MENU

मेरो कथा मेरो भोगाई

अब घर फर्किएपछि विदेशको सपना कहिल्यै देख्दिन

माधव अधिकारी, कपिलवस्तु बुद्धबाटिका/हाल मलेसिया ।

धेरै नेपालीहरुले विदेश जाने सोच बनाउने कारण आर्थिक स्थिति नै हो । तर वैदेशिक रोजगारीले सबैको आर्थिक संकट हटाउँदैन । केहीका लागि राम्रो भएपनि धेरैका लागि समस्या पनि भएको छ वैदेशिक रोजगारी । मेरो लागि पनि त्यस्तै भयो । म पनि २२ महिनाअघि नेपाल आउँदा त्यस्तै धेरै सपना थियो । विदेश जाने सपनाले विदेशमा हुने जोखिमका बारेमा धेरै सोच्दै सोचिएन । विदेशमा पनि खास गरी मलेसियामा नेपालीलाई समस्या र चुनौती धेरै रहेछन् । 

नेपालबाट मसहित चारजना आएका थियौं । हामी सबै फरक फरक ठाउँमा परेका थियौं । हामी चार जनामध्ये एक जना साथी बिरामी भएर १४ महिना पनि नपुग्दै नेपाल फर्कियो । म पनि नेपालीमाथि हुने आक्रमणबाट जोगिँदै दिन बिताउँदैछु । एक त नेपालीलाई मलेसियामा भाषाको समस्या अनि त्यही कारणले आक्रमण पनि धेरै भइरहेका छन् । उनीहरुले के भनिरहेका छन् नेपालीहरुलाई बुझ्न समस्या छ । अनि नेपाली सोझो हुँदा त्यसको फाइदा उठाएर लुटपाट पनि भइरहेको छ । अहिलेसम्म मेरै आँखा अगाडि दुई पटक नेपालीहरु लुटिए । त्यसैले नेपालीका लागि मलेसिया गाह्रो छ जस्तो लाग्छ ।

म इक्लेक्ट्रिक कम्पनीमा काम गर्दैछु । म बस्ने ठाउँबाट कम्पनीसम्म साइकलमा जान्छु तर एकदमै सावधानी अपनाएर । नगद पैसा र मोबाइल म आफूसँग बोक्दिन । अब यसरी बस्नुपर्ने दिन दुई महिना मात्रै छ । दुई महिनामा नेपाल फर्किएपछि त विदेशको सपना कहिल्यै देख्दिन । नेपालमै केही गर्ने सोच बनाएको छु । अनि मलेसिया आउने तयारी गरिरहेका नेपालीहरुलाई पनि मलेसिया आउँदै हुनुहुन्छ भने धेरै सोच्न अनुरोध गर्दछु । 

मेरो कथा मेरो भोगाई

तपाईसँग पनि यस्तै भोगाई, अनुभव, कथा छन र हामीसँग बाड्नु चाहानुहुन्छ भने लेखेर 'desh@unn.com.np' मा पठाउनुहोस् ।

प्रतिक्रिया दिनुहोस

विशेष

Notice, Press Release

समाचार

पछिल्ला समाचारहरु
Download
Mobile App

तस्विर

कतारमा भवन निर्माण गर्दै नेपाली लगायत अप्रवासी कामदार। यस्ता भवन बनाउँदा सामान्य जिआई पातालाई मेसिनले पेलेर चाहिएको नापमा कम्प्युटराइज बिधिद्वारा निकालिन्छ। तस्बिरः गोबिन्द थापा मगर/दोहा, कतार