MENU

मेरो कथा मेरो भोगाई

कोरिया जानेहरुले जस्तो काम परेपनि गर्छु भन्नेमा तयार भएर जानुपर्छ

जगन्नाथ जोशी, कैलाली ।

म कोरियामा पाँच वर्ष बसेर नेपाल फर्किएको हुँ । म सन् २००८ मा इपिएस पास गरेर गएको हुँ । नेपालबाट इपिएस पास गरे जाने नेपालीहरु मध्ये पहिलो लटमा जाने ५५ जनामा म पनि एक थिएँ । 

कोरिया जानेहरुले भाषा परीक्षा रपास गर्नुपथ्र्यो । त्यही भएर मैले पनि मैले भाषा परीक्षा दिएँ र पास पनि गरें । हामीलाई व्याकरणसहित स्तरीय भाषा सिकाइएको थियो । भाषा पास गरेर कोरिया जाँदा यति भए त राम्रै हुन्छ होला भन्ने सोचेको थिएँ । तर त्यहाँको परिवेश त फरक रहेछ । हामीलाई यहाँ व्याकरणसहितको स्तरीय भाषा सिकाइएको थियो । 

तर त्यहाँ यहाँ सिकेको जस्तो भाषा प्रयोग नहुने रहेछ । यहाँ हामीले आदरार्थी भाषा सिकेपनि त्यहाँ यस्तो आदरार्थी भाषा प्रयोग हुँदो रहेनछ । शब्द उही भएपनि शैली फरक हुँदो रहेछ । त्यसैले सुरु सुरुमा अलिक गाह्रो भयो । तर पछि सामान्य हुँदै गयो । मैले त विश्व भाषा कलेजमा पढेको थिएँ । त्यसैले मलाई अरुलाई जस्तो गाह्रो भएन । 

म उत्पादन क्षेत्रमा गएको थिएँ । मैले चाँहि पेपर प्रोडक्टमा काम गर्नुपर्यो । काम धेरै गाह्रो पनि होइन अनि साह्रै सजिलो पनि होइन । साँचो कुरा त के भने कोरिया होस या अरु कुनै देश विदेश जाने सबैले विदेशमा जस्तो काम परेपनि गर्छु भन्ने सोचेर जानुपर्छ । नभए समस्या हुन सक्छ । 

(दिनेश एफएम, कैलालीका रोहित गिरीले गर्नुभएको कुराकानीमा आधारित) 

मेरो कथा मेरो भोगाई

तपाईसँग पनि यस्तै भोगाई, अनुभव, कथा छन र हामीसँग बाड्नु चाहानुहुन्छ भने लेखेर 'desh@unn.com.np' मा पठाउनुहोस् ।

प्रतिक्रिया दिनुहोस

विशेष

Notice, Press Release

समाचार

पछिल्ला समाचारहरु
Download
Mobile App

भिडियो

विदेश जाँदा लिएको ऋणले घर जग्गा साहुको कब्जामा। भिडियोः उज्यालो।