MENU

विशेष

पछिल्लो ५ वर्षमा विदेश जाने महिला धेरै झापाका, थोरै सिरहाका

लक्ष्मी चौधरी/कैलाली ।

साउन २ – सुरक्षित आप्रवासन (सामी) परियोजना लागू भएका १८ जिल्लाबाट ४४ हजार ४ सय ९२ जना महिला वैदेशिक रोजगारीको लागि गएका छन् । ५ वर्षमा विदेशिएका ९ लाख ३६ हजार ३ सय ४ जना मध्ये ४४ हजार ४ सय ९२ जना अर्थात ४ दशमलव ७६ प्रतिशत महिला रहेको सुरक्षित आप्रवापस परियोजना सामी जारी गरेको तथ्याङ्कले देखाउँछ ।  

यो अवधिमा सबैभन्दा धेरै झापाबाट ९ हजार ४ सय ५४ र सबै भन्दा कम सिराहबाट १ सय ५७ महिला विदेश गएका छन् ।

सिन्धुपाल्चोकबाट ८ हजार ६९, सुनसरीबाट ३ हजार ८ सय ४, नुवाकोटबाट ३ हजार ५ सय २७, नवलपारासीबाट २ हजार ८ सय ५५, धादिङबाट २ हजार २ सय ९१, सिन्धुलीबाट २ हजार १ सय १९, रामेछापबाट २ हजार ४ सय ३६ जना वैदेशिक रोजगारीको लागि विदेश गएका छन् ।

यस्तै उदयपुरबाट १ हजार ९ सय ६६, कास्कीबाट १ हजार ७ सय ७९, खोटाङबाट १ हजार ६ सय ७६,दागबाट १ हजार ५ सय ४ र सर्लाही १ हजार ३ सय २८ जना विदेश गएको तथ्याकले देखाउँछ ।

त्यस्तै कैलालीबाट पाँच वर्षमा ५ सय ७४ महिला वैदेशिक रोजगारीको लागि तेस्रो मुलुक गएको तथ्याङ्कमा उल्लेख छ । त्यस्तै धनुषाबाट ३ सय ६०, र महोत्तरीबाट ३ सय ३५, सप्तरीबाट २ सय ५९ जना महिला विदेश गएका छन् ।

तराई मधेषक्षेत्रबाट कामको खोजिमा जाने महिलाको संख्या कम देखिएको छ । तर, यही क्षेत्रबाट जाने पुरुष भने बढिरहेको तथ्याङ्कले देखाउँछ । 

सबैभन्दा कम महिला विदेश गएको सिराह जिल्लामा ८२ हजार ३ सय ८३ जना पुरुष  विदेशिएका छन् ।  

नेपालबाट सबैभन्दा बढी आर्थिक वर्ष २०७०/७१ मा १५ हजार २ सय ५३ महिला विदेश गएका छन् भने आर्थिक वर्ष २०७२/७३ मा ५ हजार ९ सय ११ कामको खोजिमा विदेशिएका छन् । त्यस्तै आर्थिक वर्ष २०६८/६९ मा २ हजार ८ सय /६९ जना, २०६९र७० १३ हजार ५ सय ९३ विदेश गएका छन् भने २०७१/७२ मा  ६ हजार ८ सय ६६ जना कामको खोजिमा विदेश गएका छन् ।

यो तथ्याङ्क सुरक्षित आप्रवासन परियोजना लागू भएका १८ जिल्लाबाट श्रम स्वीकृति लिएर विदेश जानको संख्या हो । यस बाहेक भारतीय नाका सहित अन्य अवैध बाटो प्रयोग  गरी तेस्रो मुलुक जानेको संख्या धेरै रहेको सुरक्षित आप्रवासनको क्षेत्रमा काम गर्ने संस्थाहरुको भनाई छ । 

सुरक्षित आप्रवासन परियोजनाले सुरक्षित वैदेशिक रोजगारीको लागि सूचना, तालिम, न्याय तथा मनोसामाजिक परामर्शका कार्यक्रम सञ्चालन गर्दै आएको छ । 

सन् २०१४ को फेब्रुअरीबाट परियोजना सञ्चालन भएको कैलालीमा झण्डै ४५ हजार जनालाई वैदेशिक रोजगारी सम्बन्धि जानकरी तथा सूचना प्रवाह गरिएको कैलालीमा परियोजना सञ्चालन गरिरहेको सिर्जनसिल समाजको सिर्जना(सिसिएस) का संयोजक दिपेन्द्र बहादुर भण्डारीले जानकारी दिनुभयो ।

उहाँले पछिल्लो समयमा वैदेशिक रोजगारीसम्बन्धी सूचना लिएर जानेको संख्या बढेको बताउनुभयो । पासपोर्ट बनाउने सबैले सुरक्षित आप्रबासन (सामी) परियोजना अन्र्तगत सञ्चालित सूचना तथा परामर्श केन्द्रमा पठाएर सूचना दिने गरेको उहाँको भनाई छ । सिसिएस अन्र्तगत सामी परियोजनाले कैलालीका ७ गाविस, ४ नगरपालिका र १ उपमहानगरपालिकाका विभिन्न गाविस, समुदाय स्तरीय अभिमुखीकरण, घुम्ती शिविर, घुम्ती परामर्श सेवा मार्फत सुरक्षित वैदेशिक रोजगारसम्बन्धी सबै सूचना दिँदै आएको छ । 

 

प्रतिक्रिया दिनुहोस

सम्बन्धित समाग्रीहरु

सबै हेर्नुहोस

विशेष

समाचार

पछिल्ला समाचारहरु
Notice, Press Release

मेरो कथा मेरो भोगाई थप सामाग्रीहरु

Download
Mobile App

मेरो पनि भन्नु छ

  • माग पत्रमा फ्रि भिसा फ्रि टिकट लेखिएको जान्दा जान्दै पनि म्यानपावरका एजेन्ट भनाउँदा दलालले एक लाख देखि दुई लाखसम्म रकम लिने गर्दछन् र दश हजार मात्रै तिरेको कागजमा सही गराउँने जुन कर्तुत गरिरहेका छन् चाँडो भन्दा चाँडो वर्षौं देखि चलेको यो कालो कर्तुतको अन्त्य गरिनु पर्यो सरकार ! यही नै सबैका लागि ठूलो सेवा सुविधा हुनेछ सरकार।

    प्रकाश थापा / युएई
  • कोरियन साहुको किचकिच, काम गाह्रो, भनेको समयमा कम्पनी परिवर्तन गर्न नसकिने आदि कोरियाको मुख्य समस्या हो। बाँकी अरू त सबै ठीकै छ। काम अनुसारको तलव, हावापानी, बाटो घाटो, बसाई, ईन्टरनेट सुविधा सबै राम्रो छ।

    निशान राई / दक्षिण कोरिया
  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः -भाषाको समस्या,  -भनेको काम नभइ अर्को काममा लगाउने, -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ, -तोकेको सेलरी भन्दा कम, -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब
  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया
सबै हेर्नुहोस