बाजुरा सदरमुकाममा कर्फ्यू

  • Posted: Tuesday, May 07, 2013 14:33 PM ( 2 years ago )
Total Views: 4.3 K

प्रहरी र स्थानीयबासिन्दाबीच झडप

बाजुरा, बैशाख २४ -  निमेन्द्र शाही/उज्यालो । बाजुरा, बैशाख २४ - बाजुरा सदरमुकामा मार्तडीका सरकारी कार्यालय बन्द गराउने स्थानीयबासिन्दा र प्रहरीबीच झडप भएपछि स्थानीय प्रशासनले कर्फ्यू आदेश जारी गरेको छ ।

कर्फ्यू सदरमुकाम आसपासको क्षेत्रमा वुधवार विहान ५ बजेसम्म कायम रहने जिल्ला प्रशासन कार्यालयले जनाएको छ ।

यसअघि सदरमुकामा मार्तडीका सरकारी कार्यालय बन्द गराउने स्थानीयबासिन्दामाथि प्रहरीले बल प्रयोग गर्दा १३ जना घाइते भएका छन् । प्रदर्शनमा प्रहरीले हस्तक्षेप गरेपछि स्थानीयबासिन्दाले सरकारी कार्यालयमा आगजनी गर्न थालेका थिए । त्यसपछि कर्फ्यू लगाउनु परेको प्रशासनको भनाई छ ।

भौतिक योजना तथा पूर्वाधार विकास मन्त्रालयले साँफे मार्तडी सडकखण्डको वेलिव्रिज पुलको टेण्डर रद्ध गरेको विरोधमा बाजुराका बासिन्दाले तीन दिनदेखि प्रदर्शन गर्दै आएका छन् ।

मंगलवार सदरमुकामका सरकारी कार्यालय बन्द गर्ने क्रममा  शान्तिपूर्ण जुलुशमाथि प्रहरीले लाठी र अश्रु ग्यास प्रहार गर्दा १३ जना घाइते भएको संघर्ष समितिका संयोजक काँग्रेस नेता पदम वडुवालले बताउनुभयो ।

प्रहरीले बढिमालिका वोर्डिङ नजिकै  अश्रु ग्याँस  फायरिङ गर्दा केही विद्यार्थी  वेहोस भएका छन् ।

घाइतेहरुको सदरकुमका मार्तडीमा रहेको स्वास्थ्य संस्थामा उपचार भइरहेको छ ।

१८ वर्ष पहिले  शिलान्यास गरेको साँफे मार्तडी सडक हालसम्म पनि सदरमुकाम मार्तडीसम्म नपुगेको र पुल बनाउन आह्वान भइसकेको टेण्डर समेत रद्द गरेकाले त्यसको विरोध गरिएको बाजुराका बासिन्दाको भनाई छ ।

यो प्रदर्शनमा जिल्लामा सकृय सवै राजनीतिक दलको समर्थन र सहभागिता रहेको छ ।       

पत्रकारको क्यामेरा तोडफोड

प्रहरीले हस्तक्षेप गर्दा नेपाल पत्रकार महा संघ जिल्ला शाखा बाजुराका उपाअध्यक्ष गगन एैडीको क्यामरा तोडफोड भएको छ । लाठी प्रहारबाट उहाँको शरीरमा पनि चोट लागेको छ ।

प्रतिक्रिया दिनुहोस

साहित्य / कला

  • धान र संविधान

    उता, बेलामा मल थिएन बल थियो । पानी थिएन बानी थियो । बीउ थिएन जीऊ थियो ।

  • विश्व कविता दिवस मनाईंदै

    काठमाडौं, चैत ७ - आज विश्व कविता दिवस । नेपालमा पनि साहित्यसँग सम्बन्धित विभिन्न संघ–संस्थाले विभिन्न कार्यक्रम गरी दिवस मनाउँदैछन् ।

  • कथा : सेतो सर्ट कथा : सेतो सर्ट

    महेश्वर चापागाईं - म जागिर पनि खान्न, स्कुल कलेज पनि पढाउदिन,ब्यापार ब्यवसाय पनि गर्दिन । के गर्छस त, हामीले खाई नखाई गरेर तलाई एमएसम्म पढायौं, अब केहि त गर्नुपर्‍यो म दूध बेच्दा बेच्दा थाकिसके, तेरी आमा घाँस बोक्दा बोक्दा रोगी भै सकी तैंले यति धेरै पढेर नि केहि गरिनस भने त हाम्रो दु:खको दिन जाला जस्तो छैन । बाबाले भन्नुभयो ।

  • दार्शनिक कवि माधव मूलको नाममा अक्षयकोष स्थापना गरिने दार्शनिक कवि माधव मूलको नाममा अक्षयकोष स्थापना गरिने

    काठमाडौं, चैत ४ - मृगौलारोगका कारण निधन भएका अन्तरराष्ट्रिय पुरस्कारबाट सम्मानित दार्शनिक कवि माधव मूलको नाममा एक अक्षयकोष स्थापना गरिने भएको छ । मृगौलारोगबाट पिडित साहित्यकारको उपचार खर्चको लागि सहयोग गर्ने उद्धेश्यले अक्षय कोषको स्थापना गरिने उहाँका धर्मपत्नी मन्धरी मूलले बताउनु भयो ।

  • चित्तरंजन नेपाली नेपालभाषा एकेडेमीका नयाँ कुलपति चित्तरंजन नेपाली नेपालभाषा एकेडेमीका नयाँ कुलपति

    काठमाडौं, चैत २ - साहित्यकार नारायण प्रसाद राजभण्डारी चित्तरंजन नेपाली नेपालभाषा एकेडेमीका नयाँ कुलपति हुनु भएको छ । नेपालभाषा एकेडेमीको साधारण सभाले नेपालीलाई कुलपतिमा चयन गरेको हो । त्यस्तै साधारण सभाले निर्वतमान कुलपति सत्य मोहन जोशीलाई एकेडेमीको संरक्षक घोषणा गरेको छ ।

Join us on Facebook