MENU

राजनीति

ujyaalo forign call inside

युद्धकालका मुद्दा फिर्ताको तयारीप्रति कांग्रेसको आपत्ति

काठमाडौं, भदौ २८ — नेपाली कांग्रेसले सरकारले युद्धकालका मुद्दा फिर्ताको तयारी गरेको भन्दै आपत्ति जनाएको छ । व्यवस्थापिका संसदको बुधबारको बैठक सुरु हुनासाथ समय मागेर बोल्दै नेपाली कांग्रेसका महान्त्री प्रकाशमान सिंहले जनयुद्धकालमा माओवादी नेताहरुमाथि लागेका मुद्दा फिर्ता नलिन ध्यानाकर्षण गराउनुभयो । 

 
 
‘सरकारले सत्ताको दुरुपयोग गरेर शान्ति प्रकृयालाई नै प्रभावित गर्न खोजेको छ’, महान्त्री सिंहले भन्नुभयो, ‘गम्भीर अपराधिक र मानव अधिकार उल्लंघनका मुद्दा फिर्ता लिने सरकारको कदमलाई कुनै पनि हालतमा समर्थन गर्न सकिँदैन ।’ 
 
प्रधानमन्त्रीले राजनीतिक सल्लाहकारमा योग्यता नपुगेको ब्यक्तिलाई नियुक्त गरेको पनि उहाँले आरोप लगाउनुभयो । 
 
यस्तै एमालेले गृहमन्त्रालाय सम्हालेको पार्टीका कार्यकर्ताले आफ्ना कार्यकर्तामाथि आक्रमण गरेको भन्दै गृहमन्त्रीको जवाफ मागेको छ । एमाले सभासद् रामचन्द्र झाले गृहमन्त्रीको पार्टी फोरम लोकतान्त्रीकका कार्यकर्ताबाटै आफ्ना कार्यकर्तामाथि आक्रमण भएको भन्दै दोसीमाथि कारबाहीको माग गर्नुभयो । 
 
संसदमा चालु आर्थिक वर्षको बजेटमाथि छलफल भइरहेको छ । जारी बैठकमा विभिन्न मन्त्रालय अन्तर्गत छुट्टयाइएको बजेटमाथि छलफल भइरहेको हो । मंगलबारदेखि शुरु भएको छलफल  पर्सि ३० गतेसम्म रहने र असोज १ गते बजेट पारित गर्ने दलहरुबीच सहमति भएको छ । 
 
Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया