जनसरोकार

ncell

बिजुली नहुँदा ४ वटा रेडियो बन्द

लमजुङ, बैशाख २२ - गोरखा सदरमुकाम र वरपरका क्षेत्रमा शनिवार रातीदेखि विद्युत प्रशारण लाईनमा समस्या  आएको छ । तनहुँको आँवुखैरेनी र गोरखा विचको ३३ केभीको विद्युत प्रशारण लाईनमा समस्या आएका कारण विद्युत आपूर्ति बन्द भएको छ ।

विद्युत आपूर्ति बन्द हुँदा गोरखा बजारका सवै सञ्चारमाध्यमहरु बन्द छन् । विद्युत अवरुद्व भएपछि गोरखामा रहेको रेडियो गोरखा, रेडियो मनास्लु, गोरखकाली एफएम र च्वाइस एफएम समेत बन्द भएकाछन् ।

यस्तै सदरमुकामबाट प्रकाशित हुने दरौँदी र सुरुवात दैनिकको आइतवारको अंक प्रकाशित हुन नसकेको गोरखाका संचारकर्मीहरुले वताएका छन् ।

विद्युत आपूर्ति बन्द भएपछि गोरखाका सरकारी तथा गैरसरकारी कार्यालयको कामकाजमा समस्या परेको छ । यस्तै, सदरमुकाममा खानेपानी वितरणमा समेत समस्या आएको छ ।

तनहुँको आँवुखैरेनी देखि गोरखा सम्मको २४ किलोमीटरको बीचमा समस्या देखिएपछि विद्युत प्राधिकरणले प्राविधिकसहितको टोली खटाएको छ । टोलीले समस्या पत्ता लगाएको र समस्या भएको ठाउँमा मर्मतकार्य थालेको नेपाल विद्युत प्राधिकरणको आँबूखैरनी सबस्टेशनले जनाएको छ ।

प्रतिक्रिया दिनुहोस

USAID
पछिल्ला समाचारहरु

मेरो पनि भन्नु छ

  • जब सडक दुर्घटना हुन्छ तब संसदमा खुब चर्काचर्की चल्छ अनि दोस्रो दिनपछि दुर्घटना भएको ठाऊँ नै बिर्सिए झैं गरेर कुरा सेलाउँछ ।

    ​उदय तिवारी
  • उपप्रधानमन्त्री कृष्णबहादुर महराले आफनो चीन भ्रमण सफल भएको भन्नुभयो, तर भ्रमण के आधारमा सफल अनि कसका लागि सफल ? नेताका लागि कि नागरिकका लागि ?

    नविन ढुङगेल
  • झापाको मेची कलेजमा शिक्षक अभावले,एक महिना अघिबाट कक्षा सञ्चालन हुन सकिरहेको छैन । दरबन्दिमा परेका शिक्षकपनि आएका छैनन् । सरकारले किन नपठाइदिएको होला ?

    ​विनोद भट्टराई
सबै हेर्नुहोस

सोसल मिडिया