MENU

विशेष

अफगानिस्तानका ‘बिग बोस’ अर्थात रामेछापका दुर्गाबहादुर मगर

सन्जिता देवकोटा/उज्यालो । 

काठमाडौं, असार ५ – ‘बिग बोस’ अर्थात रामेछापका दुर्गाबहादुर मगर । अफगानिस्तान पुगेर उहाँ ‘बिग बोस’ बन्नुभयो ।

सुरुसुरुमा दुर्गाबहादुरको उचाई सानो देखेर म्यानेजरले ‘हि इज स्मल गाइ’ भन्थे । तर पछि उहाँको काम देखेर म्यानेजरले नै ‘बिग बोस’ नाम राखिदिएका थिए ।

दुर्गाबहादुर अफगानिस्तानमा अमेरिकी आर्मी क्याम्पको क्यान्टिनमा काम गर्नुहुन्थ्यो । अफगानिस्तान पुगेर ‘बिग बोस’ बनेका दुर्गाबहादुर अहिले गाउँघरका पनि ‘बिग बोस’ बन्नुभएको छ । अफगानिस्तानमा म्यानेजरको, अनि गाउँघरमा सबैको ‘बिग बोस’ बन्न उहाँले गरेका दुःखको हिसाव गरिसाध्य छैन् ।

स्कुल पढ्दा गाउँकै केटीसँग मायामा परेपछि दुर्गाबहादुरले ९ कक्षामा पढ्दा पढ्दै विहे गर्नुभयो । परिवारको सहमति बिना नै  विहे गरेका दुर्गाबहादुरले विहे पछि पढाइ पनि छाड्नु भयो । पढाइ छाडेर रोजगारीका लागि भारत जानुभयो । १५ वर्ष मात्र लागेका दुर्गाबहादुरले भारतमा धेरै दुःख गर्नुभयो ।

‘चिया पकाउने, मेसिन चलाउने, भुँइ पुछ्नेदेखि इन्चार्जसम्मको काम गरे, तर मेसिन चलाउने काम गर्दाको दुःख मैले अझै विर्सन सकेको छैन,’दुर्गाबहादुरले भारतमा काम गर्दाको दुःख सम्झिनुभयो । 

पखाला लाग्दा मेसिन छाडेर ट्वाइलेट जान नपाएको सम्झदा उहाँलाई अहिले पनि मन दुखेर आउछ । गाउँ छाडेर पहिलो पटक परदेश गएका दुर्गाबहादुर भाषा पनि बुझ्नुहुन्नथ्यो । भारतमा उहाँले दुई वर्ष काम गर्नुभयो । 

घर फर्किएर उहाँले काठमाडौंमा चार वर्ष कोल्ड स्टोरमा काम गर्नु भयो । कोल्ड स्टोरको कामले उहाँलाई धेरै सिकायो । 

‘नयाँ आउनेलाई मेरो भन्दा धेरै तलव दियो, काम केही जान्दैनथे, साहुलाई सोध्दा तिमीले पढेको छैनौ भन्यो । मलाई असह्य भयो’ दुर्गाबहादुरले भन्नुभयो । चार वर्ष काम गर्दा पनि नपढेको भन्दै तलब नबढाए पछि दुर्गाबहादुर फेरि गाउँ फर्किनुभयो ।

कोल्ड स्टोरको काम छाडेर उहाँ गाउँमा स्कुल पढ्न थाल्नुभयो । एसएलसी पास पनि गर्नुभयो । दुर्गाबहादुरले स्कुल पढ्दा पनि कुखुरा फर्म चलाउदै पढ्नुभयो । त्यही बेला उहाँले कुखुरा व्यवसाय गर्ने तरिका पनि जान्नुभयो । उहाँको कुखुरा व्यवसाय राम्रो चलेको थियो । 

तर राम्रो डिमान्ड आए विदेश जाने सोचमा हुनुहुन्थ्यो । गाउँकै आफन्तले अफगानिस्तानमा डिमाण्ड राम्रो छ भनेपछि उहाँ उनै आफन्त मार्फत तीन लाख रुपैयाँ बुझाएर अफगानिस्तान जानुभएको थियो । दुवईबाट प्लेन चढेपछि उहाँले काम गर्ने क्याम्प वरपरबाहेक अर्को ठाउँ देख्नु भएन । क्याम्पबाट कतै निस्कन मिल्दैन थियो ।

दुर्गाबहादुर आफ्नो काम डटेर गर्नुहुन्थ्यो । मेहनतको फल मिठो हुन्छ भने झैं उहाँ क्यामको ‘इम्प्लोइ अफ दि मन्थ’ पनि हुनुभयो ।

‘मेरो जीवनको सबै भन्दा खुसीको क्षण थियो त्यो दिन, अर्काको देशमा त्यो पनि अमेरिकन क्याम्पमा ‘इम्प्लोइ अफ दि मन्थ’ हुनु धेरै ठूलो कुरा थियो,’ दुर्गाबहादुरले त्यो दिन सम्झदै भन्नुभयो, ‘त्यो दिनबाट मलाई क्यापमा गर्ने व्यवहार नै फरक भयो । सबैले राम्रो मान्न थाले ।’ उहाँले पुरस्कार स्वरुप ५० डलर पनि पाउनु भएको थियो ।

दुर्गाबहादुर देख्दा सानो देखिने भएपनि काम जस्तो पनि गर्नुहुन्थ्यो । अरुले नआँटेका काम पनि सजिलै गर्ने भएकाले उहाँलाई म्यानेजरले ‘बिग बोस’ नाम राखेका थिए । क्याम्पको नियम भने कडा थियो । 

दुई वर्ष पछि उहाँ घर फर्किनुभयो । उहाँ विदेशबाट फर्किएर त्यसै बस्नुभएन् । पहिलेदेखि गरिरहेको काम भएकाले कुखुरा व्यवसाय नै गर्नुभयो । 

अहिले दुर्गाबहादुरको रामेछापको रामेछाप बजारमा र मन्थलीमा गरी दुईवटा कोल्ड स्टोर छ । उहाँले कुखुरा व्यवसायीलाई दाना उपलब्ध गराउनु हुन्छ । कोल्ड स्टोरबाट उहाँले मासिक ५० देखि ६० हजार रुपैयाँसम्म कमाउनुहुन्छ ।

त्यसो त उहाँकी श्रीमती पनि सिलाइकटाइको काम गरेर आफ्नो लागि आफैं कमाउनुहुन्छ । उहाँको दुई जना छोरा छन् । दुर्गाबहादुरलाई महिनामा ४० हजार कमाउन खाडीको तातो घाम खानुपर्छ जस्तो लाग्दैन । उहाँ आफ्नै देशमा गरिखाँदा इज्जत र पैसा दुवै हुन्छ भन्नुहुन्छ । 

प्रतिक्रिया दिनुहोस

सम्बन्धित समाग्रीहरु

  • सरकारी राहत ससुराले खान खोजे, १७ वर्षिया विधवा न्यायको खोजीमा

    सबिर विदेशतिर लागेपछि घरबाट रोशनलाई निकालिदिए । ‘तिमी किन यहाँ बसेको भन्दै देवर र सासु ससुराले निकालिदिए । म माइत गएर बसें,’ रोशनले भन्नुभयो

  • वैदेशिक रोजगारीमा राम्रो काम गर्न खोज्दा फाइल मन्त्रालयमै अड्किन्छ

    काठमाडौं, पुस २ – वैदेशिक रोजगार प्रवद्र्धन बोर्डका कार्यकारी निर्देशक रघुराज काफ्लेले वैदेशिक रोजगारीलाई सुरक्षित र मर्यादित बनाउन खोज्दा फाइल मन्त्रालयमै अड्किने गरेको बताउनुभएको छ ।

  • वैदेशिक रोजगारी पूरै बन्द हुन्छ भन्ने कुरा गलत

    वैदेशिक रोजगारीमा युवा पठाउन हुन्न भन्ने कुरालाई स्वागत गर्न चाहन्छु । देशमा नै रोजगारी सिर्जना भयो भने घरमै बसेर रोजगारी पाउनु भनेको ठूलो कुरा हो ।

  • वैदेशिक रोजगारका पीडित भन्छन् – ‘आश्वासन होइन न्याय चाहियो’

    सन्जिता देवकोटा/उज्यालो । काठमाडौं, पुस १ – झापाकी शर्मिला (नाम परिवर्तन) काठमाडौंको बुद्धनगरमा रहेको फिस ल्याडर म्यानपावरबाट एक वर्ष अघि दुवई पुगिन् । क्लिनरको काममा ९ सय दिर्हाम तलब हुने लोभ देखाएर उनलाई दुवई पुर्‍याइयो । कम्पनीमा क्लिनरको काम पाइने भएपछि शर्मिलाले म्यानपावरलाई ३० हजार रुपैयाँ बुझाइन् ।  तर दुवईबाट उनलाई ओमान पुर्‍याइयो । उनले ६ महिना काम पनि पाइनन् । कामको सट्टा उनलाई बन्दी बनाएर राखियो । गाली गर्ने, खान नदिने जस्ता दुव्र्यवहार सहनु पर्‍यो उनले । उद्...

सबै हेर्नुहोस

विशेष

समाचार

पछिल्ला समाचारहरु
Notice, Press Release

मेरो कथा मेरो भोगाई थप सामाग्रीहरु

Download
Mobile App

मेरो पनि भन्नु छ

  • पहिलो कुरा भ्रष्टाचारविरुद्ध खरो रुपमा प्रस्तुत हुनुहुपर्छ। सरकार, नेता, कर्मचारी, सञ्चारमाध्यम र सर्वसाधारणले नियम पालना गर्नुपर्छ। स्वरोजगारका लागि सरकारले आयमुलक योजना ल्याउनुपर्छ। प्राकृतिक साधन र स्रोतको गहिरो अध्ययन गरेर उपयोग गर्नुपर्छ। यसका लागि बाह्य पूँजी नभई स्वदेशी लगानीमा गर्नुपर्छ। सर्वसाधारणलाई पनि लगानीका लागि वातावरण बनाउनुपर्छ। यसो गर्दा स्वरोजगार हुनेको संख्यामा वृद्धि हुन्छ। रोजगारीका लागि विदेश जाने स्वतः घट्छन। विदेश नै पठाउने हो भने जि टु जी सम्झौता गरेर पठाउनुपर्छ। अरु आकर्षक गन्तव्य पनि खोजी गर्नुपर्छ। 

    गंगा राना / मलेसिया
  • प्रतिनिधसभा र प्रदेशसभा चुनावमा पाएको उपलब्धी नेपाली कम्युनिष्ट इतिहासमा दोहोरिन मुस्किल छ। साधारण बहुमत समेत ल्याउन नसकिरहेका बेला यो परिणाम नेपाली कम्युनिस्ट आन्दोलनको उपलब्धि ऐतिहासिक हो। आपसी झगडामा वाम गठबन्धनले यो अवसर गुमाए भने नेपाली नागरिकले यिनीहरुलाई कहिल्यै माफी दिने छैनन। ५ वर्ष भित्र नेपाली नागरिकले शासन प्रणालीमा सुधार र देशको भौतिक तथा आर्थिक बिकासमा परिवर्तनको आभास पाउनुपर्छ। 

    अनमोल श्रेष्ठ / दुवई
  • भर्खर मात्र देश संविधान कार्यान्वयनको बाटोमा अगाडि बढेको छ। प्रतिनिधीसभा र प्रदेशसभाको चुनाव भर्खरै सम्पन्न भएको छ। अब स्थायी सरकार बन्छ भन्ने विश्वास धेरै नागरिकलाई छ। विकास गर्न ५ वर्षे स्थायी सरकार बन्नुपर्छ। आशा छ, वाम गठबन्धनले ५ वर्षका लागि सरकार बनाउँछ। विदेशमा भएका युवालाई तत्कालै देशमा नै रोजगारीको सुनिश्चितता गर्न गाह्रो छ। किनभने अब बन्ने केन्द्रीय सरकारको काँधमा काम धेरै छ। संघीयता सम्बन्धी बिमतीहरु मिलाउन समय लाग्छ। प्रान्तिय सरकारले विदेशिएका लाखौं युवालाई विकास र समृद्धिको ठाउँमा योग्यता अनुसार लगाउन सक्नुपर्छ। नेपाली युवाको कमजोरी यौटै छ, विदेशमा घण्टौं खट्ने, तर स्वदेशमा राम्रो काम गर्न नचाहने। यो परिपाटीको अन्त्य हुन चीनको जस्तो कम्युनिष्ट सरकारको आवश्यक छ । चीनमा इन्जिनियरले तारजाली ग्याबिन भर्छ। तर नेपालको सवओभरसियरले ढुंगा समेत छुँदैन । अनि, कसरी देश विकास हुन्छ र रोजगारी पाइन्छ। देशभित्र रोजगार सिर्जना गर्न चार वटा वादको अन्त्य हुन जरुरी छ, नातावाद, कृपावाद, भ्रष्टवाद र ठगवाद। 

    यम श्रेष्ठ संगीतप्रेमी / मलेसिया
  • मेरो मनमा लाग्छ म परिश्रम गर्छु र अगाडि बढ्छु तर सोचेको जस्तो सजिलो छैन यहाँ जीवन।

    पदमबहादुर खत्रि / दोहा, कतार
सबै हेर्नुहोस