MENU

मेरो कथा मेरो भोगाई

‘अनपढ गवाँर भनेर विदेशमा गाली सुन्नु भन्दा अलि अलि अंग्रेजी जान्नुपर्ने रहेछ’

सुवास गिरी/मलेसिया ।

रोजगारीका लागि विदेश पुगेका धेरैजसो नेपाली दाजुभाइ लेखपढ गर्न नजान्ने देखेँ । यही कारण विदेशमा नेपाली कामदार हेपिने रहेछन् । अनि सीप नजान्दा त झन धेरै हेपिनुपर्छ । धेरै नभएपनि अलि अलि अंग्रेजी लेख्न र बोल्न जान्नुपर्ने रहेछ । 

कति ठाउँमा नेपालीले नेपालीलाई नै हेपेको देखेको छु । म पनि धेरै त पढेलेखेको छैन । तर पनि अलि अलि पढेको अहिले काम लागेको छ । 

अस्ति एक जना नेपालीलाई भेटेँ । उहाँले भन्नुभयो, पैसा कमाउने लोभमा यहाँसम्म आइयो, लेख्न पढ्न पनि आउँदैन । त्यसमाथि काम पनि जानेको छैन । त्यसैले साहुले दिनहुुँजसो गाली गरिरहेका हुन्छन् । भारतमा पहिले बस्नुभएको रहेछ उहाँ । हिन्दी जानेकाले रासन पसलमा सजिलो भएको रहेछ । 

कानुन नजान्दा पनि धेरै नेपालीले दुःख पाएका छन् । काम पनि बिहानैदेखि साँझसम्म गर्नुपर्छ । त्यो पनि कहिले भोकै, कहिले अनिदै । त्यसमाथि तलब कम आउँदा मन अतालिन्छ । 

नेपालमा यसरी नै काम गरेको भए धेरै प्रगति गर्न सकिन्छ । विदेश आउँदा लाग्ने खर्च लगानी गरेको भए आफ्नै परिवारसँग रहेर केही गर्न सकिन्थ्यो । जति काम गरेपनि कहिल्यै देख्दैन साहुले । सानो गल्तीमा पनि धेरै गाली गर्छ । 

त्यसमाथि नेपाली दाजुभाइ नै धुर लाग्छन् । ती साथीले भन्नुभयो, लेख्न नजान्ने अनपढ गवाँर भनेर गाली गर्छन् । तै पनि सहेर काम गर्नु परेको छ । 

मेरो कथा मेरो भोगाई

तपाईसँग पनि यस्तै भोगाई, अनुभव, कथा छन र हामीसँग बाड्नु चाहानुहुन्छ भने लेखेर 'desh@unn.com.np' मा पठाउनुहोस् ।

प्रतिक्रिया दिनुहोस

विशेष

Notice, Press Release

समाचार

पछिल्ला समाचारहरु
Download
Mobile App

इन्फोग्राफ

तपाईं वैदेशिक रोजगारीमा जाँदै हुनुहुन्छ ? त्यसो हो भने विदेश जानुअघि गरिएको सबै प्रक्रियाका कागजपत्रको एक प्रति परिवारलाई छोडेर जानुहोस्। विदेशमा अलपत्र पर्नुभयो वा बिरामी र अरु कुनै खालका अप्ठेरोमा पर्नुभयो भयो भने तपाईंलाई सहयोग गर्न तिनै कागजपत्र काम लाग्छन्। यो जानकारी आफन्त र साथीभाइलाई पनि सुनाउनुहोस्। इन्फोग्राफः उज्यालो।