MENU

रेडियो कार्यक्रम

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः२० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् ।    उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ ! 

  • 26 Sep, 2017

    ​देश परदेश अंक २७४

    कार्यक्रम देश परदेशको अंक २७४ क्रम दसैँ, दसैँसित जोडिएका परदेशी र उनीहरुका परिवारका कुरामा केन्द्रित छ । दसैँको अवसर पारी छुट्टि लिएर विदेशबाट फर्केकाहरुको कुरा कार्यक्रममा सुन्न सकिन्छ । युएई, कतारलगायतका देशमा किन दसैँ मनाइन्न भन्ने सामग्रीसँगै नियमित स्तम्भ दिदीबहिनीका कुरामा दसैँ मान्न गाउँ फर्कन नपाएकाहरुको आमाका अनुभव सुन्नु हुनेछ । सधैंजस्तै वैदेशिक रोजगार सम्बन्धी साप्ताहिक गतिविधि, प्रश्नोत्तर, राउण्ड अपका साथै तपाई्रंको गुनासो, जिज्ञासा, सल्लाह सुझाव रहनेछ । 
     

  • 19 Sep, 2017

    देश परदेश अंक २७३

    कार्यक्रम देश परदेशको अंक २७३ विदेशका अस्पतालमा रहेका नेपाली कामदारको विषयमा केन्द्रित छ । रोजगारीका लागि पुगेका धेरै देशका अस्पतालमा लामो समयदेखि उपचार गराइरहेका नेपाली भेटिन्छन् । युएईको अस्पतालमा रहेका नेपाली कामदारको अवस्था समेटिएको रिपोर्ट समेटिएको छ । अनि, यस्ता नेपालीलाई सरकारले के सहयोग गर्छ त ? श्रम तथा रोजगार मन्त्री फरमुल्ला मंसुर र वैदेशिक रोजगार विज्ञ शुसिल ढुंगानासितको कुराकानी सुन्न सकिन्छ । दिदीबहिनीका कुरामा स्वास्थ्यले साथ नदिएपछि विदेशबाट फर्किएकी सुनसरीकी गिता गुरुङका अनुभव समेटिएको छ भने, सधैंजस्तै वैदेशिक रोजगार सम्बन्धी साप्ताहिक गतिविधी, प्रश्नोत्तर, राउण्ड अप र तपाईंका गुनासा, जिज्ञासा, सल्लाह सुझाव समेटिएको छ ।

     

  • 12 Sep, 2017

    देश परदेश अंक २७२

    कार्यक्रम देश परदेशको अंक २७२ विदेशका जेलमा रहेका नेपाली कामदारको अवस्थाको विषयमा केन्द्रित छ । विदेशका जेलमा कति नेपाली छन्, उनीहरुलाई नेपाल फर्काउन के कस्ता प्रयास भइरहेका छन् भन्नेबारे श्रम तथा रोजगार मन्त्री फरमुल्लाह मन्सुर र रोजगारविज्ञ सुशील ढुंगानासित गरिएको कुराकानी कार्यक्रममा सुन्न सकिन्छ । अनि, युएईका जेलमा रहेका नेपाली कामदारको अवस्थाबारेको रिपोर्ट र दिदीबहिनीका कुरामा ओमानमा बेचिएकी पाल्पाकी चोनीसरा सारुका अनुभव सुन्नु हुनेछ । सधैंजस्तै वैदेशिक रोजगार सम्बन्धी साप्ताहिक गतिविधि, प्रश्नोत्तर र तपाईंकै गुनासो, जिज्ञासा, सल्लाह सुझाव रहनेछ ।

     

  • 05 Sep, 2017

    देश परदेश अंक २७१

    कार्यक्रम देश परदेशको अंक २७१ वैदेशिक रोजगारीका कारण महिलालाई पर्ने पारिवारिक र सामाजिक अप्ठेराका विषयमा केन्द्रित छ । विदेशमा रोजगारी गरेर फर्केकै कारण पारिवारिक एवं सामाजिक अप्ठेरा भोगिरहेका महिलाहरुका अनुभव समेटिएको सामग्री कार्यक्रममा सुन्न सकिन्छ । त्यस्तै, वैदेशिक रोजगारीले फेरिएका महिलाको भूमिकाबारे मानवशास्त्री डा. जनक राई र समाजमा भएका महिलामाथि हुने नकारात्मक व्यवहार हटाउन कसले के गर्नुपर्ला भन्ने विषयमा वैदेशिक रोजगारीका क्षेत्रमा कार्यरत सामाजिक कार्यकर्ता रिना झासित गरिएको कुराकानी कार्यक्रममा सुन्नु हुनेछ । सधैंजस्तै, वैदेशिक रोजगार सम्बन्धी साप्ताहिक गतिविधी, राउण्ड अप, प्रश्नोत्तर र तपाईंकै जिज्ञासा, गुनासो, सल्लाह सुझाव रहनेछ ।

     

  • 29 Aug, 2017

    ​देश परदेश अंक २७०

    कार्यक्रम देश परदेशको अंक २७० वैदेशिक रोजगारीका कारण देशमा बढ्दै गएको एक प्रकारको मानसिक रोग अर्थात डिप्रेसनका विषयमा केन्द्रित छ । डिप्रेसन अथवा, बाहिर केही नदेखिए पनि भित्र भित्र मन खाने रोगले आज धेरै नेपालीलाई सताएको छ । वैदेशिक रोजगारीका कारण हुने डिप्रेसनका विषयमा एकजना मनोपरामर्शकर्ता दुर्गाप्रसाद भट्टराई र डिप्रेसनबाट कसरी जोगिने भन्ने विषयमा मनोविद् करुणा कुँवरसित गरिएको कुराकानी कार्यक्रममा सुन्न सकिन्छ । अनि, नियमित स्तम्भ दिदीबहिनीका कुरामा मलेसियाबाट मानसिक समस्या परेर फर्किएका सप्तरीका मनोजकुमार मण्डलकी आमा दुखनीदेवी यादवका कुरा सुन्नुहुनेछ । त्यस्तै, वैदेशिक रोजगारीमा छँदा बिरामी भएर कोमामा पुगेकी खोटाङकी देवी लामाका श्रीमानसित कुराकानी गरेर तयार पारिएको सामग्री पनि कार्यक्रममा समेटिएको छ । सधैंजस्तै, वैदेशिक रोजगार सम्बन्धी साप्ताहिक गतिविधि, प्रश्नोत्तर र तपाईंकै गुनासो, जिज्ञासा, सल्लाह सुझाव रहनेछ ।  

  • 22 Aug, 2017

    देश परदेश अंक २६९

    कार्यक्रम देश परदेशको अंक २६९ रोजगारीका लागि विदेशमा रहेका युवालाई आउँदो प्रदेश र संघीय चुनावमा कसरी सहभागी गराउन सकिन्छ भन्ने विषयमा केन्द्रित छ। विदेशमा भएका युवालाई देशमा हुने चुनावमा सहभागी गराउन अहिले के कस्ता तयारी चल्दैछन् भन्ने विषयमा निर्वाचन आयोगका प्रवक्ता सूर्यप्रसाद शर्मासित र प्रवासमा रहेका नागरिकको मताधिकार सुरक्षित गर्न अरु देशले के बन्दोबस्त गरेका छन् भन्ने विषयमा निर्वाचन आयोगका पूर्व प्रमुख निर्वाचन आयुक्त निलकण्ठ उप्रेतीसित गरिएको कुराकानी कार्यक्रममा सुन्न सकिन्छ। नियमित स्तम्भ दिदीबहिनीका कुरामा लामो समयदेखि कतारमा हराइरहेका बुवाको खोजी गरिरहेका भोजपुरकी निर्मला राईका कुरा सुन्न सकिन्छ। सधैंजस्तै वैदेशिक रोजगार सम्बन्धी साप्ताहिक गतिविधि, राउण्ड अप, प्रश्नोत्तर र तपाईंका गुनासो, जिज्ञासा, सल्लाह सुझाव रहनेछ। 

  • 15 Aug, 2017

    देश परदेश अंक २६८

    कार्यक्रम देश परदेशको अंक २६८ विदेशमा आफन्त हराएका परिवारका कुरा र विदेशमा सम्पर्कविहीन भएर फर्किएकाको अनुभवमा केन्द्रित छ । विदेशमा सम्पर्कविहिन कैलालीका बाधुराम चौधरी र धनराज डगौराको परिवारका कुरा कार्यक्रममा सुन्नु हुनेछ । विदेश छँदा परिवारसँग सम्पर्क नगरी बस्नुको कारणबारे राजमती रानाका अनुभव र विदेशमा सम्र्पकविहीन भएकाहरुलाई कसरी खोजिन्छ भन्नेबारेको सामग्री कार्यक्रममा सुन्न सकिन्छ । त्यस्तै, देश परदेश कार्यक्रम निर्माणका लागि सल्लाह, सुझाव र मार्गदर्शन गर्ने ‘कन्टेण्ट एड्भाइजरी टिम’का एक जना सदस्य कुलप्रसाद कार्कीको सम्बोधन ‘अनुभव र सुझाव’ शीर्षकमा आजको कार्यक्रममा समेटिएको छ । सधैंजस्तै, राउण्ड अप, वैदेशिक रोजगार सम्बन्धी साप्ताहिक गतिविधी, प्रश्नोत्तर र तपाईंकै गुनासो, जिज्ञासा, सल्लाह सुझाव रहनेछ । 

विशेष

Notice, Press Release

आफन्त, साथीभाइलाई सन्देश

  • जन्मदिनको शुभकामना !!

    पठाउनेः अमोश बराल / तोमिसातोउ-सि चिवा जापान पाउनेः समीर बराल

  • सबैलाई मनभित्र देखि याद गरेको छु।

    पठाउनेः गोबिन्द पन्थी / साउदीअरेबिया पाउनेः बाबा आमा / मदाने गाउँ पलिका - ७ , भन्भने गुल्मी

सबै हेर्नुहोस
Download

मेरो पनि भन्नु छ

  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः -भाषाको समस्या,  -भनेको काम नभइ अर्को काममा लगाउने, -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ, -तोकेको सेलरी भन्दा कम, -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब
  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया
  • कामदारको सुरक्षा गर्छु भनेर त बोल्ने मात्रै हुन् । काम कसैले गर्दैनन् । मलाई नै काठमाडौको म्यानपावरको बुटवलमा रहेको शाखाले आजभन्दा २ महिना अघि एक लाख १० हजार लिएर इलेक्ट्रिकल हेल्पर भनेर कतार पठायो । तर कतार पुगेपछि मैले भनेको काम र तलब पाईन् । म्यानपावर र सरकारी निकायले एक अर्कालाइ दोष लगाएर तर्किन खोज्छन् । म्यानपावर कहिले जिम्मेवार हुने अनि सरकारी निकायले कामदारलाई परेको पीडा कहिले बुझ्ने ? 

    ठाकुरप्रसाद तिवारी
  • कामदारको अवस्था नाजुक रहेका बेलामा दिवस मनाउनु र कामदारका अधिकारका कुरा गर्नुको कुनै अर्थ छैन । उहाँले हजारौ नेपली कामदार जो आफ्नो अधिकार नपाएर खडिको तातो मरुभुमी मा घोडाले खाने चना खानाको रुपमा खादै रगतको पसिना बगाउदै छन । तर न त भने बमोजीम तलब पाउछन, न त करार अबधि मा मेनपावरलाई बुझाएको ऋणको चर्को ब्याजनै तिर्न सक्छन ? फर्केर आउदा न त घर रहन्छ न जग्गा ? यस्तो अबस्थामा दिबस मनाउनु ति पिडित कामदारको पिडामा उत्सब मनाउनु हो ।

    ​दिलु घर्तीमगर
सबै हेर्नुहोस
Mobile App