MENU

विशेष

थानेश्वरलाई साउदीको जेलबाट छुटाउन पैसा पुग्यो, अब संकलन नगराउनु

काठमाडौं, पुस १९ – थानेश्वर भुसाल बचाउ अभियानका लागि थप सहयोग रकम संकलन नगर्न आग्रह गरिएको छ । 

नवलपरासीको मध्यबिन्दु नगरपालिका ८ का थानेश्वरलाई उद्धार गर्न चाहिएको आधा भन्दा धेरै पैसा जम्मा भइसकेको छ । आधा रकम विभिन्न व्यक्ति तथा संघसंस्थाले सहयोग गर्ने प्रतिवद्धता आएसँगै थप रकम संकलन नगर्न आग्रह गरिएको हो । 

साउदीको जेलमा ४ वर्षदेखि रहेका थानेश्वरको उद्धारका लागि प्रवासी नेपाली समन्वय समिति (पिएनसिसी)को अगुवाईमा अभियान सञ्चालन गरेर रकम संकलन गरिएको थियो । 

गएको भदौ २५ गते सुरु भएको अभियानको लागि सञ्चालन गरिएको बैंक खातामा २३ लाख १५ हजार २४३ रुपैयाँ जम्मा भइसकेको छ । त्यस्तै, विभिन्न व्यक्ति तथा संघसंस्थाले २३ लाख २० हजार रुपैयाँ सहयोग गर्ने प्रतिवद्धता जनाएका छन् । पीडितलाई उद्धार गर्न ब्लडमनीका लागि ४५ लाख रुपैयाँ चाहिएको थियो । 

साउदी अरब, कतार, बहराइन, कुवेत, यूएई, मलेसिया, दक्षिण कोरिया, अष्ट्रेलिया लगायतका देशमा बस्ने नेपाली तथा सहयोगी संस्थाहरुले सहयोग उपलब्ध गराएको पिएनसिसीका अध्यक्ष कुलप्रसाद कार्कीले जानकारी दिनुभयो । 

थानेश्वर मुक्त गराउन डेढ लाख रियाल (झण्डै ४५ लाख रुपैयाँ) लाग्नेछ । तोकेको जेल अवधि सकिएपनि जरिवाना रकम बुझाउन नसक्दा उहाँ अझै छुट्न सक्नुभएको छैन । 

थानेश्वरलाई सवारीसाधन चलाउने लाइसेन्स नभएको मुद्दामा जेल हालिएको हो । २०६८ असोज ६ गते साउदी गएका थानेश्वर २०६९ साल जेठ २६ गते दुर्घटनामा पर्नुभएको थियो । 

उहाँले चलाएको टिपरमा अर्को गाडीले पछाडिबाट ठक्कर दिएपछि ठक्कर दिने गाडीमा रहेका र ठक्करबाट धकेलिएको टिपरले अगाडि ठक्कर दिदाँ अर्को गाडीमा रहेका गरी दुई जनाको ज्यान गएको थियो ।

दुर्घटनामा थानेश्वर घाइते हुनुभएको थियो । दुर्घटनापछि झण्डै १० महिना जेल परेका उहाँ जेलबाट छुटेपछि घर आउन खोज्दा कम्पनीका साहुले घर आउन नदिई फेरि काममा लगाएको आमा यमकला भुसालले बताउनुभयो । दोस्रो पटक घर फर्कने बेलामा पनि साउदीको प्रहरीले उहाँलाई त्यही मुद्दामा पक्राउ गरेको हो । 

याे पनि पढ्नुहाेस्

थानेश्वरलाई आजीवन जेल सजायबाट मुक्त गर्न ब्लडमनी संकलन अभियान

प्रतिक्रिया दिनुहोस

सम्बन्धित समाग्रीहरु

सबै हेर्नुहोस

विशेष

समाचार

पछिल्ला समाचारहरु
Notice, Press Release

मेरो कथा मेरो भोगाई थप सामाग्रीहरु

Download
Mobile App

मेरो पनि भन्नु छ

  • माग पत्रमा फ्रि भिसा फ्रि टिकट लेखिएको जान्दा जान्दै पनि म्यानपावरका एजेन्ट भनाउँदा दलालले एक लाख देखि दुई लाखसम्म रकम लिने गर्दछन् र दश हजार मात्रै तिरेको कागजमा सही गराउँने जुन कर्तुत गरिरहेका छन् चाँडो भन्दा चाँडो वर्षौं देखि चलेको यो कालो कर्तुतको अन्त्य गरिनु पर्यो सरकार ! यही नै सबैका लागि ठूलो सेवा सुविधा हुनेछ सरकार।

    प्रकाश थापा / युएई
  • कोरियन साहुको किचकिच, काम गाह्रो, भनेको समयमा कम्पनी परिवर्तन गर्न नसकिने आदि कोरियाको मुख्य समस्या हो। बाँकी अरू त सबै ठीकै छ। काम अनुसारको तलव, हावापानी, बाटो घाटो, बसाई, ईन्टरनेट सुविधा सबै राम्रो छ।

    निशान राई / दक्षिण कोरिया
  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः -भाषाको समस्या,  -भनेको काम नभइ अर्को काममा लगाउने, -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ, -तोकेको सेलरी भन्दा कम, -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब
  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया
सबै हेर्नुहोस