MENU

विशेष

घर फर्कने पैसा पठाइदिनु भनेको छोरो हराएपछि

रमा मगर/उदयपुर ।

वैशाख २ –  उदयपुरको भलायडाँडा घ्याम्पेमा वरिपरी जङ्गलले घेरिएको सानो बस्ती । यो गाउँका मानिस जागिरभन्दा बढी कृषिमै रमाउँछन् । खेतिपातीमा रमाउन नसकेकाहरु मनका कमाउने र थाप्लोमा साहुको ऋण बोकेर विदेश लाग्छन् । 

६० वर्षका मानबहादुर अधिकारीको घर पनि यही बस्तीमा पर्छ । गाउँमा चलिएको चलन । मानबहादुरले नआँटेको मुग्लान जाने बाटो छोराले तताए । छोराले तताएको यो बाटोले मानबहादुरको घरव्यवहार उकासेन । मलेसियामै भासिए उहाँका छोरा धनबहादुर । 

‘समस्यामा परेको बेला बुवाले पैसा पठाएन भनेर रिसायो कि जस्तो पनि लाग्छ,’ मानबहादुरलाई छोराले मलेसिया पुगेको एक महिना नबित्दै घर फकिर्नन भन्दै पैसा पठाइदिनु भन्नुभएको थियो ।

‘यहाँ कम्पनी राम्रो परेन, घर आउछु पैसा पठाइदिनु भन्थ्यो, उसले जानेबेलाको ऋण त छँदैथियो फेरि मैले पैसा पठाउन सकिन, त्यसैले रिसायो जस्तो छ,’ मानबहादुरले अनुमान लगाउनुभयो । 

२०७१ जेठमा मलेसिया जानुभएको थियो धनबहादुर । छोरालाई मलेसिया उड्उनका लागि एक लाख २० हजार रुपैयाँ साहुको ऋण काढ्नु प¥यो मानबहादुरले । त्यसमाथि एक महिना पनि नबित्दै छोराले पैसा माग्दा उहाँले पठाउन सक्नुभएन । 

पैसा कमाएर ल्याउछु भन्दै सात समुन्द्र पारी पुगेको छोरोलाई पैसाकै कारण गुमाउनै पर्ने हो कि भन्ने चिन्ताले धनबहादुरको भोक निन्द्रा हराएको छ । 
...
धनबहादुर १९ वर्षको उमेरमै मलेसिया लाग्नुभएको थियो । खेतीकिसानीले घरव्यवहार चलाउन धौ धौ भएपछि मानबहादुले ऋण काढेरै भएपनि हुर्केको छोरालाई परदेश पठाउनुभयो । काम कस्तो थियो, कम्पनी कस्तो थियो त उहाँ जान्नुहुन्न तर छोराले काम राम्रो भएन भनेकाले विदेशमा समस्या पर्‍यो भन्ने लाग्छ उहाँलाई । 

मानबहादुरले छोराको नम्बरमा धेरै पटक फोन गर्नुभयो । तर न त यताको प्रयास सफल भयो न त धनबहादुरको फोन आयो । ‘फोन गरिहाल्छ कि भनेर मोवाइल बोकेरै हिड्छु, टावर आउने ठाउँमा राख्छु तर गर्दैन, यतिलामो समयसम्म रिसाउने बानी पनि थिएन,’ मानबहादुर लामो सास तान्नुहुन्छ ।

छोराको फोन आउन छाडेपछि मानबहादुरले पठाउने एजेन्ट दिपेश खत्रीलाई छोराको खोजी गरिदिन आग्रह गर्नुभयो । आकर्षण इन्टरनेशनल प्रालिमा पनि छोरो सम्पर्कविहीन भएको भन्दै खोजिदिन गुहार गर्नुभयो । ‘सबैलाई भने मेरो छोरो हरायो भनेर तर कसैले वास्ता गरेनन्, म कहाँ खोजु छोरालाई, मसँग न कुनै कागजपत्र छ न त फोटो नै,’ मानबहादुर गुनासो गर्नुहुन्छ ।

धनबहादुरसँगै मलेसिया गएका साथी भीम अधिकारी नेपाल फर्किसक्नुभयो । उहाँका अनुसार, धनबहादुर कम्पनी छाडेर भग्नुभएको थियो । तर कहाँ जानुभयो कसैलाई पनि जानकारी छैन । 

मानबहादुरलाई छोरासँग फोन नम्बर नभएर फोन नगरेको हो कि जस्तो पनि लाग्छ । ‘बावु तिमी आउ, नभएपनि हामीलाई फोन गर,’ मानबहादुर छोरा खोजििदन सबैलाई आग्रह पनि गर्नुहुन्छ । 

छोरासँग फोन नम्बर नगएको भए उहाँले ९८६२८१७७३७, ९८४२९०२३१५ नम्बरमा सम्पर्क गर्न आग्रह गर्नु भएको छ । 

 

प्रतिक्रिया दिनुहोस

सम्बन्धित समाग्रीहरु

सबै हेर्नुहोस

विशेष

समाचार

पछिल्ला समाचारहरु
Notice, Press Release

मेरो कथा मेरो भोगाई थप सामाग्रीहरु

Download
Mobile App

मेरो पनि भन्नु छ

  • माग पत्रमा फ्रि भिसा फ्रि टिकट लेखिएको जान्दा जान्दै पनि म्यानपावरका एजेन्ट भनाउँदा दलालले एक लाख देखि दुई लाखसम्म रकम लिने गर्दछन् र दश हजार मात्रै तिरेको कागजमा सही गराउँने जुन कर्तुत गरिरहेका छन् चाँडो भन्दा चाँडो वर्षौं देखि चलेको यो कालो कर्तुतको अन्त्य गरिनु पर्यो सरकार ! यही नै सबैका लागि ठूलो सेवा सुविधा हुनेछ सरकार।

    प्रकाश थापा / युएई
  • कोरियन साहुको किचकिच, काम गाह्रो, भनेको समयमा कम्पनी परिवर्तन गर्न नसकिने आदि कोरियाको मुख्य समस्या हो। बाँकी अरू त सबै ठीकै छ। काम अनुसारको तलव, हावापानी, बाटो घाटो, बसाई, ईन्टरनेट सुविधा सबै राम्रो छ।

    निशान राई / दक्षिण कोरिया
  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः -भाषाको समस्या,  -भनेको काम नभइ अर्को काममा लगाउने, -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ, -तोकेको सेलरी भन्दा कम, -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब
  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया
सबै हेर्नुहोस