खयर काण्डमा ३७ जनाविरुद्ध मुद्दा

  • Posted: Tuesday, May 07, 2013 17:19 PM ( 1 year ago )
Total Views: 1.3 K

नवलपरासी, वैशाख २४ - जिल्ला वन कार्यालय नवलपरासीले रतनपुर खयर काण्डमा संलग्न ३७ जनाविरुद्ध नवलपरासी जिल्ला अदालतमा मुद्दा दायर गरेको छ ।

आवादीको भन्दै राष्ट्रिय वन क्षेत्रको खयर रुख अवैध रुपमा कटान गरी निकाशी गरेको भन्दै उनीहरुविरुद्ध मुद्दा दायर गरिएको हो ।

रतनपुर ३ का हर्खबहादुर माकिम र चुडामणी खण्डलुक मगरको आवादीको खयर भन्दै कालीगण्डकी किनारको राष्ट्रिय वन क्षेत्रबाट अवैध रुपमा कटान गरी निकाशी गर्दा गएको चैत २८ गते ईलाका प्रहरी कार्यालय गैंडाकोटले दुई ट्रक खयर बरामद गरेको थियो ।

प्रहरीले खयर बरामद गरेपछि जिल्ला वन कार्यालयका सात कर्मचारीसहित ३७ जनाविरुद्ध वन ऐन २०४९ अनुसार कारवाहीको माग गरिएको हो । कार्यालयले जनही १५ लाख ५० हजार रुपैयाँ जरिवाना र एक वर्षको कैदको माग गर्दै मुद्दा दायर गरेको अनुसन्धान अधिकृत मोहनराज काफ्ले जानकारी दिनुभयो ।

तत्कालिन निमित्त जिल्ला वन अधिकृत उपेन्द्र चौधरी, सहायक वन अधिकृत सुरेश गुप्ता ईलाका वन कार्यालय कावासोतीका सहायक वन अधिकृतद्धय बलराम खकुराल र बिष्णु न्यौपाने, मुकुन्दपुर रेञ्ज पोष्टकी सहायक वन अधिकृत भगवती बगाले, फरेष्ट बिष्णु थापा र वन रक्षक टंक गोतामे, नापी कार्यालय कावासोतीका अमिन हरि भट्ट, रतनपुर गाविसका सचिव सुर्य पराजुली गरी नौ कर्मचारी खयर काण्डमा संलग्न रहेको किटानीसहित जिल्ला वन कार्यालयले मुद्दा दायर गरेको छ ।

प्रतिक्रिया दिनुहोस

Join us on Facebook