MENU

विशेष

​विदेश पठाईदिन्छु भन्दै ४२ जनाबाट ७० लाख लिएर भागे जीराधन

सागरबिक्रम बस्नेत/रामेछाप ।

पुस १७ – भोजपुरका जीराधन राईले विदेश पठाइदिन्छु भन्दै ४२ जनाबाट लाखौं रुपैयाँ लिएर भागेका छन् । भोजपुर ट्याम्केमैयुँ गाउँपालिका वडा नम्बर २ का राईले विभिन्न जिल्लाका ४२ जनाबाट ७० लाख रुपैयाँ लिएर भागेका हुन् । उनले ४२ जनासँग प्रतिव्यक्ति एकलाख देखि तीन लाख रुपैयाँसम्म पैसा लिएको पीडितले बताएका छन् ।  

राईले भोजपुर, खोटाङ, झापा, मोरङ, सुनसरी लगायत जिल्लाका ४२ जनालाई रोजगारीका लागि इजरायल, पोल्याण्ड, दक्षिण कोरिया लगायतका देशहरु भन्दै पैसा लिएका थिए । ४२ जना मध्ये केहीले उनको धरानमा रहेको घरमा गएर रकम बुझाएका थिए । कतिपयले आइएमई र बैंकमा पैसा जम्मा गरेका थिए ।  

ठगिनेहरुमा ८ जना महिला र ३४ जना पुरुष छन् । मोरङ उर्लाबारीका रविन राईका अनुसार पैसा ठगेर फरार भएका जीराधन राईलाई खोज्ने क्रममै ४२ जना ठगिएको फेला परेको हो । सम्पर्कविहिन  भएका राईले प्रयोग गर्दै आएको ९८४२०९५८२७ नम्बरको मोबाइलमा अहिले फोन लाग्दैन ।

जीराधन राई कुनै म्यानपावरमा काम गर्थे कि गर्दैनथे भन्ने पनि ठगिमा परेकाहरुलाई थाहा छैन । अहिले उनीहरु जीराधन राईलाई खोजिरहेका छन् । खोज्ने क्रममा उनको धरानमा पनि घर रहेको थाहा पाएका थिए । ‘धरानको घर खोज्दै साथीहरु जानुभएको रहेछ तर त्यो घर अहिले जीराधनको नाममा रैनछ भन्ने थाहा भएछ’ खोटाङका भोला राईले भन्नुभयो । 

उनीहरुले विभिन्न जिल्लामा रहेका सुरक्षित आप्रवासन सूचना तथा परामर्श केन्द्रमा निवेदन दिएका छन् । उनीहरुको निवेदन रामेछापमा रहेको सुरक्षित आप्रवासन परियोजना(सामी) अन्र्तगतको सुचना तथा परामर्स केन्द्र, मन्थलीमा पनि आएको र राईको खोजीका लागि प्रयास भइरहेको सूचना केन्द्रकी परामर्शकर्ता सिर्जना बस्नेतले बताउनुभयो । 

प्रतिक्रिया दिनुहोस

सम्बन्धित समाग्रीहरु

सबै हेर्नुहोस

विशेष

समाचार

पछिल्ला समाचारहरु
Notice, Press Release

मेरो कथा मेरो भोगाई थप सामाग्रीहरु

Download
Mobile App

मेरो पनि भन्नु छ

  • माग पत्रमा फ्रि भिसा फ्रि टिकट लेखिएको जान्दा जान्दै पनि म्यानपावरका एजेन्ट भनाउँदा दलालले एक लाख देखि दुई लाखसम्म रकम लिने गर्दछन् र दश हजार मात्रै तिरेको कागजमा सही गराउँने जुन कर्तुत गरिरहेका छन् चाँडो भन्दा चाँडो वर्षौं देखि चलेको यो कालो कर्तुतको अन्त्य गरिनु पर्यो सरकार ! यही नै सबैका लागि ठूलो सेवा सुविधा हुनेछ सरकार।

    प्रकाश थापा / युएई
  • कोरियन साहुको किचकिच, काम गाह्रो, भनेको समयमा कम्पनी परिवर्तन गर्न नसकिने आदि कोरियाको मुख्य समस्या हो। बाँकी अरू त सबै ठीकै छ। काम अनुसारको तलव, हावापानी, बाटो घाटो, बसाई, ईन्टरनेट सुविधा सबै राम्रो छ।

    निशान राई / दक्षिण कोरिया
  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः -भाषाको समस्या,  -भनेको काम नभइ अर्को काममा लगाउने, -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ, -तोकेको सेलरी भन्दा कम, -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब
  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया
सबै हेर्नुहोस