MENU

राजनीति

Ncell Axiata
USAID

उज्यालोको निर्वाचन विशेष वेबसाइट सुरु

काठमाडौ, कात्तिक ८ – संविधानसभा चुनाव सम्बन्धी जानकारी दिने र यसमा आम नागरिकलाई नै प्रत्यक्ष रुपमा सहभागी गराउने उद्देश्यले उज्यालो मल्टिमिडियाले विशेष वेबसाइट सुरु गरेको छ ।

विशेष वेबसाइट www.election.ujyaaloonline.com को निर्वाचन आयुक्त ईला शर्माले उद्घाटन गर्नुभयो ।

आयुक्त शर्माले निर्वाचन सम्बन्धी सूचना नागरिकमा पुर्‍याउन आयोगलाई चुनौती रहेको अवस्थामा उज्यालोले शुरु गरेको कामले सहयोग पुग्ने विश्वास व्यक्त गर्नुभयो ।

‘अहिले सूचना प्रवाह हाम्रो गम्भीर चिन्ताको विषय हो’ आयुक्त शर्माले भन्नुभयो ‘यो वेबसाइटले आयोगकाको काममा पनि सहयोग पुग्ने विश्वास लिएका छौं ।’  उहाँले निर्वाचन आयोगले एक हप्ताभित्रै सूचना केन्द्र खोल्ने पनि जानकारी दिनुभयो ।

नयाँ बेवसाइटमा चुनाव सम्बन्धी विस्तृत समाचार, आउँदो संविधानसभा चुनावमा भाग लिने दलहरुको विवरण, उम्मेदवारको सूची राखिएको छ भने मतपरिणाम पनि राखिनेछ ।

इन्टरनेटमा पहुँच भएका र स्वदेश तथा विदेशमा रहेका नेपाली र नेपालको चुनावका बारेमा चासो राख्ने बिदेशीलाई चुनावी गतिविधिबारे छिटो भन्दा छिटो अनलाइन र रेडियोमार्फत जानकारी दिने उद्देश्यले तयार पारिएको वेबसाइट नेपाली र अंग्रेजी दुवै भाषामा उपलब्ध छ ।

वेबसाइटमा राजनीतिक दल बारेको जानकारी, उनीहरुको घोषणापत्र, २ सय ४० वटै निर्वाचन क्षेत्रको चुनावी गतिविधि, उम्मेदवारको सूचि, उम्मेदवारको व्यक्तिगत विवरण, चुनावी गतिविधिको नियमित अपडेट तथा चुनावी परिणामको अपडेट हेर्न सकिनेछ ।

यसैगरी आफ्नो क्षेत्रमा भइरहेको चुनावी गतिविधि, उम्मेद्वार र पार्टीका बारेमा आम नागरिकले टेलिफोन, इमेल, सामाजिक सञ्जाल– फेसबुक, ट्वीटर लगायतबाट जानकारी दिन सक्नेछन् ।

वेबसाइट प्रयोगकर्ताले शेयर गरेका आवाज, फोटो, भिडियो र लिखित विचार अनलाईनसँगै रेडियोको चुनाव विशेष कार्यक्रममा पनि सामेल गरिनेछ ।

यसमा स्वदेश र विदेशमा रहेका नेपाली तथा चुनावप्रति चासो राख्ने विदेशी पनि सहभागी हुन सक्ने उज्यालो मल्टिमिडियाका कार्यकारी अध्यक्ष गोपाल गुरागाईंले जानकारी दिनुभयो ।

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Foreign Employment
पछिल्ला समाचारहरु

मेरो पनि भन्नु छ

  • नेताहरुको चाला हेर्दा स्थानिय तहको चुनाव गर्ने कुरा नाटक मात्रै हो कि जस्तो लागेको छ । हामी कहिलेसम्म जनप्रतिनिधी विहिन हुनुपर्ने हो कुन्नी ?

    ​अविकिरन डिसी
  • सोलिडारिटीकप जितेका खेलाडीलाई सरकारले ३ लाखका दरले पुरस्कार दिएको सुन्दा खुसी लाग्यो । ढिलै भएपनि सरकारले राम्रै काम गरेको छ । खेलाडीको सफलतामा हौसिएर पुरस्कार घोषणा गर्ने तर नदिने प्रथाको अन्त्य हुनुपर्छ ।

    ​देवेन किशोर अन्जान
  • दयाहाङ राई र सौगात मल्ल उत्कृष्ट नायक भएको खबर सुनेर लाग्यो, चिल्लो गाला र ठुलो पाखुरा देखाएर ठुलो स्वरमा चिच्याउँदैमा फिल्म चल्दैन। यदि अभिनय जान्दैन भने कसैको केही लाग्नेवाला छैन ।

    ​तिर्थ अधिकारी
सबै हेर्नुहोस

सोसल मिडिया