MENU

राजनीति

Ncell Axiata
USAID

लोकमानको बिरोध चियाको कफमा तुफान ल्याउने प्रयासः प्रचण्ड

भवानीप्रसाद पाण्डे/ उज्यालो ।

रुपन्देही, बैशाख २४ – एकीकृत नेकपा माओवादीका अध्यक्ष पुष्पकमल दाहाल प्रचण्डले अख्तियार दुरुपयोग अनुसन्धान आयोगको प्रमुखका लागि सिफारिस गरिएका लोकमानसिंह कार्कीको बिरोध गर्नुको कुनै अर्थ नभएको बताउनु भएको छ ।

अख्तियारमा कार्कीको सिफासिको सर्वत्र बिरोध भैरहेका बेला प्रचण्डले कार्कीको विरोध गर्नु चियाको कफमा तुफान ल्याउने प्रयास भएको टिप्पणी गर्नुभयो । ‘अनावश्यक कचिङ्ग गरेर चुनावको वातावरण बिगार्न खोजिँदैछ’, रुपन्देहको बनकट्टीमा क्रान्तिकारी पत्रकार संघले मंगलबार गरेको पत्रकार सम्मेलनमा प्रचण्डले भन्नुभयो, ‘कतिपय मानिसहरु चियाको कफमा तुफान ल्याउन खोजिरहेका छन् । अनावश्यक बिबाद सिर्जना गर्दैछन् ।’

अख्तियारमा कार्कीको सिफारिस एकीकृत माओवादीको मात्र नभएको भन्दै प्रचण्डले उच्चस्तरीय राजनीतिक समिति र संवैधानिक परिषदमा सर्वसम्मतीबाटै प्रस्ताव गरिएकोले बिबादको अर्थ नभएको बताउनुभयो । अख्तियारमा प्रमूख नियुक्तिको सिफारिस राष्ट्रपतिले अनुमोदन गर्ने प्रचण्डको दावी छ ।

‘उच्चस्तरीय राजनीतिक समितिमा एमालेबाट पहिलो प्रस्ताव आयो । औपचारिक बैठकमा मधेसी मोर्चाको तर्फबाट प्रस्ताव आयो’, प्रचण्डले भन्नुभयो, ‘संवैधानिक परिषदले एकमतले राष्ट्रपतिकहाँ लगेको सिफारिस संवैधानिक र नैतिक रुपमा राष्ट्रपतिले स्वीकृत गर्नुपर्छ ।’

‘बिरोध गर्दैमा चुनाव रोकिन्न’

प्रचण्डले आन्दोलनरत पक्ष सहमतिमा नआएपनि चुनाव नरोकिने बताउनुभयो । विरोधमा रहेको नेकपा—माओवादी लगायतका दललाई सहमतिमा ल्याउने प्रयास भईरहेको भन्दै प्रचण्डले जति प्रयास गर्दापनि सहमतिमा नआए चुनाव नरोकिने बताउनुभयो ।

‘निर्वाचन यतिबेलाको मुख्य जिम्मेवारी हो । दुईचार दिनभित्रमा चुनावको मिति घोषणा हुन्छ’, प्रचण्डले भन्नुभयो, ‘सबैका असहमतिको सम्बोधन हुन्छ । यति हुँदापनि एकाध पार्टीले अवरोध गरेभने चुनाव रोकिन्न ।’

प्रतिक्रिया दिनुहोस

सम्बन्धित सामग्रीहरु

  • चुनावको सबै तयारी पूरा, मतदानमा सहभागी हुन आयोगको आग्रह

    काठमाडौं, असार १३ – निर्वाचन आयोगले बुधबार हुने चुनावमा मतदान गर्न मतदातालाई अनुरोध गरेको छ । आयोगले मंगलबार पत्रकार सम्मेलन गरी प्रदेश नम्बर १, ५ र ७ का मतदाताका लागि बुधबारको दिन आफ्नो अधिकार उपयोग गर्ने अवसर पनि भएकाले सबैलाई मतदान गरी आफ्ना प्रतिनिधि चयन गर्न आग्रह गरेको हो ।

  • तेह्रथुममा बम पड्कियो

    तेह्रथुम, १३ असार – तेह्रथुमको लालीगुराँस नगरपालिका–५, दाँगपा स्थित सिंहबाहिनी मावि मतदान केन्द्र नजिकै मंगलबार बम पड्किएको छ ।

  • ​जहाँ वडाअध्यक्ष नै जथाभावी फोहोर फ्याँक्छन्

    केही दिनअघि एक बिहान । ललितपुर महानगरपालिकाको वडा नम्बर ५ को एक टोल । भर्खरै सटर खोलेर धुपध्वाँर गरिमात्र सकेको पसल । दिनभरि धेरै सामान बेचौला र नाफा कमाउँला भन्ने सोचिरहेका पसले । अचानक पसलकै सामुन्ने फोहोरको पोको देखिन्छ ।

  • गोपीनाथ मैनालीलाई नैतिक अनुशासनभित्र राख्ने वातावरण बनाउन निर्वाचन आयोगको आग्रह

    काठमाडौं, असार १३ – निर्वाचन आयोगले आयोगका पूर्व सचिव गोपीनाथ मैनालीलाई व्यावसायिक तथा नैतिक अनुशासनभित्र राख्ने वातावरण सिर्जना गर्न सरकार समक्ष आग्रह गरेको छ ।

  • एक दिन दुःख सहेर भएपनि चुनावमा सहभागी हुन आयोगको आग्रह

    काठमाडौं, असार १३ – निर्वाचन आयोगले बुधबार हुने स्थानीय तहको दोस्रो चरणको चुनावमा मतदान गर्न आग्रह गरेको छ । विशेष पत्रकार सम्मेलनमार्फत आयोगले प्रदेश नम्बर १, ५ र ७ मा बुधबार हुने चुनावको तयारी पूरा भएको जानकारी दिँदै मतदातालाई भोट खसाल्न आग्रह गरेको हो ।

सबै हेर्नुहोस
Nepal Life Insurance
Job Vacancy
पछिल्ला समाचारहरु

सोसल मिडिया