MENU

रेडियो कार्यक्रम

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः२० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् ।    उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ ! 

  • 23 Jan, 2013

    देश परदेश अंक ३०

    देश परदेश अंक ३०
    कार्यक्रम देश परदेशको अंक ३० मलेसिया, युएइ लगातयका देशमा बृद्धि भएको न्यूनतम तलव कार्यान्वयनको अवस्थामा केन्द्रीत छ । यस कार्यक्रममा मलेसियामा सरकारले न्यूनतम तलव बृद्धि गरेपछि त्यसबाट नेपाली कामदार लाभान्वित भए त भन्ने बारेमा रिपोर्ट, तलव बृद्धि पछिको अवस्थाका बारेमा नेपाल बैदेशिक रोजगार व्यवसायी संघका अध्यक्ष बलबहादुर तामाङसँगको कुराकानी सुन्न सक्नुहुन्छ । यसैगरी नयाँ स्तम्भ परदेश यात्रा अर्न्तर्गत तनहुँका खेमराज पौडेलको साउदी अरव यात्राको अनुभव र सधैं जस्तै बैदेशिक रोजगारसँग सम्वन्धीत प्रश्नोत्तर र भोगाई तथा अनुभवहरु पनि समेटिएका छन् ।

  • 16 Jan, 2013

    देश परदेश अंक २९

    देश परदेशको अंक २९ बैदेशिक रोजगारमा जान लाग्ने खर्च र त्यसलाई व्यवस्थीत बनाउन गरिएका प्रयासमा केन्द्रीत छ । यस कार्यक्रममा बैदेशिक रोजगारमा लाग्ने खर्चलाई व्यवस्थीत गर्न व्यवसायीकै छाता संगठनले के गरिरहेको छ भन्ने बारेमा नेपाल बैदेशिक रोजगार व्यवसायी संघका द्धितिय उपाध्यक्ष कुमुद खनालसँगको कुराकानी र बढी लागत खर्च लिने व्यवसायीलाई कारवाही प्रकृया कसरी अघि बढाइएको छ भनेर बैदेशिक रोजगार बिभागका निर्देशक र्सर्ूयप्रसाद भण्डारीसँग गरिएको कुराकानी सुन्न सक्नुहुन्छ । यसैगरी लागत खर्चका बारेमा बैदेशिक रोजगारमा जान ठिक्क परेकाहरु कत्तिको जानकार छन्, उनीहरुकै भनाई, मनपरी लागत खर्च तिर्न बाध्य पारिएकाहरुको आवाज सहितको रिपोर्ट र सधैंजस्तै प्रश्नोत्तर तथा तपाईकै बिचार पनि कार्यक्रममा समेटिएका छन् ।
     

  • 08 Jan, 2013

    देश परदेश अंक २८

    कार्यक्रम देश परदेशको अंक २८ बैदेशिक रोजगारलाई सुरक्षित, मर्यादित र व्यवस्थीत बनाउन बनाइएका ऐन, कानुन र तिनिहरुको प्रभावकारी कार्यान्यवनको अवस्थामा केन्द्रीत छ । यस कार्यक्रममा ऐनको कार्यान्वयनको अवस्था र त्यसमा समयानुकुल गरिनु पर्ने परिवर्तनका बारेमा तयार पारिएको रिपोर्ट र कामदार पठाउने अन्य देशको कानुन र बैदेशिक रोजगार ऐन, २०६४ का बीचमा भएको फरक र आवश्यक सुधारको आवश्यकताका बारेमा युथ एक्सन नेपालका कार्यकारी निर्देशक बिष्णु खत्रीसँग गरिएको कुराकानी सुन्न सक्नुहुन्छ । साथै कल्याणकारी कोष र त्यसबाट लिन सकिने सुविधाका बारेमा बैदेशिक रोजगार प्रवर्द्धन बोर्डका निर्देशक टीकाप्रसाद भण्डारीसँग गरिएको कुराकानी, कल्याणकारी कोषका बारेमा बैदेशिक रोजगारमा जान ठिक्क परेकाहरुको बुझाई र सधैं जस्तै प्रश्नोत्तर र बिचार पनि कार्यक्रममा समेटिएका छन् ।
     

  • 02 Jan, 2013

    देश परदेश अंक २७

    देश परदेशको अंक २७ खाडीका केहि मुलुकमा घरेलु कामदारका रुपमा जान चाहने नेपाली महिलाका लागि तोकिएको ३० बर्षो उमेर हद र त्यसले पारेको प्रभावमा केन्द्रीत छ । खाडीका मुलुकमा घरेलु कामदारलाई शारिरीक र मानसिक हिंसा धेरै भएको निश्कर्षपछि सरकारले गत साउन २४ गतेदेखि उमेर हद तोकेको थियो । त्यसले कस्तो सकारात्मक, नकारात्मक प्रभाव पार्‍यो त - कार्यक्रम देश परदेशको अंक २७ यहि बिषयमा केन्द्रीत छ । यस कार्यक्रममा उमेर हदले पारेको अप्ठ्यारोका बारेमा महिला अधिकारकर्मी डा. रेणु राजभण्डारीसँगको कुराकानी र उमेरको बन्देजका बिषयमा अधिकारकर्मीहरुको बिचार सुन्न सकिन्छ । यसैगरी उमेर हद तोकेपछिका पाँच महिनामा के परिवर्तन भयो, बन्देज खुकुलो पार्ने सरकारी योजना छ की छैन तथा बैदेशिक रोजगारमा महिलालाई नयाँ काम खोज्ने बिषयमा कुटनीतिक पहल हुँदैछ त - भनेर बैदेशिक रोजगार बिभागका महानिर्देशक पर्ूण्ाचन्द्र भट्टर्राईसँगको कुराकानी पनि कार्यक्रममा समेटिएको छ । यसैगरी घरेलु कामदारकै रुपमा यर्ुर्एइमा कार्यरत शारदा पोखरेलको बिचार, प्रश्नोत्तर र तपाईकै सुझाव पनि कार्यक्रममा समेटिएका छन् ।

  • 26 Dec, 2012

    देश परदेश अंक २६

    देश परदेशको २६ औं कार्यक्रम देशमै गर्न सकिने काम र त्यसबाट गर्न सकिने आय आर्जनमा केन्द्रीत छ । यस कार्यक्रममा सीप सिकेपछिका अवशरका बारेमा तयार पारिएको रिपोर्ट, तालिमको महत्व र त्यसले जीविकोपार्जनमा गर्ने मद्धतका बारेमा व्यवसायीक तथा सीप बिकास तालिम केन्द्रका तालिम अधिकृत भोजराज घिमिरेसँगको कुराकानी सुन्न सकिन्छ । यसैगरी जापानमा गएर अध्ययन गरेपछि नेपाल फर्केर व्यवसायीक कृषि पेशामा लागेका मोरङका मोहनमणी गौतमको अनुभव पनि कार्यक्रममा समेटिएको छ । यसैगरी साता भरीका बैदेशिक रोजगारसँग सम्वन्धीत गतिविधी र प्रश्नोत्तर पनि कार्यक्रममा समेटिएका छन् ।  
     

  • 24 Dec, 2012

    देश परदेश अंक २५

    देश परदेशको २५ औं अंक आप्रवासनमा केन्द्रीत छ । यस कार्यक्रममा अन्तराष्ट्रिय आप्रवासन दिवसका सन्दर्भमा नेपालीको आप्रवासनको फेरिएको स्वरुपका बारेमा चर्चा गरिएको छ । यस कार्यक्रममा नेपालीको आप्रवासनको ईतिहास र फेरिंदो स्वरुपका बारेमा तयार पारिएको रिपोर्ट र सुरक्षित र मर्यादित आप्रवासनका सन्दर्भमा सरकारी र गैरसरकारी संघसंस्थाको प्रयासका बारेमा पिपुल्स फोरमका अध्यक्ष सोम लुईटेलसँग गरिएको कुरकानी सुन्न सकिन्छ । साथै बैदेशिक रोजगारको क्षेत्रमा भएका हप्ताभरीका गतिविधी र बैदेशिक रोजगार सम्वन्धी प्रश्नोत्तर श्रृंखला पनि कार्यक्रममा समेटिएको छ ।

  • 24 Dec, 2012

    देश परदेश अंक २४

    देश परदेशको अंक २४ देशगत अभिमुखिकरण तालिमको आवश्यकता र बैदेशिक रोजगारमा जान चाहनेलाई त्यसबाट पुग्ने सुविधाका बारेमा केन्द्रीत छ । यस कार्यक्रममा देशगत अभिमुखिकरण तालिम नहुँदा बैदेशिक रोजगारमा जानेहरुलाई परेको अप्ठ्यारोका बारेमा तयार पारिएको रिपोर्ट, देशगत अभिमुखीकरण तालिमको अवस्थाका बारेमा नेपाल वैदेशिक रोजगार अभिमुखिकरण व्यवसायी महासंघका महासचिव प्रेम बाँस्तोलासँगको कुराकानी सुन्न सकिन्छ । साथै बैदेशिक रोजगारमा जान चाहनेहरुलाई छुट्टा छुट्टै देशका बारेमा जानकारी दिन सरकारी योजना के छन् भन्ने बारेमा श्रम तथा रोजगार मन्त्रालयका प्रवक्ता बुद्धिबहादुर खड्कासँग गरिएका कुराकानी पनि कार्यक्रममा समेटिएको छ ।

     

विशेष

Notice, Press Release

आफन्त, साथीभाइलाई सन्देश

  • धेरै धेरै सम्झिरहेको छु ।

    पठाउनेः राजन भण्डारी / आबुधावी, युएई पाउनेः बुबा र आमा / पिन्डा वडा नम्बर ४, धादिङ

  • कामको चापले गर्दा बिमारी परेर काम छोडेर बसेको छु।

    पठाउनेः खेमराज अधिकारी / मलेसिया पाउनेः घर परिवार / प्युठान नौबहिनि गाउपालिका -२

सबै हेर्नुहोस
Download

मेरो पनि भन्नु छ

  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः -भाषाको समस्या,  -भनेको काम नभइ अर्को काममा लगाउने, -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ, -तोकेको सेलरी भन्दा कम, -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब
  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया
  • कामदारको सुरक्षा गर्छु भनेर त बोल्ने मात्रै हुन् । काम कसैले गर्दैनन् । मलाई नै काठमाडौको म्यानपावरको बुटवलमा रहेको शाखाले आजभन्दा २ महिना अघि एक लाख १० हजार लिएर इलेक्ट्रिकल हेल्पर भनेर कतार पठायो । तर कतार पुगेपछि मैले भनेको काम र तलब पाईन् । म्यानपावर र सरकारी निकायले एक अर्कालाइ दोष लगाएर तर्किन खोज्छन् । म्यानपावर कहिले जिम्मेवार हुने अनि सरकारी निकायले कामदारलाई परेको पीडा कहिले बुझ्ने ? 

    ठाकुरप्रसाद तिवारी
  • कामदारको अवस्था नाजुक रहेका बेलामा दिवस मनाउनु र कामदारका अधिकारका कुरा गर्नुको कुनै अर्थ छैन । उहाँले हजारौ नेपली कामदार जो आफ्नो अधिकार नपाएर खडिको तातो मरुभुमी मा घोडाले खाने चना खानाको रुपमा खादै रगतको पसिना बगाउदै छन । तर न त भने बमोजीम तलब पाउछन, न त करार अबधि मा मेनपावरलाई बुझाएको ऋणको चर्को ब्याजनै तिर्न सक्छन ? फर्केर आउदा न त घर रहन्छ न जग्गा ? यस्तो अबस्थामा दिबस मनाउनु ति पिडित कामदारको पिडामा उत्सब मनाउनु हो ।

    ​दिलु घर्तीमगर
सबै हेर्नुहोस
Mobile App