MENU

रेडियो कार्यक्रम

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः२० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् ।    उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ ! 

  • 21 Aug, 2012

    कार्यक्रम देश परदेश अंक ८

    देश परदेशको अंक ८ बैदेशिक रोजगारका नाममा हुने ठगीमा केन्द्रीत छ । यो कार्यक्रममा बिदेश लैजाने बहानामा हुने मानव तस्करी र बैधानिक बाटोबाट गएकाहरुलाई पनि कसरी ठगीईन्छ भन्ने जानकारी समेटिएको छ । ठगी नियन्त्रणका लागि सरकारी निकायहरुले के गरिरहेका छन् भन्ने बारेमा बैदेशिक रोजगार बिभागका निर्देशक तथा प्रवक्ता काशीराज दाहालसँगको कुराकानी पनि कार्यक्रममा सुन्न सक्नुहुन्छ । यसैगरी बिदेश जानु अघि किन सीप सिक्न आवश्यक छ ? भन्ने बारेमा तालिमको व्यवस्था मिलाउने संस्था एफस्कीलकी सामाजिक बिकास अधिकृत संगीता तामाङसँगको कुराकानी, सीप सिकेर तथा सीप नसिकी मलेसिया गएका नेपालीहरुको अनुभव सहितको रिपोर्ट, कतारका बारेमा उपयोगी जानकारी र प्रश्नोत्तर, अनुभव र सुझाव पनि कार्यक्रममा समेटिएका छन् । 

     

  • 14 Aug, 2012

    कार्यक्रम देश परदेश अंक ७

    कार्यक्रम देश परदेशको अंक ७ महिलाको बैदेशिक रोजगारमा केन्द्रीत छ । यो कार्यक्रममा खाडीका मुलुकमा घरेलु कामदार हुन जाने महिलाका समस्या र संगठित क्षेत्रको काममा सीप सिकेर जाँदा हुने फाइदाका बारेमा गरिएका कुराकानी र रिपोर्टहरु सुन्न सकिन्छ । नेपाल सरकारले हालै ३० बर्ष उमेर नपुगेका नेपाली महिलालाई साउदी अरेविया लगायतका मुलुकमा काम गर्न जान प्रतिवन्ध लगाएको छ । यस्तो प्रतिवन्धको आवश्यकता किन प¥यो भन्ने बारेमा बैदेशिक रोजगार बिभागका महानिर्देशक पूर्णचन्द्र भट्टराईसँगको कुराकानी, खाडीका मुलुकमा काम गरेर फर्केका नेपाली महिलाको काम गर्दाको अनुभव कार्यक्रममा समेटिएको छ । यसैगरी बिदेश जानु अघि सीप सिक्नु पर्ने आवश्यकताका बारेमा तालिम दिने संस्था एफस्कीलका व्यवस्थापक भोला शर्मासँगको कुराकानी, कुन देशमा कस्तो काम पाइन्छ र त्यसका लागि आवश्यक सीप अनी त्यो सीप कहाँ सिक्न पाईन्छ भन्ने जानकारी पनि कार्यक्रममा समेटिएका छन् । कार्यक्रमका नियमित स्तम्भहरु प्रश्नोत्तर, सुझाव र प्रतिकृया तथा पत्रकार देवेन्द्र भट्टराईको खाडी अनुभव पनि कार्यक्रममा सुन्न सकिन्छ ।  

        
     

  • 07 Aug, 2012

    कार्यक्रम देश परदेश अंक ६

    कार्यक्रम देश परदेशको छैठौं अंक बिदेशमा पाईने काममा केन्द्रीत छ । यो कार्यक्रममा मलेसियामा बाध्यतापूर्वक अजिंगर काट्ने काम गरेर नेपाल फर्केका एकजना नेपालीको अनुभव, मलेसियामा हाल कार्यरत नेपालीको कामको अनुभव सुन्न सक्नुहुन्छ । यसैगरी साउदी अरवका बारेमा जानकारी, कतारमा काम गर्ने नेपालीका बारेमा पत्रकार देवेन्द्र भट्टराईले देखेका कुरा पनि कार्यक्रममा समेटिएका छन् । यसैगरी बिदेशबाट फर्केका नेपालीले नेपालमै गरेको सामुहिक तरकारी खेतीका बारेमा तयार पारिएको रिपोर्ट, बैदेसिक रोजगारका बारेमा प्रश्न उत्तर र प्रतिकृया तथा सुझाव पनि यो कार्यक्रममा समेटिएका छन् ।

  • 31 Jul, 2012

    कार्यक्रम देश परदेश अंक ५

    देश परदेशको पाँचौ अंक बैदेशिक रोजगारमा म्यानपावर कम्पनी मार्फत हुने ठगी र त्यसलाई नियन्त्रण गर्न भइरहेका प्रयासमा केन्द्रीत छ । यो कार्यक्रममा गलत म्यानपावरको फन्दामा परेर अप्ठ्यारोमा परेकाहरुको अनुभव सहितको रिपार्ट, म्यानपावर कम्पनी छान्दा ध्यान पु¥याउनु पर्ने कुरा सम्वन्धी जानकारी समेटिएका छन् । साथै नेपाल बैदेशिक रोजगार व्यवसायी संघका अध्यक्ष बलबहादुर तामाङसँगको कुराकानी, प्रश्नोत्तर, सुझाव र प्रतिकृया समेटिएका छन् । यसैगरी पत्रकार देवेन्द्र भट्टराईको खाडी अनुभव पनि कार्यक्रममा सुन्न सक्नुहुन्छ ।

  • 24 Jul, 2012

    कार्यक्रम देशपरदेश अंक ४

    कार्यक्रम देश परदेशको चौथो अंक अवैधानिक रुपमा बिदेश जाँदा पर्ने अप्ठ्यारोमा केन्द्रीत छ । सरकारले तोकेको प्रकृया पूरा नगरी बिदेश जाँदा आईपर्ने समस्यालाई यो कार्यक्रममा समेटिएको छ । सरकारले प्रतिवन्ध लगाएको काममा भारतको बाटो हुँदै अफगानिस्तान पुगेका लीलबहादुर काफ्लेको डेढ महिना बन्धक हुँदाको अनुभव सहित कामदारको अवैधानिक यात्रालाई रोक्न सरकारी निकायहरुले गरिरहेको प्रयासका बारेमा अन्तर्वार्ता, बीमाको महत्वका बारेमा जानकारी, प्रश्न उत्तर, सुझाव र प्रतिकृया यो कार्यक्रममा सुन्न सकिन्छ । 

  • 21 Jul, 2012

    कार्यक्रम देश परदेश अंक ३

    देश परदेशको तेश्रो अंक काम गर्न बिदेश जान लाग्ने लगानी, बिदेशमा पाइने काम र आम्दानीमा केन्द्रीत छ । बैदेशिक रोजगारका क्षेत्रमा भएका हप्ताभरीका गतिविधीसँगै कुन देशमा कस्तो काम पाईन्छ, जान कति लगानी लाग्छ र आम्दानी कति हुन्छ भन्ने जानकारी, धेरै आम्दानीको सपना देखाउँदै बिदेश पठाइएका तर बिदेश पुगेपछि कमाउन नसकेकाहरुको अनुभव र यसै बिषयमा आधारित रिपोर्ट, कसरी सुरुमै धेरै आम्दानीको प्रलोभनमा ठग्ने क्रम सुरु हुन्छ भन्ने बारेमा गरिएको अन्तर्वार्ता र नेपालमै बसेर कमाउनेहरुको कुरा यो कार्यक्रममा सुन्न सकिन्छ । 

     

     

  • 21 Jul, 2012

    कार्यक्रम देश परदेश अंक २

    देश परदेशको दोश्रो अंक म्यानपावर एजेन्सीहरु, उनीहरुका अवैधानिक एजेण्ट र अन्य दलालले गर्ने ठगिका बारेमा केन्द्रीत छ । यो कार्यक्रममा बैदेशिक रोजगारका क्षेत्रमा भएका हप्ताभरीका गतिविधीसँगै पासपोर्ट बनाउन आवश्यक कागजपत्र र प्रकृयाका बारेमा जानकारी, दलालको फन्दामा परेर दुःख पाएकाहरुको अनुभव र त्यसैमा आधारित रिपोर्ट, बिदेशमा पनि कसरी दलालले ठगिको जालो फैलाएका हुन्छन् भन्ने जानकारी र ठगिमा परेकाहरुले पाउने कानुनी सहायताका बारेमा गरिएको कुराकानी समेटिएको छ । साथै बैदेशिक रोजगारसँग सम्वन्धीत प्रश्नोत्तर, अनुभव र सुझाव पनि कार्यक्रममा सुन्न सकिन्छ । 

विशेष

Notice, Press Release

आफन्त, साथीभाइलाई सन्देश

  • धेरै धेरै सम्झिरहेको छु ।

    पठाउनेः राजन भण्डारी / आबुधावी, युएई पाउनेः बुबा र आमा / पिन्डा वडा नम्बर ४, धादिङ

  • कामको चापले गर्दा बिमारी परेर काम छोडेर बसेको छु।

    पठाउनेः खेमराज अधिकारी / मलेसिया पाउनेः घर परिवार / प्युठान नौबहिनि गाउपालिका -२

सबै हेर्नुहोस
Download

मेरो पनि भन्नु छ

  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः -भाषाको समस्या,  -भनेको काम नभइ अर्को काममा लगाउने, -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ, -तोकेको सेलरी भन्दा कम, -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब
  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया
  • कामदारको सुरक्षा गर्छु भनेर त बोल्ने मात्रै हुन् । काम कसैले गर्दैनन् । मलाई नै काठमाडौको म्यानपावरको बुटवलमा रहेको शाखाले आजभन्दा २ महिना अघि एक लाख १० हजार लिएर इलेक्ट्रिकल हेल्पर भनेर कतार पठायो । तर कतार पुगेपछि मैले भनेको काम र तलब पाईन् । म्यानपावर र सरकारी निकायले एक अर्कालाइ दोष लगाएर तर्किन खोज्छन् । म्यानपावर कहिले जिम्मेवार हुने अनि सरकारी निकायले कामदारलाई परेको पीडा कहिले बुझ्ने ? 

    ठाकुरप्रसाद तिवारी
  • कामदारको अवस्था नाजुक रहेका बेलामा दिवस मनाउनु र कामदारका अधिकारका कुरा गर्नुको कुनै अर्थ छैन । उहाँले हजारौ नेपली कामदार जो आफ्नो अधिकार नपाएर खडिको तातो मरुभुमी मा घोडाले खाने चना खानाको रुपमा खादै रगतको पसिना बगाउदै छन । तर न त भने बमोजीम तलब पाउछन, न त करार अबधि मा मेनपावरलाई बुझाएको ऋणको चर्को ब्याजनै तिर्न सक्छन ? फर्केर आउदा न त घर रहन्छ न जग्गा ? यस्तो अबस्थामा दिबस मनाउनु ति पिडित कामदारको पिडामा उत्सब मनाउनु हो ।

    ​दिलु घर्तीमगर
सबै हेर्नुहोस
Mobile App