MENU

रेडियो कार्यक्रम

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । बिदेशमा नेपालीले नगरेका काम पनि अब थोरै मात्र छन् । बैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा बिदेशमा रहेका नेपालीको संख्या आज ४० लाख पुगेको छ । अथवा देशको १५ प्रतिशत भन्दा ठूलो जनसंख्या नेपाल बाहिर छ । त्यसमध्ये आधाभन्दा बढी जनशक्ति बैदेशिक रोजगारीका सिलसिलामा बिदेश पुगेको छ ।     देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका ४० लाख भन्दा धेरै नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः२० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । बिदेशमा काम गर्न जाने र बिदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् ।    उज्यालोको देश परदेश मल्टिमिडिया प्लेटफर्म तपाईको साथ र सहयोगमा बैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाइका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देशपरदेश मल्टिमिडिया प्लेटफर्ममा तपाईलाई हार्दिक स्वागत छ ! 

  • 07 Mar, 2017

    ​देश परदेश अंक २४५

    कार्यक्रम देश परदेशको अंक २४५ मा देशभित्रै व्यवसाय गरेर मनग्यै आम्दानी गरिरहेका र अरुलाई पनि रोजगारी दिइरहेका युवाका कुरा समेटिएको छ । सिरहाको गोलबजारमा ह्याचरी उद्योग खोलेका विजयकुमार साह तथा कुचो र झाडु बनाउने उद्योग खोलेर पाँच जना भारतीयलाई रोजगारी दिइरहेका धनुषाका सुनिल कुमार साहसित गरिएको कुराकानी कार्यक्रममा सुन्न सकिन्छ । अनि, शिक्षा मन्त्रालय र निजी क्षेत्रले गर्ने तह निर्धारणका विषयमा शिक्षा मन्त्रालयले गठन गरेको सीपको तह प्रारुप समितिका संयोजक शिक्षाविद् डा. मनप्रसाद वाग्लेसित गरिएको कुराकानी पनि सुन्नु हुनेछ । यो अंक देखि देशमा भैरहेका महत्वपूर्ण गतिविधि समेटेर तपाईंलाई सूचित गर्न राउण्ड अप पनि सुरु गरेका छौं । सधैंजस्तै वैदेशिक रोजगार सम्बन्धी साप्ताहिक गतिविधी, प्रश्नोत्तर र तपाईंकै गुनासो, जिज्ञासा, सल्लाह सुझाव रहने छ । 
     

  • 28 Feb, 2017

    ​देश परदेश अंक २४४

    कार्यक्रम देश परदेशको अंक २४४ मा धनुषाको जनकपुरस्थित रामानन्द चौकमा हरेक बिहान श्रम बेच्नका लागि तयार भएर पुगेका कामदार र श्रमिक खोज्दै पुगेका मानिसहरुका कुरा समेटिएको छ । जनकपुर आसपासका गाउँहरुबाट एकाबिहानै त्यहाँ पुग्ने कतिपय वर्षौं विदेशमा काम गरेर फर्केकाहरु भेटिन्छन् । कतिपय चाहिँ आफ्नै गाउँठाउँमा भएको कमाइमा सन्तुष्ट भएकाहरु पनि भेटिन्छन् । उनीहरुको कुरा कार्यक्रममा सुन्नु हुनेछ । सधैंजस्तै वैदेशिक रोजगार सम्बन्धी साप्ताहिक गतिविधी, प्रश्नोत्तर र तपाईंकै गुनासो, जिज्ञासा र सल्लाह सुझाव रहने छ । 

  • 21 Feb, 2017

    ​देश परदेश अंक २४३

    कार्यक्रम देश परदेशको अंक २४३ मा वैदेशिक रोजगारीका क्रममा ठगीमा परेका पीडितका अनुभव र परिवारका मानिसहरुले खेपेका भुक्तमान समेटिएको छ । रोजगारीका लागि विदेश जाने भन्दै दलालको पछि लागेर घरबाट काठमाडौ हिँडेका धनुषाको बसहिया ३ का विश्वनाथ दास दुई वर्षदेखि परिवारको सम्पर्कमा हुनुहुन्न । यी दुई वर्षमा विश्वनाथकी श्रीमती रिनादेवी श्रीमान्को खोजी गरिपाउँ भन्दै दुई हात जोडेर अनेक ठाउँमा पुग्नुभयो । तर हात लाग्यो शुन्य । उनै रिनादेवीका दुःख र विश्वनाथलाई खोज्न सघाइरहेकी रिनादेवीकी छिमेकी मन्जु कर्णसित गरिएको कुराकानी सुन्न सकिन्छ । अनि, रोजगारीका लागि साउदी अरब पुगेर केही दिनमै फर्केका सुनसरीको छिटाहाका बलराम चौधरीसित गरिएको कुराकानी सुन्नु हुनेछ । जीवनमा कहिल्यै गाडीको स्टेरिङ समेत नसमाएका बलरामलाई म्यानपावरले ठूला गाडी चलाउन पाउने नक्कली लाइसेन्स दिएर विदेश पठाएको थियो । सधैंजस्तै वैदेशिक रोजगार सम्बन्धी साप्ताहिक गतिविधी, प्रश्नोत्तर र तपाईंकै जिज्ञासा, गुनासो, सल्लाह सुझाव रहनेछ ।  

  • 14 Feb, 2017

    देश परदेश अंक २४२

    कार्यक्रम देश परदेशको अंक २४२ सिरहाको गोलबजार नगरपालिका ११ को चोहर्वा गाउँस्थित मुसहर बस्तीमा आएका परिवर्तनमा केन्द्रित छ । वैदेशिक रोजगारीमा गएकाहरुले पैसा कमाएर ल्याउन थालेपछि त्यस बस्ती फेरिन थालेको छ । त्यसै बस्तीमा भेटिएका आमाछोरा सीता तथा सञ्जयकुमार सदासित गरिएको भलाकुसारी कार्यक्रममा सुन्नु हुनेछ । अनि चोहर्वाकी राम दुलारी देवी सदा, फगुनी सदा र दिनेश कुमार सदाका अनुभव कार्यक्रममा सुन्नु हुनेछ । सधैंजस्तै, वैदेशिक रोजगार सम्बन्धी साप्ताहिक गतिविधी, प्रश्नोत्तर र तपाईंकै जिज्ञासा, गुनासो, सल्लाह सुझाव रहनेछ ।

  • 07 Feb, 2017

    ​देश परदेश अंक २४१

    कार्यक्रम देश परदेशको अंक २४१ वैदेशिक रोजगारीका कारण शिक्षामा देखिएको असर, स्वास्थ्य परिक्षणमा देखिएका समस्या र यसलाई रोक्न भैरहेका प्रयासका विषयमा केन्द्रित छ । वैदेशिक रोजगारीमा गएका परिवारका अविभावक सहभागी नवलपरासीको प्रौढ शिक्षाका विषयमा तयार पारिएको सामाग्री र वैदेशिक रोजगारीका कारण खोटाङको एक विद्यालयमा देखिएको असर बारेको सामाग्री सुन्न सकिन्छ । अनि, कतारमा मेडिकल फेल भएर डेढ महिनामै फर्किएका खोटाङका मोतिराम खड्काको दुखेसो र सरकारले घोषणा गरेको स्वास्थ परिक्षण योजना कार्यन्वयनका चुनौतीका विषयमा स्वास्थ्य व्यवसायी महासंघका महासचिव जीवन कुमार केसिसित गरिएको कुराकानी पनि समेटिएको छ । सधैंजस्तै वैदेशिक रोजगारसम्बन्धी साप्ताहिक गतिविधी, प्रश्नोत्तर र तपाईंकै गुनासो, जिज्ञासा, सल्लाह सुझाव रहनेछ ।

  • 31 Jan, 2017

    ​देश परदेश अंक २४०

    कार्यक्रम देश परदेशको अंक २४० आर्थिक सहायता र बिमाका विषयमा केन्द्रित छ । वैदेशिक रोजगारीका क्रममा ज्यान गुमाएकाको परिवार र अंगभंग भएका पीडितलाई राहत हुने गरी गएको हप्ता सरकारले नयाँ व्यवस्था घोषणा गरेको छ । प्रधानमन्त्री पुष्पकमल दाहाल प्रचण्डले घोषणा गरेको नयाँ व्यवस्थाबारेको सामग्री कार्यक्रम सुन्न सकिन्छ । अनि, बिमा वापतको रकम बढाएपछि बिमा समितिले गरिरहेको कामबारे समितिका निर्देशक श्रीमान कार्की र सरकारले घोषणा गरेको कार्यक्रम कार्यान्वयन गर्न आइपर्ने सजिला अप्ठेराबारे पिपुल फोरमका सल्लाहकार अधिवक्ता सोम लुँइटेलसित गरिएको कुराकानी कार्यक्रममा सुन्नु हुनेछ । सधैंजस्तै वैदेशिक रोजगारसम्बन्धी साप्ताहिक गतिविधी, प्रश्नोत्तर र तपाईंकै गुनासो, जिज्ञासा, सल्लाह सुझाव रहनेछ ।

  • 24 Jan, 2017

    ​देश परदेश अंक २३९

    कार्यक्रम देश परदेशको अंक २३९ दक्षिण कोरियाको रोजगारीमा केन्द्रित छ । नेपाली मूलका दक्षिण कोरियाली नेता यज्ञराज सुवेदीसित कोरियामा कार्यरत नेपाली कामदारबारे गरिएको कुराकानी र कोरियन भाषा परीक्षाको सेरोफेरोमा इपिएस कोरिया शाखाका निर्देशक बाबुराम खतिवडासँग गरिएको कुराकानी कार्यक्रममा सुन्न सकिन्छ । त्यस्तै,  भिजिट भिसामा युएई पुगेर अलपत्र परेका एक युवाका कुरा पनि कार्यक्रममा सुन्नुहुनेछ । सधैंजस्तै वैदेशिक रोजगारसम्बन्धी साप्ताहिक गतिविधी, प्रश्नोत्तर र तपाईंकै गुनासो, जिज्ञासा, सल्लाह सुझाव समेटिएको छ । 

विशेष

Notice, Press Release

आफन्त, साथीभाइलाई सन्देश

  • नमस्कार!

    पठाउनेः प्रेम श्रेष्ठ / बहराइन पाउनेः आमा-बुवा / नेत्रकाली गा.बि.स वडा नम्बर ६, सिन्धुली

  • तिजको सम्पूर्ण दिदीबहिनीहरुलाई म परदेशिको मँगलमय शुभकामना।

    पठाउनेः ज्ञान प्रसाद बराल / साउदी अरब (जिजान) पाउनेः तुलसा बराल / दुधौलि नगरपालिका -१, सुगारे, सिन्धुली

सबै हेर्नुहोस
Download

मेरो पनि भन्नु छ

  • म बाह्र बर्ष देखि कतारमा ड्राइभरको काम गर्दै आएको छुँ। प्राय कम्पनीमा भारतीय फोरम्यान हुन्छन् भने केहिमा नेपाली। जहाँ नेपाली राम्रो पदमा कार्यरत छन् त्यहाँ आफ्नै नेपाली दाजुभाइलाई दबाउने, पैसा नदिने, काममा दुःख दिने, ओभर टाइम नदिने जस्ता अती नै घटीया ब्याबहार गरि नेपालीले नेपालीलाई नै लुटिरहेका छन्।

    महेन्द्र कुमार रोक्का / कतार
  • साउदी अरेबियामा आजिवन जेल परेका स्थानेस्वरलाई बचाउ अभियान नै चलाइदै रहेछ, राम्रो कुरा हो। बिगतमा पनि अमर राई र बमबहादुरको लागि चाहिने भन्दा धेरै रकम संकलन भएको थियो। अझ एकजनाको त पुरै ब्लडमनि अज्ञात ब्यक्तिले दिएको थियो। त्यो पैसा अहिले कहाँ र कोसँग छ ? त्यस्को सोधी खोजी कसले गर्ने ? यदि त्यो पैसा त्यस्तै निर्दोशलाई बचाउन राखिएको हो भने त्यसबाटै स्थानेस्वरलाई बचाउन सकिँदैन र ?

    दुर्गेस सापकोटा
  • मलेसियामा न त कानुनसम्बन्धी कुनै भरपर्दो निकाए नै छ जस्ले कामदारका हितमा सघाओस् न त भनेजस्तो तलब सुबिधानै। अन्तराष्ट्रीय नियम अनुसार श्रमिकहरुको न्युनतम कामगर्ने समय र महिनाभरी पर्ने पब्लिक डे र अन्य बिदाको त कुनै अर्थ नै छैन। न त कम्पनीले दिन मान्छ, न यहाँको सरकारी निकायबाट छानबिन नै हुन्छ। दिनरातको असुरक्षित बातावरणमै दुःखमा दिन बिताउन बाध्य छ्न् यहाँ कार्यरत अधिकांश नेपाली कामदारहरु। नेपालसरकारको त कुरै नगरौँ, दुतावासले सहयोग गर्ला सोच्योकी बिचौलियालाई ठिक्क पारिन्छ।

    करन महरा / मलेसिया
  • मलेसियामा सुरक्षा गार्ड कम्पनीले श्रम सम्झौतामा उल्लेख  भए अनुसारको न काम दिन्छ, न त  तलब नै। आफ्नो ब्यक्तिगत सुरक्षाको त कुरा नै नगरौं। त्यस्तै परे आफ्नो कम्पनीको मानिसले नै कुन बेला मान्छे र पुलिस लगाएर कुटाउन बेर लगाउदैन। हामी श्रमिकले त नेपालका म्यानपावरलाई एक देखि दुई लाख सम्म बुझाएका हुन्छौं। मलेसियामा बेसिक नौं सय रिङ्गिट  गरी जम्मा १६ सय हुन्छ। होस्टेल, लेबि, ड्रेस अनि यातायातको पैसा कट्दा र खाना खाँदा मुस्किलले एक बर्षमा ऋण तिरिएला। बरु यो भन्दा नेपाल सकारले मालेसियामा कामदार पठाउन बन्द गरेर विकल्प खोज्नुपर्छ। किनकि नेपालको दूतावासले पनि दीर्घकालीन समाधान भन्दा कामदारलाई  थम्थमाउने तिर मात्र लागेको देखिन्छ।

    ठाकु योञ्जन / मलेसिया
सबै हेर्नुहोस
Mobile App