MENU

रेडियो कार्यक्रम

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः२० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् ।    उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ ! 

  • 03 Apr, 2018

    देश परदेश ३०१

    कार्यक्रम देश परदेशको अंक ३०१ मलेसियामा कृषि क्षेत्रमा काम गर्ने नेपाली कामदारका अनुभवमा केन्द्रित छ । स्याङ्जाका रेश्मी न्यौपाने साग गोड्ने काम भनेर १५ वर्ष अघि लेवरको भिसामा मलेसिया पुग्नुभयो । अहिले उहाँ सयौं नेपाली सहित अरु विदेशी कामदारलाई अराउखटाउ गर्ने म्यानेजर हुनुभएको छ । न्यौपानेसित गरिएको कुराकानी कार्यक्रममा सुन्न सकिन्छ । त्यस्तै, १२ वर्षदेखि मलेसियामै कृषि क्षेत्रमा काम गरिरहेका सिरहाका सियाराम महतोसित गरिएको कुराकानी पनि कार्यक्रममा सुन्नुहुनेछ । सधैंजस्तै वैदेशिक रोजगार सम्बन्धी साप्ताहिक गतिविधि, राउण्ड अप, प्रश्नोत्तर र तपाईंकै गुनासो, जिज्ञासा, सल्लाह सुझाव रहनेछ । 

     

  • 27 Mar, 2018

    ​देश परदेशक अंक ३००

    कार्यक्रम देश परदेशको अंक ३०० मलेसियामा नेपाली कामदारको सुरक्षा अवस्था र अपनाउनुपर्ने सावधानीका विषयमा केन्द्रित छ । त्यहाँको सुरक्षा अवस्थाबारे लामो समयदेखि मलेसियामा काम गरिहेका र भर्खरै पुगेका नेपाली युवाका अनुभव कार्यक्रममा सुन्न सकिन्छ । मलेसियामा कसरी सुरक्षित हुन सकिन्छ भन्नेबारे नेपाली कामदारका दुःखसुख नजिकबाट नियालीरहेका नेपाली मूलका मलेसियन नागरिक शंकरबहादुर पौडेलका सुझाव पनि कार्यक्रममा समेटिएको छ । त्यस्तै, दुःखमा परेका नेपालीलाई मलेसियास्थित नेपाली दूतावासले गर्ने सहयोगबारे कार्यवाहक राजदूत कुमारराज खरेलसित गरिएको कुराकानी सुन्नु हुनेछ । सधैंजस्तै वैदेशिक रोजगार सम्बन्धी साप्ताहिक गतिविधि, प्रश्नोत्तर, राउण्ड अप र तपाईंकै गुनासो, जिज्ञासा, सल्लाह सुझाव रहनेछ । 

  • 20 Mar, 2018

    देश परदेश अंक २९९

    कार्यक्रम देश परदेशको अंक २९९ मलेसिया तथा युएई जानुअघि, त्यहाँ रहँदा र नेपाल फर्कंदा ध्यान दिनुपर्ने कुरामा केन्द्रित छ । यस विषयमा नेपाली दूतावास युएईका द्वितीय सचिव तथा सूचना अधिकारी कृष्ण अर्याल र नेपाली दूतावास मलेसियाका श्रम काउन्सेलर बद्रिकुमार कार्कीसित गरिएको कुराकानी सुन्नुहुनेछ । सधैंजस्तै वैदेशिक रोजगार सम्बन्धी साप्ताहिक गतिविधि, राउण्ड अप, प्रश्नोत्तर र तपाईंकै गुनासो, जिज्ञासा, सल्लाह सुझाव रहनेछ ।  

     

     

  • 13 Mar, 2018

    देश परदेश अंक २९८

    कार्यक्रम देश परदेशको अंक २९८ श्रम गन्तव्य देशमा नेपाली महिलाले गर्ने काम र महिला कामदारका भोगाईमा केन्द्रित छ । युएईमा ब्युटिपार्लर सञ्चालन गर्ने पविता श्रेष्ठ, निरु मगर र अभन श्रेष्ठ तथा मलेसियाको जोहोरबारुमा फेन्सी पसल र रेष्टुराँ चलाइरहेकी बेदना श्रेष्ठसित गरिएको कुराकानी आजको कार्यक्रममा सुन्न सकिन्छ । अनि, हामी घरेलु कामदारका रुपमा युएई पुगेकी अर्चना सुवेदीसँगको कुराकानी पनि कार्यक्रममा सुन्नु हुनेछ । सधैंजस्तै वैदेशिक रोजगार सम्बन्धी साप्ताहिक गतिविधि, राउण्ड अप, प्रश्नोत्तर र तपाईंकै गुनासो जिज्ञासा, सल्लाह सुझाव रहनेछ ।

     

  • 06 Mar, 2018

    ​देश परदेश अंक २९७

    कार्यक्रम देश परदेशको अंक २९७ काम गर्न चाहिने कागजपत्र नभएकालाई दुघर्टनामा पर्दा पर्ने अप्ठेरोमा केन्द्रित छ । दुघर्टना परेपछि उपचार गर्न र नेपाल फर्कन समस्यामा परेका बाग्लुङका भेषबहादुर बुढा मगर र उहाँलाई फर्काउन मलेसियामा बस्ने आफन्तलाई परेको अप्ठेरोबारेको सामग्री कार्यक्रममा सुन्न सकिन्छ । अवैधानिक हैसियत रहँदा अथवा काम गर्नका लागि चाहिने कागजात नहुँदा भवितव्यमा परिहाले पर्ने अरु खालका अप्ठेरा, अप्ठेरामा परेकालाई दूतावासले गर्ने सहयोगका विषयमा मलेसियास्थित नेपाली दूतावासका श्रम काउन्सेलर बद्रिकुमार कार्की र कार्यवाहक राजदूत कुमारराज खरेलसित गरिएको कुराकानी कार्यक्रममा समेटिएको छ । त्यस्तै, सप्लाई कम्पनीमा पुगेर हत्तु हैरान खेपेका जाजरकोटका इन्द्रबहादुर सार्की, खोटाङका इश्वर मगर र ताप्लेजुङका प्रकाश लिम्बूका अनुभव पनि कार्यक्रममा सुन्न सकिन्छ । सधैंजस्तै वैदेशिक रोजगार सम्बन्धी साप्ताहिक गतिविधि, प्रश्नोत्तर, राउण्ड अप र तपाईंका गुनासो, जिज्ञासा, सल्लाह सुझाव रहनेछ । 

  • 27 Feb, 2018

    देश परदेश अंक २९६

    कार्यक्रम देश परदेशको अंक २९६ कामदार भएर परदेश छिरेका तर काम गर्न गएको देशमै व्यवसाय थालेर राम्रो कमाई गरिरहेका नेपालीका कथामा केन्द्रित छ । मलेसियामा कामदार हुँदै व्यवसायी भएका पासाङ लामाका कुरा कार्यक्रममा सुन्न सकिन्छ । त्यस्तै, युएईमा व्यवसाय गर्ने कास्कीका एकेन्द्र थापा र उमेशकुमार न्यौपानेका कथा पनि कार्यक्रममा सुन्नु हुनेछ । सधैंजस्तै वैदेशिक रोजगार सम्बन्धी साप्ताहिक गतिविधि, राउण्ड अप, प्रश्नोत्तर र तपाईंका गुनासो, जिज्ञासा, सल्लाह सुझाव रहनेछ । 

  • 20 Feb, 2018

    ​देश परदेश अंक २९५

    सरकारले मलेसिया सहित खाडीका देशमा घरेलु कामदार पठाउन रोकेको छ । सुरक्षाका लागि भन्दै प्रतिबन्ध लगाए पनि घरेलु काममा पनि राम्रो कमाई गरिरहेका महिलालाई यसले समस्या पारेको छ । अहिले मलेसिया तथा खाडीमा काम गरिरहेका महिला नेपाल फर्किए भने उनीहरुको पुनः श्रम स्वीकृती हुँदैन र उनीहरु पुन काम गर्न जान पाउँदैनन् । फेरि काममा फर्कन नपाउने भएकाले घर आउन नपाएका महिला कामदारका बारेमा केन्द्रित कार्यक्रम देश परदेशको अंक २९५ ।

विशेष

Notice, Press Release

आफन्त, साथीभाइलाई सन्देश

  • जन्मदिनको शुभकामना !!

    पठाउनेः अमोश बराल / तोमिसातोउ-सि चिवा जापान पाउनेः समीर बराल

  • सबैलाई मनभित्र देखि याद गरेको छु।

    पठाउनेः गोबिन्द पन्थी / साउदीअरेबिया पाउनेः बाबा आमा / मदाने गाउँ पलिका - ७ , भन्भने गुल्मी

सबै हेर्नुहोस
Download

मेरो पनि भन्नु छ

  • माग पत्रमा फ्रि भिसा फ्रि टिकट लेखिएको जान्दा जान्दै पनि म्यानपावरका एजेन्ट भनाउँदा दलालले एक लाख देखि दुई लाखसम्म रकम लिने गर्दछन् र दश हजार मात्रै तिरेको कागजमा सही गराउँने जुन कर्तुत गरिरहेका छन् चाँडो भन्दा चाँडो वर्षौं देखि चलेको यो कालो कर्तुतको अन्त्य गरिनु पर्यो सरकार ! यही नै सबैका लागि ठूलो सेवा सुविधा हुनेछ सरकार।

    प्रकाश थापा / युएई
  • कोरियन साहुको किचकिच, काम गाह्रो, भनेको समयमा कम्पनी परिवर्तन गर्न नसकिने आदि कोरियाको मुख्य समस्या हो। बाँकी अरू त सबै ठीकै छ। काम अनुसारको तलव, हावापानी, बाटो घाटो, बसाई, ईन्टरनेट सुविधा सबै राम्रो छ।

    निशान राई / दक्षिण कोरिया
  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः -भाषाको समस्या,  -भनेको काम नभइ अर्को काममा लगाउने, -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ, -तोकेको सेलरी भन्दा कम, -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब
  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया
सबै हेर्नुहोस
Mobile App