MENU

मेरो कथा मेरो भोगाई

विदेशमा रोजेको काम पाएर मात्रै हुन्न, गर्न पनि जान्नुपर्छ

जोमेस देवकोटा/ कतार।

सानै छँदा बुबाको मृत्यु भएपछि घरको जिम्मेवारी मेरो काँधमा आयो । खोटाङको डाडागाउँ ९ मा रहेको घरखेतीबाट जसोतसो परिवार धानिएको थियो । 

पछि दुई जना दिदीको विवाह भयो । दिदीहरुको विवाह पछि आर्थिक भार थपियो । विवाह पछि जसरी उहाँहरुको बाटो बदलियो मेरो पनि त्यसरी नै । उहाँहरु भिनाजुको घर जानु भयो, म परदेश लागें । 

गाउँ–घरमा आर्थिक उपार्जनको उपाय देखिन । जेठो छोरो भएकाले मैले त्यो जिम्मेवारीबाट पछि हट्न मिल्दैनथ्यो । 

ऋण तिर्ने र आर्थिक हैसियत बदल्ने सोचका साथ २०७२ साल वैसाखमा कतार आएँ । तर त्यो भन्दा पहिले केही तयारी पनि गरेको थिएँ । 

वैदेशिक रोजगारीमा जानु पहिले सिप सिक्नुपर्ने, आफू जाने देशको बारेमा राम्रोसित जानकारी लिनुपर्ने जस्ता कुरा रेडियोबाट सुनेको थिएँ । 

अनि दिक्तेलको भवन गैरामा रहेको सूचना केन्द्रमा गएर जानकारी लिएँ र त्यहीँबाट तालिम लिने अवसर मिल्यो । सूचना केन्द्रको सहयोगमा काठमाडौंमा ‘विल्डिङ इलेक्ट्रिसियन’को तालिम निःशुल्क लिन पाएँ । 

यही काममा कतारको मत्ता कन्ट्याक्ट्रिङ कम्पनीमा सरकारले तोके अनुसार ७० हजार रुपैयाँ बुझाएर आएको हुँ । 

नेपालमा म्यानपावर कम्पनीले १२ सय रियाल हुन्छ भनेको थियो । तर दिनको दुई घण्टा ओभरटाइम चल्ने भएकाले मासिक १६ सय रियाल (४८ हजार रुपैयाँ) कमाउँछु । 

कतार आउँदा लिएको ऋण दुई महिनामै तिरें । बाँकी ऋण तिर्न ५ महिना लाग्यो । अहिले बचत गरिरहेको छु । सिप सिकेर आएका कारण मलाई काम गर्न कुनै समस्या भएन । यहाँको बारेमा पहिल्यै सूचना केन्द्रबाट जानकारी पनि लिएको थिएँ । 

तर यहि कम्पनीमा सबै साथीहरुको कमाई मेरै जति छैन । उनीहरुलाई काम गर्न पनि समस्या छ । तलव थोरै छ । त्यसैले विदेश आउने सोच बनाएका जो कोहिले पनि काम सिकेर र जानकारी लिएर मात्रै आउँदा राम्रो हुन्छ । 

आफु सक्षम भए मात्रै भनेको काम पाइन्छ र गर्न सकिन्छ । नभए काम दिएपनि गर्न नसकेपछि अरु काममा लगाउँछ । 

पछि समस्यामा पर्नु भन्दा पहिल्यै बिचार पुर्‍याऔं । म दुई वर्षे करार अवधि पूरा भएपछि नेपाल फर्किंदै छु ।

(प्रस्तुतीः सुरक्षित आप्रवासन परियोजना (सामी) खोटाङका परामर्शकर्ता अम्बिका दाहाल)

मेरो कथा मेरो भोगाई

तपाईसँग पनि यस्तै भोगाई, अनुभव, कथा छन र हामीसँग बाड्नु चाहानुहुन्छ भने लेखेर 'desh@unn.com.np' मा पठाउनुहोस् ।

प्रतिक्रिया दिनुहोस

विशेष

Notice, Press Release

समाचार

  • युएईमा काम गर्ने समय घटाइयो

    मिनिस्ट्री अफ ह्युमन रिसोर्सका अनुसार निजी क्षेत्रमा काम गर्नेहरुका लागि रमदान महिनाभर काम गर्ने समय दुई घण्टा घटाइएको हो । दैनिक काम गर्ने समय घटेपनि तलब भने नकटाइने बताइएको छ ।

  • सात महिनामा पनि विदेश पठाउन नसकेपछि पैसा फिर्ता

    विदेश जान पैसा बुझाएका कैलालीका चार जनाले सात महिनापछि एजेण्टबाट पैसा फिर्ता पाएका छन् । कैलालीकै टिकापुर नगरपालिका–४ इन्द्रैयाका रामा चौधरीलाई २५ हजार रुपैयाँ, कुलवीर चौधरीलाई ८५ हजार रुपैयाँ, शेषराज चौधरी र जीतबहादुर चौधरीलाई ९०/९० हजार रुपैयाँ एजेन्टले फिर्ता दिएका छन् ।

  • इलाममा पासपोर्ट बनाउनेको संख्या वर्षेनी घट्दै

    जेठ ११ – इलाममा पासपोर्ट बनाउनेको संख्या घट्दै गएको पाइएको छ । गएका तीन आर्थिक वर्षको तथ्याङ्कलाई हेर्दा पछिल्लो समय पासपोर्ट बनाउनेको संख्या घट्दै गएको हो ।

  • ​ दिनार र रिंगिटको मूल्य बढ्यो, रियाल, दिर्हाम स्थिर

    काठमाडौं, जेठ ११ – नेपाल राष्ट्र बैंकले बिहीबारतोकेको विनिमय दर अनुसार एक साउदी रियालको खरिददर २७ रुपैयाँ ५९ पैसा र विक्रिदर २७ रुपैयाँ ७५ पैसा रहेको छ ।

पछिल्ला समाचारहरु
Download
Mobile App

तस्विर

साउदी अरबले दिएकाे अाममाफीमा सहभागी हुने प्रक्रिया  :  सेन्टर फर माइग्रेशन एण्ड इन्टर्नेश्नल रिलेशन्स