मनोरञ्जन

ncell

जाँ लान्छ कर्मले त्यँही हो मेरो घर...

सूर्यकुमार क्षेत्री/उज्यालो ।

भीरमा लर्क्यो खर, जाँ लान्छ कर्मले त्यँही हो मेरो घर................

चितवनको नारायणघाटबाट काठमाडौं आउने मुल सडकको छेऊमा मादलसंगै यो गीत घन्किदै थियो । ‘मादल पसल’ लेखेको एउटा घरभित्र तयार भैसकेका केही मादल अनि, पसलको बाहिर राखिएको छालामा झिंगा भन्किरहेका छन् । टाढैसम्म गन्हाउने छालासित बिहानैदेखि गाउँदै र बजाउँदै छन् एउटा परिवार ।

मानिसका जीवनमा विभिन्न घटना तथा संयोगहरुले नयाँ-नयाँ मोड लिइरहेका हुन्छन् । तर नारायणघाट चितवनका नारायण बस्नेतको जीवन भने कला र सीपले फेरेको छ ।

बाख्रा, गोरुका छाला र कालो खरीसित खेलिरहेका नारायण बस्नेतको जिन्दगीमा धेरै उतार चढाव आएका छन् । पेट पाल्नकै लागि विदेश पुग्नु भएका बस्नेत अहिले भने स्वदेशमै मादल बनाएर बस्नु भएको छ ।

“भारतमा बसिन्थ्यो, त्यतै गाडी चलाईयो तर पनि राम्रो भएन” आफ्नो विगत सम्झँदै बस्नेत भन्नुहुन्छ, “कमाइ पनि यतै हुने सुख पनि यतै हुने ।”

भारतमा १२ वर्ष गाडी चलाएका बस्नेतले यो पेशा अंगालेको १५ वर्ष भयो । आफ्नो पुर्खाले नगरेको काम गर्दा सुरुमा केही कठीनाई भएपनि अहिले बस्नेतलाई काम गर्न निकै सजिलो छ ।

दलको काम गर्दा छालाको गन्ध आएपनि अहिले भने त्यस्तो लाग्ने नगरेको उहाँको अनुभव छ ।

यतै आएर विवाह गरेका बस्नेतको जीवन यो पेशाले राम्रैसँग परिवर्तन गरिदिएको छ । भारतमा धेरै कमाइ पनि धेरै नहुने र भएको पनि नबच्ने समस्या भएपनि अहिले त्यस्तो अवस्था छैन ।

“मैले जसलाई पनि यहि भन्ने गरेको छु, सीप कहिल्यै पनि मर्दैन’ सीप कहिल्यै पनि नमर्ने अनुभव सुनाउँदै उहाँ भन्नुहुन्छ "पैसा बरु सकिन्छ तर सीप कहिल्यै पनि पुरानो हुँदैन ।”

हुन त आफुले सिकेका सीप अरुलाई नसिकाउने प्रवृत्ति हाम्रोमा छ । तर उहाँले आफुले जानेका सीप अरुलाई पनि सिकाउनु भयो । उहाँले सिकाएकै भरमा सालाहरुले पनि राम्रै कमाइ गरिसकेका छन् ।

बाख्रा, पाडा र गोरुको छालासँग खेल्ने बस्नेत चितवन, नवलपरासी जिल्लाबाट ल्याइएका छालाबाट मादल बनाउनु हुन्छ ।

राम्रो आम्दानी भएपछि बस्नेत परिवार आफन्त पनि यसैतर्फ आकर्षित भएका छन् ।

प्रतिक्रिया दिनुहोस

सम्बन्धित सामग्रीहरु

  • शाहरुख खानलाई भेट्न नपाउँदा तीन घण्टा रुने नेपाली नायिका

    काठमाडौं असोज ११ – नायिका पूजा शर्मा अहिले सिनेमा ‘म यस्तो गीत गाउँछु’ को तयारीमा छिन् । तिहारपछि सूटिङ्ग शुरु हुने यो सिनेमामा उनले अभिनेता पल शाहसँग पहिलोपटक स्क्रिन सेयर गर्दै छिन् ।

  • न्युयोर्कमा घन्कियो नेपथ्य

    न्यूयोर्क, असोज ९ – नेपथ्यले शनिबार अमेरिकाको म्यानहटन सेन्टर, न्यूयोर्कमा सांगीतिक प्रस्तुती गरेको छ । नेपथ्यले आफ्ना नयाँ पुराना गीत गाउँदा त्यहाँ रहेका दर्शक झुमे । ‘सन्तानहरु कहाँ पुग्छन्

  • ​पानीको प्रवाह नगरी यसरी लाग्यो रेखा थापालाई हेर्नेको भिड

    भीमकुमार बाँस्कोटा/ उज्यालो । पाँचथर, ९ असोज – नेपाली चलचित्र जगतमा पकड जमाएकी नायिका रेखा थापालाई हेर्न पानीको प्रवाह नगरी दर्शकको भिड लागेको छ । झमझम परेको पानीको बेवास्ता गर्दै पाँचथरको फिदिममा नायिका थापालाई हेर्न हजारौं झुम्मिए ।

  • ​छक्का पञ्जाको डर सफरलाई पनि

    काठमाडौं, असोज ९ – छक्का पञ्जा सिनेमाले लगातार तेस्रो सातासम्म पनि हलमा राज गरिरहँदा, छक्का पञ्जापछि रिलिज भएका अन्य सिनेकर्मीहरु मर्कामा परेका छन् ।

  • पाँच शहरमा एनसेल मेला, रमाए दर्शक

    काठमाडौं, असोज ९ – मोबाइल सेवा प्रदायक कम्पनी एनसेलले देशका विभिन्न पाँच शहरमा आयोजना गरेको एनसेल मेला २०७३ सम्पन्न भएको छ ।

सबै हेर्नुहोस
USAID
पछिल्ला समाचारहरु

मेरो पनि भन्नु छ

  • काठमाडुको मुलपानीमा क्रिकेट मैदान बन्दै छ भन्दा खुसी लाग्यो । तर बल्ल बल्ल बन्न थालेको मैदानमा आएको समस्यालाई पनि संविधान बनाउन लगाए जस्तो धेरै समय नलगाइयोस् ।

    सागर बराल
  • उज्यालोले नेपाल दर्पणमा सुरु गरेको नयाँ स्तम्भ साना लडाकुका ठूला संघर्ष सुरु गरेछ । शसस्त्र युद्ध लडेका लडाकुको कुरा उठाएको सुन्दा खुशी लाग्यो तर उनीहरुप्रति राज्यले गरेको व्यवहार सम्झिएर अचम्म पनि लाग्यो ।

    ​कुर्घेली कृष्ण
  • चुनाव गर्छौ नभनुन्जेल तयार छौं भन्ने तर मिति तोक्न थालेपछि सकिँदैन भन्ने निर्वाचन आयोग सहितका कर्मचारीका कुरा सुन्दा नाच्न नजान्ने आँगन टेडो भन्ने उखान याद आयो । कर्मचारीले सक्दैनौं भन्नुको साटो तयारीमा लाग्नु राम्रो होला ।

    ​सम्झौना न्यौपाने
सबै हेर्नुहोस

सोसल मिडिया