यस्तै निर्दोशलाई बचाउन राखिएको हो भने त्यसबाटै स्थानेस्वरलाई बचाउन सकिँदैन र ?

    दुर्गेस सापकोटा
  • मलेसियामा न त कानुनसम्बन्धी कुनै भरपर्दो निकाए नै छ जस्ले कामदारका हितमा सघाओस् न त भनेजस्तो तलब सुबिधानै। अन्तराष्ट्रीय नियम अनुसार श्रमिकहरुको न्युनतम कामगर्ने समय र महिनाभरी पर्ने पब्लिक डे र अन्य बिदाको त कुनै अर्थ नै छैन। न त कम्पनीले दिन मान्छ, न यहाँको सरकारी निकायबाट छानबिन नै हुन्छ। दिनरातको असुरक्षित बातावरणमै दुःखमा दिन बिताउन बाध्य छ्न् यहाँ कार्यरत अधिकांश नेपाली कामदारहरु। नेपालसरकारको त कुरै नगरौँ, दुतावासले सहयोग गर्ला सोच्योकी बिचौलियालाई ठिक्क पारिन्छ।

    करन महरा / मलेसिया
  • मलेसियामा सुरक्षा गार्ड कम्पनीले श्रम सम्झौतामा उल्लेख  भए अनुसारको न काम दिन्छ, न त  तलब नै। आफ्नो ब्यक्तिगत सुरक्षाको त कुरा नै नगरौं। त्यस्तै परे आफ्नो कम्पनीको मानिसले नै कुन बेला मान्छे र पुलिस लगाएर कुटाउन बेर लगाउदैन। हामी श्रमिकले त नेपालका म्यानपावरलाई एक देखि दुई लाख सम्म बुझाएका हुन्छौं। मलेसियामा बेसिक नौं सय रिङ्गिट  गरी जम्मा १६ सय हुन्छ। होस्टेल, लेबि, ड्रेस अनि यातायातको पैसा कट्दा र खाना खाँदा मुस्किलले एक बर्षमा ऋण तिरिएला। बरु यो भन्दा नेपाल सकारले मालेसियामा कामदार पठाउन बन्द गरेर विकल्प खोज्नुपर्छ। किनकि नेपालको दूतावासले पनि दीर्घकालीन समाधान भन्दा कामदारलाई  थम्थमाउने तिर मात्र लागेको देखिन्छ।

    ठाकु योञ्जन / मलेसिया
सबै हेर्नुहोस