बातावरण-कृषि

Ncell

गहुँ यसरी भण्डारण गरौं

काठमाडौ, बैशाख १० – गहुँलाई राम्ररी सुकाएर मात्र भण्डारण गर्न कृषि विज्ञले सुझाव दिएका छन् ।

वर्षाका कारण बोट र दाना भिजेको हुँदा घाममा राम्ररी सुकाएर मात्र भण्डारण गर्नुपर्ने नार्कका बरिष्ठ बैज्ञानिक डा. ध्रुवबहादुर थापाले बताउनुभयो ।

चिस्यानले उम्रने र ढुसी पर्ने समस्या बढाउने भएकाले ध्यान दिनुपर्ने उहाँको भनाई छ । लगाउने बेला राम्रोसँग पानी नपरेर हैरान भएका किसान गहुँ भित्र्याउने बेला भएको वर्षाले थप समस्यामा परेका छन् । अहिलेको पानीले वर्षेबालीलाई फाइदा भएपनि गहुँ, जौ, चना लगायतका हिउँदेबालीमा भने नोक्सानी पुर्याएको छ ।

अहिले तराई र बेंसी क्षेत्रमा गहुँ भित्र्याउने काम भैरहेको छ । पहाडी क्षेत्रमा जेठको मध्यसम्म गहुँ भित्र्याउने गरिन्छ । यसपटक लगाउने बेला जमीन सुख्खा रहेकाले कतिपय ठाउँमा गहुँखेती नै हुन सकेको छैन । पोहोर मौसम अनुकूल भएकाले गहुँको उत्पादन राम्रो भएको थियो ।

पोहोर झण्डै सातलाख ६५ हजार हेक्टर क्षेत्रफलमा गहुँखेती भएकोमा प्रतिहेक्टर २४ सय १२ किलोको दरले उत्पादन भएको थापाले जानकारी दिनुभयो । यसवर्ष योभन्दा कम उत्पादन हुने अनुमान छ । तराई, उपत्यका र पहाडी क्षेत्रमा गहुँखेती हुँदै आएको छ । धान र मकैपछि गहुँ नेपालको अर्को मुख्य खाद्यान्न बाली हो ।

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
पछिल्ला समाचारहरु

मेरो पनि भन्नु छ

  • नागरिकमाझ निकै लोकप्रिय उज्यालो नेटवर्कले अझै नागरिकका लागि आवाज उठाओस । कुनाकाप्चाका र अहिलेसम्म आउन नसकेका समाचारलाइ प्राथमिकता देओस् । कुरिती बिसङ्गती बिरुद्द आवाज उठाओस्, महिला तथा उत्पिडनमा परेकाको हकहीतका लागि पत्रकारिताको राम्रो परिचय देओस । अहिलेसम्म लोभलाग्दा रहेका उज्यालोका कार्यक्रम संधै यस्तै रहुन् शुभकामना ।

    एम सुवेदी
  • भुकम्प पीडितलाई दिने भनिएको किस्ताको रकम वास्तविक पीडितको हात परोस र धेरै झन्झटिलो नबनाइ निष्पक्ष रूपमा दिइओस । एकपटक राहत पाएकालाई अर्कोपटक राहत नजाओस् भन्नेमा सचेत बनौं ।

    ​दिपेन्द्र सुवेदी
  • दक्षिण कोरिया जान फारम भर्नेको लाइन देख्दा मन दुख्यो । देशको पुननिर्माण गर्ने बेलामा को रहने भए र देशमा ?

    गोर्खे आयुष
सबै हेर्नुहोस

सोसल मिडिया