MENU

विशेष

युएईका जेलमा १०९ नेपाली, रक्सीका कारण जेल पर्ने धेरै

उमाकान्त पाण्डे/उज्यालो ।

युएई, भदौ २८– युएईमा १ सय ९ जना नेपाली जेलमा छन् । नेपाली दूतावासले जेलमा रहेका नेपालीका बारेमा तयार परेको प्रतिवेदनमा युएईका सात वटा राज्यमा रहेका ८ वटा जेलमा रहेका नेपालीको तथ्याङ्क सार्वजनिक भएको हो । 

दूतावासले वर्षमा दुई पटक जेल भ्रमण गर्ने अभियान अन्तर्गत दुई महिना अघिदेखि जेल भ्रमण सुरु गरेको थियो । दुतावासका द्वितीय सचिव कृष्ण अर्याल र तृतीय सचिव संगिता न्यौपानेसहित दुतावासको जन सम्पर्क अधिकृत पिआरओलगायतको टोलीले जेलमा रहेका नेपालीलाई भेटेको थियो ।

१ सय ६४ जना जेल परे पनि ५५ जना भने सजाय भोगेर जेल मुक्त भइसकेका छन्  । जेलमा परेका कतिपय नेपालीले आममाफी पाएर स्वदेश फर्किने गरेको र जेलमै रहेका नेपाली नागरिकको सहयोगका लागि प्रकृया सुरु गरेको युएईका लागि कार्यबाहक राजदुत नेत्रबहादुर टन्डनले बताउनुभयो ।

युएईका ८ वटा जेलमध्ये फुजेराह र उम्मल क्विन बाहेक अन्य ६ वटा जेलमा नेपाली छन ।  युएईको दुवईको केन्द्रीय कारागारमा सबै भन्दा धेरै ८३ जना नेपाली छन् । 

त्यस्तै राजधानी आबुधाबीको अल वात्वा जेलमा ३५ जना, रसअलखेमामा ९ जना, अजमान र सारजाहा जेलमा ११ जना नेपाली रहेको दूतावासले जनाएको छ । त्यस्तै आबुधाबी राज्य अन्तर्गत अलऐनमा रहेको जेलमा १५ जना नेपाली छन । ती मध्ये ३ जना महिला रहेको दूतावासले  जनाएको छ । 

दुतावासका प्रतिनिधिले जेलमा रहेका नेपालीलाई प्रत्यक्ष भेटेर आवश्यक सहयोग बारे सोधपुछ गरेको थियो । ट्राभल डकुमेण्ट वा अन्य कागजी प्रक्रियामा सहयोग गर्नुपर्ने भए वा कानुनी सहयोग आवश्यक परे दुतावासले पिआरओ वा वकिल खटाउने जानकारी जेलमा रहेका नेपालीलाई गराएको दुतावासका दितिय सचिव प्रवक्ता कृष्ण अर्यालले बताउनुभयो । भ्रमणका बेला जेल प्रशाशन र सम्बन्धित निकायसँग पनि नेपालीका समस्याबारे छलफल गरिएको उहाँले बताउनुभयो ।


भेटमा नेपाली कामदारलाई परेको मुद्दा र त्यसमा दूतावासले गर्न सक्ने समन्वयका बारेमा दूतावासले चासो देखाएको छ । यसअघि दूतावासको समन्वय र एनआरएनलगायतका संघसस्थाले दुवईका केही जेलमा पुगेर नेपालीको अवस्था बुझ्दै आएका थिए । तर युएईका सबै जेलमा दूतावासका प्रतिनिधी पुगेको यो तेस्रो पटक हो । जेलको अवलोकनपछिको अवस्थाबारे तयार पारिएको  सात पृष्ठ लामो प्रतिवेदन दूतावासले परराष्ट्र मन्त्रालयमा पठाएको छ ।  

रक्सीले मातेर झगडा गर्ने बढे

रक्सीले मातेर झगडा गर्ने र त्यही निहुमा जेल पुग्ने नेपाली धेरै रहेको प्रतिवेदनमा उल्लेख छ । झगडा र कुटपिट गर्ने, रक्सी पिएर गाडी चलाउने जस्ता काममा संलग्न भएको आरोपमा धेरै नेपाली जेल परेका हुन् । ती मध्ये कतिपय त साप्ताहिक बिदाका दिन पार्क तथा समुन्द्र किनारमा बसेर पेप्सी र कोकाकोलाका बोतलमा रक्सी पिइरहेको बेला पक्राउ परेका छन् । युएईको कानुनमा सार्वजनिक स्थानमा रक्सी पिउन पाइँदैन् । 

‘दूतावासको प्रतिनिधि भएर जेल पुग्दा लज्जित हुनु पर्ने अवस्था छ ।’ द्वितिय सचिव अर्यालले भन्नुभयो ‘जेलमा नेपालीको अर्को नाम नै रक्सी पिउने र कुटपिटमा उत्रिने हिसावले परिचित छ, यस्ता कुरामा नेपाली कामदार सचेत नभए समस्या कम हुने देखिँदैन ।’

त्यस्तै लागु औषधको प्रयोग, ओसारपोसार वा सघाएको मुद्दामा पनि नेपाली जेल परेका छन् । धेरैजसो नेपालीले नेपालबाट अचारमा भाङ, धतुरो, गाजा तथा मर्चा मिसाएर ल्याउने क्रममा पक्राउ पर्ने गरेका छन । कतिपय नेपाली हत्या आरोपमा पनि अनुसन्धानका लागि जेलमा छन ।

उनीहरुको बिषय थप जटिल हुने भएकाले रिहाइ हुन समय लाग्ने देखिएको छ । चोरी आरोप र अवैध यौन सम्बन्ध राखेको आरोपमा पनि नेपाली जेलमा छन् । उनीहरुलाई पार्क तथा विभिन्न स्थानमा बसेर शारीरिक सम्बन्ध राख्ने प्रयास गरेको आरोपमा पक्राउ गरिएको हो । नक्कली कागजपत्र बनाएर प्रयोग गर्ने र अन्य विविध कारणले नेपाली जेल परेको दुतावासको प्रतिवेदनमा उल्लेख छ । 

दार्चुलाका अमर बहादुर बम १४ वर्षदेखि दुवईको जेलमा छन् । उनलाई सन् २००३ मा भारतीय नागरिको हत्या आरोपमा मृत्युदण्डको सजाय सुनाएको छ । मृत्युदण्डको सजाय सुनाइएको १० वर्ष भइसकेको छ । 

जनचेतनाका लागि मजदुर शिविरसम्म पुग्छौं : दुतावास 

युएईमा कार्यरत नेपालीलाई थप सचेत बनाएर भविष्यमा आउन सक्ने समस्याबाट बचाउन दुतावासले जनचेतना कार्यक्रमको खाका तयार पारेको छ । यस वर्ष दूतावासले युएईका सातै वटा राज्यमा जनचेतनाका लागि कार्यक्रम तयार गरेर परराष्ट्र मन्त्रालयमा पठाएको थियो ।

परराष्ट्रबाट अनुमति पाईसकेकोले यस वर्ष दुतावासले कामदारका क्याम्पमै पुगेर कार्यक्रम गर्ने योजना बनाएको छ । सकेसम्म सबै राज्यमा पुग्ने छौ नभए युएईमा धेरै नेपाली काम गर्ने कम्पनीका क्याम्पहरुमै पुगेर कार्यक्रम गर्ने योजना रहेको दुतावासले जनाएको छ ।

प्रतिक्रिया दिनुहोस

सम्बन्धित समाग्रीहरु

  • कुवेतमा दुर्घटनामा परेपछि महेन्द्रको मानसिक स्थिती गुम्यो

    कुवेतमा दुर्घटनामा परेका नवलपरासीका महेन्द्र हरिजनले मानसिक सन्तुलन गुमाएका छन् । दुर्घटना टाउको चोट लागेका उनको स्मरण शक्ति गुमेको कुवेतको फर्वानिया अस्पतालका डाक्टरले जनाएका छन् । दुर्घटनामा परेका महेन्द्रलाई प्रहरीले उद्दार गरी अस्पताल पुर्‍याएकाे थियो ।

  • परदेशको कमाईको डेढ करोड समाजसेवामा

    सानै उमेरदेखि गीत–संगीत र समाजसेवामा रुचि राख्ने पोखरेलले अष्ट्रेलियामा कमाएको पैसा जन्मभूमिको सेवामा खर्च गरिरहनुभएको छ । सामाजिक क्षेत्रमा सहयोगकै लागि करिब एक दशकको अवधिमा डेढ करोड रुपैयाँ भन्दा बढी खर्च भइसकेको पोखरेलले बताउनुभयो ।

  • ​पाँच पटक विदेश जाँदा ऋण घटेन बढ्यो, तिर्ने उपाय छैन

    खोटाङको रुपाकोट मझुवागढी १० पाथेकाका मंगल भुजेल त्यति बेला कक्षा ८ मा पढ्दै हुनुहुन्थ्यो । १६ वर्ष मात्रै पुगेका मंगललाई कतारमा रहेका दाई नाता पर्ने व्यक्तिले विदेश जान उकासेपछि उहाँले उमेर बढाएर नागरिकतासँगै पासपोर्ट पनि बनाउनुभयो ।

  • ​विदेशबाट घर फर्किंदा यी बस्तु ल्याए भन्सारले जफत गर्छ ! नियम थाहा पाउनुहोस्

    दसैं नजिकिएसँगै वैदेशिक रोजगारीबाट विदामा घर फर्किने परदेशीको संख्या बढेको छ । परदेशमा दुःख गरेर कमाएको पैसाले घर फर्किंदा ल्याउने सामानको भन्सार नियम थाहा नपाउँदा कतिपयको सामान नै जफतमा पर्ने गरेको छ ।

सबै हेर्नुहोस

विशेष

समाचार

पछिल्ला समाचारहरु
Notice, Press Release

मेरो कथा मेरो भोगाई थप सामाग्रीहरु

Download
Mobile App

मेरो पनि भन्नु छ

  • म बाह्र बर्ष देखि कतारमा ड्राइभरको काम गर्दै आएको छुँ। प्राय कम्पनीमा भारतीय फोरम्यान हुन्छन् भने केहिमा नेपाली। जहाँ नेपाली राम्रो पदमा कार्यरत छन् त्यहाँ आफ्नै नेपाली दाजुभाइलाई दबाउने, पैसा नदिने, काममा दुःख दिने, ओभर टाइम नदिने जस्ता अती नै घटीया ब्याबहार गरि नेपालीले नेपालीलाई नै लुटिरहेका छन्।

    महेन्द्र कुमार रोक्का / कतार
  • साउदी अरेबियामा आजिवन जेल परेका स्थानेस्वरलाई बचाउ अभियान नै चलाइदै रहेछ, राम्रो कुरा हो। बिगतमा पनि अमर राई र बमबहादुरको लागि चाहिने भन्दा धेरै रकम संकलन भएको थियो। अझ एकजनाको त पुरै ब्लडमनि अज्ञात ब्यक्तिले दिएको थियो। त्यो पैसा अहिले कहाँ र कोसँग छ ? त्यस्को सोधी खोजी कसले गर्ने ? यदि त्यो पैसा त्यस्तै निर्दोशलाई बचाउन राखिएको हो भने त्यसबाटै स्थानेस्वरलाई बचाउन सकिँदैन र ?

    दुर्गेस सापकोटा
  • मलेसियामा न त कानुनसम्बन्धी कुनै भरपर्दो निकाए नै छ जस्ले कामदारका हितमा सघाओस् न त भनेजस्तो तलब सुबिधानै। अन्तराष्ट्रीय नियम अनुसार श्रमिकहरुको न्युनतम कामगर्ने समय र महिनाभरी पर्ने पब्लिक डे र अन्य बिदाको त कुनै अर्थ नै छैन। न त कम्पनीले दिन मान्छ, न यहाँको सरकारी निकायबाट छानबिन नै हुन्छ। दिनरातको असुरक्षित बातावरणमै दुःखमा दिन बिताउन बाध्य छ्न् यहाँ कार्यरत अधिकांश नेपाली कामदारहरु। नेपालसरकारको त कुरै नगरौँ, दुतावासले सहयोग गर्ला सोच्योकी बिचौलियालाई ठिक्क पारिन्छ।

    करन महरा / मलेसिया
  • मलेसियामा सुरक्षा गार्ड कम्पनीले श्रम सम्झौतामा उल्लेख  भए अनुसारको न काम दिन्छ, न त  तलब नै। आफ्नो ब्यक्तिगत सुरक्षाको त कुरा नै नगरौं। त्यस्तै परे आफ्नो कम्पनीको मानिसले नै कुन बेला मान्छे र पुलिस लगाएर कुटाउन बेर लगाउदैन। हामी श्रमिकले त नेपालका म्यानपावरलाई एक देखि दुई लाख सम्म बुझाएका हुन्छौं। मलेसियामा बेसिक नौं सय रिङ्गिट  गरी जम्मा १६ सय हुन्छ। होस्टेल, लेबि, ड्रेस अनि यातायातको पैसा कट्दा र खाना खाँदा मुस्किलले एक बर्षमा ऋण तिरिएला। बरु यो भन्दा नेपाल सकारले मालेसियामा कामदार पठाउन बन्द गरेर विकल्प खोज्नुपर्छ। किनकि नेपालको दूतावासले पनि दीर्घकालीन समाधान भन्दा कामदारलाई  थम्थमाउने तिर मात्र लागेको देखिन्छ।

    ठाकु योञ्जन / मलेसिया
सबै हेर्नुहोस