काठमाडौ, बैशाख २५ – कृषि अनुसन्धान एवं प्रविधि प्रदर्शनी बुधबारदेखि ललितपुरको खुमलटारमा सुरु हुँदैछ ।

नेपाल कृषि अनुसन्धान परिषद् नार्कले आफ्नो वार्षिकोत्सवको अवसरमा किसान दिवसका रुपमा पहिलो पटक प्रदर्शनी गर्न लागेको हो ।

किसानहरुलाई बाली, बागवानी, पशु तथा मत्स्यका नौला प्रविधिबारे जानकारी दिने उद्देश्यले गर्न लागेको प्रदर्शनीमा २५ भन्दा बढी स्टल रहने नार्कले जनाएको छ ।

प्रदर्शनीमा कुखुरा, खरायो, माछा, नौला एवं सुधार गरिएका अन्य पशुपन्छी, अन्नबाली, तरकारी, फलफुल, मह, चिया, कफी लगायत उत्पादनको आधुनिक प्रविधि प्रदर्शन गरिनेछ ।

किसानहरुले खेती तथा पशुपालनमा भोगेका प्राविधिक समस्याका बारेमा वैज्ञानिकहरुसँग प्रत्यक्ष कुराकानी गर्न सक्नेछन् भने बिउ बिजन तथा अन्य कृषि सामाग्री पनि सुपथ मुल्यमा उपलब्ध गराइने नार्कले जनाएको छ ।

बुधबार १ बजेदेखि नागरिकका लागि प्रदर्शनी खुला हुने र बिहीबारदेखि भने बिहान ११ बजेदेखि प्रदर्शनीको अवलोकन गर्न सकिनेछ ।