MENU

मेरो कथा मेरो भोगाई

विदेशमा हुँदा कमाउने होइन बाँचेर घर फर्किने चिन्ता हुन्छ

मधु मगर/कुवेत ।

देशमा चलेको द्वन्द्वमै कति दिदी बहिनीले श्रीमान् गुमाए । अनि, कतिले आफ्नो अस्तित्व नै गुमाए । कोहि सुन्दर सपना बोकेर परदेशतिर लागे । 

उनीहरुको सपनामा देशमै दलालको झुट् मिसिइसकेको हुन्छ । तरपनि परदेशमा कमाउने आस जागै रहन्छ । जव परदेशमा समस्या पर्न थाल्छ अनि कमाउने होइन बाँचेर घर फर्किने चिन्ता सुरु हुन्छ ।

गएको महिना सिन्धुपाल्चोककी एक महिला यस्तै समस्या छिचोल्दै नेपाल पुगिन् । दुईजना बालबच्चाको भविश्यका लागि कमाउन कुवेत आएकी उनलाई तिनै बालबच्चासित भेट नहुने चिन्ताले पिरल्यो । 

घर मालिकले गर्ने अत्यचारले बाँच्ने रहर मार्दै गएकी थिइन् । दिनहुँको यातना सहीसक्नु थिएन । उनलाई लागेको थियो जीवनको अन्त्य यहिँ हुने रहेछ ।

केहि नलागेपछि फेसबुकमा आफ्नो पीडा सुनाइन् । केहि सञ्चारमाध्यममा खबर प्रकाशन भयो । सञ्चारकर्मीले नै हामीलाई उद्दारका लागि आग्रह गरे । अनि, म लगायत यहाँका सहयोगी सामाजसेवीको सहयोगमा बहिनीको उद्धार भयो र नेपाल फर्काउन सफल भयौं । 

यनी जस्ता धेरै नेपाली चेलीहरु आजपनि दर्दनाक पीडा भोग्न बाध्य छन् । घरेलु काममा आउने चेलीका पीडा घरभित्रै थुनिन्छन् । उनीहरले सहयोग त के आफ्ना पीडा सुनाउने मान्छे समेत पाउँदैनन् । 

परदेशमा मनैदेखि सहयोग गर्नेहरु थोरै छन् । यहाँ कस्ले गर्छ उद्वार ? जबकी आफ्नो स्वार्थ पुरा गर्न लिप्त हुनेहरु बढी छन् । नेपाली नै नेपालीलाई लुट्न पछि पर्दैनन् । पीडितको उद्धार गर्दा एजेन्टले धम्की दिन्छन् । मैले पनि यस्तो धम्की खेपेको छु । 

नेपालमा एजेन्टले लुट्छन्, परदेशमा घर मालिकले । अनि यीनै पीडा सुनाउँदा सहयोगीको नाममा आउने नेपालीले पनि । यसरि दुःख दिने ६० केडि तलब खानेदेखी उच्च तहसम्मका छन् । 

मैले फेरि खाडी मुलुकमा नेपाली महिला पठाउने कुरा सुन्दै छु । यो सरासर गलत हो । पहुँचवालाका छोरीचेली खाडी मुलुक जानु पर्दैन भनेर गरीबका छोराछोरी मार्ने अधिकार सरकारलाई छ र ! 

सरकारले देशमा रोजगारीको वातावरण मिलाउने कि जोखिममा परदेश धकेल्ने ? के सरकारमा बस्ने मान्छेहरुलाई थाहा छैन त यहाँ समस्या छ भन्ने ? हैन भने तीनको के स्वार्थ छ ? 

यदि नेपाली महिलाको भलो चाहने हो भने घरेलु काममा पठाउनै हुँदैन । के नेपालमा हुने  महिला अधिकारकर्मीले थाहा पाएका छैनन् परदेशी महिलाको पीडा । होइन भने किन चुपचाप ? के स्वार्थ छ तिनको ?

महिलाको हकहितका लागि काम गर्ने महिला अधिकारकर्मीले सरकारको यो कदमको विरोध गर्नु पर्छ । 

 

मेरो कथा मेरो भोगाई

तपाईसँग पनि यस्तै भोगाई, अनुभव, कथा छन र हामीसँग बाड्नु चाहानुहुन्छ भने लेखेर 'desh@unn.com.np' मा पठाउनुहोस् ।

प्रतिक्रिया दिनुहोस

विशेष

Notice, Press Release

समाचार

  • ओमानमा रहेको नेपाली दूतावासको शेल्टरमा १७ जना महिला, दसैँमा राजदूतद्वारा टीका तिहारमा सेलरोटी

    उमाकान्त पाण्डे/उज्यालो । युएई, कात्तिक ३ – राम्रो काम र दाम पाउने आशामा दुबई पुगेका १७ जना महिला अहिले ओमानमा रहेको नेपाली दूतावासको शरणमा छन् । ओमानको मस्कटमा रहेको नेपाली दूतावासको सुरक्षित आवास गृहमा रहेका १७ महिलाहरु अवैधानिक रुपमा ओमान पुगेका हुन् ।

  • नेतृत्व सम्हाल्न जापानबाट गाउँ फर्कंदै

    कात्तिक ३– परिवारलाई उचित व्यवस्था मिलाउन १२ लाखभन्दा बढी रुपैयाँ खर्चेर जापान आएका तीन युवालाई नेकपा एमालेले गाउँ फर्काएको छ । वर्षौंदेखि विदेशमा रहेर पनि गाउँको नेतृत्व सम्हाल्नसक्ने भएका आधारमा जिम्मेवारीसहित एमालेले फर्काएको हो ।

  • विदेशी मुद्राको विनिमय दर

    काठमाडौं, कात्तिक २ – नेपाल राष्ट्र बैंकले आज तोकेको विनिमय दर अनुसार एक साउदी रियालको खरिददर २७ रुपैयाँ ६७ पैसा र विक्रिदर २७ रुपैयाँ ८३ पैसा रहेको छ । त्यस्तै, कतारी रियाल एकको खरिददर २८ रुपैयाँ ५० पैसा र विक्रिदर २८ रुपैयाँ ६६ पैसा छ ।

  • ​नेपाल र जोर्डनबिच श्रम सम्झौता

    काठमाडौं, कात्तिक १- नेपाल र जोर्डनबिच श्रम सम्झौता भएको छ । बुधबार जोर्डनको श्रम मन्त्रालयमा श्रम तथा रोजगारमन्त्री फरमुल्लाह मन्सुर र जोर्डनका समकक्षी डा अलि अल गेजाविले सम्झौतामा हस्ताक्षर गर्नु भएको हो ।

पछिल्ला समाचारहरु
Download
Mobile App

भिडियो

वैदेशिक रोजगारीको क्रममा दुबै हात गुमाएका प्रकाश राईको कथाब्यथा भिडियोः उज्यालो ।