MENU

रेडियो कार्यक्रम

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः२० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् ।    उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ ! 

  • 12 Dec, 2017

    देश परदेश अंक २८५

    कार्यक्रम देश परदेशको अंक २८५ प्रतिनिधिसभा र प्रदेशसभा चुनावपछि बन्ने नयाँ सरकारले वैदेशिक रोजगारीलाई व्यवस्थित गर्न र देशमा रोजगारी सिर्जना गर्न के काम गर्छ भन्ने विषयमा केन्द्रित छ । यस विषयमा नेपाल ट्रेड युनियन महासंघ (जिफन्ट)का अध्यक्ष विष्णु रिमाल र एमालेको उद्योग तथा वाणिज्य विभागका केन्द्रीय सदस्य समेत रहेका नेपाल वैदेशिक रोजगार व्यवसायी संघका पूर्वअध्यक्ष बलबहादुर तामाङसित गरिएको कुराकानी सुन्न सकिन्छ । स्वदेशमा रोजगारी सिर्जना गर्ने र वैदेशिक रोजगारीलाई व्यवस्थित गर्न वाम गठबन्धनको सरकारले के गर्नुपर्ला भन्ने विषयमा तपाईंका विचार पनि कार्यक्रममा समेटिएको छ । सधैंजस्तै वैदेशिक रोजगार सम्बन्धी साप्ताहिक गतिविधि र राउण्ड अप रहनेछ ।
     

     

  • 05 Dec, 2017

    देश परदेश अंक २८४

    कार्यक्रम देश परदेशको अंक २८४ विदेशमा काम गरिरहेका नेपालीले अब चुनिने जनप्रतिनिधिबाट के अपेक्षा गरेका छन् त भन्ने विषयमा केन्द्रित छ । मतदाता नामावलीमा नाम नहुँदा भोट हाल्न नपाएका र परदेशबाट लामो समयपछि फर्केर प्रतिनिधि सभा र प्रदेश सभाका लागि भोट हाल्न उत्साहित परदेशीका कुरा कार्यक्रममा सुन्न सकिन्छ । विदेशमा रहेका कामदारको विचार पनि कार्यक्रममा समेटिएको छ । नियमित स्तम्भ दिदीबहिनीका कुरामा नवलपरासीको हुप्सेकोट गाउँपालिकाकी प्रमुख लक्ष्मी पाण्डेसित गरिएको कुराकानी सुन्नु हुनेछ । सधैंजस्तै वैदेशिक रोजगार सम्बन्धी साप्ताहिक गतिविधि, प्रश्नोत्तर र तपाईंकै गुनासो, जिज्ञासा, सल्लाह सुझाव रहनेछ ।  

     

     

  • 28 Nov, 2017

    देश परदेश अंक २८३

    कार्यक्रम देश परदेश अंक २८३ स्थानीय तहमा चुनाव मार्फत प्रतिनिधि चुनिएपछि वैदेशिक रोजगारका क्षेत्रलाई व्यवस्थित गर्न के कस्ता काम भैरहेका छन् भन्ने विषयमा केन्द्रित छ । स्थानीयले चुनेका प्रतिनिधिले काम गर्न थालेपछि केही स्थानीय तहले अन्य विषयसँगै वैदेशिक रोजगारीका समस्या कसरी समाधान गर्न सकिन्छ भनेर सोच्न र काम गर्न पनि थालेका छन् । वैदेशिक रोजगारीका विषयमा स्थानीय तहले गर्न सक्ने कामबारे सुरक्षित आप्रवासन परियोजना (सामी)की टिम लिडर सीता घिमिरेसित गरिएको कुराकानी कार्यक्रममा सुन्न सकिन्छ । नवलपरासीकी यमकला भुसालका छोरा थानेश्वर दुघर्टना गराएर हत्या गरेको आरोपमा साउदीमा आजिवन जेल सजाय भोग्दैछन् । यमकलालाई स्थानीय प्रतिनिधिले सघाउँदै छन् । नियमित स्तम्भ दिदीबहिनीका कुरामा अप्ठेरोमा पर्दा जनप्रतिनिधिको सहयोग पाएकी यमकला भुषालका कुरा सुन्न सक्नुहुनेछ । सधैंजस्तै वैदेशिक रोजगार सम्बन्धी साप्ताहिक गतिविधि, राउण्ड अप, प्रश्नोत्तर र तपाईंकै गुनासो, जिज्ञासा सल्लाह सुझाव रहनेछ ।

     

  • 21 Nov, 2017

    देश परदेश अंक २८२

    कार्यक्रम देश परदेशको अंक २८२ विदेशमा दुघर्टना परेका एउटाको शव अर्कैको नाममा अन्तै सद्गत भएपछि परिवारले भोगेका वियोगका विषयमा केन्द्रित छ । डरलाग्दो दुर्घटनामा परेर मृत्यु भयो भनिएका मोरङका सुवास तामाङ जीवितै नेपाल फर्किए । कपिलवस्तुका तेजेन्द्र भण्डारीको शव सुवास ठानेर सुवासका परिवारले सद्गत गरे । तेजेन्द्रको परिवारले न त सास पायो, न लाश । तेजेन्द्र भण्डारी जीवित भनिएपनि उनी जिउँदो थिएनन् । अनि सुवासको निधन भइसकेको ठानिए पनि उनी निको भएर गाउँ फर्किए । तेजेन्द्रका परिवारले अहिलेसम्म सास पनि पाएको छैन, लास पनि । न त कतैबाट क्षतिपूर्ति नै पाएको छ । आफन्तको वियोगमा तेजेन्द्रका आमा, श्रीमती र छोरी बाँचिरहेका छन् । उनीहरुकै कुरा कार्यक्रममा समेटिएको छ । सधैंजस्तै वैदेशिक रोजगार सम्बन्धी साप्ताहिक गतिविधि, राउण्ड अप रहनेछ ।

     

  • 14 Nov, 2017

    देश परदेश अंक २८१

    कार्यक्रम देश परदेशको अंक २८१ साउदीमा भएको डरलाग्दो सडक दुर्घटनामा परेर मरे भनिएका सुवास तामाङ बाँचेर स्वदेश फर्किआएपछि घटनाक्रम लिएर आएका छौं । रोजगारीका लागि त्यहाँ पुगेका मोरङका सुवासको ट्याक्सी दुर्घट्नामा मृत्यु भयो भन्ने खबर परिवारलाई आयो । त्यसको २७ दिन पछि शव पनि आयो । परिवारले सदगत ग¥यो । तर तिनै सुवास गएको जेठ १२ गते जिउँदै फर्किए । जलाइसकेका सुवास फर्केर आउँदा आफन्त र गाउँले अचम्ममा परे । उनका श्रीमती सन्तोषी तामाङलाई सपना झैं लाग्यो । अरु त अरु सुवास आफूलाई पनि बाँचेर फर्केकोमा अचम्म लागेको छ । यी नालीबेली कार्यक्रममा समेटिएको छ । सधैंजस्तै वैदेशिक रोजगार सम्बन्धी साप्ताहिक गतिविधि, राउण्ड अपका साथै तपाईंका गुनासा, जिज्ञासा, सल्लाह सुझाव रहनेछ ।

     

  • 07 Nov, 2017

    देश परदेश अंक २८०

    कार्यक्रम देश परदेशको अंक २८० राजनीतिक दलका चुनावी घोषणापत्रमा समेटिएका वैदेशिक रोजगारीका विषयमा केन्द्रित छ । प्रतिनिधिसभा र प्रदेशसभाको चुनाव नजिकिदै जाँदा मुख्य दलहरु नेपाली कांग्रेस तथा एमाले माओवादी गठबन्धन लगायतका दलहरुले चुनावी घोषणापत्र जारी गरिसकेका छन् । मुख्य दलहरुका साथै अन्य दलले घोषणापत्रमा वैदेशिक रोजगारीका विषयलाई कसरी समेटेका छन् भन्ने सामग्रीका कार्यक्रममा सुन्न सकिन्छ । अघिल्ला चुनावहरुमा लेखिएका घोषणापत्रमा समेटिएका वैदेशिक रोजगारी कुरा र ती विषय कार्यान्वयन भए भएनन् भन्ने विषयमा अधिवक्ता सोम लुँइटेलसित गरिएको कुराकानी कार्यक्रममा सुन्न सक्नुहुनेछ । नियमित स्तम्भ दिदीबहिनीका कुरा र राउण्ड अप त आज पनि छँदैछ । सँगै हामीलाई सल्लाह, सुझाव र मार्गदर्शन गर्ने ‘कन्टेण्ट एड्भाइजरी टिम’का एक जना सदस्य अधिवक्ता कृष्णप्रसाद न्यौपानेका सम्बोधन पनि कार्यक्रममा समेटिएको छ । सधैंजस्तै वैदेशिक रोजगारी सम्बन्धी साप्ताहिक गतिविधि, प्रश्नोत्तर र तपाईंका गुनासा, जिज्ञासा, सल्लाह सुझाव रहनेछ ।

     

  • 31 Oct, 2017

    देश परदेश अंक २७९

    कार्यक्रम देश परदेशको अंक २७९ मा श्रम काउन्सिलर र सहचारीका कुरा समेटिएको छ । विदेशमा काम गर्दा, कुनै अप्ठेरोमा पर्दा नेपाली दूतावासबाट कसरी सहयोग लिने र कसरी समस्या समाधानका उपाय खोज्ने भन्ने विषयमा कार्यक्रम केन्द्रित छ । मलेसियाका लागि पूर्व श्रमसहचारी सूर्यप्रसाद भण्डारी, युएईका लागि श्रमसहचारी हिराकुमारी यादव र श्रम काउन्सिलर भएर मलेसिया जान लागेका बद्रिकुमार कार्कीसित गरिएको कुराकानी कार्यक्रममा सुन्न सकिन्छ । दिदीबहिनीका कुरामा विदेशमा गर्भवती भएपछि हैरानी खेपेकी सिन्धुलीकी कुमारी पहाडीका कुरा समेटिएको छ । सधैंजस्तै वैदेशिक रोजगार सम्बन्धी साप्ताहिक गतिविधि, प्रश्नोत्तर र तपाईंकै गुनासो, जिज्ञासा, सल्लाह सुझाव समेटिएको छ ।

     

विशेष

Notice, Press Release

आफन्त, साथीभाइलाई सन्देश

  • नमस्कार!

    पठाउनेः प्रेम श्रेष्ठ / बहराइन पाउनेः आमा-बुवा / नेत्रकाली गा.बि.स वडा नम्बर ६, सिन्धुली

  • तिजको सम्पूर्ण दिदीबहिनीहरुलाई म परदेशिको मँगलमय शुभकामना।

    पठाउनेः ज्ञान प्रसाद बराल / साउदी अरब (जिजान) पाउनेः तुलसा बराल / दुधौलि नगरपालिका -१, सुगारे, सिन्धुली

सबै हेर्नुहोस
Download

मेरो पनि भन्नु छ

  • पहिलो कुरा भ्रष्टाचारविरुद्ध खरो रुपमा प्रस्तुत हुनुहुपर्छ। सरकार, नेता, कर्मचारी, सञ्चारमाध्यम र सर्वसाधारणले नियम पालना गर्नुपर्छ। स्वरोजगारका लागि सरकारले आयमुलक योजना ल्याउनुपर्छ। प्राकृतिक साधन र स्रोतको गहिरो अध्ययन गरेर उपयोग गर्नुपर्छ। यसका लागि बाह्य पूँजी नभई स्वदेशी लगानीमा गर्नुपर्छ। सर्वसाधारणलाई पनि लगानीका लागि वातावरण बनाउनुपर्छ। यसो गर्दा स्वरोजगार हुनेको संख्यामा वृद्धि हुन्छ। रोजगारीका लागि विदेश जाने स्वतः घट्छन। विदेश नै पठाउने हो भने जि टु जी सम्झौता गरेर पठाउनुपर्छ। अरु आकर्षक गन्तव्य पनि खोजी गर्नुपर्छ। 

    गंगा राना / मलेसिया
  • प्रतिनिधसभा र प्रदेशसभा चुनावमा पाएको उपलब्धी नेपाली कम्युनिष्ट इतिहासमा दोहोरिन मुस्किल छ। साधारण बहुमत समेत ल्याउन नसकिरहेका बेला यो परिणाम नेपाली कम्युनिस्ट आन्दोलनको उपलब्धि ऐतिहासिक हो। आपसी झगडामा वाम गठबन्धनले यो अवसर गुमाए भने नेपाली नागरिकले यिनीहरुलाई कहिल्यै माफी दिने छैनन। ५ वर्ष भित्र नेपाली नागरिकले शासन प्रणालीमा सुधार र देशको भौतिक तथा आर्थिक बिकासमा परिवर्तनको आभास पाउनुपर्छ। 

    अनमोल श्रेष्ठ / दुवई
  • भर्खर मात्र देश संविधान कार्यान्वयनको बाटोमा अगाडि बढेको छ। प्रतिनिधीसभा र प्रदेशसभाको चुनाव भर्खरै सम्पन्न भएको छ। अब स्थायी सरकार बन्छ भन्ने विश्वास धेरै नागरिकलाई छ। विकास गर्न ५ वर्षे स्थायी सरकार बन्नुपर्छ। आशा छ, वाम गठबन्धनले ५ वर्षका लागि सरकार बनाउँछ। विदेशमा भएका युवालाई तत्कालै देशमा नै रोजगारीको सुनिश्चितता गर्न गाह्रो छ। किनभने अब बन्ने केन्द्रीय सरकारको काँधमा काम धेरै छ। संघीयता सम्बन्धी बिमतीहरु मिलाउन समय लाग्छ। प्रान्तिय सरकारले विदेशिएका लाखौं युवालाई विकास र समृद्धिको ठाउँमा योग्यता अनुसार लगाउन सक्नुपर्छ। नेपाली युवाको कमजोरी यौटै छ, विदेशमा घण्टौं खट्ने, तर स्वदेशमा राम्रो काम गर्न नचाहने। यो परिपाटीको अन्त्य हुन चीनको जस्तो कम्युनिष्ट सरकारको आवश्यक छ । चीनमा इन्जिनियरले तारजाली ग्याबिन भर्छ। तर नेपालको सवओभरसियरले ढुंगा समेत छुँदैन । अनि, कसरी देश विकास हुन्छ र रोजगारी पाइन्छ। देशभित्र रोजगार सिर्जना गर्न चार वटा वादको अन्त्य हुन जरुरी छ, नातावाद, कृपावाद, भ्रष्टवाद र ठगवाद। 

    यम श्रेष्ठ संगीतप्रेमी / मलेसिया
  • मेरो मनमा लाग्छ म परिश्रम गर्छु र अगाडि बढ्छु तर सोचेको जस्तो सजिलो छैन यहाँ जीवन।

    पदमबहादुर खत्रि / दोहा, कतार
सबै हेर्नुहोस
Mobile App