MENU

मेरो कथा मेरो भोगाई

यसरी बचाउन सकिन्छ विदेशको कमाई

युबराज अधिकारी–

मानिसमा आइपर्ने कतिपय समस्या सकारात्मक सोचले नै निवारण गर्दछ । कतिपय प्रतिकुल अबस्था तथा गहन समस्यामा हठात निर्णय गर्ने बानी र परिणामले निम्त्याउने दीर्घकालीन समस्याहरु सुल्झाउन महत्त्वपूर्ण भुमिका रहन्छ ।

प्रसङ्ग वैदेशिक रोजगारको लागि गएका लाखौं युवा । विशेषत खाडिका देशमा थोरैले मात्रै सुख, सुबिधा र राम्रो काम गर्ने अवसर पाएका छन् । अधिकांस थोरै पारिश्रमिकमा धेरै समय काम गर्नुपर्ने बाध्यात्मक अवस्था छ ।

जटिल तथा रुचिहिन कामले मानसिक तनाब उत्पन्न गराएको छ भने, अर्कोतर्फ अनपेक्षितरुपमा आइपर्ने ब्यक्तिगत तथा पारिवारिक आर्थिक समस्याले थप तनाब उत्पन्न गराएको पाइन्छ । त्यस्ता आर्थिक रुपमा आइपर्ने समस्याहरु समाधानका केहि हद उपाय हामीले यसरी अपनाएका छौं । 

मानिसमा इच्छा शक्ति र जागरुकता हुने हो भने यस्ता समस्यालाई केही हद सम्म निराकरण गर्ने सकिन्छ । त्यो उपाय हो बचत गर्ने बानिको बिकास गर्ने। 

कम्पनिले दिएको तलबबाट ६ जना साथीहरु मिलेर परदेशमै मासिक झण्डै ६ हजार रुपैयाँ (दुई सय रियाल) बचत गर्न थाल्यौं । अहिले १५ महिला पुरा भयो । अहिले सावा र ब्याज ६ लाख रुपैयाँ (बीस हजार रियाल) जम्मा भैसकेको छ । 

हाम्रो समुहको नाम सहकार्य मासिक बचत तथा ऋण प्रदायक संस्था राखेका छौं । हाम्रो समुहले हामी ६ जनालाई मात्रै होइन समुहबाहिरका फरक कम्पनीमा कार्यरत नेपालीलाई पनि सहयोग पुगेको छ । हामी न्युनतम ब्याजदरमा ऋण दिन्छौं । तर आपतमा परेकाले  मात्रै यो समुहको रकम चलाउन पाउँछन् । यसले बढि ब्याजलिनेहरुलाई चुनौती दिएको छ । 

यसरी विदेशमा काम गर्नेले कमाई थोरै भएपनि मासिक बचत गर्ने बानिको विकास गरे ठुलो रकम जम्मा हुन्छ । आपत बिपतमा ठुलो काम बन्न सक्छ । 

विदेशमा हुँदा ऋण पाउन पनि गाह्रो हुन्छ । आफन्त र नजिकका साथिभाइ भए मात्रै सहयोग पाइन्छ । घर परिवारमा आइपर्ने आपत बिपतमा पनि यस्तै रकम चलाउन सकिन्छ । आपतमा पैसा खोज्दै भौतारिनु पर्दैन । फजुल खर्च कटौती हुन्छ ।

घरमा पैसा पठाउँदा एक्मुस्ठ पठाउन सकिन्छ । एउटै कम्पनीमा काम गर्ने साथीसँग यसरी बचत गर्न थाल्ने हो भने पछि सामुहिक लगानी गरेर देशमै केहि उन्नती गर्न सकिन्छ । हामीलेत गाउँघरमै सामुहिक लगानी गरेर ब्याबसाय गर्ने सोच बनाएका छौं । जसले लामो समय सम्म विदेश बस्नु पर्ने बाध्याता अन्त्ये हुनेछ । 

–बारा रजघट्टा, हाल दोहा कतार । 

मेरो कथा मेरो भोगाई

तपाईसँग पनि यस्तै भोगाई, अनुभव, कथा छन र हामीसँग बाड्नु चाहानुहुन्छ भने लेखेर 'desh@unn.com.np' मा पठाउनुहोस् ।

प्रतिक्रिया दिनुहोस

विशेष

Notice, Press Release

समाचार

पछिल्ला समाचारहरु
Download
Mobile App

तस्विर

सिरियाबाट उद्धार गरेको दुई वर्ष नपुग्दै सकियो सुनिताको जीवन। भिडियोः उज्यालो ।