खेल

Ncell

नेपाल डिभिजन थ्री च्याम्पियन

काठमाडौं, बैशाख २३ – नेपालले आइसीसी वर्ल्ड क्रिकेट लिग डिभिजन थ्री को उपाधि जितेको छ । फाईनलमा युगाण्डालाई पाँच विकेटले हराउँदै नेपालले सबैभन्दा ठूलो उपाधि जितेको हो ।

बर्मुडामा आइतबार राती भएको खेलमा टस जितेर पहिले व्याटिङ गरी युगाण्डाले दिएको एक सय ५२ रनको लक्ष्य नेपालले ६४ बल बाँकी छँदै पुरा गर्‍यो ।  नेपालका लागि प्रदीप ऐरीले सर्वाधिक ६० र शरद भेषवाकरले नटआउट ५० रनको योगदान गरे । पृथु बाँस्कोटाले नटआउट १९ जोडे ।

प्रदीप ऐरी म्यान अफ दी म्याच भए ।  

युगाण्डालाई सस्तैमा समेट्न नेपालका राहुल विश्वकर्मा र बसन्त रेग्मीले समान दुई, पारस खड्का, पृथु बाँस्कोटा र शक्ति गौचनले एक एक विकेट लिए । उपाधिसँगै नेपाल डिभिजन टुमा बढुवा भएको छ ।

अब नेपालले सन् २०१४ को जनवरीमा हुने न्यूजिल्याण्डमा हुने विश्वकप छनौट खेल्नेछ । डिभिजन टू मा बढुवा भएका दुई सहित १० टिमले भाग लिने छनौटमा पहिलो र दोस्रो हुनेले सन् २०१५ मा हुने विश्वकप खेल्न पाउनेछन् ।

उपविजेतामा सीमित  भएपनि यूगाण्डा डिभिजन टूमा बढुवा भैसकेको छ ।

पहिलो खेलमा अमेरिकासँग ९४ रनले पराजित भएको नेपालले दोस्रो खेल युगाण्डालाई सात विकेटले सुम्पेको थियो । तर त्यसपछि लगातार सुधारिएको प्रदर्शन गर्दै तीन खेल जितेर नेपालले ऐतिहासिक सफलता प्राप्त गर्‍यो ।

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
पछिल्ला समाचारहरु

मेरो पनि भन्नु छ

  • सरकार परिवर्तन गर्दैमा कसैले केहि गर्दैन । सबै भोगिएकै त हुन् नी । सरकार ढाल्नुको साटो बरु कसरी सरकारलाई जिम्मेवार बनाउने तिर ध्यान र दबाव दिनु जरुरी छ ।

    एचके बस्नेत
  • ​आगो लागेर बस्तीहरु जलेपछि गरिवले खान पाएका छैनन । भुकम्प पीडित अझै पुननिर्माणको आशामा बसिरहेका छन् तर नेता चाहिँ सत्ताको लोभमा कुर्सी तानातानमै व्यस्त छ्न । खै कहिले लाग्ने हो नेताको घैंटोमा घाम ?

    अञ्जु घर्ती
  • ​सबैजसो सरकारी कार्यालयमा फोन हुन्छ तर कहिल्यै उठदैन । नउठ्ने फोन राखेर किन नागरिक झुक्याउने ?

    नागेन्द्र रिजाल
सबै हेर्नुहोस

सोसल मिडिया