MENU

रेडियो कार्यक्रम

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । बिदेशमा नेपालीले नगरेका काम पनि अब थोरै मात्र छन् । बैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा बिदेशमा रहेका नेपालीको संख्या आज ४० लाख पुगेको छ । अथवा देशको १५ प्रतिशत भन्दा ठूलो जनसंख्या नेपाल बाहिर छ । त्यसमध्ये आधाभन्दा बढी जनशक्ति बैदेशिक रोजगारीका सिलसिलामा बिदेश पुगेको छ ।     देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका ४० लाख भन्दा धेरै नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः२० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । बिदेशमा काम गर्न जाने र बिदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् ।    उज्यालोको देश परदेश मल्टिमिडिया प्लेटफर्म तपाईको साथ र सहयोगमा बैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाइका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देशपरदेश मल्टिमिडिया प्लेटफर्ममा तपाईलाई हार्दिक स्वागत छ ! 

  • 08 Nov, 2012

    देश परदेश अंक १९

    कार्यक्रम देश परदेशको अंक १९ बैदेशिक रोजगारी र स्वास्थ्यमा केन्द्रीत छ । यस कार्यक्रममा स्वास्थ्य परिक्षणका बिषयमा  बैदेशिक रोजगारीमा जान लागेकाहरु कत्तिको सचेत छन् र मलेसियामा कस्ता स्वास्थ्य समस्या आईपर्छन् भन्ने बारेमा रिपोर्टहरु समावेश गरिएका छन् । यसैगरी बैदेशिक रोजगारीमा जानु अघिको स्वास्थ्य परिक्षणको महत्वका बारेमा नेपाल स्वास्थ्य व्यवसायी महासंघका अध्यक्ष प्रविन तिवारीसँगको कुराकानी सुन्न सकिन्छ । 

  • 04 Nov, 2012

    देश परदेश अंक १८

    देश परदेशको अंक १८ किन दक्ष भन्दा अदक्ष कामदारको माग आउँछ नेपालमा भन्ने बिषयमा केन्द्रीत छ । यो कार्यक्रममा दक्षता हासिल गरेपछि रोजगारीमा हुने फाइदाका बारेमा मलेसियाबाट रिपोर्ट, दक्ष कामदारको माग ल्याउन किन सकिरहेका छैनन् व्यवसायीले भन्ने बिषयमा बैदेशिक रोजगार व्यवसायी कुमुद खनालसँगको कुराकानी सुन्न सक्नुहुन्छ । साथै अदक्ष कामदारका रुपमा बिदेश गएर पनि कसरी दक्षता हासिल गर्न सकिन्छ भन्ने बारेमा युएईमा कार्यररत एकजना प्रवासी नेपाली यादव पोखरेलको अनुभव र नेपालबाटै दक्षता बोकेर गएर पनि त्यस अनुरुप काम नपाउँदाको समस्याका बारेमा कतारमा कार्यरत बैजनाथ मण्डलका अनुभव सुन्न सक्नुहुन्छ । 

  • 26 Oct, 2012

    देश परदेश अंक १७

    देश परदेशको अंक १७ प्रवासको दशैंमा केन्द्रीत छ । यस कार्यक्रममा संयुक्त अरव ईमिरेट्स(युएई) मा दशैं मनाउँदै गरेका नेपालीसँगको कुराकानी, कतार र मलेसियामा रहेका नेपालीसँगको दशैं अनुभव सुन्न सकिन्छ ।

     

  • 26 Oct, 2012

    देश परदेश अंक १६

    कार्यक्रम देश परदेशको अंक १६ खाडीका चारवटा देश साउदी अरव, संयुक्त अरव ईमिरेट्स(युएई), कुवेत र कतारमा घरेलु कामदारका रुपमा जान चाहने महिलाका लागि ३० बर्षे उमेर हद तोकेपछिका उपलब्धी र समस्यका बारेमा केन्द्रीत छ । यो कार्यक्रममा किन ३० बर्षे उमेर हद तोकियो र यसले के प्रभाव पारेको छ भन्ने बारेमा बैदेशिक रोजगार बिभागका महानिर्देशक पूर्णचन्द्र भट्टराईसँगको कुराकानी, उमेरको हदवन्दीका सकारात्मक र नकारात्मक पक्षका बारेमा युएन वुमनकी नेपाल कार्यक्रम प्रमुख सरु जोशीसँग गरिएको कुराकानी सुन्न सक्नुहुन्छ । यसैगरी उमेर हदले निम्तयाएको समस्याका बारेमा तयार पारिएको रिपोर्ट, सीप सिकाउने संस्थाहरु र तिनिहरुले सिकाउने सीपको बिविधताका बारेमा सिटिईभिटीका प्राविधीक अधिकृत बिनोद बडालसँग गरिएको कुराकानी पनि कार्यक्रममा समेटिएका छन् । यसैगरी सधैं झैं बैदेशिक रोजगारका बारेमा प्रश्नोत्तर श्रृंखला पनि कार्यक्रममा सुन्न सकिन्छ । 

  • 09 Oct, 2012

    कार्यक्रम देश परदेशको अंक १५

    कार्यक्रम देश परदेशको अंक १५ संयुक्त अरव ईमिरेट्स(युएई)मा काम गर्ने नेपालीका अनुभव, भोगाई, समस्या र सम्भावनाका बारेमा केन्द्रीत छ । यो कार्यक्रममा युएईको दुवईमा घरेलु कामदारका रुपमा कार्र्यरत महिलाका दुवई बसाईका अनुभव, काम गर्दाको सजिलो अप्ठ्यारो तथा निर्माण क्षेत्रमा काम गर्ने नेपालीका अनुभव समेटिएको छ । साथै युएईमा कार्यरत नेपालीका समस्याका बारेमा गैर आवासिय नेपाली संघ(एनआरएन), अन्तराष्ट्रिय समन्वय परिषदको लेवर टास्क फोर्सका सदस्य छत्र लामासँग गरिएको कुराकानी सँगै संयुक्त अरव ईमिरेट्सका लागि नेपाली राजदुत धनञ्जय झासँग गरिएको कुराकानी पनि कार्यक्रममा सुन्न सकिन्छ । 

  • 03 Oct, 2012

    कार्यक्रम देश परदेशको अंक १४

    कार्यक्रम देश परदेशको अंक १४ कतारमा काम गर्ने नेपालीको अवस्था, भोगाई, समस्या र सम्भावनामा केन्द्रीत छ । यस कार्यक्रममा कतारमा कार्यरत नेपाली कस्ता समस्यामा पर्छन् र उनीहरुलाई कतारस्थीत नेपाली दुतावासको कस्तो सहयोग गर्छ भन्ने सुन्न सकिन्छ । नेपालबाट पठाउँदा गाउँका दलाल, स्थानीय एजेण्ट वा म्यानपावर कम्पनीले भने अनुरुप तलाव नपाएको, कम्पनीहरुले समयमा तलव नदिएको र सम्झौता अवधी सकिंदा समेत नेपाल फर्किन नपाएकाहरुको अनुभव कार्यक्रममा समेटिएको छ । यसैगरी कतारमा राम्रो ओहोदामा रहेर काम गरिरहेका र धेरै कमाईरहेका नेपालीको अनुभवसँगै समस्यामा परेका नेपालीलाई नेपाली दुतावासले कस्तो सहयोग गर्छ भन्ने बारेमा कतारका लागि नेपाली राजदुत डा.मायाकुमारी शर्मासँग गरिएको कुराकानी पनि सुन्न सकिन्छ । साथै बैदेशिक रोजगारमा जाँदा सीपको महत्वका बारेमा प्रवासमा रहेका नेपालीको अनुभव र सुझाव पनि कार्यक्रममा समेटिएको छ ।

  • 27 Sep, 2012

    कार्यक्रम देश परदेश अंक १३

    कार्यक्रम देश परदेशको अंक १३ बैदेशिक रोजगारमा जानु अघि दिइने अभिमुखिकरण तालिमको महत्वमा केन्द्रीत छ । यो कार्यक्रममा अभिमुखिकरण तालिमको आवश्यकता र अहिले दिइएको तालिम कत्तिको प्रभावकारी छ भन्ने बारेमा तयार पारिएको रिपोर्ट, बैदेशिक रोजगारमा जानु अघि लिनु पर्ने सीप बिकास तालिमका बारेमा एकजना युवाको बिचार सुन्न सकिन्छ । यसैगरी सुरक्षा गार्डको काम गर्न बिदेश जान चाहनेले लिनु पर्ने तालिम र त्यसमा कस्ता कुरा सिकाईन्छ साथै तालिम लिंदाका फाइदाका बारेमा गरिएको कुराकानी, मलेसियामा होेटलमा कार्यरत नेपाली कामदारको अनुभव सहितको रिपोर्ट कार्यक्रममा समेटिएका छन् । यसैगरी संयुक्त अरव ईमिरेट्स(युएई)का बारेमा पनि कार्यक्रमबाट जानकारी लिन सकिन्छ ।   

विशेष

Notice, Press Release

आफन्त, साथीभाइलाई सन्देश

  • नमस्कार!

    पठाउनेः प्रेम श्रेष्ठ / बहराइन पाउनेः आमा-बुवा / नेत्रकाली गा.बि.स वडा नम्बर ६, सिन्धुली

  • तिजको सम्पूर्ण दिदीबहिनीहरुलाई म परदेशिको मँगलमय शुभकामना।

    पठाउनेः ज्ञान प्रसाद बराल / साउदी अरब (जिजान) पाउनेः तुलसा बराल / दुधौलि नगरपालिका -१, सुगारे, सिन्धुली

सबै हेर्नुहोस
Download

मेरो पनि भन्नु छ

  • म बाह्र बर्ष देखि कतारमा ड्राइभरको काम गर्दै आएको छुँ। प्राय कम्पनीमा भारतीय फोरम्यान हुन्छन् भने केहिमा नेपाली। जहाँ नेपाली राम्रो पदमा कार्यरत छन् त्यहाँ आफ्नै नेपाली दाजुभाइलाई दबाउने, पैसा नदिने, काममा दुःख दिने, ओभर टाइम नदिने जस्ता अती नै घटीया ब्याबहार गरि नेपालीले नेपालीलाई नै लुटिरहेका छन्।

    महेन्द्र कुमार रोक्का / कतार
  • साउदी अरेबियामा आजिवन जेल परेका स्थानेस्वरलाई बचाउ अभियान नै चलाइदै रहेछ, राम्रो कुरा हो। बिगतमा पनि अमर राई र बमबहादुरको लागि चाहिने भन्दा धेरै रकम संकलन भएको थियो। अझ एकजनाको त पुरै ब्लडमनि अज्ञात ब्यक्तिले दिएको थियो। त्यो पैसा अहिले कहाँ र कोसँग छ ? त्यस्को सोधी खोजी कसले गर्ने ? यदि त्यो पैसा त्यस्तै निर्दोशलाई बचाउन राखिएको हो भने त्यसबाटै स्थानेस्वरलाई बचाउन सकिँदैन र ?

    दुर्गेस सापकोटा
  • मलेसियामा न त कानुनसम्बन्धी कुनै भरपर्दो निकाए नै छ जस्ले कामदारका हितमा सघाओस् न त भनेजस्तो तलब सुबिधानै। अन्तराष्ट्रीय नियम अनुसार श्रमिकहरुको न्युनतम कामगर्ने समय र महिनाभरी पर्ने पब्लिक डे र अन्य बिदाको त कुनै अर्थ नै छैन। न त कम्पनीले दिन मान्छ, न यहाँको सरकारी निकायबाट छानबिन नै हुन्छ। दिनरातको असुरक्षित बातावरणमै दुःखमा दिन बिताउन बाध्य छ्न् यहाँ कार्यरत अधिकांश नेपाली कामदारहरु। नेपालसरकारको त कुरै नगरौँ, दुतावासले सहयोग गर्ला सोच्योकी बिचौलियालाई ठिक्क पारिन्छ।

    करन महरा / मलेसिया
  • मलेसियामा सुरक्षा गार्ड कम्पनीले श्रम सम्झौतामा उल्लेख  भए अनुसारको न काम दिन्छ, न त  तलब नै। आफ्नो ब्यक्तिगत सुरक्षाको त कुरा नै नगरौं। त्यस्तै परे आफ्नो कम्पनीको मानिसले नै कुन बेला मान्छे र पुलिस लगाएर कुटाउन बेर लगाउदैन। हामी श्रमिकले त नेपालका म्यानपावरलाई एक देखि दुई लाख सम्म बुझाएका हुन्छौं। मलेसियामा बेसिक नौं सय रिङ्गिट  गरी जम्मा १६ सय हुन्छ। होस्टेल, लेबि, ड्रेस अनि यातायातको पैसा कट्दा र खाना खाँदा मुस्किलले एक बर्षमा ऋण तिरिएला। बरु यो भन्दा नेपाल सकारले मालेसियामा कामदार पठाउन बन्द गरेर विकल्प खोज्नुपर्छ। किनकि नेपालको दूतावासले पनि दीर्घकालीन समाधान भन्दा कामदारलाई  थम्थमाउने तिर मात्र लागेको देखिन्छ।

    ठाकु योञ्जन / मलेसिया
सबै हेर्नुहोस
Mobile App