MENU

समाज

USAID

आइएनजिओको जागिर छाडेर माछापालन

धादिङ – धेरैको चाहना हुन्छ, राम्रो संस्थामा जागिर होस् र जहाँ कमाइ पनि राम्रो हुन्छ र इज्जत पनि । यसले घर परिवार चलाउन पुग्ने पैसा र समाजमा प्रतिष्ठा पनि दिन्छ ।

तर धादिङ रिगाउँका छो लामा भने अन्तराष्ट्रिय गैर सरकारी संस्थाको जागिर छाडेर माछा पाल्न खोलातिर पस्नुभएको छ ।

अन्तर्राष्ट्रिय गैर सरकारी संस्था हेल्भेटासमा झोलुङ्गेपुलको प्राबिधिक काम गर्ने लामाले सदरमुकाम धादिङवेशी नजिकैको थोलपखोला किनारमा माछापालन शुरु गर्नुभएको छ ।

उहाँ सहितका चारजना मिलेर नीलकण्ठ गाविस ५ गहुँतेमा प्रतिरोपनी १० हजार रुपैयाँ तिर्ने गरी १४ रोपनी जग्गा भाडामा लिएर माछापालन सुरु गरेका हुन् ।

पाँच वटा पोखरी र अरु संरचना बनाउन ६ लाख ५० हजार रुपैयाँ लगानी गरेका उनीहरुले ग्रास कार्प र कमन कार्प जातका माछाका १७ हजार भुरा पोखरीमा छोडेका छन् । कुनै ब्यवसायमा ध्यान दिएर काम गर्ने हो भने प्रशस्त आम्दानी गर्न सकिने भन्दै लामाले बताउनुभयो ।

माछाका भुरालाई ६ महिनासम्म भटमासको पिना, मकैको पिठो र गहुँको पिठो मिसाएर खुवाउनुपर्ने र त्यसका लागि १७ हजार भुरालाई छ महिनामा ८ लाख रुपैयाँ खर्च हुने उनीहरुको अनुमान छ । ६ महिनापछि भने माछा बिक्रीबाट १५ लाख रुपैयाँ आम्दानी हुने लामाको अनुमान छ ।

अहिले उनीहरुले थोपल खोलाको पानी सिधै पोखरीमा जम्मा पारेर माछा पाल्दै आएका छन् । खोलामा बिष र करेन्ट लगाएर माछा मार्न नरोकिएकाले आफ्नो ब्यवसायमा समस्या पर्ने उनीहरुको चिन्ता छ ।

लामा भन्नुहुन्छ ‘खोलाको पानीमा बिषादी हाल्दा हाम्रो पोखरीको माछालाई समेत असर पर्छ, यसले हाम्रो ब्यवसाय संकटमा पनि पर्न सक्छ, त्यसैले यसलाई नियन्त्रण गर्न प्रशासनले पहल गर्नुपर्छ ।’

पछिल्लो समयमा जिल्लामा व्यवसायिक माछापालन तर्फ किसानहरुको आकर्षण बढ्दै गएको जिल्ला कृषि विकास कार्यालयले जनाएको छ । वजारको समस्या नभएका कारण माछापालनतर्फ किसानहरुको आकर्षण बढेको हो ।

जिल्लामै व्यवसायिक रुपमा माछापालन शुरु भएपछि भारत र नेपालका तराई क्षेत्रवाट ल्याएर माछा बिक्री गर्ने मलेखुका माछापसलेलाई पनि सजिलो हुने भएको छ ।

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Job Vacancy
Foreign Employment Banner
पछिल्ला समाचारहरु

मेरो पनि भन्नु छ

  • भारतले पाकिस्तान र बंगलादेशको सिमामा पर्खाल लगायो भने नेपालले पाउने भुपरिवेष्ठित देशको अन्तर्राष्ट्रिय अधिकार हनन हुन सक्छ । भारतको कदमले नेपालले आयात गर्ने सबै कुरामा भारतकै भर पर्नुपर्ने हुन सक्छ । त्यसैले सरकारले यो विषयमा अहिल्यैदेखि चनाखो बस्नु जरुरी छ ।

    ​रोशन राइ
  • राजनीति गरेँ भन्दैमा स्कुल तथा क्याम्पसमा आगो लगाउन पाइदैन । आफैले ज्ञान लिने ठाउँमा विनास गरेर के गर्न खोजेका हुन् विद्यार्थी संगठनले ।

    ​दिपा डिएच
  • बिबिसी नेपाली सेवाका प्रमुख रबिन्द्र मिश्र राजनितिमा आउने भन्दा खुसी लागेको छ । हाम्रो आशालाई निरासा नबनाइ दिनु होला । केहि गरेर देखाइदिनु होला ।

    ​लेखराज गिरी
सबै हेर्नुहोस

सोसल मिडिया