MENU

विशेष

छोरो त पढाइदिउँला, कुवेतबाट बहिनी आइनन् भने के जवाफ दिनु

सन्जिता देवकोटा/उज्यालो ।

काठमाडौं, भदौ २९ – कुवेतबाट दिपा सिंहले दिनहुँ फोन गर्नुहुन्थ्यो दिदी रक्षा चौधरीलाई । दिपाले जाने बेलामा ८ वर्षका छोरालाई पनि रक्षाकै साथमा छाडेर जानुभएको थियो । 

कामको बारेमा दिपाले कहिल्यै नराम्रो सुनाउनु भएको थिएन् । ‘घरको काम गर्नु पर्छ, बच्चा हेर्ने खाना पकाउने त हो भन्दै हाँसेरै बोल्थी फोनमा पनि,’ रक्षाले बहिनीसँग फोनमा गरेको कुराकानी सुनाउनुभयो ।

बहिनीले दिनमा चार पटकसम्म मिसकल गर्ने, फोन पनि गर्ने भएकाले रक्षाले बहिनीको कामको बारेमा नराम्रो छ कि भनेर शंका नै गर्नु भएन । अझ खुसी भएर बोलेको सुन्दा बहिनीका दुःखका दिन सकिए भन्ने सोच्दै खुुुसी हुनुभयो रक्षा । 

दिपाले पहिलो महिनाको तलव भनेर २६ हजार रुपैयाँ घर पठाउनुभयो । रक्षालाई त्यो पैसा ‘छोराको लागि खर्च गर्नु है दिदी’ भन्नुभएको थियो दिपाले । 
विदेश पुगेको दुई महिनापछि दिपाको फोन कम आउन थाल्यो । काममा व्यस्त भएर फोन नगरेको हो कि जस्तो लाग्यो । तर उहाँले सोचेको जस्तो भएन । दिपाले बिस्तारै फोन गर्नै छाड्नुभयो । 

झण्डै दुई महिना पछि दिपाले साथीको नम्बरबाट फोन गर्नुभयो । पहिले फोनमा हाँसेर बोल्ने बहिनीको बोली बेग्लै थियो । रोएको जस्तो बोली आयो । ‘के भयो भनेर सधेका ठिकै छ म पछि पैसा पठाउछु । मेरो छोरालाई राम्रोसँग हेरिदिनु है भनी,’ दिपाले त्यती भनेर फोन राख्नुभयो ।

पहिले गर्ने नम्बरमा रक्षाले धेरै पटक फोन कोसिस गर्नुभयो । तर लागेन । दिपाले फेरि केही समय पछि फोन गनुभयो । त्यती बेला पनि दिपाले साहु दुवईबाट आएपछि पैसा पठाउँछु भनेर राख्नुभयो ।

बहिनीले त्यस्तो व्यवहार देखाएपछि रक्षालाई शंका लाग्यो । रक्षाले बहिनीले फोन गरेको नम्बरमा फोन गर्नुभयो । त्यो नम्बर दिपाले काम गर्ने घर नजिकैको घरमा काम गर्नेे साथीको नम्बर रहेछ ।

साथीले दिपाको बारेमा बताएपछि रक्षा छक्क पर्नुभयो । बहिनीले तलब माग्दा साहुले कुटेछन, त्यसपछि उसको पनि बहिनीसँग भेट भएको छैन रे, दिपाले ंआत्तिदै भन्नुभयो, ‘बहिनीलाई नराम्रो केही पो भयो कि ।’

साथीले रक्षालाई बताए अनुसार दिपा अहिले त्यो घर छाडेर भागिसक्नुभएको छ । बहिनी कहाँ गइन भन्ने चिन्ताले सताएको छ रक्षालाई । दिपा सुर्खेतकी हुन् । श्रीमानसँग सम्बन्ध राम्रो नभएपछि उहाँ सुर्खेतमा आमासँगै बस्नुहुन्थ्यो ।

पेटमा गर्भ लिएर माइत आएकी दिपाको छोरा पनि ८ वर्षको भैसकेका छन् । माइतीमा आमा पालेर बसेकी दिपालाई गाउँकै चिनजानका दलाल शशी खत्रीले भारतको बाटो हुँदै कुवेत पठाएकी हुन ।

नेपालबाटै विदेश पठाउने भनेर दिपासहित अरु महिलालाई पनि काठमाडौं बोलाएकी शशीले एक महिना काठमाडौंमा राखेर पछि नेपालगञ्ज हुँदै दिल्ली पठाएको रक्षाले पछि मात्र थाहा पाउनुभयो । बहिनीलाई भारतको बाटो हुँदै विदेश पु¥याए भनेको सुन्दा नै रक्षाको मन चिसो भएको थियो । 

धेरै महिलालाई भारतको बाटो हुँदै खाडीमा लगेर बेचेको सुनेकी रक्षालाई बहिनीलाई पनि त्यस्तै गर्ने हुन कि भन्ने लागेको थियो । नभन्दै अहिले त्यस्तै भयो । दिपाको सही खबर समेत नपाउँदा रक्षालाई निको चाल छ भन्ने लाग्दैन ।

दिपाको छोरा रक्षासँगै बसेर एलकेजीमा पढ्छन् । छोरालाई दिपा बेखबर भएको थाहा छैन । तर छोराले आमाले किन फोन नगरेको भनेर सोधिरहन्छन् । रक्षालाई एकातिर बहिनी बेखबर हुँदाको पीडा छ त अर्को तिर छोरालाई ढाँट्नुपर्दाको पीडा । रक्षा भन्नुहुन्छ, ‘ठूलोममीसँगै बसेर पढ्छु भनेको छ छोराले । उसलाई त पढाउला तर बहिनी आइनन् भने छोरालाई के जवाफ दिनु ?’

 

 

प्रतिक्रिया दिनुहोस

सम्बन्धित समाग्रीहरु

  • कुवेतमा दुर्घटनामा परेपछि महेन्द्रको मानसिक स्थिती गुम्यो

    कुवेतमा दुर्घटनामा परेका नवलपरासीका महेन्द्र हरिजनले मानसिक सन्तुलन गुमाएका छन् । दुर्घटना टाउको चोट लागेका उनको स्मरण शक्ति गुमेको कुवेतको फर्वानिया अस्पतालका डाक्टरले जनाएका छन् । दुर्घटनामा परेका महेन्द्रलाई प्रहरीले उद्दार गरी अस्पताल पुर्‍याएकाे थियो ।

  • परदेशको कमाईको डेढ करोड समाजसेवामा

    सानै उमेरदेखि गीत–संगीत र समाजसेवामा रुचि राख्ने पोखरेलले अष्ट्रेलियामा कमाएको पैसा जन्मभूमिको सेवामा खर्च गरिरहनुभएको छ । सामाजिक क्षेत्रमा सहयोगकै लागि करिब एक दशकको अवधिमा डेढ करोड रुपैयाँ भन्दा बढी खर्च भइसकेको पोखरेलले बताउनुभयो ।

  • ​पाँच पटक विदेश जाँदा ऋण घटेन बढ्यो, तिर्ने उपाय छैन

    खोटाङको रुपाकोट मझुवागढी १० पाथेकाका मंगल भुजेल त्यति बेला कक्षा ८ मा पढ्दै हुनुहुन्थ्यो । १६ वर्ष मात्रै पुगेका मंगललाई कतारमा रहेका दाई नाता पर्ने व्यक्तिले विदेश जान उकासेपछि उहाँले उमेर बढाएर नागरिकतासँगै पासपोर्ट पनि बनाउनुभयो ।

  • ​विदेशबाट घर फर्किंदा यी बस्तु ल्याए भन्सारले जफत गर्छ ! नियम थाहा पाउनुहोस्

    दसैं नजिकिएसँगै वैदेशिक रोजगारीबाट विदामा घर फर्किने परदेशीको संख्या बढेको छ । परदेशमा दुःख गरेर कमाएको पैसाले घर फर्किंदा ल्याउने सामानको भन्सार नियम थाहा नपाउँदा कतिपयको सामान नै जफतमा पर्ने गरेको छ ।

सबै हेर्नुहोस

विशेष

समाचार

पछिल्ला समाचारहरु
Notice, Press Release

मेरो कथा मेरो भोगाई थप सामाग्रीहरु

Download
Mobile App

मेरो पनि भन्नु छ

  • म बाह्र बर्ष देखि कतारमा ड्राइभरको काम गर्दै आएको छुँ। प्राय कम्पनीमा भारतीय फोरम्यान हुन्छन् भने केहिमा नेपाली। जहाँ नेपाली राम्रो पदमा कार्यरत छन् त्यहाँ आफ्नै नेपाली दाजुभाइलाई दबाउने, पैसा नदिने, काममा दुःख दिने, ओभर टाइम नदिने जस्ता अती नै घटीया ब्याबहार गरि नेपालीले नेपालीलाई नै लुटिरहेका छन्।

    महेन्द्र कुमार रोक्का / कतार
  • साउदी अरेबियामा आजिवन जेल परेका स्थानेस्वरलाई बचाउ अभियान नै चलाइदै रहेछ, राम्रो कुरा हो। बिगतमा पनि अमर राई र बमबहादुरको लागि चाहिने भन्दा धेरै रकम संकलन भएको थियो। अझ एकजनाको त पुरै ब्लडमनि अज्ञात ब्यक्तिले दिएको थियो। त्यो पैसा अहिले कहाँ र कोसँग छ ? त्यस्को सोधी खोजी कसले गर्ने ? यदि त्यो पैसा त्यस्तै निर्दोशलाई बचाउन राखिएको हो भने त्यसबाटै स्थानेस्वरलाई बचाउन सकिँदैन र ?

    दुर्गेस सापकोटा
  • मलेसियामा न त कानुनसम्बन्धी कुनै भरपर्दो निकाए नै छ जस्ले कामदारका हितमा सघाओस् न त भनेजस्तो तलब सुबिधानै। अन्तराष्ट्रीय नियम अनुसार श्रमिकहरुको न्युनतम कामगर्ने समय र महिनाभरी पर्ने पब्लिक डे र अन्य बिदाको त कुनै अर्थ नै छैन। न त कम्पनीले दिन मान्छ, न यहाँको सरकारी निकायबाट छानबिन नै हुन्छ। दिनरातको असुरक्षित बातावरणमै दुःखमा दिन बिताउन बाध्य छ्न् यहाँ कार्यरत अधिकांश नेपाली कामदारहरु। नेपालसरकारको त कुरै नगरौँ, दुतावासले सहयोग गर्ला सोच्योकी बिचौलियालाई ठिक्क पारिन्छ।

    करन महरा / मलेसिया
  • मलेसियामा सुरक्षा गार्ड कम्पनीले श्रम सम्झौतामा उल्लेख  भए अनुसारको न काम दिन्छ, न त  तलब नै। आफ्नो ब्यक्तिगत सुरक्षाको त कुरा नै नगरौं। त्यस्तै परे आफ्नो कम्पनीको मानिसले नै कुन बेला मान्छे र पुलिस लगाएर कुटाउन बेर लगाउदैन। हामी श्रमिकले त नेपालका म्यानपावरलाई एक देखि दुई लाख सम्म बुझाएका हुन्छौं। मलेसियामा बेसिक नौं सय रिङ्गिट  गरी जम्मा १६ सय हुन्छ। होस्टेल, लेबि, ड्रेस अनि यातायातको पैसा कट्दा र खाना खाँदा मुस्किलले एक बर्षमा ऋण तिरिएला। बरु यो भन्दा नेपाल सकारले मालेसियामा कामदार पठाउन बन्द गरेर विकल्प खोज्नुपर्छ। किनकि नेपालको दूतावासले पनि दीर्घकालीन समाधान भन्दा कामदारलाई  थम्थमाउने तिर मात्र लागेको देखिन्छ।

    ठाकु योञ्जन / मलेसिया
सबै हेर्नुहोस