MENU

विशेष

स्थानेश्वरलाई आजीवन जेल सजायबाट मुक्त गर्न ब्लडमनी संकलन अभियान

सन्जिता देवकोटा/उज्यालो । 

काठमाडौं भदौ २५ – प्रवासी नेपाली समन्वय समिति (पिएनसिसी)को पहलमा ‘स्थानेश्वर भुषालको सहयोगार्थ ब्लडमनी रकम संकलन अभियान’ सुरु गरिएको छ । 

साउदीमा आजीवन जेल सजाय तोकिएका नवलपरासीको मध्यबिन्दु नगरपालिका ४ का स्थानेश्वर भुषाल ४ वर्षदेखि साउदीको जेद्धामा रहेको डावान जेलमा हुनुहुन्छ । भुषालको उद्वारका पिएनसिसीले सात जनाको अभियान सल्लाहकार समिति बनाएर रकम संकलन अभियान सुरु गरेको हो । 

कोषमा रकम जम्मा भएपछि वैदेशिक रोजगार प्रवद्र्धन बोडसँग सहकार्य गरेर ब्लडमनीका लागि चाहिने रकम साउदी पठाइने समितिका अध्यक्ष कुलप्रसाद कार्कीले बताउनुभयो ।

सुरक्षित आप्रवासनका लागि राष्ट्रिय सञ्जाल, प्रवासी नेपाली समन्वय समिति, सञ्चारमाध्यमका प्रतिनिधि, पीडित परिवारका सदस्य र स्थानीय जनप्रतिनिधि सहितको सल्लाहकार समिति गठन गरिएको हो । 

परिवारको सदस्यहरुमा स्थानेश्वरकी आमा यमकला भुषाल, सुरक्षित आप्रवासनका लागि राष्ट्रिय सञ्जालका अध्यक्ष सिद्धिचन्द्र बराल, प्रवासी नेपाली समन्वय समितिका अध्यक्ष कुलप्रसाद कार्की, महासचिव सोम लामिछाने तथा बुद्धसिंह केप्छाकी, स्थानीय जनप्रतिनिधि बिष्णु न्यौपाने र पत्रकार निरञ्जन ज्ञवाली सहितको समिति बनाइएको छ । 

समितिले ग्लोबल आइएमइ बैंकमा १० हजार रुपैयाँ सिड्मनी राखेर खाता खोलिसकेको छ । स्थानेश्वरलाई सहयोग गर्नका लागि ग्लोबल आइएमइ बैंकको खाता नम्बर ३९०१०१००००४०९ मा रकम जम्मा गर्न सकिने छ । 

यसरी भएको थियो दुर्घटना 

स्थानेश्वरले चलाएको गाडीलाई पछाडिबाट अर्को गाडीले ठक्कर दिएको थियो । गाडीको ठक्कर पछि स्थानेश्वर चलाएको गाडी अनियन्त्रित भई अगाडिको गाडीसँग ठोक्किदा एकजना स्थानीय साउदी नागरिकको ज्यान गएको थियो । 

सवारी चालक अनुमति पत्र नभएकाले उहाँलाई हत्याको अभियोगमा आजीवन जेल सजाय सुनाइएको हो । साउदीको माथिल्लो अदालतको निर्णय अनुसार उहाँ जेलमुक्त हुन एक लाख ५० हजार रियाल (झण्डै ४५ लाख रुपैयाँ) ब्लडमनी बुझाउन पर्नेछ । 

परिवारको आर्थिक अवस्था कमजोर

दुई दाजुभाइ मध्येका जेठा छोरा स्थानेश्वरको परिवारको आर्थिक अवस्था नाजुक भएकै कारण उहाँ ऋण काढेर विदेश जानुभएको थियो । कमाउन भएको छोरा १० महिनामै जेल परेपछि परिवारमा विहान बेलुकाको चुलो बल्न पनि धौ धौ छ । स्थानेश्वर जेल परेपछि श्रीमतीले पनि अर्कै बिहे गरिन् ।

उहाँको बुवा पनि शारीरिक र मानषिक रुपमा अशक्त भएकाले स्थानेस्वरको उद्वारका लागि आमा यमकला भुषाल विभिन्न ठाउँमा धाइरहनुभएको छ । ब्लडमनी तिरेर घर फर्कन पाउने भएपनि ऋण काढेर परदेश गएका स्थानेश्वरको परिवारले रकम जुटाउन सक्दैन ।

त्यसैले समितिको पहलमा स्थानेश्वरको सहयोगका लागि यो अभियान सुरु गरिएको हो । स्थानेश्वर ललितपुरको कुपण्डोलमा रहेको इनोभेटिभ म्यानपावरबाट साउदी जानुभएको हो । 

परिवार र समितिबिच द्विपक्षीय सम्झौता

समितिले स्थानेश्वरको उद्वारका लागि सुरु गरेको यो अभियानबाट चाहिने भन्दा बढी रकम संकलन भएमा बढी भएको रकम परिवारले दावी गर्न नपाउने सम्झौता गरेको छ ।

बढी भएको रकम परिवारलाई नदिई स्थानेश्वर जस्तै समस्यामा परेकाको सहयोगका लागि खर्च गर्ने अध्यक्ष कार्कीले बताउनुभयो । 

 

प्रतिक्रिया दिनुहोस

सम्बन्धित समाग्रीहरु

सबै हेर्नुहोस

विशेष

समाचार

पछिल्ला समाचारहरु
Notice, Press Release

मेरो कथा मेरो भोगाई थप सामाग्रीहरु

Download
Mobile App

मेरो पनि भन्नु छ

  • माग पत्रमा फ्रि भिसा फ्रि टिकट लेखिएको जान्दा जान्दै पनि म्यानपावरका एजेन्ट भनाउँदा दलालले एक लाख देखि दुई लाखसम्म रकम लिने गर्दछन् र दश हजार मात्रै तिरेको कागजमा सही गराउँने जुन कर्तुत गरिरहेका छन् चाँडो भन्दा चाँडो वर्षौं देखि चलेको यो कालो कर्तुतको अन्त्य गरिनु पर्यो सरकार ! यही नै सबैका लागि ठूलो सेवा सुविधा हुनेछ सरकार।

    प्रकाश थापा / युएई
  • कोरियन साहुको किचकिच, काम गाह्रो, भनेको समयमा कम्पनी परिवर्तन गर्न नसकिने आदि कोरियाको मुख्य समस्या हो। बाँकी अरू त सबै ठीकै छ। काम अनुसारको तलव, हावापानी, बाटो घाटो, बसाई, ईन्टरनेट सुविधा सबै राम्रो छ।

    निशान राई / दक्षिण कोरिया
  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः -भाषाको समस्या,  -भनेको काम नभइ अर्को काममा लगाउने, -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ, -तोकेको सेलरी भन्दा कम, -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब
  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया
सबै हेर्नुहोस