MENU

रेडियो कार्यक्रम

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । बिदेशमा नेपालीले नगरेका काम पनि अब थोरै मात्र छन् । बैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा बिदेशमा रहेका नेपालीको संख्या आज ४० लाख पुगेको छ । अथवा देशको १५ प्रतिशत भन्दा ठूलो जनसंख्या नेपाल बाहिर छ । त्यसमध्ये आधाभन्दा बढी जनशक्ति बैदेशिक रोजगारीका सिलसिलामा बिदेश पुगेको छ ।     देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका ४० लाख भन्दा धेरै नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः२० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । बिदेशमा काम गर्न जाने र बिदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् ।    उज्यालोको देश परदेश मल्टिमिडिया प्लेटफर्म तपाईको साथ र सहयोगमा बैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाइका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देशपरदेश मल्टिमिडिया प्लेटफर्ममा तपाईलाई हार्दिक स्वागत छ ! 

  • 01 Aug, 2017

    देश परदेश अंक २६६

    कार्यक्रम देश परदेशको अंक २६६ अवैधानिक बाटो हुँदै विदेश गएर समस्यामा परी उद्दार गरिएका महिलाका विषयमा केन्द्रित छ । घरेलु कामका लागि खाडीका देशहरुमा पुगेर फर्किएका महिला र तिनका परिवारलाई धादिङ र सुनसरीमा भेटेर तयार पारिएका सामग्री कार्यक्रममा सुन्न सकिन्छ । सधैंजस्तै, वैदेशिक रोजगार सम्बन्धी साप्ताहिक गतिविधी, प्रश्नोत्तर, राउण्ड अप र तपाईंका गुनासो, जिज्ञासा, सल्लाह सुझाव रहनेछ । 

  • 25 Jul, 2017

    ​देश परदेश अंक २६५

    कार्यक्रम देश परदेशको अंक २६५ वैदेशिक रोजगारीका नाममा हुने मानव तस्करीका विषयमा केन्द्रित छ । मानव बेचविखन र ओसापसारजस्ता अपराध हिजोआज वैदेशिक रोजगारीसँग जोडिन थालेका छन् । तस्करी हुनबाट कसरी जोगिने भन्ने विषयमा आप्रवासी महिला कामदार समुह (आमकास)की अध्यक्ष विजया राई श्रेष्ठ र केन्द्रीय अनुसन्धान ब्युरो (सिआइबी)का एसएसपी शेरबहादुर बस्नेतसित गरिएको कुराकानी कार्यक्रममा सुन्न सकिन्छ । त्यस्तै, युरोप जाने लोभमा दुवई पुगेर फर्किएका चित्रबहादुर थापा मगरका अनुभव पनि कार्यक्रममा सुन्नु हुनेछ । दिदीबहिनीका कुरामा कुवेतमा मृत्युदण्ड हुनबाट जोगिएर फर्केकी डोल्मा शेर्पाका जेल अनुभव समेटिएको छ । सधैंजस्तै, वैदेशिक रोजगार सम्बन्धी साप्ताहिक गतिविधी, प्रश्नोत्तर, राउण्ड अपका साथै तपाईंको गुनासो, जिज्ञासा, सल्लाह सुझाव रहनेछ ।  

  • 18 Jul, 2017

    ​देश परदेश अंक २६४

    कार्यक्रम देश परदेशको अंक २६४ नेपाली महिला कामदारलाई घरेलु काममा विदेश जान रोक लागेपछि महिलाले पुरुष सरह विदेशमा गएर काम गर्न किन नपाउने भन्ने र काम गर्न गएका महिलाको सुरक्षाको ग्यारेण्टी कसरी गर्ने भन्ने विषयमा महिनौं देखि भइरहेको बहसमा केन्द्रित छ । यस विषयमा श्रम तथा रोजगार मन्त्रालयका प्रवक्ता गोविन्दमणि भुर्तेल र स्वतन्त्रता अभियानकी कार्यालय प्रमुख ऋतु भट्ट राईसित गरिएको कुराकानी कार्यक्रममा सुन्न सकिन्छ । लेवनानमा घरेलु काम गरेर बिदामा आएकी र फेरि जान खोज्दा नपाएकी महिलाका कुरा पनि कार्यक्रममा सुन्नु हुनेछ । यो अंकमा ‘कन्टेण्ट एड्भाइजरी टिम’का एक जना सदस्य विष्णु खत्रीका विचार पनि अनुभव र सुझाव शीर्षकमा समेटिएको छ । सधैंजस्तै वैदेशिक रोजगार सम्बन्धी साप्ताहिक गतिविधी, प्रश्नोत्तर, राउण्ड अपका साथै तपाईंका गुनासो, जिज्ञासा, सल्लाह सुझाव रहनेछ । 

  • 11 Jul, 2017

    देश परदेश अंक २६३

    कार्यक्रम देश परदेशको अंक २६३ वैदेशिक रोजगार विभागमा हुने मेलमिलापका विषयमा केन्द्रित छ । वैदेशिक रोजगारीका क्रममा ठगीमा पर्ने पीडित र ठगी गर्ने पिडकबिच विभागले मध्यस्थता गरेर मेलमिलाप गराउँछ । म्यानपावरविरुद्ध उजुरी लिएर विभाग पुगेका पीडित र म्यानपावर कम्पनीका प्रतिनिधिका कुरा कार्यक्रममा सुन्नु हुनेछ । त्यस्तै, विभागको मेलमिलाप समितिका संयोजक नारायणप्रसाद आचार्य र म्यानपावर व्यवसायीका प्रतिनिधी कुमुद खनालसित गरिएको कुराकानी पनि कार्यक्रममा सुन्न सकिन्छ । सधैंजस्तै वैदेशिक रोजगार सम्बन्धी साप्ताहिक गतिविधी, प्रश्नोत्तर, दिदीबहिनीका कुरा, राउण्ड अपका साथै तपाईंका गुनासो, जिज्ञासा, सल्लाह सुझाव समेटिएको छ । 

     

  • 04 Jul, 2017

    देश परदेश अंक २६२

    कार्यक्रम देश परदेशको अंक २६२ विदेशमा हराइरहेकाको हालखबर बुझ्न कसरी सकिएला भन्ने विषयमा केन्द्रित छ । विदेश जानेको संख्या बढेसँगै उतै बस्ने, आफुखुशी वा परिबन्धमा परेर परिवारको सम्पर्कमा आउन नसकेका नेपाली युवाको संख्या पनि बढिरहेको छ । इमेल इन्टरनेटका कारण हिजोआज घरैमा बसेर विदेशमा सम्पर्कविहिन भएकाहरुको अवस्था पत्ता लगाउन सकिन्छ । विदेशमा हराएकालाई खोज्न सघाउने सरकारी निकाय कन्सुलर सेवा विभागका महानिर्देशक गेहेन्द्र राजभण्डारीसँग गरिएको कुराकानी कार्यक्रममा सुन्न सकिन्छ । त्यस्तै, विदेशमा रहेका नेपाली दूतावास र संघसंस्थाका प्रतिनिधिहरुसित गरिएको कुराकानीमा आधारित सामग्री पनि कार्यक्रममा सुन्नुहुनेछ । सधैंजस्तै, वैदेशिक रोजगार सम्बन्धी साप्ताहिक गतिविधी, प्रश्नोत्तर, दिदीबहिनीका कुरा, राउण्ड अपका साथै तपाईंका गुनासो, जिज्ञासा, सल्लाह सुझाव रहनेछ ।  

     

  • 27 Jun, 2017

    देश परदेश अंक २६१

    कार्यक्रम देश परदेशको अंक २६१ वैदेशिक रोजगारीले ल्याएको विपत र त्यसबाट परिवारका मानिसलाई परेको अप्ठेरोको विषयमा केन्द्रित छ । रोजगारीका लागि युएईको दुवई पुगेका नवलपरासीको देवचुली ७ का रामबहादुर लामाको दुई वर्ष अघि हत्या भयो । रामबहादुरको हत्या गरेको अभियोगमा झापाको घैलाडुब्बाका विष्णुप्रसाद उप्रेती युएईको जेलमा छन् । यता नेपालमा यी दुवै परिवारका मानिसको पिडा उस्तै छ । तिनै परिवारका मानिसको कुरा कार्यक्रममा सुन्न सकिन्छ । सधैंजस्तै वैदेशिक रोजगार सम्बन्धी साप्ताहिक गतिविधी, प्रश्नोत्तर, राउण्ड अपका साथै तपाईंका गुनासा, जिज्ञासा, सल्लाह सुझाव समेटिएको छ । 

     

  • 20 Jun, 2017

    ​देश परदेश अंक २६०

    कार्यक्रम देश परदेशको अंक २६० अनलाइनबाट श्रम स्वीकृति लिनुपर्ने व्यवस्थाका विषयमा केन्द्रित छ । अनलाइन मार्फत दिने श्रम स्वीकृतिलाई थप प्रभावकारी बनाउन भइरहेका कामबारे वैदेशिक रोजगार विभागको काठमाडौं कार्यालयका प्रमुख तेजराज पाण्डेसित गरिएको कुराकानी कार्यक्रममा सुन्न सकिन्छ । त्यस्तै, अभिमुखिकरण तालिमको कक्षा लिनका लागि गर्नुपर्ने विद्युतीय हाजिरीका विषयमा तयार पारिएको सामग्री कार्यक्रममा समेटिएको छ । देश परदेश कार्यक्रम निर्माणका लागि सल्लाह, सुझाव र मार्गदर्शन गर्ने ‘कन्टेण्ट एड्भाइजरी टिम’का एक जना सदस्य अस्मिता सापकोटाका सम्बोधन पनि आजको कार्यक्रममा समेटिएको छ । सधैंजस्तै, वैदेशिक रोजगार सम्बन्धी साप्ताहिक गतिविधी, प्रश्नोत्तर, राउण्ड अप, दिदीबहिनीका कुरासँगै तपाईंका गुनासो, जिज्ञासा, सल्लाह सुझाव रहनेछ । 

विशेष

Notice, Press Release

आफन्त, साथीभाइलाई सन्देश

  • नमस्कार!

    पठाउनेः प्रेम श्रेष्ठ / बहराइन पाउनेः आमा-बुवा / नेत्रकाली गा.बि.स वडा नम्बर ६, सिन्धुली

  • तिजको सम्पूर्ण दिदीबहिनीहरुलाई म परदेशिको मँगलमय शुभकामना।

    पठाउनेः ज्ञान प्रसाद बराल / साउदी अरब (जिजान) पाउनेः तुलसा बराल / दुधौलि नगरपालिका -१, सुगारे, सिन्धुली

सबै हेर्नुहोस
Download

मेरो पनि भन्नु छ

  • म बाह्र बर्ष देखि कतारमा ड्राइभरको काम गर्दै आएको छुँ। प्राय कम्पनीमा भारतीय फोरम्यान हुन्छन् भने केहिमा नेपाली। जहाँ नेपाली राम्रो पदमा कार्यरत छन् त्यहाँ आफ्नै नेपाली दाजुभाइलाई दबाउने, पैसा नदिने, काममा दुःख दिने, ओभर टाइम नदिने जस्ता अती नै घटीया ब्याबहार गरि नेपालीले नेपालीलाई नै लुटिरहेका छन्।

    महेन्द्र कुमार रोक्का / कतार
  • साउदी अरेबियामा आजिवन जेल परेका स्थानेस्वरलाई बचाउ अभियान नै चलाइदै रहेछ, राम्रो कुरा हो। बिगतमा पनि अमर राई र बमबहादुरको लागि चाहिने भन्दा धेरै रकम संकलन भएको थियो। अझ एकजनाको त पुरै ब्लडमनि अज्ञात ब्यक्तिले दिएको थियो। त्यो पैसा अहिले कहाँ र कोसँग छ ? त्यस्को सोधी खोजी कसले गर्ने ? यदि त्यो पैसा त्यस्तै निर्दोशलाई बचाउन राखिएको हो भने त्यसबाटै स्थानेस्वरलाई बचाउन सकिँदैन र ?

    दुर्गेस सापकोटा
  • मलेसियामा न त कानुनसम्बन्धी कुनै भरपर्दो निकाए नै छ जस्ले कामदारका हितमा सघाओस् न त भनेजस्तो तलब सुबिधानै। अन्तराष्ट्रीय नियम अनुसार श्रमिकहरुको न्युनतम कामगर्ने समय र महिनाभरी पर्ने पब्लिक डे र अन्य बिदाको त कुनै अर्थ नै छैन। न त कम्पनीले दिन मान्छ, न यहाँको सरकारी निकायबाट छानबिन नै हुन्छ। दिनरातको असुरक्षित बातावरणमै दुःखमा दिन बिताउन बाध्य छ्न् यहाँ कार्यरत अधिकांश नेपाली कामदारहरु। नेपालसरकारको त कुरै नगरौँ, दुतावासले सहयोग गर्ला सोच्योकी बिचौलियालाई ठिक्क पारिन्छ।

    करन महरा / मलेसिया
  • मलेसियामा सुरक्षा गार्ड कम्पनीले श्रम सम्झौतामा उल्लेख  भए अनुसारको न काम दिन्छ, न त  तलब नै। आफ्नो ब्यक्तिगत सुरक्षाको त कुरा नै नगरौं। त्यस्तै परे आफ्नो कम्पनीको मानिसले नै कुन बेला मान्छे र पुलिस लगाएर कुटाउन बेर लगाउदैन। हामी श्रमिकले त नेपालका म्यानपावरलाई एक देखि दुई लाख सम्म बुझाएका हुन्छौं। मलेसियामा बेसिक नौं सय रिङ्गिट  गरी जम्मा १६ सय हुन्छ। होस्टेल, लेबि, ड्रेस अनि यातायातको पैसा कट्दा र खाना खाँदा मुस्किलले एक बर्षमा ऋण तिरिएला। बरु यो भन्दा नेपाल सकारले मालेसियामा कामदार पठाउन बन्द गरेर विकल्प खोज्नुपर्छ। किनकि नेपालको दूतावासले पनि दीर्घकालीन समाधान भन्दा कामदारलाई  थम्थमाउने तिर मात्र लागेको देखिन्छ।

    ठाकु योञ्जन / मलेसिया
सबै हेर्नुहोस
Mobile App