MENU

मेरो कथा मेरो भोगाई

​समाचार छापिएपछि छोराले गाली गर्न भए पनि फोन त गर्‍यो !

कृष्ण बहादुर/सेतीमाया मोक्तान , परवानीपुर २ आहालदमार, सर्लाही ।

छोरालाई विदेश पठाएर हामीले के पायौं ? घरको जिम्मेवारी सम्हाल्ने बेला भएको छोरा मलेसिया गएपछि हामीले पाएको भनेको घर चलाउने जिम्मेवारी र चिन्ता मात्रै हो । 

विदेश गएको छोराले कमाउँछ भन्ने आशा थियो तर फोन नै गर्न छोड्यो । छोरा विदेशिएको जति समय बढ्दै गयो उति नै उसको मन कठोर हुँदै गयो । अभिभावक भएकोले हामीले आफ्नो जिम्मेवारी दुःख गरेर भए पनि पूरा गरिरहेका छौं ।

गर्भवती छोडेर गएको हो छोरा, हामीले बुहारीको रेखदेख र स्याहार गर्यौँ । अहिले त नाति पनि ५ वर्षको भइसक्यो । नत बाबुले छोराको मुख देख्न पाएको छ न यो नातिले नै आफ्नो बुवाको । 

हाम्रो कस्तो बिडम्बना छोराले फोन गर्दा पनि खुशी हुनु परेको छ । जे भए पनि तपाईले लेखिदिएको खबरले काम गर्यो । उसले फोन गर्यो । तर फोनमा सन्चो बिसन्चो केही सोधेन । उसले म यहाँ बस्न आएको होइन अनि किन समाचार निकाल्नुपर्यो भनेर गाली गर्यो । 

तर हामीले कसले समाचार निकाल्यो थाहा छैन तर तेरो फोन आउन समाचार नै निकाल्नुपर्ने रैछ हैन भनेर भन्यौं । त्यसपछि भने उसले अरु केही भनेन अब चाहिँ अहिले मैले गरेको नम्बरमा फोन गर्नु भनेको छ । 

उसले फोन गरेको कुरा हाीले बुहारीलाई पनि सुनायौं । बुहारीले त खुशीको आँसु नै खसालिन् । अब त तनाव कम भयो । राजा घरमा आएर आफ्नो परिवार समालेर बसोस । हामीलाई उसले कमाएको पैसा पनि चाहिँदैन । उसको परिवारको भार पनि उसैले उठाओस् । हामी बुढो भयौं । घरव्यवहार सम्हाल्ने हिम्मत पनि छैन । 

(प्रस्तुती : दुर्गाप्रसाद भट्टराई, मनोसामाजिक परामर्शकर्ता, सर्लाहीको ग्रमिण नारी उत्थान संघ हरिपुरको सहजीकरणमा हरिऔनमा संचालित सुरक्षित आप्रवासन सूचना तथा परामर्श केन्द्र)

मेरो कथा मेरो भोगाई

तपाईसँग पनि यस्तै भोगाई, अनुभव, कथा छन र हामीसँग बाड्नु चाहानुहुन्छ भने लेखेर 'desh@unn.com.np' मा पठाउनुहोस् ।

प्रतिक्रिया दिनुहोस

विशेष

Notice, Press Release

समाचार

पछिल्ला समाचारहरु
Download
Mobile App

इन्फोग्राफ

तपाईं वैदेशिक रोजगारीमा जाँदै हुनुहुन्छ ? त्यसो हो भने विदेश जानुअघि गरिएको सबै प्रक्रियाका कागजपत्रको एक प्रति परिवारलाई छोडेर जानुहोस्। विदेशमा अलपत्र पर्नुभयो वा बिरामी र अरु कुनै खालका अप्ठेरोमा पर्नुभयो भयो भने तपाईंलाई सहयोग गर्न तिनै कागजपत्र काम लाग्छन्। यो जानकारी आफन्त र साथीभाइलाई पनि सुनाउनुहोस्। इन्फोग्राफः उज्यालो।