MENU
समाचार
-
रुकुमको पुथा उत्तरगंगामा माओवादीको जित
रुकुम, असार १६ – रुकुमको पुथा उत्तरगंगा गाउँपालिकामा माओवादी केन्द्रका अध्यक्ष र उपाध्यक्ष विजयी भएका छन् । पुथा उत्तरगंगा गाउँपालिकाको अध्यक्षमा माओवादी केन्द्रका ओम प्रसाद घर्ती २ हजार ५ सय ५१ मतसहित विजयी हुनुभयो ।
-
सुनकोशीमा एमालेको अग्रता
ओखलढुंगा, असार १६– ओखलढुंगाको सुनकोशी गाउँपालिकामा नेकपा एमालेले अग्रता लिएको छ । नेकपा एमालेका प्रमुख उम्मेदवार ज्ञानबहादुर खड्काले एक हजार पाँच सय १९ मत ल्याउनु भएको छ ।
-
दाङमा कस्को अवस्था के ? यस्तो छ नालीवेली
दाङ, असार १६ – दाङको जारी मतगणनामा घोराही र तुल्सिपुर उपमहानगरपालिका, गढवा र दंगीशरण गाउँपालिकामा गरी एमाले ४ स्थानमा, राजपुर, शान्तिनगर र बंगलाचुली गाउँपालिकामा गरी माओवादी केन्द्र ३ स्थानमा र लमही नगरपालिका र राप्ति गाउँपालिका गरी दुई स्थानीय तहमा कांग्रेसले अग्रता लिएको छ ।
-
चुनावमा खटिएका म्यादी प्रहरी तमोर नदीमा बेपत्ता
धनकुटा, असार १६– धनकुटाको खाल्सा छिन्ताङ शहीदभूमी गाउँपालिकामा खटिएका एक जना म्यादी प्रहरी तमोरमा नदीमा बेपत्ता भएका छन् । दिउँसो गर्मी भएकाले तमोर नदीमा नुहाउन गएका म्यादी प्रहरी सचिन लिम्बु बेपत्ता भएको प्रहरीले जानकारी दिएको छ ।
-
तेह्रथुममा काग्रेस र एमालेको प्रतिस्पर्धा
तेह्रथुम, असार १६ – तेह्रथुमका तीन स्थानीय तहमा कांग्रेसले अग्रता लिएको छ भने बाँकीमा एमालेले अग्रता कायम गरेको छ ।
-
रोल्पाका ५ वटा तहमा माओवादीको अग्रता
रोल्पा, असार १६ – प्रारम्भिक मतपरिणाम अनुसार रोल्पाको १० वटा स्थानीय तहमध्ये ५ वटामा माओवादी केन्द्रको अग्रता रहेको छ भने नेपाली काँग्रेसको ३ र एमालेको २ वटामा अग्रता रहेको छ ।
-
ओखलढुंगाको लिखु गाउँपालिकामा रोकिएको मतगणना सुरु
ओखलढुंगा, असार १६– ओखलढुंगाको लिखु गाउँपालिकामा विवादका कारण विहान ६ बजेदेखि रोकिएको मतगणना केहीबेर अघि सुरु भएको छ । मतपत्रमा मतदान अधिकृतको सहि नभएको पाइएपछि भएको विवादका कारण मत गणना स्थगित भएको थियो ।
-
तेह्रथुमको पछिल्लो मतगणनाको अपडेट
तेह्रथुम, असार १६ – तेह्रथुमको पछिल्लो मतगणनाको अपडेट यस्तो छ ।
-
सुदूरपश्चिममा एमाले र कांग्रेसबिच कडा प्रतिष्पर्धा
डोटी, असार १६ – सुदूरपश्चिममा पछिल्लो मत परिणाम अनुसार नेपाली कांग्रेस तथा नेकपा एमालेबिच कडा प्रतिष्पर्धा देखिएको छ क्षेत्रीय निर्वाचन कार्यालयका अनुसार डोटीको दिपायल सिलगढी, शिखर नगरपालिका, जोरायल र बड्डीकेदार गाउँपालिकामा कांग्रेस तथा आदर्श, केआइसी र सायल गाउँपालिकामा नेकपा एमाले अगाडि छन् ।
-
धनकुटाको खाल्सा छिन्ताङ गाउँपालिकमा एमालेको जित निश्चित
धनकुटा, असार १६ – एमालेले खाल्सा छिन्ताङ सहिदभूमी गाउँपालिकामा जित सुनिश्चित गरेको छ । ११ सय मत गन्न बाँकी हुँदा एमालेका उम्मेदवार मनोज राईले २ हजार १ सय ४१ मतले अग्रता कायम गर्नुभएको छ ।
-
खोटाङको दिप्रुङ गाउँपालिकामा कांग्रेसको अग्रता
खोटाङ, असार १६– खोटाङको दिप्रुङ गाउँपालिकामा नेपाली कांग्रेसको अग्रता कायम छ । गाउँपालिकाको अध्यक्षमा कांग्रेसका भुपेन्द्र राईले १५४८ मत पाउनु भएको छ भने, उपाध्यक्षमा पनि कांग्रेसकी सपना राई १०४४ मत सहित अगाडी हुनुहुन्छ ।
-
ओखलढुंगाः सिद्धिचरण नगरपालिकामा एमालेको अग्रता , लिखु र मानेभञ्ज्यांगको मतगणना अझै सुरु भएन
ओखलढु्ंगा, असार १६ – ओखलढुंगाको एकमात्र नगरपालिकामा नेकपा एमालेले अग्रता लिइरहेको छ । नगरपालिकाको ५ ओटा वडाको मत परिणाम आउँदा नेकपा एमालेका मेयरका उम्मेदवार मोहनकुमार श्रेष्ठले २१०७ मत ल्याएर अग्रस्थानमा हुनुहुन्छ ।
-
गुल्मीको गुल्मीदरबार गाउँपालिकामा कांग्रेसको जित
गुल्मी, असार १६ – गुल्मीको गुल्मीदरबार गाउँपालिकामा अध्यक्ष र उपाध्यक्ष दुवै पदमा नेपाली कांग्रेस विजयी भएको छ । गुल्मी दरबार गाउँपालिकाको अध्यक्षमा नेपाली कांग्रेसका अशोक थापा ५ हजार ५ सय ७५ मत ल्याएर विजयी हुनुभएको हो ।
-
दाङको दुई उपमहानगरमा एमालेको अग्रता कायम
दाङ, असार १६ – दाङका दुई उपमहानगरपालिकामा एमालेको अग्रता कायमै छ । घोराही उपमहानगरपालिकामा एमालेका मेयर उम्मेदवार नरुलाल चौधरीले ३ हजार २ मत ल्याउनुभएको छ भने, कांग्रेस उम्मेदवार भूपबहादुर डाँगीले १ हजार ९ सय ५१ मत ल्याएर चौधरीलाई पच्छ्याइ रहनु भएको छ ।
-
विराटनगर महानगरपालिकामा कांग्रेसको अग्रता
विराटनगर, असार १६ – विराटनगर महानगरपालिकामा नेपाली कांग्रेसले अग्रता लिएको छ । मेयर र उपमेयर दुवै पदमा कांग्रेसले अग्रता कायम गरेको हो ।
-
तेह्रथुमको मेन्छ्यायम गाउँपालिकाका चार वडामा कांग्रेस उम्मेदवार विजयी
तेह्रथुम, असार १६ – तेह्रथुमको मेन्छ्यायम गाउँपालिकाका चारवटा वडामा कांग्रेसका उम्मेदवार विजयी भएका छन् । जिल्लाकै सबैभन्दा सानो यो गाउँपालिकाको अध्यक्ष र उपाध्यक्षमा कांग्रेसका उम्मेदवारको अग्रता कायमै छ ।
-
सोलुखुम्बुको महाकुलुङ्ग गाउँपालिकामा माओवादी विजयी
सोलुखुम्बु असार १६ – सोलुखुम्बुको महाकुलुङ्ग गाउँपालिकाको अध्यक्ष माओवादी केन्द्रले जितेको छ । माओवादीका तर्फबाट गाउँपालिकाको अध्यक्ष उम्मेदवार बन्नुभएका सागर किराँतीले जित्नुभएको हो । उपाध्यक्ष भने नेपाली कांग्रेसकी विपना कुलुङले जित्नुभएको छ ।
-
गुल्मीको रेसुंगा नगरपालिका एमालेले खाता खोल्यो
गुल्मी, असार १६ – गुल्मीको रेसुंगा नगरपालिका एमालेले खाता खोलेको छ । रेसुङ्गा नगरपालिकाको वडा नंबर ११ मा नेकपा एमालेले वडा अध्यक्षका उमेदवार खुम बहादुर राना ३७२ मत विजयी हुनुभएको हो । उहाँ प्यालनसहित नै विजयी हुनुभयो । उहाँका प्रतिद्वन्दी काग्रेसका डिल बहादुर राना २०८ मत ल्याउनुभयो ।
-
महाकाली नगरपालिकामा कांग्रेसका हंसराज विजयी
दार्चुला, असार १६ – दार्चुलाको महाकाली नगरपालिकाको प्रमुखमा नेपाली काँग्रेसका हंसराज भट्ट विजयी हुनुभएको छ । उपमेयरमा कांग्रेसकै सोना बोहोरा विजयी हुनुभएको छ ।
-
अर्घाखाँचीको वडा नं. १२ मा कांग्रेस र १ मा एमालेको जित
अर्घाखाची, असार १६ – अर्घाखाँचीको सन्धिखर्क नगरपालिकाको वडा नंबर १२ मा नेपाली कांग्रेसका नारायण खडका विजयी हुनुभएको छ । यस्तै सन्धिखर्ककै वडा नंम्वरर १ मा एमालेका युवराज बन्जाडे विजयी हुनुभएको छ ।
-
ताप्लेजुङको मैवाखोला गाउँपालिकामा एमाले विजयी, आजै ३ बजे सपथ
केशबप्रसाद भट्टराई/उज्यालो
ताप्लेजुङ, असार १६ – ताप्लेजुङको मैवाखोला गाउँपालिकामा एमाले विजयी भएको छ । एमालेका राजन थक्लुङ १ हजार ८ सय १५ मत प्राप्त गरी विजयी हुनु भएको हो ।
उहाँका निकटतम प्रतिस्पर्धी नेपाली कांग्रेसका डम्बर लिम्बुले १ हजार २ सय १९ मत प्राप्त गर्नु भएको छ । उपाध्यक्षमा पनि एमालेकै कैसिला थक्लुङ १ हजार ९ सय ५१ मतप्राप्त गरी विजयी हुनुभएको छ । उहाँका निकटतम प्रतिस्पर्धी कांग्रेसकी सुजता लिम्बुले १ हजार ८४ मतप्राप्त गर्नुभएको छ । मैवाखोला गाउँपालिकाको ६ वटै वडाम...
-
बझाङ थलारा गाउँपालिकामा एमाले विजयी
बझाङ, असार १६ – बझाङको थलारा गाउँपालिकामा नेकपा एमाले विजयी भएको छ । नेकपा एमालेका उम्मेदवार भुवनेश्वर उपाध्यायले २७७८ मत ल्याएर विजयी हुनु भएको हो । यस्तै एमालेकै तर्फबाट उपाध्यक्षमा गंगुदेवी खडायतले २६६३ मत ल्याएर विजयी हुनुभएको छ ।
-
कञ्चनपुरका ९ स्थानीय तहमध्ये ५ मा एमाले, दुईमा कांग्रेस र दुईमा माओवादी अगाडि
कञ्चनपुर, असार १६ – स्थानीय तहको दोश्रो चरणको चुनावमा कञ्चनपुरका नौ स्थानीय तहमध्ये पाँचमा नेकपा एमालेले अग्रता लिएको छ । २ गाउँपालिका र ७ नगरपालिका रहेको कञ्चनपुरमा चार नगरपालिकाका मेयर र एक गाउँपालिकाको अध्यक्षमा एमाले अगाडि देखिएको हो ।
-
धनकुटाको सात तहमध्ये ६ वटामा एमाले अगाडि
धनकुटा, असार १६ - धनकुटाको सातवटै स्थानीय तहमा मत गणना भैरहेको छ । गणना भैहेकोमध्ये ६ वटामा एमालेको अग्रता रहेको छ भने कागे्रसले एक तहमा अग्रता लिएको छ ।
-
बाजुराको बडिमालिका नगरपालिकामा कांग्रेस विजयी
बाजुरा, असार १५ – बाजुराको बडिमालिका नगरपालिकाको मेयरमा नेपाली कांग्रेसका पदम बडुवाल विजयी हुनु भएको छ । उहाँले २९४० मत ल्याएर विजयी हुनु भएको हो । उहाँका प्रतिद्वन्द्वी नेकपा एमालेका गगन रावलले २९०२ मत ल्याउनुभयो ।
-
कपिलवस्तु नगरपालिकामा राजपाका (स्वतन्त्र) उम्मेदवार अगाडी
कपिलवस्तु, असार १६ – कपिलवस्तुको कपिलवस्तु नगरपालिकामा कांग्रेसलाई पछि पादै (राजपाका) स्वतन्त्र उम्मेदवारले अग्रता कायम गरेका छन् ।
-
भोजपुरको रामप्रसाद राई गाउँपालिकामा एमाले विजयी, ८ मतले माओवादी पराजित
भोजपुर, असार १६ – भोजपुरको रामप्रसाद राई गाउँपालिकामा एमालेले खाता खोलेको छ ।
-
आयोगको निर्देशन : उम्मेदवार वा प्रतिनिधि नभए पनि मतगणना गर्नु
काठमाडौं, असार १६ – निर्वाचन आयोगले दोस्रो चरणको स्थानीय तह निर्वाचनको मतगणनामा दलका प्रतिनिधि उपस्थित नभए पनि साथै उनीहरुले मुचुल्कामा सहीछाप नगरे पनि मतगणना गर्न निर्वाचन अधिकृतलाई निर्देशन दिएको छ ।
-
कडा सुरक्षाका बिच बझाङको जयपृथ्वी नगरपालिका-३ मा मतदान जारी
बझाङ, असार १६ – बुधवार कांग्रेस र एमालेका कार्यकर्ताविच झडप भएपछि स्थगित भएको बझाङको जयपृथ्वी नगरपालिकाको वडा नम्बर ३ मा मतदान भइरहेको छ ।
-
प्रमुख पदमा अहिलेसम्मको नतिजा : एमालेले कांग्रेसलाई पछि पार्यो
काठमाडौं, असार १६ – दोस्रो चरणको चुनावको नतिजा धमाधम आउन थालेको छ । अहिलेसम्म ११ वटा स्थानीय तहको नतिजा आइसकेको छ । जसमा एमाले ६, कांग्रेसले चार, तथा माओवादी केन्द्र एउटा स्थानीय तहमा विजयी भएका छन् ।
-
प्रधानमन्त्रीको गृहनगर अमरगढी नगरपालिकामा एमालेको जित
डडेलधुरा, असार १६ – प्रधानमन्त्री शेरबहादुर देउवाको गृहनगर डढेलधुराको अमरगढी नगरपालिकामा एमाले विजयी भएको छ ।
-
बाजुराको गहुमुल गाउँपालिकामा एमालेको क्लीन स्वीप
बाजुरा, असार १६ – बाजुराको गहुमुल गाउँपालिकाका सबै पदमा नेकपा एमालेका उम्मेदवार विजयी भएका छन् । ६ वटा वडा रहेको यो गाउँपालिकाको अध्यक्ष, उपाध्यक्ष, वडा अध्यक्ष र वडा सदस्य गरी ३२ वटै पदमा एमाले उम्मेदवार विजयी भएका हुन ।
-
प्रमुख पदमा अहिलेसम्मको नतिजा : कांग्रेस एमाले बराबरी
काठमाडौं, असार १६ – दोस्रो चरणको चुनावको नतिजा धमाधम आउन थालेको छ । अहिलेसम्म ९ वटा गाउँपालिकाको नतिजा आइसकेको छ । जसमा कांग्रेसले चार, एमाले चार तथा माओवादी केन्द्र एउटा गाउँपालिकामा विजयी भएका छन् ।
-
सुनसरी:२ उपमहानगरसहित ९ स्थानीय तहमा कांग्रेस अगाडि
सुनसरी, असार १६– सुनसरीका १२ स्थानीय तहमध्ये इटहरी र धरान उपमहानगरपालिका सहित ९ तहमा कांग्रेस अगाडि छ । दुई स्थानीय तहमा नेपाल लोकतान्त्रिक फोरम तथा एउटामा संघीय समाजवादी फोरम र अर्को एउटामा स्वतन्त्र उम्मेदवार अगाडि रहेका छन् ।
-
शिक्षकबाट राजीनामा दिएका गोरखबहादुर गाउँपालिका अध्यक्षमा विजयी
बैतडी, असार १६ – बैतडीको पञ्चेश्वर गाउँपालिकामा नेकपा एमाले विजयी भएको छ । एमालेका गोरखबहादुर चन्द २ हजार ६ सय ८ मत प्राप्त गरी विजयी हुनुभएको हो । चन्दले शिक्षकबाट राजीनामा दिएर चुनाव लड्नु भएको थियो ।
-
डोटीः दिपायल सिलगढी नगरपालिका–४ मा कांग्रेसको प्यानल विजयी
डोटी, असार १६ – डोटीको दिपायल सिलगढी नगरपालिका–४ मा वडाध्यक्षसहित कांग्रेसको प्यानल विजयी भएको छ । वडाध्यक्षमा कांग्रेसका विरेन्द्रबहादुर शाहले ३१५ मत ल्याई विजयी हुनुभएको छ ।
-
तेह्रथुमः कहाँ को अघि ?
तेह्रथुम, असार १६ – तेह्रथुमका स्थानीय तहमा अहिले मतगणना भइरहेको छ । म्याङलुङ नगरपालिकामा एमाले र लालीगुराँस नगरपालिकामा कांग्रेस अघि छ ।
-
५ नम्बर प्रदेश कहाँ के भैरहेको छ ? हेर्नुहोस् पछिल्लो परिणाम
काठमाडौं, असार १५ – दाङका दुई उपमहानगरपालिकामा एमालेको अग्रता कायमै छ । घोराही उपमहानगरपालिकामा एमालेका मेयर उम्मेदवार नरुलाल चौधरीले २ हजार ५४ मत ल्याइ सुरुदेखिको अग्रता कायम राख्नु भएको छ ।
-
संयमित भएर मतगणनामा सहयोग गर्न आयोगको आग्रह
काठमाडौं, असार १६ – निर्वाचन आयोगले सबै दलका उम्मेदवार र प्रतिनिधिलाई संयमित भएर मतगणनामा सहयोग गर्न आग्रह गरेको छ । प्रदेश नम्बर १, ५ र ७ का ३३२ स्थानीय तहमा बुधबार भएको मतदानको मतपरिणाम आउने क्रम चलिरहेको छ ।
-
दाङ : को कहाँ अघि ?
दाङ, असार १६ – दाङमा रहेका दुई उपमहानगरपालिकामा नेकपा एमालेको अग्रता कायमै छ । घोराही उपमहानगरपालिकामा एमालेका मेयर उम्मेदवार नरुलाल चौधरीले २ हजार ५४ मत ल्याइ सुरुदेखिको अग्रता कायम राख्नु भएको छ।
मेरो पनि भन्नु छ
-
मलेसियाका ५२ सहित ६२ वटा कम्पनीमा नेपाली कामदार नपठाउने निर्णय धेरै राम्रो लागेको छ । मलेसियाका कम्पनीले कामदारमाथि गर्ने दुव्र्यवहार र हेलचेक्र्याईले धेरै नेपालीको ज्यान गएको छ । उनीहरुको यस्तो मनोमानीका बारेमा सरकारले बेलैमा ध्यान दिन जरुरी छ ।
बालाराम बि.क.
-
उम्मेदवार छान्ने विषयमा विवाद हुँदा सिरहा कांग्रेस कार्यकर्ताबिच कुटाकुट हुँदा १० जना घाइते भएको खबरले कांग्रेस गुटैगुट भएको पार्टी हो भन्ने पुष्टि गर्छ । पार्टी सभापति शेरबहादुर देउवाको गुट, रामचन्द्र पौडेल पक्षको गुट, भ्रष्टाचार गरेर जेल बसिसकेका खुमबहादुर खड्काको गुट । हिजो अस्ति गुट मात्रै भन्थे आज त गुटको झगडा नै भएछ ।
सौहार्द
-
निर्वाचनमा सत्ता दुरुपयोग कसरी हुन्छ भन्ने कुरा पछिल्लो पटक भरतपुर १९ को सन्दर्भमा विकसित घटनाक्रमले प्रष्ट पारेको छ ।
सबै हेर्नुहोस
