MENU

रेडियो कार्यक्रम

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । बिदेशमा नेपालीले नगरेका काम पनि अब थोरै मात्र छन् । बैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा बिदेशमा रहेका नेपालीको संख्या आज ४० लाख पुगेको छ । अथवा देशको १५ प्रतिशत भन्दा ठूलो जनसंख्या नेपाल बाहिर छ । त्यसमध्ये आधाभन्दा बढी जनशक्ति बैदेशिक रोजगारीका सिलसिलामा बिदेश पुगेको छ ।     देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका ४० लाख भन्दा धेरै नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः२० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । बिदेशमा काम गर्न जाने र बिदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् ।    उज्यालोको देश परदेश मल्टिमिडिया प्लेटफर्म तपाईको साथ र सहयोगमा बैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाइका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देशपरदेश मल्टिमिडिया प्लेटफर्ममा तपाईलाई हार्दिक स्वागत छ ! 

  • 04 Apr, 2017

    देश परदेश अंक २४९

    कार्यक्रम देश परदेशको अंक २४९ विदेशमा कमाएको पैसा सुरक्षित रुपमा नेपालमा कसरी लगानी गर्न सकिन्छ भन्ने विषयमा केन्द्रित छ । विदेशमा काम गर्नेहरुको पैसा कर्मचारी सञ्चय कोषमा जम्मा गराउने प्रयास पहिलो पटक हुँदैछ । त्यो तयारी कहाँ पुग्यो भन्ने विषयमा कर्मचारी सञ्चयकोषका प्रमुख कार्यकारी अधिकृत कृष्णप्रसाद आचार्यसित गरिएको कुराकानी कार्यक्रममा सुन्नु हुनेछ । 

    अनि, विदेशमा काम गरिरहेकाहरु र तिनका परिवारका सदस्यले नेपाल राष्ट्र बैंकले जारी गर्ने बचत पत्र किन्न सक्छन् । बचत पत्र कसरी किन्ने र यसमा लगानी गर्दाका फाइदाबारे नेपाल राष्ट्र बैंकको राष्ट्र ऋण व्यवस्थापन विभागकी निर्देशक सीता घिमिरेले दिएको जानकारी पनि कार्यक्रममा समेटिएको छ । विदेशमा कमाएको पैसा अरु कुन कुन क्षेत्रमा लगानी गरिएको छ भन्ने विषयमा तयार पारिएको रिपोर्ट र नियमित स्तम्भ दिदीबहिनीका कुरामा नेपाली महिलाले विदेशमा कमाएको रकम के के मा खर्च र लगानी गर्छन भनेर सोधिखोजी गरी तयार पारिएको सामग्री रहनेछ । सधैंजस्तै, वैदेशिक रोजगार सम्बन्धी साप्ताहिक गतिविधी, देशमा भैरहेका महत्वपूर्ण गतिविधी समेटिएको ‘राउण्ड अप’, प्रश्नोत्तर र तपाईंकै गुनासो, जिज्ञासा, सल्लाह सुझाव रहनेछ । 

  • 28 Mar, 2017

    देश परदेश अंक २४८

    कार्यक्रम देश परदेशको अंक २४८ जग्गा धितो राखेर विदेश जाँदा ऋण लिने चलन र यसले पारेको प्रभावका विषयमा केन्द्रित छ । ऋणको साउँ ब्याज तिर्न नसकी जग्गा गुमाएर विस्थापित भएको  परिवारका कुरा कार्यक्रममा समेटिएको छ । दिदीबहिनीका कुरा स्तम्भमा मनोविद् करुणा कुँवरसित गरिएको कुरा कार्यक्रममा सुन्नु हुनेछ ।  

    हरेक महिना हामी वैदेशिक रोजगारका क्षेत्रमा काम गरिरहेका संघ संस्थाका प्रतिनिधी, वकिल, मजदुर, विज्ञ र अनुभवी मानिसका सुझाव र सल्लाह लिन्छौं र रेडियो कार्यक्रमका विषयवस्तुहरु निक्र्यौल गर्छौं । हामीलाई सल्लाह, सुझाव र मार्गदर्शन गर्ने कन्टेण्ट एड्भाइजरी टीमका सदस्य प्रवासी नेपाली समन्वय समिति पिएनसिसीका महासचिव सोम लामिछानेका कुरा पनि कार्यक्रममा सुन्न सक्नु हुनेछ । सधैंजस्तै वैदेशिक रोजगार सम्बन्धी साप्ताहिक गतिविधी, राउण्ड अप, प्रश्नोत्तर र तपाईंका गुनासो, जिज्ञासा, सल्लाह सुझाव रहने छ ।  

  • 21 Mar, 2017

    देश परदेश अंक २४७

    कार्यक्रम देश परदेशको अंक २४७ घरेलु महिला कामदारलाई म्यानपावर कम्पनीहरुबाटै सुरक्षित रुपले विदेश पठाउने गरी जारी गरिएको निर्देशिका अनुसार किन काम हुन सकेन भन्ने विषयमा केन्द्रित छ । घरेलु काममा महिला कामदार पठाउन म्यानपावर कम्पनीहरुले अनुमति लिए पनि अवैधानिक रुपमा विदेश जाने क्रम किन रोकिएन भन्ने विषयमा तयार पारिएको रिपोर्ट कार्यक्रममा सुन्नु हुनेछ । अनि, महिलालाई घरेलु काममा पठाउन फिलिपिन्सले अंगालेको नीति तथा नेपालले लागु गरेको नयाँ निर्देशिकाबारे तयार पारिएको बेग्ला बेग्लै सामग्री कार्यक्रममा समेटिएको छ । देश परदेशको नयाँ स्तम्भ दिदीबहिनीका कुरामा काम गर्न ओमान पु¥याइएकी र अनेकौं र्दुव्यवहार खेपेर फर्किएकी एकजना चेलीको अनुभव प्रस्तुत गरिएको छ । देशमा भैरहेका महत्वपूर्ण गतिविधी समेटिएको ‘राउण्ड अप’का साथै वैदेशिक रोजगार सम्बन्धी साप्ताहिक गतिविधी, प्रश्नोत्तर र तपाईंकै गुनासो, जिज्ञासा, सल्लाह सुझाव रहने छ । 

     

  • 14 Mar, 2017

    ​देश परदेश अंक २४६

    कार्यक्रम देश परदेशको अंक २४६ भारतमा सीप सिकेर अहिले देशभीत्रै भनेजस्तो कमाई गरिरहेका नेपाली युवा र नेपाल आएर रोजगारी गरिरहेका भारतीय युवाका कुरामा केन्द्रित छ । ह्याचरी उद्योगमा चल्ला कोरल्ने मेसिन चलाउने प्राविधिक तनहुँका यमबहादुर रानासित गरिएको कुराकानी कार्यक्रममा सुन्नु हुनेछ । अनि, जनकपुरको रामानन्द चौकमा रहेको झाडु र कुचो बनाउने एउटा उद्योगमा काम गरिरहेका भारत विहारको सितामडीका धिरज दास र सिलिगुढीका मज्जा हम्मिद हकसित गरिएको कुराकानी पनि कार्यक्रममा सुन्न सकिन्छ । सधैंजस्तै, वैदेशिक रोजगारी सम्बन्धी साप्ताहिक गतिविधी, राउण्ड अप, प्रश्नोत्तर र तपाईंकै गुनासो, जिज्ञासा, सल्लाह सुझाव रहनेछ । 

  • 07 Mar, 2017

    ​देश परदेश अंक २४५

    कार्यक्रम देश परदेशको अंक २४५ मा देशभित्रै व्यवसाय गरेर मनग्यै आम्दानी गरिरहेका र अरुलाई पनि रोजगारी दिइरहेका युवाका कुरा समेटिएको छ । सिरहाको गोलबजारमा ह्याचरी उद्योग खोलेका विजयकुमार साह तथा कुचो र झाडु बनाउने उद्योग खोलेर पाँच जना भारतीयलाई रोजगारी दिइरहेका धनुषाका सुनिल कुमार साहसित गरिएको कुराकानी कार्यक्रममा सुन्न सकिन्छ । अनि, शिक्षा मन्त्रालय र निजी क्षेत्रले गर्ने तह निर्धारणका विषयमा शिक्षा मन्त्रालयले गठन गरेको सीपको तह प्रारुप समितिका संयोजक शिक्षाविद् डा. मनप्रसाद वाग्लेसित गरिएको कुराकानी पनि सुन्नु हुनेछ । यो अंक देखि देशमा भैरहेका महत्वपूर्ण गतिविधि समेटेर तपाईंलाई सूचित गर्न राउण्ड अप पनि सुरु गरेका छौं । सधैंजस्तै वैदेशिक रोजगार सम्बन्धी साप्ताहिक गतिविधी, प्रश्नोत्तर र तपाईंकै गुनासो, जिज्ञासा, सल्लाह सुझाव रहने छ । 
     

  • 28 Feb, 2017

    ​देश परदेश अंक २४४

    कार्यक्रम देश परदेशको अंक २४४ मा धनुषाको जनकपुरस्थित रामानन्द चौकमा हरेक बिहान श्रम बेच्नका लागि तयार भएर पुगेका कामदार र श्रमिक खोज्दै पुगेका मानिसहरुका कुरा समेटिएको छ । जनकपुर आसपासका गाउँहरुबाट एकाबिहानै त्यहाँ पुग्ने कतिपय वर्षौं विदेशमा काम गरेर फर्केकाहरु भेटिन्छन् । कतिपय चाहिँ आफ्नै गाउँठाउँमा भएको कमाइमा सन्तुष्ट भएकाहरु पनि भेटिन्छन् । उनीहरुको कुरा कार्यक्रममा सुन्नु हुनेछ । सधैंजस्तै वैदेशिक रोजगार सम्बन्धी साप्ताहिक गतिविधी, प्रश्नोत्तर र तपाईंकै गुनासो, जिज्ञासा र सल्लाह सुझाव रहने छ । 

  • 21 Feb, 2017

    ​देश परदेश अंक २४३

    कार्यक्रम देश परदेशको अंक २४३ मा वैदेशिक रोजगारीका क्रममा ठगीमा परेका पीडितका अनुभव र परिवारका मानिसहरुले खेपेका भुक्तमान समेटिएको छ । रोजगारीका लागि विदेश जाने भन्दै दलालको पछि लागेर घरबाट काठमाडौ हिँडेका धनुषाको बसहिया ३ का विश्वनाथ दास दुई वर्षदेखि परिवारको सम्पर्कमा हुनुहुन्न । यी दुई वर्षमा विश्वनाथकी श्रीमती रिनादेवी श्रीमान्को खोजी गरिपाउँ भन्दै दुई हात जोडेर अनेक ठाउँमा पुग्नुभयो । तर हात लाग्यो शुन्य । उनै रिनादेवीका दुःख र विश्वनाथलाई खोज्न सघाइरहेकी रिनादेवीकी छिमेकी मन्जु कर्णसित गरिएको कुराकानी सुन्न सकिन्छ । अनि, रोजगारीका लागि साउदी अरब पुगेर केही दिनमै फर्केका सुनसरीको छिटाहाका बलराम चौधरीसित गरिएको कुराकानी सुन्नु हुनेछ । जीवनमा कहिल्यै गाडीको स्टेरिङ समेत नसमाएका बलरामलाई म्यानपावरले ठूला गाडी चलाउन पाउने नक्कली लाइसेन्स दिएर विदेश पठाएको थियो । सधैंजस्तै वैदेशिक रोजगार सम्बन्धी साप्ताहिक गतिविधी, प्रश्नोत्तर र तपाईंकै जिज्ञासा, गुनासो, सल्लाह सुझाव रहनेछ ।  

विशेष

Notice, Press Release

आफन्त, साथीभाइलाई सन्देश

  • परदेशि को मीठो मीठो माया ।

    पठाउनेः ज्ञान प्रसाद बराल / साउदि अरब (जिजान) पाउनेः अप्सरा / दुधौलि १ -सुगारे , सिन्धुली

  • छोरीलाई जन्मदिनको लाखौं लाख शुभकामना !

    पठाउनेः कृष्ण रिमाल पाउनेः सस्कृति रिमाल / लम्की, कैलाली

सबै हेर्नुहोस
Download

मेरो पनि भन्नु छ

  • नेपालबाट नयाँ आउने कामदारहरुलाई कामकोबारे साधारण ज्ञान सम्म नहुनु अनि पुरानाले पनि वास्ता नगर्नु, सानो सानो कुरामा रिस देखाउनु, कुरा नबुझी निष्कर्श निकाल्नु, क्यान्सल जान्छु भन्नु, जिम्मेवारीको वोध नहुनु, झै-झगडा, रक्सि, तास र पर स्त्रिसँग सम्बन्ध बढाउनु आदिले गर्दा सबै नेपाली कामदारमाथि नै प्रश्न चिन्न उठ्ने गर्दछ।

    धन बहादुर बुढाथोकी/ कतार
  • नेपालमा त सरकार नै छैन भन्दानि हुन्छ। यदि भएको भए त म्यानपावरका दलालहरुले किन मनपरी गर्थे र ? जवकी खाडी मुलुकमा जानको लागी फ्री भिसा फ्री टिकट अनि जम्मा दश हजार रुपैयाँ तोकेकोमा मान्छे बेच्न पल्केका दलालहरुले खाडी मुलुक अन्तरगत संयुक्त अरब इमिरेट्स अबुधाबिको पि.एस.बि.डी.सेक्युरिटी गार्डको लागी ४ लाख ५० हजार रुपैयाँ लिरहेकाछ्न्। यो सरासर सरकारको आँखामा छारो हालेको भएन र ? यदि हाम्रो देशमा सरकार छ भने अबिलम्व त्यस्ता म्यानपावर भनाउँदा दलालहरु उपर छानबिन गरी कार्वाही होस्।

    देब सल्यानी देबु
  • मरुभुमिको यो तातो घाममा दिनभरी गैती र बेल्चा हान्नुपर्छ। न त भने जस्तो खान पाइन्छ न थकाइ लाग्यो भनेर थकाइ नै मार्न पाइन्छ। खाना पनि बासिभात खानुपर्छ। नत राख्ने ठाउँ छ ल्याएर एउटा खजुरको बोट मुनि राखेर काम थाल्नुपर्छ। भरे खाने बेलामा त्यो तातो घामले गजज्ज पानी आइराखेको हुन्छ। बाध्यता, त्यसैलाइ पानी हालेर पखालेर खानुको बिकल्प अरु केनै छ  र? खुन र पसिनामा निथ्रुक्क भिजेर यो दुःखी जीवन यस्तै छ। यस्तो परिश्रम गर्ने हो भने त हाम्रो देशमा सुन फलाइन्छ। जय मार्तीभुमी। 

    दोहा, कतार
  • म युरोपको इटली आएको चार बर्ष भयो। सोचे जस्तो काम नपाएर बाच्नै मुश्किल भइरहेको छ। बस्न खान मात्रै नेपाली ४०-४५ हजार लाग्छ।  अहिले आएर लाग्छ कि नेपालमै मेहनेत गर्दा हुने थियो बरु। के गर्नु विदेशको जिन्दगी। युरोपमा त सजिलै पैसा कमाउन सकिन्छ भन्ने सोचेको थिए।

    किरण थापा /इटहरी (हाल इटली)
सबै हेर्नुहोस
Mobile App